“አንኳኩቼ አላገኘሁም” አትበል፡፡ ብቻ የለመንከው፣ ደጅ የጠናኸው አንተ የምትወደው ሳይሆን እግዚአብሔር የሚወድልህ ይሁን፡፡ ወደ እግዚአብሔር የተዘረጋ እጅ ፈጽሞ ባዶውን አይመለስም፡፡ ስለዚህ ራስህን፣ ልመናህን ምን ዓይነት እንደሆነ ፈትሽ እንጂ አንኳኩቼ አላገኘሁም አትበል፡፡ እንኳንስ ንጹሐ ባሕርይ የሆነው እግዚአብሔር ክፋት የሚስማማው ምድራዊ አባትም ለልጁ ጀሮውን አይደፍንም፡፡

አስቀድሞ ሕያዊት ነፍስን “እፍ” ብሎ እንዲሁ የሰጠን ጌታ፣ ኋላም ተቀዳሚ ተከታይ የሌለው አንድ ልጁን ሳይራራ ከሰጠን እንደምን በዚህ ይታማል? እንደምንስ አይሰጠንም እንላለን? /ሮሜ.8፥32/፡፡ ልጁን የሰጠው እኮ ጭራሽ “ስጠን” ብለው ላልለመኑ አሕዛብም ጭምር ነው፡፡ ታድያ እንዲህ የምንለምን እኛማ እንዴት አብልጦ አይሰጠንም? የሚበልጠውን ሰጥቶን ሳለስ እንደምን ትንሹን አይሰጠንም እንላለን? ስለዚህ ከእኛ የሚጠበቀውን ሳናደርግ “እግዚአብሔር ጸሎቴን አይሰማም” የሚል የሰነፎች አባባል የምንናገር አንሁን፡፡ ጆሮን የፈጠረ ይሰማል!”

ቅዱስ ዮሐንስ አፈወርቅ

ንጹም ወንጸሊ ወንጸመዶ ለእግዚአብሔር በየዋሃት ወበፍቅር ከመ አበው ቀደምት እለተባልሑ እምኀጢአት በአርምሞ ተግኅሡ እመንሱት ትርጉም ከኀጢአት ወጥመድ እንዳመለጡ ቀደምት አበው እንጹም እንጸልይ በፍቅርና በቅንነት ኾነን እግዚአብሔርን እናገልግለው እነርሱ በአርምሞ (በትዕግሥት/በዝምታ )ከጥፋት ድነዋልና። ጾመ ድጓ ዘቅዱስ ያሬድ

ጾም
ማለት በቃ ጾም ነው።ሁሉንም ልይ፣ሁሉንም ልስማ ፣ሁሉንም ልናገር፣ሁሉንም ልብላ ልጠጣ፣ሁሉንም እኔ ካልነካካሁት ከማለት መታቀብ፣መጠንቀቅ ፣መከልከል ነው ።ከተድላ ዓለም መለየትና በክርስቲያናዊ ሕይወት ለመኖር በጠባብ በር በጽናት መጋደል ነው ።

አብሮን የሚዋጋ ንጉሣችን አማኑኤል
አብሮን የሚሠራ ጌታችን ኢየሱስ ነው❤