🎯🎯🎯ለአባላት እና ለምዕመናን የተዘጋጀ መንፈሳዊ ጉዞ🎯🎯🎯
#ወደ_አካኩ_ቅድስት_አርሴማ_ገዳም *🎯*የጉዞው ዓይነት:- ደርሶ መልስ የንግስ ጉዞ

🎯ታህሳስ 6 ቀን 2017 ዓ.ም

🎯መነሻ ሰዓት ጠዋት 12:00

🎯መመለሻ ሰዓት ከንግስ በኋላ**

👉በሰንበት ት/ቤቱ ጽ/ቤት በመቅረብ እንዲሁም በ📲**0966708298፣ 0988044464 በመደወል ፈጥነው ይመዝገቡ!

አዘጋጅ:-የደብረ ሲና ቅዱስ እግዚአብሔር አብ ካቴድራል ዕፀ ጳጦስ ሰንበት ት/ቤት**

ኒቆዲሞስ ዛሬም ይጠይቃል

?ርክበ ካህናት

በኢትዮጵያ ኦርቶዶክስ ተዋሕዶ ቤተ ክርስቲያን ሥርዓትና ትውፊት መሠረት የቅዱስ ሲኖዶስ ምልዓተ ጉባዔ በዓመት ሁለት ጊዜ  ይካሔዳል።

በየዓመቱ የሚካሔዱት ሁለቱ  ጉባዔያት  አንደኛ  ቋሚ በሆነ ቀን በጥቅምት 12 ሲጀምር ሁለተኛው ግን የአጽዋማቱን አዋጅ ተከትሎ በሚወጣው የባሕረ ሐሳብ ቀመር መሠረት በዓለ ትንሣኤ በዋለ 25ኛ ቀን ይከናወናል።

ዘንድሮ ርክበ ካህናት የቅዱስ ሲኖዶስ ምልዓተ ጉባዔ ነገ ግንቦት 21/2016 ዓ/ም የሚጀምር  ዛሬ ከሰዓት በኋላ በቅዱስ ፓትርያርኩ መሪነት ሥርዓተ ጸሎቱ ተከናውኗል።

በተጨማሪም፡-

?የቅዱስ ሲኖዶስ ምልዓተ ጉባኤ የፕትርክና መንበሩ ከግብፅ ወደ ኢትዮጵያ ከመጣበት ከሰኔ 21/1951 ዓ/ም ጀምሮ  አስቸኳይ ጉባዔያትን ሳይጨምር 128 መደበኛ የቅዱስ ሲኖዶስ ምልዓተ ጉባዔያት መካሔዳቸውን ታሪክ ያስረዳል።

?ከእነዚህ መደበኛ የቅዱስ ሲኖዶስ ምልዓተ ጉባዔያት መካከል በቅዱሳን ፓትርያርኮች ርእሰ መንበርነት የተመሩ ሲሆን  በሁለት የተለያዩ ዓመታት ግን የቅዱስ ሲኖዶስ ምልዓተ ጉባኤ ፓትርያርክ ባለመኖሩ ምክንያት በአቃብያነ መንበር በብፁዓን አባቶች ተመርተዋል።

?አንደኛው ብፁዕ ወቅዱስ አቡነ ቴዎፍሎስ ፓትርያርክ በወቅቱ በነበረው አገዛዝ ምክንያት  በግፍ ለግዞት ስለተዳረጉ ግንቦት 11 ቀን 1968 ዓ/ም የዋለውን ርክበ ካህናት የቅዱስ ሲኖዶስ ምልዓተ ጉባኤ አቃቤ መንበር በነበሩት በብፁዕ አቡነ ዮሐንስ የመላ ትግራይ  ሊቀ ጳጳስ ርእሰ መንበርነት ተመርቷል።

?ሁለተኛው ብፁዕ ወቅዱስ አቡነ ጳውሎስ 5ኛው የኢትዮጵያ ኦርቶዶክስ ተዋሕዶ ቤተ ክርስቲያን ፓትርያርክ  ነሐሴ 10/2004 ዓ/ም ከዚህ ዓለም ድካም በማረፋቸው ምክንያት የጥቅምቱ 12/2005 ዓ/ም የቅዱስ ሲኖዶስ ምልዓተ ጉባዔን የወቅቱ አቃቤ መንበር የነበሩት ብፁዕ አቡነ ናትናኤል የአርሲ ሀገረ ስብከት ሊቀ ጳጳስ  በርእሰ መንበርነት መርተዋል።

?የቅዱስ ሲኖዶስ ምልዓተ ጉባኤ  በቤተ ክርስቲያን ታላላቅ ጉዳዮች ውሳኔ የሚሰጥበት ሲሆን እምነት የማጽናት ሥርዓትን  ማስጠበቅ አስፈላጊ ከሆነም መሻሻል ያለባቸውን ጉዳዮች  የማሻሻል ሥልጣን ያለው የቤተ ክርስቲያን የበላይ አካል ነው።

“በገዛ ደሙ የዋጃትን የእግዚአብሔርን ቤተ ክርስቲያን ትጠብቁአት ዘንድ መንፈስ ቅዱስ እናንተን ጳጳሳት አድርጎ ለሾመባት ለመንጋው ሁሉና ለራሳችሁ ተጠንቀቁ።”

ሐዋርያት ፳፥፳፰

©️ የአዲስ አበባ ሀገረ ስብከት ሚዲያ

"ኢንኅድግ ማኅበረነ ዕፀ ጳጦስ"