Кітап оқып отырып ойыма демалыстың бір күні өтіп кеткені, арғыкүні қайта дүйсенбі басталатыны түсіп, ертеңгі жексенбі тым аз көрінді. Бір кезде оқып отырған оқиғамда мейірімді кейіпкерлер көбейіп кетті. Сол-ақ екен, ертең тағы бір күн демалыс екеніне қуанып кеттім.

Былтырлары бұзықтықтан алдына жан салмайтын, сабақ бойы салғыласып отыратын бір оқушым бар еді. Биыл сол баланы "Мағжан оқуларына" жазып қойып едім. Тағы бір апайы басқа бір жарысқа жазып қойыпты. Ол баланың биыл уақыты жоқ.Бұзықтыққа шамасы жоқ. Дайындығына…

Киелі әпкемнің жаңа арнасы

Бір таныс қызбен сөйлесіп отырмын. Оның сөздерінің 90 % "тоқал". Оның ойынша, еркек атаулының бар ойы сол. Қыздың тәні болса болды. Ол жүдеді екен, тоқал іздейді екен. Сонда, тазалық қане? Махаббаттың қайда қалғаны? Адам жануар сияқты үйкеле бере ме, басқа құндылық жоқ па?

Мен қанша түсіндіргеніммен ол қыз мың дәлел тауып айтты. Оның сөзіне сенсем, махаббатқа адал жігіт таба алмайды екем. Жақсы жігіт тапсам да ол бірнеше жылдан кейін тоқал алам деп шығады екен. Бұл дәлелденген екен-мыс). Ұқпаймын, қабылдамаймын. Осы диалогтан соң өзімнің жігіт достарым туралы ойладым. Жоооқ, оларды ондайға қимақ түгілі, елестете алмаймын. Демек, ол қыздың айтқаны ақиқат емес. Бірақ, оған жаным ашып кетті.

Махаббатқа сенетін адамға мұндай сандырақтар өтпейді.
Жүрегіңді сақта,
Жүрегімді сақта♡.

Автобусқа оқушылар шулап кірді. Бір-біріне сөз бермей сөйлеп жатыр, сөйлеп жатыр. Бейсаналы түрде орнымнан атып тұрып "Тәйт" деп дауыстап жіберіппін. Аналар тып-тыныш. 😆.

Әркез көңілсіздік басқанда осы. Оқушы күнгі реніштерім қалқып шығады.

Мұндай жасыру дегендері оқушы шақта ғана болған шығар. Бірақ, олар кейіннен ұмытылды. Студент шақта ешкімді есім кете сүймедім, оқу бітіріп жұмыс істеп жүрмін. Көңілім еріп, ұнатқаныммен, ол миымнан шықпайтындай, жүрегім сыздайтындай жақсы көрмедім ғой. Көргенде көзің сүйсініп, басқа уақытта оның бар екенін ұмыту —сүю емес қой. Тек, сұлулыққа, сымбаттылыққа елтіген көңіл болар. Бұл ғашықтық емес қой.
Неге, неге шын сезімдер жоқ??? Шын, ұқпаймын.

Жо, былай қарасаң әділетсіз ғой. Осыған дейін албырт сезімдердің болмауы, олар туралы ойдан құрастыру әділетсіз ғой.

Мен неге ғашық бола алмаймын, достар?! Мен неге махаббат туралы жазғанда сезініп емес, қиялдап жазуым керек?! Неге әлдебіреуді сүйіп, оған жайып сала алмаймын.

Соңғы бірнеше күн мені шексіз бақытты қылған оқиға осы.