ማህሌት ስር ቅዳሴ ላይ
ሌላ ቦታ አታነጊም
ቤተ መቅደስ የእግዜር ብቻ
የሰው መሆን አትፈልጊም
አላገኘሽ አንድም እንኳን
ለባህሪሽ ሚሆን አቻ
አዚያዚያሙ የሚገዛሽ
የደብርሽ ዲያቆን ብቻ
እምነት ሰቶሽ በስልጣኑ
በልብሽ ላይ አሳትሞ
ሲያስቀና ክርስትናሽ
እኔን ብሎ አማኝ ደግሞ

እንደ ሴቱ አትታበይ
ተኳኩለሽ አትታዪው
ተንበርክከሽ እያነባሽ
ለማን ነበር ምትጸልዪው?

የደብርሽ ዛፍ እርግቦች
እንደ እህት ነው የለመዱሽ
ታውቂዋለሽ መምሬ እንኳን
እንደ ልጅ ነው የሚወዱሽ
ሁሉም ሴቶች አስመሳዮች
እሁድ ጠዋት መንፈሳዊ
የሰማዩን አባት ምህረት
እያሰቡት በሰዋዊ
በንግስ እለት ወለም ዘለም
በቁልምጫ ለማወደስ
የማታዋን አትመስልም
ጠዋት ማያት ቤተ መቅደስ
የነጠላ ፋሽን እንጂ
የሚፀልይ የለም የምር
እስከዛሬ ካየኋቸው
ክርስትና ባንቺ ሲያምር

በየት በኩል አበጀሽው
የእሳቱን መግቻ ልጓም
ማይመለስ ወጣትነት
ብልጭልጩ አያጓጓም?

እርጋታሽ ነው ቅጥረ ሰላም
ትህትናሽ የተስፋ በር
ሳታጠፊ ተንበርክከሽ
ምትጸልዪው ለማን ነበር?

✍Mikiyas

@Myppoem

ይህች የኛ ዓለም
እጀ ጠባብ እጀ ሰፊ
አንዱን አጉራሽ
አንዱን ገፊ

የት ድረስ ላፍቅርህ?

ሀብል ልግዛ ለልብክ
ሽቶ ይሁን ይነስነስ ጠረንክ?
ምን ድረስ ላፍቅርክ
የአለም ገፅ ላይ ይስፈር ያ ምስልክ
አቅፌ ቤርሙዳን ላሻግርክ?
እኮ እስኪ ንገረኝ የት ድረስ ላፍቅርክ?
የቱ ይሆን ያነሰክ?
የት ድረስ ላፍቅርክ የት ድረስ ልናፍቅክ?

✍️N.D.

@Myppoem

መሠረተ ፍቅር

እኔና ባለቤቴ ስንደሰት ተቃቅፈን ስናዝን ተላቅሰን የምንኖርበት ትዳር ድንገት ተነስቶ ተቀቅሎ እንዳደረ ድንች እጅ እጅ አለኝ።ይሄን ስሜት ወደእኔ ያስተጋባው አብረውኝ የሚሰሩ ሴቶች ህይወት ነበር።ምንም እንኳን ከእነሱ ማነሴ አሳስቦኝ ባያውቅም በቅፅበት ግን የህይወት ለውጥ ማድረግ አለብሽ የሚል ድምፅ አንሾካሾከልኝ እኔም እሺ ብዬ ተቀበልኩ።

ጠዋት ከተኛሁበት ተነስቼ መኝታ ቤቴን ስቃኘው እንደምፈልገው መሆኑ ቀርቶ መሆን ከሌለበት በላይ ተመሰቃቅሏል።ውዱ ባሌ ማታ ጠጥቶ መምጣቱን አስመልክቶ ይቅርታ ለመጠየቅ የተጎዘጎዘ አበባ በማየት ፈንታ ማታ በእርግጫ ሲል የበተነው ግማሽ ማዳበሪያ ዱቄት ባቡር ቤት አልጋ አንጥፌ የተኛው እስኪመስለኝ ድረስ መላው ቤቱ ነጭ ተቀብቷል።
ባለቤቴም ማታ በአልኮል ያቃጠለውን ጨጓራ ጠዋት በሁለት ሊትር ውሃ ይቅርታ ይጠይቀዋል።😊

ብቻ መሰልቸት ይሁን መበቃቃት ባላውቀውም ድሮ ያልታየኝ ሁሉ ይታየኝ ጀምሯል።የባለቤቴ ፀባይ፣ቤቱ፣የቤቱ እቃ ሳይቀር አስጠልቶኛል።ለነገሩ ምን እቃ አለና እሱን ሳገባው ቤቱ የጠበቀኝ አንድ ሻይም ሽሮም የሚፈላበት ድስትና እንደ ውሻ ምላስ የሳሳ ፍራሽ ብቻ ነው😁።

ሳህን ማጣት ይሁን እውቀት ማጣት ባልገባኝ ሁኔታ ምግብ እንኳ ያቀርብ የነበረው በዛችው እንደ ማራገቢያም፣እንደ ግጣምም፣አንዳንዴ እንደ እሳት መጫሪያም በምታገለግለው የድስት ክዳን ነው 😂።

እኔም የፍቅር መሰረቱ ፍቅር ነው ብዬ ያገባሁት ባሌ መሠረት እንደሌለው ሲገባኝ ገንዘብ የሌለው አገባሽ ብለው ቤተሰብና ጓደኛ የቦጨቀኝ በጆሮዬ ላይ ሲያቃጭል ከችግሬ ብዛት ሶፍት ነጥዬ መናፈጥ ስጀምር፣ እንደ ዜና አሳታሚ ድርጅት በጋዜጣ በተለጣጠፈ ቀዳዳ ግድግዳ ባለው ቤት መኖሬ እየከፋኝ ሲመጣ ስራ ፈትነት ሳይሆን ሀሳብ ፈትነት ያመጣብኝን ፍልስፍና በትልቁ ፅፌ ሰቀልኩ።ፍቅር መሠረት የለውም የሚል ፅሁፍ ቢኖሮው እንኳን የእኔና የባለቤቴ መሰረት የለሽ ፍቅር በመሆኑ ለመፍታት በወሰንኩ በሶስተኛው ሳምንት ባሌ ሲጠጣ ካገኘው አንድ ሎተሪ አዟሪ ላይ የገዛው ሎተሪ ወጣለት።😳

ታዲያ ገንዘቡ ችግራችንን ብቻ ሳይሆን አስተሳሰባችንንም ፋቀልን ብል ይቀላል።ምክንያቱም የፍልስፍና ቀስቴን ዞር አድርጌ ፍቅርማ መሠረት አለው አልኩ 🙈።

ለነገሩ አፍቃሪ እንጂ ፍቅር መሰረት አላጣም።

✍️N.D.

Join & Share 🙏

@Myppoem
@Myppoem
@Myppoem

ህይወት ዥዋዥዌ አንዴ ግራ አንዴ ቀኝ
የቱ ጋ ነህ ብሎ ጊዜ ሲጠይቀኝ
መሐል ተቀምጬ ምን ልሁን ጨነቀኝ
የቱ ጋ ሆኜ ነው
ሙቀቱ ሲበርደኝ ብርዱ የሚሞቀኝ።

Join & Share 🙏

@Myppoem

ሰባት ጊዜ ወድቃ
ያሬድን ትል አስተማረች
ህይወት ግን በኔ መረረች
ስንቴ ነው የምትጥለኝ
ሰባቴ አይደለም ጭራሽ ሰባውም ወድቀቴ አነሳት
ምን አለ ከኔ ብትማር የሰውን አለመነሳት።

✍️B.Z

Join & Share 🙏

@Myppoem
@Myppoem
@Myppoem

ምታቸው የጎላ አንዳንድ እንቅፋቶች

እባጭ የሚስሉ እሽት ያጡ ምቶች

ወላንሳ ካሎንሽኝ መቼ ይድኑና

ልቀመጥ ካንቺ ስር አትቅጪኝ በሂድ ና