የብልፅግና ፓርቲ ስራ አስፈፃሚ ኮሚቴ ስብሰባ፣ ዛሬ በአዲስ አበባ ይጀምራል

በመጭው ጥር ወር ላይ የሚደረገውን ጉባየና በወቅታዊ ጉዳዮች በቅርቡ በተገበረው የኢኮኖሚ ማሻያ ዙሪያ ይመክራል ተብሎ ይጠበቃል ሲሉ ምንጮቻችን ነግረውናል ።

ጠ/ሚ ዐቢይ (ዶ/ር) የኢትዮጵያ ጉብኝታቸውን ላጠናቀቁት የፈረንሳዩ ፕሬዚዳንት ሽኝት አድርገዋል‼️

የኦሮሚያ ክልል ሀገራዊ ምክክር የአጀንዳ ማሰባሰብ ምዕራፍ ነገ ይጀምራል

የኢትዮጵያ ሀገራዊ ምክክር ኮሚሽን የኦሮሚያ ክልል ሀገራዊ ምክክር የአጀንዳ ማሰባሰብ ምዕራፍ በነገው ዕለት በአዳማ ከተማ ይጀምራል።

በመድረኩ ከክልሉ 356 ወረዳዎች የተመረጡ ከ7 ሺህ 500 በላይ የህብረተሰብ ወኪሎች በ4 ቡድኖች ተከፍለው የሚመክሩ መሆኑን የኮሚሽኑ ኮሚሽነር አምባሳደር መሐሙድ ድሪር ለመገናኛ ብዙኃን በሰጡት መግለጫ ላይ ተናግረዋል።

የኢትዮጵያ አየር መንገድ በጉዞ ላይ የነበረ አውሮፕላን ባጋጠመው የቴክኒክ ችግር ወደ አዲስ አበባ ተመልሶ ቦሌ አለም አቀፍ አየር ማረፊያ በሰላም ማረፍ መቻሉን አሳውቋል‼️

የበረራ ቁጥሩ ET 612 የሆነ የኢትዮጵያ አየር መንገድ አውሮፕላን ታህሳስ 05 ቀን 2017 ዓ.ም. ከአዲስ አበባ ወደ ዱባይ በሚያደርገው በረራ ከተነሳ ከ30 ደቂቃ በኋላ የቴክኒክ ችግር ስላጋጠመው ወደ አዲስ አበባ ተመልሶ ቦሌ አለም አቀፍ አየር ማረፊያ በሰላም ማረፍ መቻሉን አሳውቋል።

ለጥንቃቄ ሲባልም መንገዶኞች እና የበረራ ሠራተኞች በአስቸኳይ ከአውሮፕላኑ እንዲወርዱ ተደርጓል ሲልም አየር መንገዱ በመግለጫው የገለፀ ሲሆን ።

በዚህ አጋጣሚ መንገደኞች ለደረሰባቸው መጉላላት አየር መንገዱ ይቅርታ የጠየቀ ሲሆን የቴክኒክ ችግሩ በመጣራት ላይ መሆኑን አሳውቋል ።

የኢትዮጵያና የሶማሊያ ድርድር በስኬት ተጠናቀቀ

ጠቅላይ ሚኒትር ዐቢይ አሕመድ (ዶ/ር) በዚህ ወቅት እንዳሉት የኢትዮጵያና የሶማሊያ ህዝቦች በቋንቋ በባህል እና በደም የተሳሰሩ መሆናቸውን አንስተው አገራቸው ለጋራ ሰላምና ልማት ከሶማሊያ ጋር ለመስራት ቁርጠኛ መሆኗን ተናግረዋል፡፡

ኢትዮጵያ የባህር በር በሰላማዊ መንገድ ለማግኘት የምታደርገውን ጥረት ለቀጣናው ምጣኔ ሃብታዊ እና ማህበራዊ ትስስር የጎላ ሚና እንደሚጫወት አንስተዋል

የሶማሊያው ፕሬዚዳንት ሃሰን ሼክ ሞሃሙድ በበኩላቸው ለሁለቱ ሃገራት ሁለንተናዊ ተጠቃሚነት ሰላም ቁልፍ ጉዳይ መሆኑን አንስተው ከኢትዮጵያ መንግስት እና ህዝብ ጋር በጋራ ጉዳዮች ላይ በትብብር ለመስራት ቁርጠኛ መሆናቸውን ተናግረዋል፡፡

መንግስታቸው የኢትዮጵያ ወታደሮች ለሶማሊያ ሰላም መጠበቅ የከፈሉትን መስዋዕትነት እንደማይዘነጋው እና በቀጣይም ሰላምን ለማፅናት ለሚረገው ጥረት ቁርጠኛ መሆናቸውን ተናግረዋል፡፡

ፕሬዚዳንት ረሲፕ ጣይብ ኤርዶሃን:- ሁለቱ ሃገራት የፈረሙት የስምምነት ሰነድ ትብብርን፣ ምጣኔ ሃብታዊ ልማትን እና ብልጽግናን የሚያረጋግጥ መሆኑን ተናግረዋል፡፡

የተሰጠው የመጨረሻ ማስጠንቀቂያ ዛሬ ያበቃል !

የአዲስ አበባ ቤቶች ልማት ኮርፖሬሽን በተለያዩ ጊዜያት በእጣ እና በጨረታ ተላልፈው ነዋሪ ያልገባባቸው የጋራ መኖሪያ ቤቶች የቤት ባለቤቶቹ እንዲገቡባቸው የሰጠው የመጨረሻ ማስጠንቀቂያ ዛሬ ህዳር 30/2017 ዓ/ም ያበቃል።

ኮርፖሬሽኑ በሰጠው የመጨረሻ ማስጠንቀቂያ የቤት ባለቤቶቹ ወደ ቤታቸው የማይገቡ ከሆነ በህግ አግባብ ውል የሚቋረጥ መሆኑን መግለጹ ይታወሳል።

ቀደም ብሎ የተሰጠው ገደብ ጥምቅት 30 የነበረ ቢሆንም ቤታቸውን አድሰው ለመግባት የጊዜ እጥረት ላጋጠማቸው የቤት ባለቤቶች ተብሎ እስከ ህዳር 30 ተራዝሞ ነበር።

ይህ ለመጨረሻ ጊዜ የተሰጠ የጊዜ ገደብ መሆኑን ኮርፖሬሽኑ የገለፀ ሲሆን ፤ በተሰጠው የጊዜ ገደብ ውስጥ የማይገቡ ነዋሪዎች የሽያጭ ውላቸው የሚቋረጥ እና በቤታቸው ውስጥ ለሚፈጸም ማንኛውም ህገወጥ ድርጊት ተጠያቂ እንደሚሆኑም ተናግሯል።

የቤት ባለቤቶቹ ቤታቸውን አድሰው መግባትም ይሁን ማከራየት እንደሚችሉም መናገሩም የሚታወስ ነው።

በአዲስ አበባ ከተማ በተለያዩ አከባቢዎች የተሰማው የጦር መሣሪያ ድምፅ የመንግስትን የሰላም ጥሪ ተቀብለው ወደ ተሃድሶ ሥልጠና ማዕከላት በሚጓዙ የቀድሞ የኦነግ ታጣቂ ቡድን አባላት የተሰማ መሆኑን የአዲስ አበባ ፖሊስ አስታወቀ ‼️

በአዲስ አበባ ከተማ በተለያዩ አከባቢዎች የተሰማው የጦር መሣሪያ ድምፅ የመንግስትን የሰላም ጥሪ ተቀብለው ወደ ተሃድሶ ሥልጠና ማዕከላት በሚጓዙ የቀድሞ የኦነግ ታጣቂ ቡድን አባላት የተሰማ መሆኑን የአዲስ አበባ ፖሊስ ኮሚሽን አስታውቋል፡፡

መንግሥት በሀገሪቱ የተለያዩ አከባቢዎች ታጥቀው ለሚንቀሳቀሱ ቡድኖች ባቀረበው የሠላም ጥሪ መሠረት የኦነግ ታጣቂ ኃይል አባላት የሰላም ጥሪውን ተቀብለው በስፋት እየገቡ መሆኑ ይታወቃል።

የታጣቂ ቡድኑ አባላትን ወደ ተዘጋጀላቸው የተሃድሶ ስልጠና ማዕከላት የማጓጓዝ ስራ በስኬት እየተከናወነ ይገኛል።

በዚህ መሀል ታጣቂዎቹ አዲስ አበባ ከተማን አቋርጠው ወደ ስልጠና ማዕከላት በሚንቀሳቀሱበት ወቅት እየጨፈሩና የደስታ ስሜት እያሰሙ ሲንቀሳቀሱ የተኩስ ድምጽ በማሰማታቸው በከተማው ነዋሪ ህዝብ ላይ ድንጋጤና መረበሽ ሊፈጠር መቻሉን ፖሊስ ገልጿል።

ለተፈጠረው የዜጎች ድንጋጤና መረበሽ ይቅርታ የጠየቀው የአዲስ አበባ ፖሊስ፤ በቀጣይ ተመሳሳይ ችግሮች እንዳይፈጠሩ ከፍተኛ ጥንቃቄና የማስተካከያ እርምጃ የሚወሰድ መሆኑን አስታውቋል።

የብሔሮች፣ብሔረሰቦችና ሕዝቦች ቀን ጠቅላይ ሚኒስትር ዐቢይ አሕመድ (ዶ/ር) በተገኙበት እየተከበረ ነው

19ኛው የብሔሮች፣ ብሔረሰቦችና ሕዝቦች ቀን ጠቅላይ ሚኒስትር ዐቢይ አሕመድ(ዶ/ር) በተገኙበት በአርባምንጭ ከተማ እየተከበረ ነው።

የብሔሮች፣ብሔረሰቦችና ሕዝቦች ቀን "ሀገራዊ መግባባት ለህብረብሔራዊ አንድነት" በሚል መሪ ሀሳብ ነው እየተከበረ የሚገኘው።

ተአምረኛው የጃንሆይ የጃማይካ ጉዞ ሚስጥሮች! - ዶኪዩመንታሪ ፊልም | Haile Selassie Visit To Jamaica

https://www.youtube.com/watch?v=xwct6Kl0VU0