፡
እፍታ ሚገታው፡
እሳት በተነሳ፤
ቸልታ ተማግዶ፡
እኛን በ'ላንሳ!
፡
የከሰምን ጊዜ፡
አመድ ሆነን ስንቀር፣
ወዳጅ ተነሳሳ፡
ንፋስ ላይ ፡ ለመቅብር!

እፍታ ላይ ግታው!

፡
ኖሮት ሳለ እንዳጣ ሰው
ሞልቶ ሳለ እንደጎደለ
ወዳጅ ከቦት እንደሌለው
ሙሉ አሱነቱን በደለ

ሂድ ብሎ ሲሸኝ ወዳጁን
ከጎኑ መሆኑን ሲያጣው
ለምን ሄድክ በሚያሰኝ ቁጭት
መኖር ነው ባዶነት እጣው

ለሰዎች ደጋግመህ ጉድለቱን ምትነግረው ከሆነ ጉድለቱን መስማት ይላመድና ተገቢ ጉዳይ እንደሆነ ነገር ሁሌ ያደርገዋል ! ልክ እንደ ስም ነው ሰዎች ደጋግመው ሲጠሩንና ናችሁ ስላሉን ስማችንን እንደተቀበልነው!!!

መጥፎ ወዳጅ የቱ መሰለህ ጠላትህ እሱ ነው የተባለው ሰውዬ ሳይሆን ሰውየውን ጠላት ነው ብሎ የጠቆመህ ሰው ነው ጠላትህ! ልክ እንደኔ ማለት ነው።

አንዳንዶቻችን በጣም ቅርብ ለቅርብ ነን ግን ውስጣችን ተረሳስቷል።

ብዙ ስሰራና ማረፍን ውስጥህ ሲሻ መስራቱ ግዴታህ እንደሆነ ለውስጥህ ንገረው አለዚያ ራስህን ራስህ እያሰነፍክ ትሔዳለህ!!!

እንደ ማግኔት ከሆንክ በማይሆንህ ላይ ጊዜ አታባክንም!!!

እንዳልተኖረ ነፃነት ምቾት ነሺና አጥፊ አይኖርም!!! ሲኖር ግን ዋጋው ልክ እንደ ኦክስጅን ነው።

፡
ሰው መሻቱ ሲጠፋበት
እንዳልነበር ለመኖር ሲል
ትጉህ መልኩን ያጠለሸ
በሚያልፍ ቀን አያልፍ ቃል
ገፊ መሆን ክብር መስሎት
አንደበቱን ያበላሸ

ከአዛዥ እስከ አጎብዳጅ
ከጠፊው እስከ አለሁ ባይ
ካለው እስከ ለማኙ
ከከሀዲው እስከ ሀቀኛ
ወትሮ ምህረትን ጠባቂ
ከጌታው ፈውስን አማኙ

የሚያፀና የእግዜር ፍቅር
ከእውነት ደጃፍ እያለ ፍርድ
ከሀዘን ኋላ የሚክስ ቀን
በአምሳሉ ሰው ሆነን ሳለ
እኛነት ዋጋው ተስቶን
ክፉ ሀሳብ ነው ያናናቀን