​ቻይና እና አሜሪካ ወታደራዊውን ዘርፍ ጨምሮ በሁሉም መለኪያዎች በዓለም የቀዳሚነቱን ስፍራ የያዙ ጡንቸኛ ሀገራት መሆናቸው ይታወቃል። የዓለምን 20 በመቶ ጥቅል ዓመታዊ ምርት ለብቻቸው የሚሸፍኑት ሁለቱ ዝሆኖች ታድያ ከጊዜ ወደጊዜ ቅራኔያቸው እየተባባሰ ይገኛል። የሁኔታዎች መካረር የአሜሪካ እና ቻይና ጦርነትን ሊፈነዳ የሚችልበትን ሁነት ከምንግዜውም በላይ ተገማች አድርጎታል። ቀጣዩን የዩትዩብ ሊንክ ስትከፍቱም የሁለቱን ሀይሎች ወታደራዊ አቅም በዝርዝር የሚያነፃፅር ልዩ መሰናዶን ታደምጣላችሁ፡፡ እግረ መንገዳችሁን ቪዲዮውን ላይክ፣ ቻናሉን ሰብስክራይብ እንድታደርጉም በማክበር ተጋብዛችኋል።
https://youtu.be/CJ5km5qumjI?si=PTi-ixsFsg5fO-eg

በአርቲስቶች የተጥለቀለቀው የፌዴሬሽኑ ምርጫ

አርቲስት ማስተዋል ወንደሰን የአዲስ አበባ እግር ኳስ ፌደሬሽን ምክትል ፕሬዚዳንት ሆና ተመርጣለች

የአዲስ አበባ እግር ኳስ ፌዴሬሽን ዛሬ ባደረገው ጠቅላላ ጉባኤ የፕሬዝዳንትና ስራ አስፈፃሚ ምርጫ አካሂዷል።

ኢ/ር ሃይለእየሱስ ፍስሀ የአዲስ አበባ ከተማ እግር ኳስ ፌዴሬሽን ፕሬዘዳንት ሆነው ሲመረጡ፤ አርቲስት ማስተዋል ወንደሰን የአዲስ አበባ እግር ኳስ ፌደሬሽን ምክትል ፕሬዚዳንት ሆና ተመርጣለች።

ፌዴሬሽን አመታዊ መደበኛ ጠቅላላ ጉባኤውን በጊዮን ሆቴል ሲያካሂድ ለቀጣይ አራት አመታት የሚመሩትን ፕሬዝዳንትና ስራ አስፈፃሚዎችንም መርጧል።

አንጋፋዋ አርቲስት ሀረገወይን አሰፋ ፣አቶ ሲሳይ ዳኜ ፣ደ/ር ወገኔ ዋልተንጉስ ፣አቶ ኢሳያስ ታፈሰ ፣አቶ ሸሀመለ በቀለ፣አቶ በለጠ ወልዴ፣ ወ/ሮ አሰፋሽን ስራ አስፈፃሚ ውስጥ ተካተዋል።

ፌዴሬሽኑ አለብኝ የሚለውን የገንዘብ እጥረት ለመቅረፍ አርቲስቶችን ወደ ስራ አስፈፃሚ በማምጣት የማርኬቲንግ ስራዎችን ለመስራት እንዳሰበ ለማወቅ ተችሏል።

ቀደም ተብሎ በፕሬዚዳንታዊ ምርጫው ላይ አርቲስት ሰራዊት ፍቅሬ ፕሬዚዳንት እንዲሆን ግብዣ ቀርቦለት ሳይቀበለው እንደቀረም ከታማኝ ምንጭ ለመረዳት ተችሏል።

በቀጣይ ተመራጮችን በባላገሩ ሜዳ ፕሮግራም ላይ ይዘን እንቀርባለን።

Via:- ባላገሩ ስፖርት

"ከወጣቶቹ ጋር በገንዘብ ተደራደሩ"... መፍትሄ የሚያሻው በተደጋጋሚ የሚደርሰኝ ጥቆማ

ጉዳዩ እንዲህ ነው፣ በሸገር ከተማ ስር ባሉ በርካታ ከተሞች በህጋዊ መንገድ ቤት ሰርተው፣ ካርታ አውጥተው ያሉ በርካታ ዜጎች አሉ። ነገር ግን ውሀ እና መብራት ስላልገባላቸው ብዙዎቹ ባለቤቶች ገና ኑሮ አልጀመሩባቸውም።

በዚህ መሀል የአካባቢው ወጣቶች ቁልፍ ሰብረው እየኖሩበት ወይም ለሌላ ሰው በኪራይ ያስገቡበታል። ባለቤቶቹ ስለጉዳዩ ክስ ለማቅረብ በአካባቢው ለሚገኙ ፖሊስ እና ሚሊሻ ቢሮ ሄደው ክስ ቢያቀርቡም ለጉዳዩ መልስ ከመስጠት ይልቅ ምላሹ "ከወጣቶቹ ጋር በገንዘብ ተደራደሩ" ሆኗል።

ቤት ኪራይ ተወዶባቸው ካለ መብራት እና ውሀ እንግባ ያሉ የቤት ባለቤቶች እንኳን በዚህ ምክንያት ቤታቸው መግባት እንዳልቻሉ ያደረሱኝ መረጃ ያሳያል።
ኤሊያስ መሰረት