ማክሰኞ ታሕሳስ 15 ቀን 2017 በአሐዱ የዩቲዩብ ገጽ ላይ ይጠብቁን!

#ልዩ_ቃለ_ምልልስ
#ከፖለቲከኛ_ጃዋር_መሀመድ_ጋር!

የአሐዱ ዩቲዩብ ቻናልን ሰብስክራይብ በማድረግ እንዲሁም የደውል ምልክቷን በመጫን ይጠብቁን!
👉https://m.youtube.com/@AHADUTVNETWORK

#Exclusive_Interview#With_politician_Jawar_Mohammed
Coming on December 23, 2024 on the AHADU TV YouTube channel.

Don’t miss it—Subscribe now and stay tuned!
👉 https://youtu.be/AQ8NLONVpIY?si=BkKY6wRV5_eFYWJN

#Ahadu #Jawar_mohammed

የኦሮሞ ነጻ ሠራዊት (ኦነግ ሸኔ) አባላት በሀገራዊ የምክክር መድረክ ላይ መሳተፍ ጀመሩ

ታሕሳስ 13/2017 (አሐዱ ሬዲዮ) መንግሥት በህዝብ እንደራሴዎች ምክር ቤት "ኦነግ ሸኔ" ሲል በአሸባሪነት የፈረጀውና ራሱን "የኦሮሞ ነፃነት ሠራዊት ጦር" እያለ የሚጠራው ታጣቂ ቡድን አባላት፤ በቅርቡ ከኦሮሚያ ብሄራዊ ክልላዊ መንግሥት ጋር የሰላም ስምምነት ማድረጋቸው ይታወሳል።

የኢትዮጵያ ብሔራዊ ምክክር ኮሚሽን ዛሬ ባስጀመረው ሁለተኛ ምዕራፍ የምክክር መድረክ ላይ ከተለያዩ ባለድርሻ አካላት ጋር የተወያየ ሲሆን፤ ቀደም ሲል በክልሉ ታጥቀው ሲንቀሳቀሱ የነበሩና በቅርቡ ከመንግሥት ጋር የሰላም ስምምነት ፈፅመው የተመለሱ አምስት ጃል ሰኚ ቡድን አባላትም በምክክር መድረኩ ተሳትፈዋል።

ታጣቂዎቹ በመድረኩ ላይ ባደረጉት ንግግር ሀገራዊ የምክክር መድረክ ላይ በመሳተፋቸው ደስተኛ መሆናቸውን የገለጹ ሲሆን፤ "መድረኩ አጀንዳዎችን ለማቅረብ እና ለመመካከር ጥሩ አጋጣሚ ነው" ብለዋል።

በኦሮሚያ ክልል ላለፉት ዘጠኝ ቀናት ሲካሄድ በቆየዉ የመጀመሪያ ምዕራፍ በርካታ የህብረተሰብ ክፍሎች የተሳተፉ ሲሆን፤ የመጀመረያው ዙር መጠናቀቁን ተከትሎ ከባለድርሻ አካላት ጋር የሚደረገው ሁለተኛው ምዕራፍ የምክክር መድረክ ዛሬ በይፋ ተጀምሯል።

በዚህ መድረክ ከ1700 በላይ የባለድርሻ አካላት ወኪሎቼ መሳተፍ የጀመሩ ሲሆን፤ የክልሉ የምክክር ባለድርሻ አካላት የሚባሉት የተመረጡ 320 የህብረተሰብ ወኪሎችን ጨምሮ፣ የፓለቲካ ፓርቲዎች፣ የመንግሥት ተወካዮች፣ የተፅዕኖ ፈጣሪ ግለሰቦች ወኪሎች እንዲሁም የማህበራትና ተቋማት ወኪሎች ተገኝተዋል።

በምክክሩ ላይም በኦሮሚያ ክልል ታጥቀው ሲንቀሳቀሱ የነበሩና ከመንግሥት ጋር ስምምነት ፈፅመው ወደ ማህበረሰቡ የተመለሱ፤ የጃል ሰኚ ቡድን አምስት የኦነግ ሸኔ አመራሮች መሳተፍ ችለዋል።

ዛሬ የተጀመረው የባለድርሻ አካላት የምክክር መድረክ እስከ መጪው ማክሰኞ ታሕሳስ 15 ቀነሰ 2017 ዓ.ም ድረስ በቡድን በሚደረጉ ምክክሮች የሚቀጥል ሲሆን፤ ማክሰኞ ዕለት ባለድርሻ አካላቱ የኦሮሚያ ክልል አጀንዳዎችን ለይተው ለሀገራዊ ምክክር ኮሚሽኑ ያስረክባሉ ተብሎ ይጠበቃል፡፡

በፅዮን ይልማ
#አሐዱ_የኢትዮጵያውያን_ድምጽ

ትክክለኛዎቹን የአሐዱ ራዲዮ የማህበራዊ ሚዲያ ገጾች በመቀላቀል ቤተሰብ ይሁኑ!
ፌስቡክ: https://www.facebook.com/ahaduradio
ድረ ገጽ፡- https://ahaduradio.com/
ዩትዩብ፦ http://shorturl.at/cknFP
ቲክቶክ ፡- www.tiktok.com/@ahadutv.official
ዋትስአፕ፦ whatsapp.com/channel/0029VajDfVZI1rcb05C5B22b
አስተያየት እና ጥቆማ ለመስጠት በ7545 አጭር የፅሁፍ መልክት ይላኩ

ማክሮን ኢትዮጵያ የባሕር በር ለማግኘት የምታደርገውን ጥረት እንደሚደግፉ ገለጹ

ታሕሳስ 13/2017 (አሐዱ ሬዲዮ) የፈረንሳዩ ፕሬዝዳንት ኢማኑኤል ማክሮን ከጠቅላይ ሚኒስትር ዐቢይ አሕመድ ባደረጉት ምክክር፤ ኢትዮጵያ የባሕር በር ለማግኘት የምታደርገውን ጥረት እንደሚደግፉ አስታውቀዋል።

ፕሬዝዳንቱ በትናንትናው ዕለት በኢትዮጵያ የነበራቸውን የአንድ ቀን ይፋዊ የሥራ ጉብኝት አጠናቅቀው ወደ ሀገራቸው ተመልሰዋል።

በቆይታቸውም ከጠቅላይ ሚኒስትር ዐቢይ አሕመድ ጋር በመሆን እድሳት የተደረገለትን በኢዮቤልዩ ብሔራዊ ቤተመንግሥት የጎበኙ ሲሆን፤ በሁለትዮሽ እና ቀጠናዊ ጉዳዮች ዙሪያም ከጠቅላይ ሚኒስትር ዐቢይ ጋር ምክክር አድርገዋል።

በውይይታቸው ጠቅላይ ሚኒስትር ዐቢይ አሕመድ የፈረንሳይ መንግሥት በኢዮቤልዩ ብሔራዊ ቤተመንግሥት እድሳት እና በላሊበላ ውቅር አብያተ ክርስትያን ላይ ላደረገው ድጋፍ አመስግነዋል።

በተጨማሪም በተለያዩ ዘርፎች የሚኖሩ ትብብሮችን መፈተሻቸውን፣ የፈረንሳይን ኢንቨስትመንት መጨመርን አስመልክቶ ብሎም በትምህርት እና ባሕል ዘርፎች ያሉ ግንኙነት በማጠናከር ጉዳዮች ላይ መነጋገራቸውን ገልጸዋል።

ውይይቱን ተከትሎም መሪዎቹ የጋራ መግለጫ የሰጡ ሲሆን፤ ጠቅላይ ሚኒስትር ዐቢይ "ኢትዮጵያ የቀይ ባህርን አክሰስ የማድረግ ፍላጎቷን በዝርዝር ተወያይተናል" ብለዋል።

"ከዚህ ቀደም በተደጋጋሚ እንዳነሳነው 130 ሚሊዮን ሕዝብ ያላት ሀገር፣ ኢኮኖሚዋ በፍጥነት እያደገ ያለ ሀገር፣ ተጨማሪ የባህር በር አክስሰ የሚያስፈልጋት ሀገር በዓለም ሕግ በሰላማዊ መንገድ፣ በዴፕሎማሲያዊ መንገድ እንደ ፈረንሳይ ያሉ ወዳጅ ሀገራትን ተጠቅመን የምናገኝበት (የባህር ባር አክሰስ) መንገድ ላይ የእሳቸው ጠንካራ ድጋፍ እንዳይለየን የቀረበላቸውን ጥያቄ እሳቸውም በአክብሮት ተቀብለዋል" ሲሉ ገልጸዋል።

ከዚህ በተጨማሪም በቅርቡ ኢትዮጵያ ያካሄደችውን ኢኮኖሚክ ሪፎርም ፈረንሳይ እና ቻይና ኮቼኤር የሚያደርጉት እንደሆነ ፕሮግራሙ እንዲሳካ ማክሮን ከፍተኛ ድጋፍ ለኢትዮጵያና ለሪፎርሙ እንዳዳረጉ የገለጹም ሲሆን፤ የፈረንሳይ መንግሥት በቀጥታ ከሚያደርገው ድጋፍ በተጨማሪ በEU እና IMF አይተኬ ድጋፍ እንዳደረገ ተናግረዋል።

ፈረንሳይ በኢትዮጵያ መሪ ኢንቬስተር ሆና ሌሎች የአውሮፓ ሀገራትን በማስተባበር በወሳኝ ጉዳዮች ላይ አብሮ ለመስራት መግባባት ላይ መደረሱንም አስታውቀዋል።

አክለውም፤ "ማክሮን የሚገቡትን ቃል በመፈጸም የሚታወቁ ናቸው፤ በኢንቨስትመንት ረገድም አብሮ ለመስራት መግባባት ላይ ተደርሷል" ብለዋል።

የፈረንሳዩ ፕሬዝዳንት ኢማኑኤል ማክሮን በበኩላቸው፤ ጠቅላይ ሚኒስትር ዐቢይ የገለጹት የባህር በር መኖር አስፈላጊነት፤ ለወደፊት ያሉትን ነገሮች ማመቻቸት መቻል ትክክለኛ ጥያቄ መሆኑን የገለጹ ሲሆን፤ "በዚህ ላይ ፈረንሳይ ባላት አቅም ልትጫወት የምትችለውን ሚና መወጣት ትፈልጋለች።" ብለዋል።

"ይሄ በምን አይነት መንገድ መሆን አለበት የሚለው በንግግር፣ በውይይት፣ ዓለም አቀፍ ህጎችን ባከበረ መልኩና ጎረቤት ሀገሮችን ባከበረ መልኩ መሰራት የሚችልበትን መንገድ ለኢትዮጵያና ለቀጠናው መሳካት እንዲችል ሚናችንን እንወጣለን" ሲሉም ተናግረዋል።

በተጨማሪ ከጠቅላይ ሚኒስትር ዐቢይ ጋር የፕሪቶሪያ የሰላም ስምምነት ላይ መነጋገራቸውን የገለጹት ማክሮን፤ "በሰሜን ኢትዮጵያ ሰላም ማስፈን ይቻል ዘንድ ትልቅ እርምጃ መሆኑንና ለማሳካትም እየተሞከረ መሆኑን እንገነዘባለን። ፈረንሳይ ከዚህ ጋር በተያያዘ ያሉ ነገሮችን ለመደገፍ ትፈልጋለች" ብለዋል።

በዚህም" እርሻን ማበረታታ፣ የተጎዱ ሆስፒታሎችን መልሶ ማቋቋም፤ ከሽግግር ፍትህ ጋር በተያያዘ ደግሞ የሚሰራውን ሥራ የህግ የበላይነት የሚከበርበትን መንገድ ማየት እንፈልጋለን ለዚህ እናተ በምትጠይቁን መሰረት ከጎናችሁ ሆነን ሁል ጊዜ እንቀጥላለን" ሲሉ ገልጸዋል።

በተጨማሪም በቱርክ ከሶማሊያው ፕሬዞዳንት ጋር የሰላም ንግግር መደረግ መቻሉን የሚደገፍ ነገር መሆኑን የገለጹ ሲሆን፤ "የሁሉንም ሉዓላዊነት ማክበር ጋር የሚያያዝ ነው። ከዛ በኋላ ግን ስለ ባህር በር መኖር አስፈላጊነት ጠቅላይ ሚኒስትር የገለጹ ትክክለኛ ጥያቄ ነው ፈረንሳይ ባላት አቅም ልትጫወት የምትችለውን ሚና ታመቻቻለች።" ብለዋል።

ይህም በንግግር፣ በውይይት፣ ዓለም አቀፍ ህግ ባከበረና ጎረቤት ሀገሮች ባከበረ መልኩ እንደሚከናወን አመላክተዋል።

ማክሮን ቀጥለውም፤ "በ2019 በመጣሁበት ጊዜ ያንን ታላቅ የኢኮኖሚ ሪፎርም ከመንግሥት ጋር በተያያዘ 100 ሚሊዮን ዩሮ በAFD አማካኝነት እንዲሁም የተለያዩ ቴክኒካል ድጋፎችንም መጨመር ችለናል።  በአሁን ጊዜ ደግሞ ያለንን ሁሉ ነገር እንደምናደስ ለዚህም በ25 ሚሊዮን ዩሮ በጀት ድጋፍ ለማድረግ ነው" ሲሉ ተናግረዋል።

እንዲሁም፤ "ከኤሌክትሪክ ኔትዎርክ ጋር በተያያዘ የፈረንሳይ ድርጅቶች መግባት የሚችሉበት አጋጣሚ ይኖራል! በዚህ ከአውሮፓ ህብረት ፈንድ ጋር እንዲሁም አውሮፓ ካሉ ባንኮች ጋር በመሆን 80 ሚሊዮን ዩሮ ይቀርባል" ብለዋል።

"ከዕዳ ጋር በተያያዘ ከG20 ጋር የሚያያዘውን ከቻይና ጋር የሚሰራ ሥራ ይኖራል።" ያሉት ፕሬዝዳንቱ፤ "ይህ ለተለያዩ የአፍሪካ ሀገራት የሚቀርብ ነው። ባለፈው ፓሪስ ባዘጋጀነው ዝግጅት ተጨባጭ ነገር ተገኝቷል። ይህም እርሶ እያደረጉት ባሉት የሪፎርም ሥራ ሲሆን፤ 3 ቢሊዮን ዩሮ የምናመቻች ይሆናል እናተንም በሙሉ መደገፍ እንፈልጋለን። መመቻቸት ስላሉባቸው ጉዳዮች ከIMF ጋር እንነጋገራለን" ሲሉም አጋርነታቸውን ገልጸዋል።

ከዚህ በተጨማሪም ማክሮን ከጉብኝታቸው በኋላ በኤክስ ገጻቸው በአማርኛ ባሰፈሩት ጽሁፍ፤ ሀገራቸው ፈረንሳይ "የኢትዮጵያን ኢኮኖሚ ማሻሻያ ማዘመንን ተግባዊ ለማድረግ ትብብር እንደምታርግ ገልጸዋል።

"ኢትዮጵያ ለሰው ልጅ መገኛነት የመጀመሪያ አሻራ ያላት ሀገር ናት።" ያሉም ሲሆን፤ በሁለቱ ሀገሮች መካከል ያለው ግንኙነት በታሪክ ሂደትና በትላልቅ የጋራ ፕሮጀክቶች ላይ የተመሰረተ ነው።" ብለዋል።

"እ.ኤ.አ. በ 2019 መሰረታዊ የሆኑ የባህልና የቅርስ ጥበቃን ከሳይንሳዊ ፕሮግራም ጋራ አያይዘን ለመስራት ወስነን ተነስተናል። በላሊበላም የሰራነው በዓለም ላይ ልዩ የሆነ የቅርስ ጥበቃ ፕሮጀክት በሚቀጥሉት ወራት ውስጥ ፍጻሜውን የሚያገኝ ይሆናል።" ሲሉም ገልጸዋል።

"በአንድ ወቅትም የብሔራዊ ቤተ መንግሥት እድሳት ፕሮጀክትንም ሰርተን ዛሬ የሚያኮራ እውነታ ሆኖ እየታየ ነው።" ሲሉም በመልዕክታቸው አስፍረዋል።

ወደፊትም የኢትዮጵያን ኢኮኖሚ ማሻሻያ ማዘመንን ለመደገፍ እና በትግራይ የሰላምና የመረጋጋት መሰረት የሆነውን የፕሪቶሪያ ስምምነትን ተግባራዊ ለማድረግ ትብብር እንደሚያደርጉ አስታውቀዋል።

የፈረንሳይ ፕሬዝዳንት ኢማኑኤል ማክሮን፤ በኢትዮያ ይፋዊ የሥራ ጉብኝት ሲያደርጉ፤ በስድስት ዓመታት ውስጥ ይህ ለሁለተኛ ጊዜ ነው።

#አሐዱ_የኢትዮጵያውያን_ድምጽ

ትክክለኛዎቹን የአሐዱ ራዲዮ የማህበራዊ ሚዲያ ገጾች በመቀላቀል ቤተሰብ ይሁኑ!
ፌስቡክ: https://www.facebook.com/ahaduradio
ድረ ገጽ፡- https://ahaduradio.com/
ዩትዩብ፦ http://shorturl.at/cknFP
ቲክቶክ ፡- www.tiktok.com/@ahadutv.official
አስተያየት እና ጥቆማ ለመስጠት በ7545 አጭር የፅሁፍ መልክት ይላኩ

**ሀገራዊ የምክክር ኮሚሽኑ በኦሮሚያ ክልል የሚያደርገዉ የአጀንዳ ልየታ መርሐ ግብር በይፋ ተጀመረ

👉በዚህም ከ356 ወረዳዎች የተወጣጡ ከሰባት ሺሕ በላይ የህብረተብ ክፍሎች ይሳተፋሉ ተብሏል**

ታሕሳስ 7/2017 (አሐዱ ሬዲዮ) የኢትዮጵያ ሀገራዊ ምክክር ኮሚሽን በኦሮሚያ ክልል የሚያደርገዉ የአጀንዳ ልየታ መርሐ ግብር ዛሬ ታሕሳስ 7 ቀን 2017 ዓ.ም በይፋ ተጀምሯል፡፡

ኮሚሽኑ ከዛሬ ጀምሮ ባሉ አምስት ተከታታይ ቀናት ከክልሉ 356 ወረዳዎች ከአስር የማህበረሰብ መሰረቶች የተመረጡ ከ7 ሺሕ በላይ የማህበረሰብ ወኪሎች አጀንዳዎቻቸውን በምክክር እንደሚለዩ አስታውቋል፡፡

በተጨማሪም ከእሑድ ታሕሳስ 13 ቀን 2017 ዓ.ም ጀምሮ፤ የህብረተሰብ ወኪሎችን ጨምሮ 1 ሺሕ 700 የክልል ባለድርሻ አካላት ለተከታታይ ሦስት ቀናት በክልሉ አጀንዳዎች ዙሪያ ተመካክረው እንደሚያደራጁ አመላክቷል፡፡

በውይይቱ በርካታ አካላት እንደሚሳተፉ የተገለጸም ሲሆን፤ የፖለቲካ ፓርቲዎች፣ ከተለያዩ የኦሮሚያ ክልል የተወጣጡ ከሰባት ሺሕ በላይ ተወካዮች፣ አንድ ሺሕ 700 የክልሉ ባለድርሻ አካላት እንዲሁም 48 የሥራ አስተባባሪዎችን ጨምሮ ከ150 በላይ በጎ ፍቃደኞች እንደሚሳተፉ የኮሚሽኑ ዋና ኮሚሽነር ፕሮፌሰር መስፍን አርዐያ ተናግረዋል።

ዋና ኮሚሽነሩ አክለዉም በኦሮሚያ ክልል የሚደረገዉ የአጀንዳ ልየታ መርሀ ግብር ሁለት ምዕራፎች እንዳሉት የገለጹ ሲሆን፤ አንደኛዉ ከወረዳ የተወጣጡ የማህበረሰብ ክፍሎች የሚሳተፉ እንዲሁም፤ በሁለተኛዉ ምዕራፍ ደግሞ የክልል ባለድርሻ አካላት አጀንዳዎችን የሚለዩ መሆኑን አብራርተዋል።

በተጨማሪም ከተለያዩ ወረዳዎች የተወጣጡት ተወካዮች በአስር የማህበረሰብ ክፍሎች የተከፈሉ ሲሆን፤ ከእነዚህም ውስጥ ሴቶች፣ ወጣቶች፣ መምህራን፣ አካል ጉዳተኞች፣ መንግሥታዊ እና መንግሥታዊ ያልሆኑ ተቋማትን ጨምሮ ሌሎች የማህበረሰብ ክፍሎች እንደሚሳተፉ አጽዕኖት ሰጥተዋል።

በዛሬው ዕለት የተጀመረው መርሃ ግብር በአባ ገዳዎች የምርቃት ሥነ-ስርዓት የተከናወነ ሲሆን፤ በኦሮሚያ ክልል የአጀንዳ ማሰባሰብ መሪ ኮሚሽነር ዶ/ር አምባዬ ኦጋቱ እና ሌሎች የምክክር ኮሚሽኑ የበላይ አመራሮች የእንኳን ደህና መጣችሁ ንግግር አድርገዋል።

በመድረኩም አባ ገዳዎች፣ የሀይማኖት አባቶች፣ የፖለቲካ ፓርቲዎች፣ እንዲሁም የተለያዩ የኦሮሚያ ክልል የተወጣጡ ተወካዮች፣ የክልሉ ባለድርሻ አካላትን ጨምሮ ሌሎች የማህበረሰብ ክፍሎች ታድመዋል።

መርሀ ግብሩ ከዛሬ ጀምሮ ለተከታታይ ዘጠኝ ቀናት በኦሮሚያ ክልል በአዳማ ከተማ በአዳማ ሳይንስ እና ቴክኖሎጂ ዩንቨርስቲ ስቴድየም ላይ እንደሚካሄድም ተገልጿል።

በፅዮን ይልማ
#አሐዱ_የኢትዮጵያውያን_ድምጽ

ትክክለኛዎቹን የአሐዱ ራዲዮ የማህበራዊ ሚዲያ ገጾች በመቀላቀል ቤተሰብ ይሁኑ!
ፌስቡክ: https://www.facebook.com/ahaduradio
ድረ ገጽ፡- https://ahaduradio.com/
ዩትዩብ፦ http://shorturl.at/cknFP
ቲክቶክ ፡- www.tiktok.com/@ahadutv.official
አስተያየት እና ጥቆማ ለመስጠት በ7545 አጭር የፅሁፍ መልክት ይላኩ

በኢትዮጵያ 500 ሺሕ የሚሆኑ ሰዎች ከመርሳት በሽታ ጋር እንደሚኖሩ ተገለጸ

ታሕሳስ 7/2017 (አሐዱ ሬዲዮ) አሁን ላይ ካለው የኢትዮጵያ ሕዝብ ቁጥር ውስጥ አረጋውያን 5 በመቶ የሚሆነውን የሚሸፍኑ ሲሆን፤ ከእነዚህም መካከል 500 ሺሕ የሚሆኑት ከመርሳት በሽታ (አልዛይመር) ጋር እንደሚኖሩ አልዛይመርስ ኢትዮጵያ ገልጿል፡፡

የአልዛይመርስ ኢትዮጵያ መስራች እና ሥራ አስኪያጅ ዶክተር ያሬድ ዘነበ "የአልዛይመር ወይም የመርሳት በሽታ ብዙ ሰዎች ሕመሙ ሳይታወቅላቸው 'የጤናማ እርጅና ምልክት ነው' እየተባሉ ከሕመሙ ጋር ሲቆዩ ይስተዋላል" ብለዋል።

አክለውም፤ ይህ በሽታ በብዛት እድሜቸው ከ70 እስከ 80 ዓመት በሚደርስ ሰዎች ላይ እንደሚከሰት ገልጸዋል።

ጤና ሚኒስቴር "2 ነጥብ 7 በመቶ የሚሆኑ ሰዎች በበሽታው ይጠቃሉ ተብሎ ይታመናል" የሚል መረጃ ቢያስተላልፍም፤ ማህበራቸው እያከናወነው በሚገኘው ጥናታዊ መረጃ ግን እስከ 40 በመቶ የሚሆኑ ሰዎች በበሽታው ይያዛሉ ተብሎ እንደሚታመን ሥራ አስኪያጁ ተናግረዋል፡፡

"በዚህ ጥናት የደም ናሙና በመስጠት 400 የሚሆኑ ሕመሙ ያለባቸው ታማሚዎች ይሳተፋሉ" ያሉም ሲሆን፤ "በዚህም ሕመሙ ያለባቸው ሰዎችን ሕመሙ ከሌለባቸው ሰዎች የመወዳደር ሥራ እየሰራን ነው" ብለዋል።

አክለውም ከ10 በላይ የሳይንስዊ ጥናት የሚመሩ የሚያግዙ እና የሚደግፉ የአዲስ አበባ ዩንቨርስቲ ባለሙያዎች መኖራቸውን በመግለጽ፤ ከዓለም አቀፍ ባለሙያዎች ጋር በመተባበር ጥናቱ እየተሰራ ስለመሆኑ ተናግረዋል።

ነገር ግን በተያዘለት ጊዜ ጥናቱን እንዳይጠናቀቅ የዩኒቨርስቲዎች አሰራር እንዲሁም የማህበረሰቡ ግንዛቤ አነስተኛ መሆን ችግር እየፈጠረ እንደሚገኝ ገልጸዋል፡፡

"በዋናነት በእኛ ሀገር ለጥናት እና ምርምር ማህበረሰቡ ውስጥ ያለው የእውቀት ማነስ እንዲሁም፤ በምናደርገው ጥናት ላይ ለመሳተፍና የደም ናሙና ለመስጠት ፍቃደኛ ያለመሆን በከፍተኛ ደረጃ ችግር እየሆነብን ይገኛል" ሲሉ አስረድተዋል።

አያይዘውም "የዩንቨርስቲዎች አሰራር ፕሮጀክቶዎች ሲመጡ ለማስፈፀምና ማህበረሰቡን ለማስተባበር የሚመለከታቸው አካላት አስፈላጊውን ትብብር ስለማያደርጉ ከፍተኛ ተፅዕኖ አሳድሮብናል" ብለዋል፡፡

"አሁን የፕሮጀክቱ መጠናቀቂያ ጊዜ ነበር፡፡ ወደ 2 ዓመት የፈጀብን ማህበረሰብ በማስተማር እና የወረቀት ሥራዎችን መጨረስ ስለነበረብ ነው፡፡" ያሉት ሥራ አስኪያጁ፤ በመንግሥት እና በዩንቨርስቲዎች በኩል ጥናት እና ምርምር ከመደገፍ አንፃር ብዙ ክፍተቶች መኖራቸውን ለአሐዱ ገልጸዋል፡፡

አክለውም "ለጥናቱ የሚውል ገንዘብ ሲመጣ ዩንቨርስቲው አላስፈላጊ ላልሆኑ ወጭ ይቀንሳል" ያሉ ሲሆን፤ ለሚመለከተው ፕሮጀክት የመጣ በጀት ከግማሽ በላይ አላስፈላጊ ለሆነ ወጭ እየወጣ በመሆኑ ጥናቱን ለማከናወን እንደ ትልቅ እንቅፍት ሆኖብናል" ሲሉ ተናግረዋል።

በዓለም ላይ በ3 ሰከንድ 1 ሰው በመርሳት በሽታ እንደሚያዝ የዓለም ጤና ድርጅት መረጃ ያመለክታል።

በህይወት ጌትነት
#አሐዱ_የኢትዮጵያውያን_ድምጽ

ትክክለኛዎቹን የአሐዱ ራዲዮ የማህበራዊ ሚዲያ ገጾች በመቀላቀል ቤተሰብ ይሁኑ!
ፌስቡክ: https://www.facebook.com/ahaduradio
ድረ ገጽ፡- https://ahaduradio.com/
ዩትዩብ፦ http://shorturl.at/cknFP
ቲክቶክ ፡- www.tiktok.com/@ahadutv.official
አስተያየት እና ጥቆማ ለመስጠት በ7545 አጭር የፅሁፍ መልክት ይላኩ

ኮሚሽኑ ሁሉም የፕሪቶሪያው የሰላም ስምምነት እንዲተገበር መጠየቁ ትክክለኛ ነው ሲል ገለጸ

ሕዳር 30/2017 (አሐዱ ሬዲዮ) የብሔራዊ ተሃድሶ ኮሚሽን የቀድሞ ተዋጊዎችን በመመለስ ሂደት ውስጥ ሁሉም የፕሪቶሪያው ሰላም ስምምነት ሙሉ ለሙሉ መፈፀም እንደሚገባው መጠየቁ ትክክለኛ መሆኑን አስታውቋል፡፡

የትግራይ ክልል ጊዜያዊ አስተዳደር ዐቢይ ኮሚቴ በማቋቋም ሥራዎችን እየሰራ መሆኑን የገለጹት የኮሚሽኑ ምክትል ኮሚሽነር ተስፋዓለም ይህደጎ፤ የቀድሞ ተዋጊዎች በተለይም በግብርና፣ በጥቃቅንና አነስተኛ እንዲሁም በተለያዩ ሥራዎች ውስጥ እንዲሳተፉ የሚያደርግ ተግባር መጀመሩን ለአሐዱ ተናግረዋል፡፡

ይሁን እንጂ ከተለያዩ ተቋማትና ከተቃዋሚ ፓርቲዎች 'ታጣቂዎችን ወደ ማህበረሰቡ የመመለሱ ሥራ ግልፅ አይደለም' ተብሎ የሚነሳው ጉዳይ፤ ኮሚሽኑ ግልፅ ነው ብሎ እንደማያምን ገልጸዋል፡፡

ይህ የተሃድሶ ሥራ የፕሪቶሪያው የሰላም ስምምነት አንድ አካል መሆኑን ያነሱት አቶ ተስፋዓለም፤ "ይህም ተፈፃሚ እንዲሆን ጥረት እየተደረገ ይገኛል" ብለዋል።

በተለይም የተፈናቃዮች ጉዳይ እና የሌሎች ሀገራት ታጣቂዎች ከትግራይ ክልል ያለመውጣት የመሳሰሉት ጉዳዮች ተፈፃሚነታቸው ላይ ጥያቄ መነሳቱ ተገቢ መሆኑን አንስተዋል፡፡

"በስምምነቱ መሰረት የፌደራል መንግሥት እና የጊዜያዊ አስተዳደሩ በመነጋር በመጠለያ ጣቢያ ያሉ ተፈናቃዮች ወደ ቀያቸው የመመለስ ሥራ እንዲሰራ ጥሪ እያቀረብን እንገኛለን" ሲሉም ገልጸዋል፡፡

አክለውም "የቀድሞ ታጣቂዎችን መመለሱ እንዳለ ሆኖ፤ ሌሎች የስምምነቱ ውሎች እንዲፈፀሙ መጠየቅ ይገባል። አግባብ ነውም" ብለዋል፡፡

ከፌደራል መንግሥት ጋርም ቀጣይነት ያለው ንግግር በማድረግ በጊዜያዊ አስተዳደሩና የፌደራል መንግሥቱ መካከል መተማመን መፍጠር እንደሚያስፈልግ ጠቁመዋል፡፡

" 'የቀድሞ ታጣቂዎችን ወደ ማህበረሰቡ የመመለሱ ስራ ተገቢ አይደለም' የሚል ፓርቲም ይሁን ሌላ አካል ቆም ብሎ ማሰብ አለበት" ሲሉም አሳስበዋል።

ከዚህ ቀደም በትግራይ ክልል የሚንቀሳቀሱ ፓርቲዎች በክልሉ የተጀመረው የተሃድሶ ሥራ በበጎ ጎኑ የሚነሳ መሆኑን ቢያነሱም፤ ነገር ግን ሁሉም የፕሪቶሪያው ሰላም ስምምነቶች መተግበር አለባቸው ሲሉ ገልጸዋል፡፡

በተለይም በክልሉ የተለያዩ አካባቢዎች ሰፋፊ ቦታ በሌሎች ሃይሎች ቁጥጥር ሥር መሆኑ ጥርጣሬ እየፈጠረባቸው መሆኑንም ለአሐዱ መግለጻቸው ይታወሳል፡፡

የፌደራል መንግሥት ባሳለፍነው ሳምንት የትግራይ ጊዜያዊ አስተዳደር ጋር በወቅታዊ ጉዳዮች ላይ ባደረገው ውይይት፤ በተለይም ከመኖሪያቸው የተፈናቀሉ ዜጎች ወደቀያቸው የሚመለሱበትን ሁኔታና ታጣቂዎችን ወደ መደበኛ ሕይወት የመመለስ ሂደት በትኩረት የሚሰራበት ሁኔታ ላይ ከስምምነት መደረሱን ገልጿል፡፡

በአቤል ደጀኔ
#አሐዱ_የኢትዮጵያውያን_ድምጽ

ትክክለኛዎቹን የአሐዱ ራዲዮ የማህበራዊ ሚዲያ ገጾች በመቀላቀል ቤተሰብ ይሁኑ!
ፌስቡክ: https://www.facebook.com/ahaduradio
ድረ ገጽ፡- https://ahaduradio.com/
ዩትዩብ፦ http://shorturl.at/cknFP
ቲክቶክ ፡- www.tiktok.com/@ahadutv.official
አስተያየት እና ጥቆማ ለመስጠት በ7545 አጭር የፅሁፍ መልክት ይላኩ

"ዩክሬን ከሩሲያ ጋር እየተደረገ ባለው ጦርነት 43 ሺሕ ወታደሮቿን አጥታለች" ዘለንስኪ

ሕዳር 30/2017 (አሐዱ ሬዲዮ) የዩክሬኑ ፕሬዝዳንት ቮሎደሚር ዘለንስኪ ከሩሲያ ጋር ሙሉ ለሙሉ ጦርነት ከጀመረበት ጊዜ አንስቶ፤ ሀገራቸው በጦር ሜዳ 43 ሺሕ ወታደሮቿን አጥታለች ሲሉ ተናግረዋል፡፡

ዘለንስኪ ቀደም ሲል "የዩክሬን የተጎጂዎችን ቁጥር የሕዝብን ሞራል ሊያዳክም ስለሚችል፣ ጥብቅና ሚስጥራዊ ናቸው" በማለት፤ መረጃውን ከማውጣት ተቆጥበው መቆየታቸው ይታወቃል።

ነገር ግን ከተመራጩ የአሜሪካ ፕሬዝዳንት ዶናልድ ትራምፕ ጋር በፓሪስ ከተገናኙና ትራምፕ በዩክሬን እና በሩሲያ መካከል ያለው ጦርነት መቆም እንዳለበት ካሳሰቡ ከጥቂት ሰዓታት በኋላ፤ ቀደም ሲል "ከፍተኛ ሚስጥራዊ ነው" ብለው የያዙትን የሟቾች ቁጥር ይፋ አድርገዋል።

በዚህም "ሙሉ ጦርነት ከጀመረበት ጊዜ አንስቶ ዩክሬን በጦር ሜዳ 43 ሺሕ ወታደሮችን አጥታለች" ያሉ ሲሆን፤ 370 ሺሕ የሚሆኑ ደግሞ ቆስለው የሕክምና ዕርዳታ እያገኙ መሆኑን በኤክስ ገጻቸው ላይ አስታውቀዋል።

ሩሲያ 750 ሺሕ የሚሆኑ ሰዎች ሞተዋል ወይም ከባድ ጉዳት ደርሶባቸዋል ብላ እንደምታምን የገለጸች ሲሆን፤ "ይህ ከፍተኛ መጠን ያለው ጥፋት በክሬምሊን የእግረኛ ጦር" በዩክሬን ምሽጎች ላይ የደረሰ ነው" ብላለች።

ዘለንስኪ በዩክሬን እና በሩሲያ የተጎጂዎች ቁጥር መካከል ያለውን ልዩነት ለመለየት የሞከሩም ሲሆን፤ የዩክሬን መረጃ ቀላል ጉዳቶችን ያካተተ መሆኑን ገልጸዋል፡፡

"በእኛ ሰራዊት ውስጥ በጥቃት ከቆሰሉት ወታደሮች ውስጥ ግማሽ ያህሉ በኋላ፤ ወደ ጦር ሜዳ እየተመለሱ ነው" ሲሉም ተናግረዋል።

በፈረንጆቹ 2019 በደረሰ የእሳት ቃጠሎ ክፉኛ የተጎዳው የሮተርዳም ካቴድራል ዕድሳት ተደርጎለት ዳግመኛ በተከፈተበት ሥነ ስርዓት ላይ፤ ከሌሎች የዓለም መሪዎች የተገኙት ዘለንስኪ ቅዳሜ ዕለት በፈረንሳይ ፓሪስ ከትራምፕ ጋር ተገናኝተው ተወያይተዋል።

ዶናልድ ትራምፕ ከውይይቱ በኋላ ትሩዝ ሶሻል በተሰኘው የማህበራዊ ትስስር ገጻቸው ላይ ባሰፈሩት መልዕክት፤ ፕሬዝዳንት ዘለንስኪ ከሩሲያ ጋር ለመደራደር ዝግጁ መሆናቸውን ገልጸዋል፡፡

አክለውም “በዩክሬን ጦርነት ብዙ ሞቷል፣ ብዙ ቤተሰብ ፈርሷል እስካሁን የሆነው በቂ ነው፣ ጦርነቱ ሊቆም ይገባል” ሲሉም ተናግረዋል፡፡

“ፕሬዝዳንት ዘለንሰኪ እና ዩክሬን የሰላም ስምነምነት በቅርቡ እንደሚፈራረሙ ይጠበቃል፣ ይህ እብደት መቆም አለበት” ሲሉም ትራምፕ አሳስበዋል፡፡

አንድ ሥማቸው ያልተጠቀሰ የዩክሬን ባለስልጣን ለዋሽንግተን ፖስት በሰጡት ቃል፤ ስብሰባው ውጤታማና መሰረት ያለው መሆኑን የገለጹ ሲሆን፤ "ሁላችንም ይህን ጦርነት በተቻለ ፍጥነት ማቆም እንፈልጋለን" ሲሉ ተናግረዋል።

#አሐዱ_የኢትዮጵያውያን_ድምጽ

ትክክለኛዎቹን የአሐዱ ራዲዮ የማህበራዊ ሚዲያ ገጾች በመቀላቀል ቤተሰብ ይሁኑ!
ፌስቡክ: https://www.facebook.com/ahaduradio
ድረ ገጽ፡- https://ahaduradio.com/
ዩትዩብ፦ http://shorturl.at/cknFP
ቲክቶክ ፡- www.tiktok.com/@ahadutv.official
አስተያየት እና ጥቆማ ለመስጠት በ7545 አጭር የፅሁፍ መልክት ይላኩ

"የግሪሳ ወፍ ምልክት በተስተዋልባቸው አካባቢዎች ላይ የኬሚካል ርጭት ለማከናወን ግብረ-ኃይል ተቋቁሟል" የግብርና ሚኒስቴር

ሕዳር 30/2017 (አሐዱ ሬዲዮ) በትግራይና በአማራ ክልሎች የግሪሳ ወፍ እየተስተዋለ መምጣቱን ተከትሎ፤ አፋጣኝ መፍትሔ ለመስጠት ግብረ-ኃይል ተቋቁሞ የመከላከል ሥራው እየተሰራ መሆኑን የግብርና ሚኒስቴር አስታውቋል።

በሚኒስቴሩ የአዝርእት ጤና ክትትል ኃላፊ አቶ በላይነህ ንጉሴ በቅርቡ በሁለቱም ክልሎች ተከስቶ የነበረውን የግሪሳ ወፍ በግብርና ምርቶች ላይ ምንም አይነት ጉዳት አለማስከተሉን የገለጹ ሲሆን፤ ክልሎቹ ባቀረቡት ጥሪ መሰረትም ከፌደራል መንግሥት ድጋፍ እየተደረገላቸው መሆኑን ለአሐዱ ተናግረዋል።

ሚኒስቴሩ በሀገር አቀፍ ደረጃ የአዝእርት ተባይንና የግሪሳ ወፍን ለመከላከል ከክልሎች ጋር እየተሰራ መሆኑን ገልጸዋል።

አርሶ አደሩ በባሕላዊ መንገድ መከላከል የሚችልባቸው ሁኔታዎችና የኬሚካል ስርጭት ዙሪያም በትኩረት እየተሰራበት ስለመሆኑ ኃላፊው ተናግረዋል።

ቀደም ሲል በአማራ ክልል ተቀስቅሶ የነበረው የግሪሳ ወፍ በተወሰኑት አካባቢዎች ላይ እየተስተዋለ መሆኑም ተገልጿል።

በቅርቡም በደቡባዊ የትግራይ ክልል የግሪሳ ወፍ በስፋት መከሰቱን ከትግራይ ክልል ግብርና ቢሮ ማስታወቁን መዘገባችን የሚታወስ ሲሆን፤ ይህንንም ተከትሎ በአውሮፕላን የተደገፈ የኬሚካል ስርጭት መከናወኑን የክልሉ እርሻና ተፈጥሮ ሃብት ልማት ቢሮ ገልጿል።

በአማኑኤል ክንደያ
#አሐዱ_የኢትዮጵያውያን_ድምጽ

ትክክለኛዎቹን የአሐዱ ራዲዮ የማህበራዊ ሚዲያ ገጾች በመቀላቀል ቤተሰብ ይሁኑ!
ፌስቡክ: https://www.facebook.com/ahaduradio
ድረ ገጽ፡- https://ahaduradio.com/
ዩትዩብ፦ http://shorturl.at/cknFP
ቲክቶክ ፡- www.tiktok.com/@ahadutv.official
አስተያየት እና ጥቆማ ለመስጠት በ7545 አጭር የፅሁፍ መልክት ይላኩ

እየተስፋፋ የመጣው የበይነ መረብ ንግድ በምጣኔ ሐብቱ ላይ አሉታዊ ተፅእኖ እያሳደረ መሆኑ ተገለጸ

ሕዳር 23/2017 (አሐዱ ሬዲዮ) በኢትዮጵያ እንደቴሌግራም፣ ኢንስታግራምና ፌስቡክ በመሳሰሉት የበይነ መረብ አውታሮች በመጠቀም የሚሸጡና የሚለውጡ ነጋዴዎች እየተበራከቱ መምጣታቸውን ተከትሎ፤ ከግብይቶች መንግሥት ማግኘት ያለበትን ታክስ እያሳጡት መሆኑን የፓሊሲ ጥናት ኢንስቲትዩት አስታውቋል።

የፓሊሲ ጥናት ኢንስቲትዩቱ በዘርፉ አደረኩት ባለው ጥናት መሰረት፤ "የበይነ መረብ አውታር ግብይቶች የመንግሥት ገቢ ላይ ተፅእኖ እየፈጠሩ መምጣታቸውን አረጋግጫለሁ" ብሏል።

በኢትዮጵያ እየተስፋፉ የመጣውን የበይነ መረብ ንግድ ለወደፊቱ በአግባቡ ካልተያዘ፤ በምጣኔ ሐብቱ ላይ አሉታዊ ተፅእኖ መፍጠሩ እንደማይቀር ኢንስቲትዩቱ በጥናቱ ገልጿል።

ከቅርብ ጊዜ ወዲህ በኢ-መደኛ መልኩ የሚንቀሳቀሱ የበይነ መረብ ነጋዴዎች ተመዝግበው እንዲሰሩ ጥሪ ቢቀርብም፤ የሚመዘገቡና ግብር የሚከፍሉ ነጋዴዎች ቁጥር አነስተኛ መሆኑንም ተናግሯል።

በተለይም ከታክስ ስወራ ጋር ተያይዞ ዘርፉ ተግዳሮት እየሆነ መምጣቱን የግብር ሰብሳቢ መስሪያ ቤትን ጨምሮ ከሚመለከታቸው አካላት የተገኘው መረጃ ጥናቱ መዳሰሱንና፤ ለዲጂታል ኢኮኖሚ ግንባታ እንቅፋት ሊሆን ይችላል የሚል እምነት መኖሩን የኢንስቲትዩቱ የምጣኔ ሐብት ተመራማሪ አቶ ሰለሞን አክሊሉ ለአሐዱ ገልጸዋል።

ኢንስቲትዩቱ የበይነ መረብ ንግድን በተመለከተ ለዘርፉ የሕግ ማእቀፍ እንዲዘጋጅ ውትወታ እያደረገ መሆኑን፤ ለዚህም የፖሊሲ ግብአቶችን በማቀናጀት ላይ እንደሚገኝም ተናግረዋል።

ለዚህም ከጎረቤት አገራት ጋር ተወዳዳሪ የበይነ መረብ ሕግ እንዲዘረጋና የንግዱ ስርዓትም በዚሁ ልክ እንዲስፋፋ ያስፈልጋል መባሉን የምጣኔ ሐብት ተመራማሪው አቶ ሰለሞን አክሊሉ ለአሐዱ ገልጸዋል።

ጥናቱ በሌሎች አገራት ያለውን ተሞክሮ ተከትሎ እየተዘጋጀ መሆኑን ጠቅሰው፤ በአገር ዓቀፍ ደረጃ እየተዘጋጀ ባለው ፓሊሲ ለማካተት ጥረት እየተደረገ መሆኑንም አስረድተዋል፡፡

በኢትዮጵያ የበይነ መረብ ንግድ እየተስፋፋ መምጣቱን ተከትሎ፤ ሕግና መመርያ ሊደረግለት መሆኑ እየተነገረ ይገኛል፡፡ ሆኖም ይህ የበይነ መረብ ንግድ በትክክል ግብር የሚከፍሉ የንግድ ማሕበረሰቦች ላይ አሉታዊ ተፅእኖ እያሳደረ መሆኑ ተነግሯል።

ከውጭ አገራት የሚገቡ ምርቶች ጥራት ጉዳይ ያልተረጋገጠ በመሆኑ፤ በተጠቃሚው ላይ ተፅእኖ እየፈጠሩ መሆናቸውን የፓሊሲ ጥናት ኢንስቲትዩት በጥናቱ አሳስቧል።

ከቅርብ ጊዜ ወዲህ ያልተረጋገጡ መድኃኒቶች እየተበራከቱ መሆናቸውን ጠቅሶ፤ በሕብረተሰቡ ላይ ጤናን ጨምሮ አጠቃላይ ማሕበረ- ኢኮኖሚያዊ ቀውስ እየፈጠሩ እንደሚገኙም አደረኩት ባለው ዳሰሳ አመላክቷል።

"ኢ-መደበኛ የበይነ መረብ ነጋዴዎች ወደ መደበኛው የንግድ ስርዓት እንዲመጡና ከሚመለከተው የመንግሥት መስሪያ ቤት ፍቃድ ወስደው እንዲሰሩ የሕግ አካላት የበኩላቸውን ማድረግ ይኖርባቸዋል" ሲልም ኢንስቲትዩቱ አሳስቧል።

በአማኑኤል ክንደያ
#አሐዱ_የኢትዮጵያውያን_ድምጽ
ትክክለኛዎቹን የአሐዱ ራዲዮ የማህበራዊ ሚዲያ ገጾች በመቀላቀል ቤተሰብ ይሁኑ!
ፌስቡክ: https://www.facebook.com/ahaduradio
ድረ ገጽ፡- https://ahaduradio.com/
ዩትዩብ፦ http://shorturl.at/cknFP
ቲክቶክ ፡- www.tiktok.com/@ahadutv.official
አስተያየት እና ጥቆማ ለመስጠት በ7545 አጭር የፅሁፍ መልክት ይላኩ