Біз жақсы өмірге сабырмен жеттік!

Омар ибн әл-Хаттаб (Алла разы болсын)

📚 Имам Ахмад. Зуһд

Хадисте “Ең жақсы ғибадат — дұға” дейді. Біз көбіне оның қабыл болуын ғана ойлаймыз. Соған қарай құлшынысымыз артып, кеміп отырады. Бірақ оның өз алдына бір ғибадат екенін ұмытып кетеміз!

Егер пенде ауырып қалса немесе сапарға шығып кетсе, сау кезінде, тұрғылықты жерінде істеп жүрген ізгі істерінің сауабы жазыла береді.

📚 Хадис. Бұхари

Жайбарақат уақытта Құран оқып, мешітке барып жамағатпен бірге намаз оқып, жақындарыңа көмектесіп т.с.с. ізгі істерді көбірек істей бер. Ауырып қалсаң да, сапарда жүрсең де сол істердің сауабын ала бересің.

Амандықта, саулықта болайық 🤲🏻****

Ұсама деген сахаба әңгімелейді: Біз Пайғамбардың ‎ﷺ алдында бейне бір төбесінде құс қонып тұрған адамдай қозғалмай, бірде біреуіміз үндемей (уағызын ұйып тыңдап) отырған едік. Бір кезде бір топ адам келді де: “Алланың құлдарының ішінде Аллаға ең қатты ұнайтыны кімдер?”, — деп Пайғамбарға ‎ﷺ сұрақ қойды. Сонда ол кісі оларға: “Мінезі ең жақсылары”, — деп жауап берді.

Табарани

Күшті иман — жақсы мінез тудырады.

М. Ғазали

Бір құдси хадисте Алла Тағала былай дейді:

“Мен намазды тек

• Менің ұлықтығымның алдында бас иген,

• Менің құлдарыма жоғарыдан қарап тәкаппарланбаған,

• күнә істеп Маған қасарысыпаған,

• күні бойы мені зікір еткен,

• кедейлерге, жолда қалған жандарға, жесірлерге мейірім көрсеткен,

• қайғыға душар болғандарға жаны ашып, қамқорлық қылғандардан ғана қабыл етемін”.

Әл-Баззар

Ең жақсы адам — басқаларға пайдасы ең көп тиетін адам.

Хадис

Адам күліп тумайды, туа сала күлмейді.
Үйренеді күлуді, бірақ күліп өлмейді.

Адам жылап туады, жатады жұрт жұбатып,
Және жылап өледі, өзгені де жылатып.

Жылайтыны туарда – жамандар бар қинайтын,
Жылайтыны өлерде – жақсылар бар қимайтын.

Қадір Мырза Әлі

Сүлейменнің құсы бір қауымның Ислам қабылдауына себепкер болды. Ал бір түйір құмырсқа Сүйлеймен әскерінің бағытын бұрды. Сол сияқты қарға Адамның балаларына жерлеуді үйретті. Кит Юнус пайғамбарға қамқор болды. Піл Қағбаны қиратудан бас тартты. Кей адамдар малдан да төмен деген осы шығар…

“Ойлар”

Бес күндік дүние шіркіннің он күндік арпалысы бар.

Ғабиден Мұстафин