.....እነሆ የእውቀት ጮራ ሲደበዝዝ የጥይ ብልጭታ ይሆናል....ብረቶችን ማጭድ አድርጎ የሚያበጃቸው አንጥረኛ ጩቤ አቅላጭ ጎራዴ ቀጥቃጭ ጦረኛ በመሆን ለከንቱ ይለፋል። ገበሬም አውድማ ላይ አይታይም።ነጋዴም መሳሪያ ያዘዋውራል።ሀኪምም ቁስለኛ ጠጋኝ ..መካነ መቃብራትም ሙታኖቻቸውን ለመቀበል አፎቻቸውን ከፍተው ሽርጉድ ይላሉ.....✍️

ሕዋ✍ቴ

የሀሳብ ውልብታ ፥ ቅጽበተ ሽውታ
ፍጡነ ብልጭታ ፥ ድንገቴ ኮሽታ
ላንደኛው በረከት ፥ ለሌላው በሽታ✍️ሕዌ..ቴ

አንተ የኔ አለቃ ገብረሃና ነህ የጥርሶቼን ሸለፈት የምታስወግድ አለችኝ...እኔም አንቺ የችግሮቼ ሁሉ ማዘንጊያ ልዕልቴ ነሽ አልኳት.....✍️**

ሕዋ  ቴ✍

ህልሜን ስጠነስስ-መጥመቂያ ገንቦዬን ሳላጥን
ለትልሜ ማስቀመጫ - ሳላበጃጅ
ሰንዱቅ-ሳጥን
ምኞቴን ሳንተከትክ - በቅጥ ሳልከድን በራዴን
እንጀራዬን ስጋግር - ሳላሟሸው ምጣዴን
አይን አዋጅ ሆኖብኝ አለም - በሁሉ አስገባሁ እጄን
ያልተቋጨ ነገር አብዝቼ -በጅምር አበዛሁ ደጄን!

ህዋ......✍️

በጉዞዬ ፦
አቅጣጫ እንኳን አልጠይቅም
ለምን ቢሉ መሄጃዬን ከቶ
አላውቅም
የሚጠፋኝ መዳረሻ ስለሌለኝ አልጨናነቅም?

ቴ✍

''አይነጋ መስሏት''
ነውሯን ''በቋት'' ተጠዳዳችው
በፅልመት ተገን
ረስታ ነገን
ጭንቋን አራግፋ ገላገለችው
ጎህ ቲቀድማ ተዋረደችው
ወቸው ጉድ ?

ቴ✍️

አዲስ ዘ አሮጌ

አዲሱ ጫማዬ ገና ከወዲሁ ርዕደ ጫማ ተከስቶበታል
መርዶ ምሰማበት ያ ተለቭዥኔም መብራት ጠፍቶበታል
አስቤዛ ለቤቴ የሚያስገባው እጄም እጅግ እጅ አጥሮታል
ዋጋ ንሮበታል
በጅማሬ ቀኔ ብዙ ብዘረዝር ምንስ ግብ ይመታል
ብቻ ያምናው አመት እጁን ባውዳመቴ አስገብቶበታል?

ቴ✍
መ1

....ደግሞ አንቺ ኢትዮጵያ የበጋው ወር መስከረም ክረምቱን ሸኝቶ በፀሐዩ ፀዳል ታጅቦ የአደይ አክሊል ደፍቶ ብሩህ ሆኖ ሲመጣልሽ... አንቺ ግን የጥይቶች እንጉርጉሮ፣
የመፈናቀል ነጠላ ዜማ፣የዘረኝነት አልበምሽን ፣የድህነትን ቀረርቶ የምትለቂበት ተሆነ ግን እውነት እውነት እልሻለሁ ያስገባሽው ወር 2017 ሳይሆን ....የ1977 ማስታወሻ እንደሆነ ከወዲሁ ልገልጥልሽ እፈልጋለሁ።?

ቴ✍

መ1

መስከረም ?

ወርሃ መስከረም አበባው
ፈ
      ን
           ድ
                 ቆ
አዳፋውን ጥሎ አዲስ ካባ
አ
      ጥ
             ል
                   ቆ
የተስፈኛውን ጧፍ
የህልመኛን ፋኖስ በፅናት ለኩሶ*

የምድሪቱን ንጣፍ
በአደይ አልብሶ*

ሞቆ

ደምቆ

አሸብርቆ
አብረቅርቆ

ስቆ
ደመና ቀንሶ ፀሀይ እያበዛ
ኪነ ፍጥረታቱን አድምቆ እያወዛ
ወርሀ መስከረም በኩር ለወራቱ
ሽክ ብሎ መጣ በሐበሻ ኩራቱ
መስከረም ሲመጣ ለበኩርነቱ
ለክቡርነቱ ፍሪዳው ተጣለ
ዶሮውም ተባርኮ በሐዋሪያት ቁጥር ተገነጣጠለ
ሀገር ሙክት ጠቦት ቁርጡን ሲቆርጥ ዋለ
ቋንጣ ዘለዘለ....
ለምለም ሳር ቄጠማ ተጎዘጎዘ ተነሰነሰ
ቡናው ተፈልቶ
ፈንዲሻው ፈክቶ
ሉባንጃው ጬሰ
አረቄ ጠጁ ጠላ መውደዱ
ህጣን አዋቂ ሴትና ወንዱ
ተሰባሰበ ዘመድ አዝማዱ
የሩቅ ባዕዱ...
እንደ ልማዱ እንደመንገዱ
ተዘጋጀለት ሁሉ እንደሆዱ
ዘፈን በአይነት ቅኔም ጎረፈ
በአል በሙላት ተትረፈረፈ
አደይ መስከረም ኢዮሀ አበባ
እየተባለ መስከረም ገባ
መስከረም ጠባ.....

(ቴ ) ቴዎድሮስ ✍

እሰይ !
አሹ !
እንኳን !
በሰላም አደረሳችሁ

"እውነቱን ለመናገር ቀን በበቀን ዓመትባ'ል ነው
ፀሐይ በምስራቅ ወጣ በምዕራብ እስከምትገባ... ."

፦ Pamfalone ቀዳማዊ