የአብስራ
FAITH HOPE LOVE
الإيمان أمل الحب ~ ?
? @yeabsra_tsega
በዩቲዩብ
https://www.youtube.com/@Yeabsira_Tsega
ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው።
@tikvahuniversity
@tikvahethAfaanOromoo
@tikvahethmagazine
@tikvahethsport
@tikvahethiopiatigrigna
#ኢትዮጵያ
Last updated 3 weeks, 4 days ago
ለማንኛውም አስተያየት እና ጥቆማ ? @Esat_tv_comment_bot
??ኢሳት የኢትዮጵያ አይን እና ጆሮ??
Last updated 1 month, 1 week ago
Last updated 2 months, 1 week ago
<<...ፀሃይ...>>
“ፀሃይ ትመስለኛለች...”
"እኔን ወንድሜ ሴቶችኮ ያቃጥላሉ ፀሃይ ባትመስልህ ነበር የሚገርመኝ...”
“ቀልድ አንተ...”
"ከልቤ ነው ባክህ ምን እልቀልዳለሁ...”
እሷን እያሰበ ፈገግ አለ...
ጣልቃ ገባበት...
“አሁን ግን የት ናት?”
"ምን አውቄ ብለህ...”
“ታድላ የት እንዳለች ሳያውቅም በፅኑ የሚወዳት ሰው አለላት”
"ተው አትቅናባት... ምናልባት አንተንም እንዲህ የት እንዳለህ ሳታውቅ የምትወድህ ትኖር ይሆናል”
“የለችም... እኔ እድሌን በደንብ አውቀዋለሁ... በዛለይ እኔ የሩቅ ፍቅር ምናምን ብዙ አይመስጠኝም...”
"ሞኝ...”
"አቤት?”
የቢሮው መስኮትጋ ወደተቀመጠው ወዳጁ ተጠጋ...
“አቤት አባባልህ ደስ ይላል... ምንም ሆነ ምን ግን ፍቅር ደስ ይላል እሺ አቤት ባዩ ወንድሜ”
ፈገግ አለ...
“አንተ”
"እ?”
“ለካ ወደህ አይደለም ቦታህን ወደዚህ ቀይረህ እዚህ'ጋ ተቀምጠህ የቀረኸው”
"ማለት”
"በዚህ መስኮት ወደውጪ ሲታይ ደስ ይላል እንደዛሬ አስተውዬው አላውቅም...”
"አዎ ኣ ደስ ይላል በጣም...”
"ኧረ ፀሃዩዋ ስታምር ወገግ ብላ ስትወጣ”
“እንዲህ ነውኮ ያልኩህ... እሷም የጠዋት የክምረት ፀሃይ ትመስላለች።”
~ ~ ~
...
“ካንተጋ ነው መሄድ የምፈልገው...”
"ወዴት?”
ኩርፊያ...
ጥቂት ዝምታ...
ብድግ ያለውን እርሱን ተከትላ ብድግ አለች...
አያት ማንም ምንም ቢላት አርፋ የምትቀመጥ አትመስልም።
እንባ ባቀረሩ አይኖቿ ኮቴውን ተከተለች...
እየሄደ መሆኑ ብቻ ሳይሆን እየራቀ መሆኑ በተሰማት ቅፅበት ሮጣ በራቸው'ጋ ደረሰች...
እውነትም ገና ካሁኑ እየራቀ ነው...
መከፋት የተጫነው ድምጿን ከፍ አድርጋ እንዲህ አለች።
“ከአንተጋ ነው መሄድ የምፈልገው...”
ዞረ...
“ወዴት እንደምሄድ ታውቂያለሽ?”
"አላውቅም...”
"እና የእኔ ንፁህ ነፍስ?”
“ግን በቃ ከአንተጋ ልሂድ...”
ለማሳዘኗ ፈገግ አለላት።
በሩ ስር የተቀረቀረ ነጠላ ጫማዋን ፈልቅቃ አወጣውችና፤ በችኮላ የልጅ እግሯን አጥልቃበት ሮጣ ተከተለችው። እንባዋ ከአይኖቿ ብቻ ሳይሆን ከትንሽዬ ልቧም መድረቅ ጀመረ...
~ ~ ~
<<...ሰበብ...>>
በእርምጃቸው መሃል...
እጆቿን አጎንብሶ አያቸው...
አላየችውም... አይኖቿ ጎዳናው ላይ በዝግታ መንከራተት አላቆሙም...
እሱም ቀና አለ...
መንገዳቸውን እንደቀጠሉ ነው...
የእጁን ጣቶች በአየሩ ላይ እያራመደ ወደእጇ መራቸው...
አልደከማትም... በጥቂቱ የፈካውን ሰማይ ስታይ ፈገግም አለች።
ይፈራ የለ እጁን ወደራሱ ሰበሰበ።
“ምነው ዝም አልክ?...”
“እ?... አንቺም... አንቺም ዝም ብለሻል”
ጎኗ የሚራመደውን እሱን አየችው...
መራመዱን ቀጠለ...
“ደርሰሻል...”
“እሺ በል ደህና ሁን...”
ሄደች።
በዚህች ብዙ በምታስቀይም፤ በምታስመርርና በምትጠላ አለም ውስጥ ጥቂት የሚያሳሳና ለመኖር የሚያነሳሳ ስውር ሰበብ አለ... ለእሱ ከሰበቦቹ አንዱ ይሄ ቀዝቃዛ ስንብት ነው።
~ ~ ~
...
“ሊሆን ይችላል...”
“ሊሆን ይችላል አትበል ይሆናል በል...”
"እንዴ ገና ምንም የታወቀ ነገር በሌለበት...”
"እኮ የታወቀ ነገር ሳይኖር አንተ ምን አውቀህ ነው ጥርጣሬ ላይ እንዲህ ክችች ያልከው... አርፈህ ይሆናል በል...”
"እህ እኔ እንደዚህ አይነት ነገር ደስ አይለኝም...”
"አየሃ ችግርህን...”
"ምን ልትል?”
"ያንተ ችግር አንተ ራስህ ነህ...”
"እሱን መች ካድኩ የብዙዎቻችን ችግርኮ ራሳችን ነን... አንተ ግን አሁን ከራስህ አልፈህ እኔም ላይ ችግር ለመሆን እየሞከርክ ነው...”
"የራስህ ጉዳይ ለውጥ ካልፈለክ እንዲህ መቀጠል ትችላለህ...”
ዝም ተባባሉ...
እጅግ በስሱ ተኮራረፉ...
"ታያለህ ግን ያኔ ሲሳካ እኔ ብቻ ነኝ ብዬ ነበር ማለት የምችለው... አንተ ሊሆን ይችላል ብቻ ማለትህን እንዳትረሳ...”
"ኣሃ ኣሃ አንተ!... ብለን ነበር እንድንል ፈልገህ ነው እንዴ አሁን የምታደርቀኝ...”
"አፈርኩብህ ወንድሜ... ጨርሶ ብሩህ እይታ እንደሌለህ እንዴት እስካሁን አልተገለጠልኝም...”
"ምናልባትም ሰዎች ሁሌም ሁሉ ነገር ላይ ብሩህ ትንበያ ብቻ ይሰጣሉ ብለህ ስለምትተነብይ ነዋ የሚሆነው...”
“መልካም ቀን እሺ... ዞር በል በቃ ከሱቄ ላይ...”
“ሲጀመር የስራ መግቢያ ሰአቴ እየደረሰ ነው እዚህ ቆሜ ላንተ ደንበኛ ስስብ ልውል አላቀድኩም በል ደህና ዋል...”
"ካንተ'ጋ ለሚሰሩት አዘንኩላቸው ሂድ ሰላም ሁን...”
ዞር ብሎ ስቆ አይቶት መንገዱን ቀጠለ።
~ ~ ~
<<...ላፍቅርሽ?...>>
“አሁን አትጨቃጨቂኝ...”
"ምንም ጭቅጭቅ አይደለም ይሄ”
"ነው እንጂ ከዚህ በላይ መጨቃጨቅ አለ እንዴ...”
ከተቀመጡበት የካፌ በረንዳ ወደ መንገደኞች ተመለከተ...
“እ ልሂድ?”
“አይ ካልሽ ሂጂ ከወሰድሽም ውሰጂኝ ሴትዪት...”
“ቀንስልኝና...”
“ከዚህ በላይ አስተያየት ማድረግ አልችልም 2000 ስልሽ እንዲህማ የለም ስላልሽ እኔም አማራጭ የለኝም ብዬ በአንዴ 1000 አደረኩልሽ...”
"150 ያዋጣሃል?”
"አይ በፍፁም!... ደንበኛን ብቻ ንጉስ ያደረገው ማነው?... እኔም ብሆን ንጉስ ነኝ... ከሺህ ዓመት ውጪ አልሰማሽም ነው ምልሽ... ”
ፈገግ አለች...
"ደረቅ ከእኔ ውጪ ደንበኛ ያለህ አትመስልም...”
"ባይኖረኝስ... በዪ ሂጂ 1000 ቅር ካለሽ...”
"እሺ ግን ታያለህ አንድ ሺህ አመት እኔም አንተም አንኖርም...”
"ባንኖርስ... 150 ዓመት ብቻ ላፈቅርሽ ከተነሳሁማ ዕድሜ ሰጥቶኝ 149 ዓመት ላይ ስደርስ ታታክቺኛለሽ...”
ሳቀ።
"እንቢ እንደውም እሺ... አንድ ሺ'ህ አይደለም መቶ ሺ'ህም ዓመት ላፍቅርሽ ብትለኝ አልፈልግም... እሄዳለሁ...”
“ኧረ ባክሽ የእኔ ጨቅጫቃ...”
እንደልጅ አኮረፈች...
ፈገግ ብሎ አያት...
ፈገግ አለች መልሳ...
"እሺ ንግስት ሆይ...”
"ምን ልትል?”
"አሁን ላፍቅርሽ?”
“መቶ ሃምሳውስ አመት?”
"እንደአሁኑ አፈቅርሽ ዘንድ እ?”
እጆቿን በጠረጴዛው አስታካ ወደእሱ ላከቻቸው...
ተያያዙ።
~ ~ ~
<<...ከአባቶች ሁሉ በላይ...>>
ልጅ የአሳዳጊ እናቱን ጉልበት ተደግፎ እንደተቀመጠ ነው።
“ዛሬ ምን ተማራችሁ?”
"የት?”
"ትምህርት ቤት ነዋ አቢቲዬ”
"እ ትምህርት ቤት ስለቤተሰብ አባላት... ግን ደስ አይልም ነበር...”
“ለምን ምነው?”
"ተሳቀብኝ...”
“ማን አባቱ ነው አንተ ላይ የሳቀው አቢቲዬ”
“ደሞኮ ሳልሳሳት ነው የተሳቀብኝ”
"ምንድነው እስቲ ንገረኛ?”
ፀጉሩን እየዳሰሱት ሊሰሙት ተሰናዱ...
“አስተማሪያችን አስነስቶኝ አክስት ምንድነው አለኝ”
"እሺ ምን አልክ ከዛ...”
"አላውቅም መምህር አልኩ እውነቴን ነበር አልተሳሳትኩምኮ ነበር ግን ሁሉም ተማሪ ሳቀ... ጓደኛዬ ሳይቀርኮ ስቋል”
“አንተ አላጠፋህም እነሱ መልስህ ስላልገባቸው ነው የሳቁት እሺ... ሳቁብኝ አትበል...”
"አስተማሪያችን ግን ትልቅ ሰው አይደል አትሳቁበት አይላቸውም ነበር? ስቀው እስኪጨርሱ ጠብቆ ነውኮ ተቀመጥ ያለኝ...”
"ተወው እሱም መልስህ አልገባው ይሆናል... ከዛስ ግን አክስት ምን ማለት እንደሆነ አስተማራችሁ?”
ጭንቅላቱን ላይና ታች ነቀነቀ...
“ከእንግዲህ ግን ሁሉንም ከትምህርት ቤት ብቻ እስክትማር አትጠብቅ እኔም የምችለውን እመልስልሃለሁ... ማወቅ ስትፈልግ ይረዱኛል ብለህ ለምታስባቸው ሰዎች ጠይቅ... ደሞ ከምንም በላይ እግዚአብሔርን ከጠየከው መልስ ለታጣለት ጥያቄህ ሁሉ መልስ ይሆንሃል እሺ...”
"እሺ...”
"በል ንፍሮህን ዝገን እንዴት ነው ዛሬ ረሳህኮ ስንዴ ለቀማህን...”
ቆነጠረ... ወደአፉ ላከ...
"ግን ግን እናትአለም?”
"እ...”
"አስተማሪው ይሄን ስለምታውቁት መናገር አይጠበቅብኝም ብሎ በደንብ ሳይነግረን ያለፈው አልገባኝም...”
"ምንድን ነበር እሱ?”
"አባት ግን ምን ማለት ነው?”
ያልጠበቁት ጥያቄ አስደነገጣቸው... ዝም አሉ... ቆዩ... አይናቸው እንባ አቀረረ...
“ይሄንን ሰው አይመልስም ለእግዚአብሔር ነው የምጠይቀው?...”
“እ?”
"የክፍል ጓደኞቼና አስተማሪያችን መልሱን ያወቁት እግዚአብሔርን ጠይቀው ነው?”
"አቢቲዬ መልሱ መላሹ ነው እሺ...”
ስላልገባው በልጅ አይኖቹ ቁልጭ ቁልጭ አለ...
“ከአባቶች ሁሉ በላይ የሆነ አባት እግዚአብሔር ነው ልጄ...”
የተጨበጠ እጃቸውን ዘረጉና መዳፋቸውን እያሳዩት...
"በል ያዝ ላንተ ብዬ የለቀምኩልህን ስንዴ...”
"እንዴ አትልቀም ሁሉንም ብላ ትዪኝ አልነበር ራስሽ ለቅመሽልኝ ነው እናትአለም”
በደስታ ከእጃቸው ላይ ዘገነ።
~ ~ ~
YOUTUBE TIKTOK INSTAGRAM
✍? የአብስራ ፀጋ
@yeabsira_tsega
አዲስ - ቪድዮ
ህይወት በዚህ የለም!
https://youtu.be/A4zexzr0B1Y?si=LaxjvwDFgYO9qaR2
~ ~ ~
YOUTUBE TIKTOK INSTAGRAM
✍? የአብስራ ፀጋ
@yeabsira_tsega
“...አሁን አሁን በደንብ እየገባኝ ያለው ሰው ሁሉ ሚስኪን እንደሆነ ነው... አለው የተባለለት፤ ጎደለው የሚባልለት፤ ኧረ ምንም የለውም የሚባለውም በመንገድ ሁሉ ላይ የማየው ሰው ሁሉ የምር ከልቤ እያሳዘነኝ ነው... ተሞኝቼ አይመስለኝም የሚሰማኝን ሁሉ በቃላት ለመግለፅ አልተቻለኝም መሞከርም አልሆነልኝ ምናልባት ወይ ጊዜው አይደለም ይሆናል... ለመዘርዘርም ባልሞክር የተሻለ ነው ግን አንድ ነገር ደግሜ ማለት እፈልጋለሁ ሰው ያሳዝናል'ኮ...”
ግንቦት ፲፭
~ ~ ~
YOUTUBE TIKTOK INSTAGRAM
✍? የአብስራ ፀጋ
@yeabsira_tsega
ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው።
@tikvahuniversity
@tikvahethAfaanOromoo
@tikvahethmagazine
@tikvahethsport
@tikvahethiopiatigrigna
#ኢትዮጵያ
Last updated 3 weeks, 4 days ago
ለማንኛውም አስተያየት እና ጥቆማ ? @Esat_tv_comment_bot
??ኢሳት የኢትዮጵያ አይን እና ጆሮ??
Last updated 1 month, 1 week ago
Last updated 2 months, 1 week ago