አድናቂዎቹና ተቃዋሞዎቹ መሳለመሳ የሚሄዱለት፣ታምነው የሚታዘዙለት በእሱ የፖለቲካ ሂደት ተስፋ ያላቸው እንዳሉ ሁሉ ተጠራጣሪዎቹና በጥንቃቄ የሚመለከቱትም በርካታ የሆኑት ጃዋር መሃመድ ሲራጅ አልጸጸትም ሲል ከሰሞኑ ተከስቷል፡፡

በሻሸመኔ ስለተፈጸመ የአንድ ወጣት አሰቃቂ ደቦኛ ፍርድ፣በእሱ ምክንያት ሁከት ውስጥ ገብታ፣የዜጎቿን ደም አፍስሳና በርካታ ውድመቶች ደርሰውባት ስላሳለፈችው አዲስ አበባ ፣ሰርቶ መለወጥን እያሰበ በሜጫ አንገቱ ስለተቆረጠ የአሩሲ ገበሬ ይሆን? ለሚሉና ለሌሎች የተቃዋሚዎቹ ወቀሳም አነጋጋሪ ምላሽን የሰጠበትን ጥንቅር በአዲስ ማለዳ ትንታኔ ቃኝተነዋል ከታች ያለውን ማስፈኝጠሪያ በመጫን ሙሉ ዝግጅቱን ይከታተሉ፡፡

https://youtu.be/_Iw9nn3JSmE

የሰራዊት አባላት ምልመላ ሥራዎች በሕግ በተቀመጡት መስፈርቶች ብቻ የተከናወኑ ናቸው ሲል መከላከያ ሚኒስቴር ገለጸ
ማክሰኞ ታህሳስ 08 ቀን 2017(አዲስ ማለዳ) የኢትዮጵያ ሰብዓዊ መብቶች ኮሚሽን (ኢሰመኮ) በኦሮሚያ ክልል ሕፃናትን ጨምሮ ሰዎችን ከሕግ ውጪ መያዛቸውን በተመለከተ ኅዳር 26 ቀን 2017 ዓ.ም ጋዜጣዊ መግለጫ ማውጣቱ ይታወሳል።

በመግለጫውም ከመከላከያ ሰራዊት መስፈርቶች ውጪ፣ “ለምልመላ” በሚል ሕፃናትን ጨምሮ በርካታ ሰዎችን በግዳጅ በመያዝ የተሳተፉ መኖራቸዉንም ደርሼበታለሁ ብሎ ነበር፡፡

ይህን ተክሎ የኢ.ፌ.ዴ.ሪ. መከላከያ ሚኒስቴርም በሁሉም ክልሎች የሚከናወኑ የሰራዊት አባላት ምልመላ ሥራዎች በሕግ በተቀመጡት መስፈርቶች መሠረት ብቻ የተከናወኑ ስለመሆናቸው በማረጋገጥ የሚረከብ መሆኑን ለኢሰመኮ ኅዳር 30 ቀን 2017 ዓ.ም ባከው ደብዳቤ አስታውቋል፡፡

መከላከያ ሚኒስቴር በዚህ ዓመት እየተደረገ ያለውን ምልመላ አፈጻጸም ለመፈተሽ ከከፍተኛ ሙያተኛ መኮንኖች የተውጣጣ ከ7 እስከ 12 አባላት ያሉት ኮሚቴ አዋቅሮ በማጣራት መስፈርቶቹን የሚያሟሉትን ብቻ ለይቶ ወደ ማሰልጠኛ ተቋማት ማስገባቱን በደብዳቤዉ ማስታወቁን ኢሰመኮ ገልጿል፡፡

ይህ ከመሆኑ አስቀድሞ በክልሎች በተከናወነው የምልመላ ሂደት ያጋጠሙ ችግሮች ካሉ ግን ከክልሎች ጋር በመነጋገር ለማጣራት የሚቻል መሆኑን ሚኒስቴሩ አመላክቷል፡

የግል ባንኮችን ወደ አገር ውስጥ እንዲገቡ ይፈቅዳል የተባለውን ረቂቅ አዋጅ ተከትሎ በእንደራሴዎች ምክርቤት የተሰማውን ተቃውሞ ከዚህ በታች ያለውን ማስፈንጠሪያ በመጫን ይከታተሉ

https://youtu.be/rOmz2YuLzPg

https://youtu.be/Nuwv0WkmeoA

"ሀገር ከሚንጥ የፖለቲካ እሳቤ ለመውጣት የፖለቲካ ፓርቲዎች የራሳቸውን ሀላፊነት መወጣት አለባቸው" -የምክክር ኮሚሽን

ረዕቡ ታህሳስ 2 ቀን 2017 (አዲስ ማለዳ) ኮሚሽኑ በኦሮሚያ ክልል የሚጀመረውን የአጀንዳ ማሰባሰብ ሂደት ተሳታፊ ከሆኑና በክልሉ ከሚንቀሳቀሱ የፖለቲካ ፓርቲዎች ጋር የቅድመ ዝግጅት ውይይት አድርጓል።

የኮሚሽኑ ከሚሽነር መላኩ ወልደማርያም የነፍጥና የአፈሙዝ ፖለቲካ ሀገረመንግስቱን አደጋ ላይ እንደጣለው ገልጸው ለድርድር መቀመጥ የሚያስችል የፖለቲካ ባህል እንዳልዳበረ ገልፀዋል ።

በዚህ የፖለቲካ ባህል ውስጥ ደግሞ የፖለቲካ ፓርቲዎች ለድርድርና ለንግግር መቀመጥን አይነተኛ መሳሪያ አድርገው እንዳልተጠቀሙበት አንስተዋል ።

ከ56 በላይ የፖለቲካ ፓርቲዎች በምክክሩ እንደሚሳተፋ ይታወቃል፡፡ ታዲያ በኦሮሚያ ክልል የሚንቀሳቀሱና በኮሚሽኑ ገልተኝነት ላይ ጥያቄ ያለባቸው እንደ ኦፌኮ ያሉ የፖለቲካ ድርጀቶች ባልተሳተፉበት የአጀንዳ ማሰባሰብ ሂደት የመጣ ተጽዕኖ አለ ወይ ብለን ጥያቄ አቅርበናል።

ኮሚሽነር መላኩም በተደጋጋሚ ለፖርቲዎች የተሳተፉ ጥያቄ መቅረቡን አስታውሰው የኮሚሽኑ ስልጣንና ተግባር ከዚህ የዘለለ አለመሆኑን አንስተዋል ።

"አሁንም የሚመጡ ካሉ ግን ለመነጋገር በሩ ዝግ አይደለም" ነው ያሉት

የኦሮሚያ ክልል የአጀንዳ ማሰባሰብ ሂደት ከቀናት በኃላ በአዳማ ከተማ እንደሚጀምር ይታወቃል ።

በአማኑኤል ጀንበሩ

የሱሉልታ ወረዳ ፖሊስ አዛዥና የፀጥታ አካላት በታጣቂዎች መገደላቸው ተገለጸ

ዕረቡ ታህሳስ 02 ቀን 2017 (አዲስ ማለዳ) በትናንትናው ዕለት እጃችንን ለመንግሥት መስጠት እንፈልጋለን ያሉ የኦሮሞ ነጻነት ሠራዊት አባላት መሆናቸውን የገለጹ ታጣቂዎች ሊቀበሏቸው በሄዱ ባለስልጣናት ላይ ተኩስ መክፈታቸው ተገልጿል።

ተኩሱ የተከፈተውም በሱሉልታ ወረዳ ጫንጮ ከተማ አቅራቢያ ሲሆን የወረዳውን ፖሊስ አዛዥና የፀጥታ አካላትን መግደላቸውን የአካባቢው ነዋሪዎችና የዓይን ምስክሮች መናገራቸውን ዶቼቬለ ዘግቧል፡፡

በወቅቱ በተከፈተው የተኩስ እርምታ ከተገደሉት በተጨማሪ የብልጽግና ፓርቲ ሃላፊና ታጣቂዎቹን ለመቀበል በስፍራው የተገኙ ሌሎች ሰዎችም መቁሰላቸው ተጠቁሟል፡፡

የኦሮሚያ ክልላዊ መንግሥት ፣ከኦሮሞ ነጻነት ሠራዊት ጋር ባለፈው ሳምንት መጨረሻ ደረስኩበት ባለው ስምምነት የተቀበላቸው በሺህዎች የሚቆጠሩ ታጣቂዎች የተሃድሶ ስልጠና ላይ መሆናቸውን አስታውቆ ነበር።

ይህን ተከትሎም እሁድ ህዳር 30 ቀን 2017 ዓ.ም በአዲስ አበባና በሌሎች ከተሞች ወደ ተሃድሶ ማዕካላት የሚያመሩ በተባሉ የኦሮሞ ነጻነት ሠራዊት ታጣቂዎች የተከፈተ የተኩስ እሩምታ ድንጋጤ መፍጠሩን የከተማ ነዋሪዎች መግለጻቸው ይታወሳል፡፡

ሰላም ሚኒስቴር የተባለው መንግስታዊ ተቋም ሞፈረን በልጆቻቸው አንገት አስገብተው የሰላምን አስፈላጊነት ከተናገሩ፣በጋሞ እርጥብ ቄጤማ ይዘው የደም አቢዮትን ከተከላከሉ ሃገር ሽማግሌዎች በተለየ ምን ሰራ?

በአገሪቱ የሚፈጠሩ ቀውሶችን ለማስቆምስ ለምን አልቻለም?

ሚኒስትሮችን በመቀያየር ለውጥ ማምጣት ይቻላል ወይ የሚለው እሳቤስ መጨረሻው ወደ የት የሚወስድ ነው? የሚሉና ከተቋሙጋር

የተያያዙ ያልተሰሙ አስገራሚ ጥያቄዎችንና መረጃዎችን በአዲስ ማለዳ ትንታኔአችን ልንመለከተው ወደናል፡፡

ሙሉ ዝግጅቱን ከዚህ በታች ያለውን ማስፈንጠሪያ በመጫን ይከታተሉ፡፡

https://youtu.be/veN8IQJMQZI

በላሊበላ ከተማ በጸጥታ ችግር ምክንያት ሆቴሎች እና አስጎብኝዎች መስራት አለመቻላቸው ተገለጸ

ረዕቡ ህዳር 25 ቀን 2017(አዲስ ማለዳ)በአማራ ክልል ባለው የጸጥታ ችግር ምክንያት በላሊበላ ከተማ 45 ሆቴሎች ሙሉ በሙሉ ስራ ማቆማቸውን የላሊበላ ከተማ ባህልና ቱሪዝም ጽሕፈት ቤት አስታውቋል።

በተመሳሳይ በጦርነቱ ምክንያት ወደ ስፍራው የሚመጡ ቱሪስቶችን ማጣቱን እና በዚህም 200 የሚደርሱ የላሊበላና አካባቢዉ አስጎብኝዎች ለከፋ የኢኮኖሚ ችግር መዳረጋቸዉን የላሊበላ ከተማ አስጎብኝ ማኅበር ማስታወቁን ዶችቬለ ዘግቧል፡፡

ለሙሉ ዘገባ፡ https://addismaleda.com/archives/39579

የአቶ ጌታቸው ረዳን የፕሬዚዳንትነት ውክልና አንስቻለሁ’’ በደብረፅዮን ገ/ሚካኤል የሚመራው ህወሓት
ረቡዕ ኅዳር 25/2017 (አዲስ ማለዳ) በደብረፅዮን ገ/ሚካኤል የሚመራው ህወሓት ትላንት ምሽት ባወጣዉ መግለጫ ለአቶ ጌታቸው ረዳ ሰጥቷቸው የነበረውን የፕሬዚዳንትነት ውክልና ማንሳቱን ገልጿል፡፡
በመሆኑም በፕሪቶሪያው የሰላም ስምምነት መሰረት እንዴት እና በማን እንደሚተኩ ከፌደራል መንግስት ጋር እየተወያየበት እንደሚገኝ አስታዉቋል።
ለሙሉ ዘገባ፡ https://addismaleda.com/archives/39575