ስሚኝማ አንድ ነገር ላማክርሽ ምክር ስጪኝ አለችኝ ከተቀመጥኩበት ፊትለፊት ተቀምጣ።

ምን?

ከሶል ጋር እኮ ተጣላሁ ያውም በራሴ ጥፋት

ምን አርገሽ?

እሱ ሲጠራኝ አሞኛል ከቤት አልወጣም ብዬ ከሰፈራችን ልጅ ጋር መንገድ ላይ አይቶኝ ተናደደብኝ።

መንገድ ላይ ስላየሽ ከተናደደ በጣም ይወድሻል።

እሱን ተዪውና ምን ላድርግ?አለች

ይቅርታ ጠይቂው አልኳት

ይቅር አይለኝም።

እግሩ ላይ ውደቂ

ምን በወጣኝ ገደል አይገባም ከፈለገ አለች።

እንደዛ ከሆነ ገደል ይግባ ተዪው።

ለምን እተወዋለሁ?

አሁን ገደል ይግባ አላልሽም ?
እራስሽ ገደል ግቢ እኔ ምክር ጠየኩሽ እንጂ አሟርቺ ብዬሻለሁ?አለችኝ።

እራስሽ እኮ ነሽ ያልሽው።
ገደል ይግባ ትያለሽ እንዴ?እኔ ብሞት ይሻለኛል እሺ

ትችያለሽ

አንቺ ግን ከኛ ያለሽ ችግር ምንድነው?

ምንም አልኳት።

ቅናት ነው እንዲህ የሚያደርግሽ? ድሮም ሰው ሲጣላ ከማስታረቅ ማጋጋል ነው ደስ የሚለው ሀበሻ።

ዝም ብዬ የያዝኩት ወረቀት ላይ ትኩረቴን መለስኩ።

አንቺን ብሎ ፀሀፊ! የሚፅፍ ሰው እንዲህ ያለ የወረደ አስተሳሰብ የለውም እሺ።

እሺ።

ለነገሩ የት ይገባሻል boyfriend የለሽ

እባክሽ ከቻልሽ ተዪኝ አልኳት በልመና መልኩ

ድሮ ማን ያዘሽ ? ምክር ስጪኝ ብልሽ ገደል ግቡ አልሽኝ።
ድንቄም ጓደኛ።

እግሩ ላይ ከምወድቅ ገደል ይግባ አልሽ፣ገደል ከሚገባ እኔ ልሙት አልሽ እኔ ምን አረኩሽ ?ከቻልሽ ከዚህ በላይ አትጨቅጭቂኝ ስላት

ይቅርታ እንደመጠየቅ ጭራሽ ታባርሪኛለሽ?

ምን አጥፍቼ ነው ይቅርታ የምጠይቀው?

ገደል ግቡ አልሽ እኮ ወይስ እራስሽ ገደል ልትከቺን ነው ከዚህ በላይ? ለእኛ ገደልን ትመኛለሽ?ክፉ.................

አንዳንድ ቀን እንዲህ ያሉትም ይገጥማሉ ከቸር ሰው ጋር በቸር ያውላችሁ።🙏

✍️N.D.

@Myppoem
@Myppoem
@Myppoem

ስቀን የወሰድነውን አስቀምጠን የኋሊት
ትዝታ መርዝ ነው ትዝታ መድሀኒት።

✍N.D

@Myppoem

የጠይም ሰው ቢሉኝ ምንጭ ውሃ ጠጣሁ
የቀይ ሰው ቢሉኝ በርበሬ በላሁ
የጥቁር ሰው ቢሉኝ አቦሉን ጠጣሁ
ለዛ ለቀይ-ዳማ መድሀኒት አጣሁ።

Join & Share

@Myppoem

ለመላው የክርስትና እምነት ተከታዮች እንኳን ለጥምቀት በዓል በሰላም አደረሳችሁ።