የኦሞ ኩራዝ ቁጥር 3 ስኳር ፋብሪካ ስኳር የማምረት ሥራውን ጀመረ

የኦሞ ወንዝን በሚያዋስኑ በካፋና ቤንች ማጂ ዞኖች የሚገኘው የኦሞ ኩራዝ ቁጥር 3 ስኳር ፋብሪካ የክረምት ጥገናው ከተጠናቀቀ በኋላ የ2017ዓ.ም የስኳር ምርት ሥራ መጀመሩን የኢትዮጵያ ስኳር ኢንዱስትሪ ግሩፕ አስታውቋል።ፋብሪካው ከታህሳስ 5 ቀን 2017 ዓ.ም ጀምሮም ስኳር በማውጣት ላይ እንደሚገኝ የግሩፑ መረጃ አመላክቷል።

ጥቅምት 4 ቀን 2011 ዓ.ም. ስራ የጀመረው ፋብሪካው በቀን 12,000 ኩንታል ስኳር የማምረት አቅም እንዳለው ይታወቃል።የኦሞ ኩራዝ ቁጥር 3 ስኳር ፋብሪካ ስኳር የማምረት ሥራውን ከመጀመሩ በፊት በኢትዮጵያ ካሉ ስምንት የስኳር ፋብሪካዎች መካከል በስራ የበነረው አንዱ ብቻ እንደነበር ዘገባዎች አመላክተዋል።

የቱርኩ ፕሬዝዳንት ሬሲፕ ጣይብ ኤርዶጋን ኢትዮጵያን ሊጎበኙ ነው!የቱርኩ ፕሬዝዳንት ጣይብ ኤርዶጋን፣ በኢትዮጵያና ሱማሊያ ይፋዊ ጉብኝት ሊያደርጉ ማቀዳቸውን አስታውቀዋል። ፕሬዝዳንት ኤርዶጋን በኹለቱ አገራት ጉብኝት ለማድረግ ያቀዱት፣ ከቀጣዩ ጥር እስከ የካቲት ወር ባለው ጊዜ ውስጥ እንደኾነ ገልጸዋል። ፕሬዝዳንቱ ይፋዊ ጉብኝት እንደሚያደርጉ የገለጡት፣ ኢትዮጵያ ባለፈው ዓመት ጥር ወር ከሶማሌላንድ ራስ ገዝ ጋር በተፈራረመችው የባሕር በር የመግባቢያ ስምምነት ሳቢያ በኹለቱ አገራት መካከል በባሕር በር ዙሪያ የተፈጠረውን ዲፕሎማሲያዊ ቁርሾ አንካራ ላይ ጠቅላይ ሚንስትር ዐቢይንና ፕሬዝዳንት ሐሰን ሞሐመድን በማሸማገል በፈቱ ማግስት ነው።

🔥 አንዳንድ የስነ-ልቦና እውነታዎች ተብለው ከሚታዩ ነገሮች መሀል ;

1. በፍቅር መውደቅ ከአደንዛዥ ዕፅ ጋር ተመሳሳይ የሆነ ነርቭ ላይ የሚያመጣው ተጽእኖ አለው።

2. አእምሮ አለመቀበልን እንደ አካላዊ ህመም ይቆጥረዋል።

3.በጣም ጥሩ ምክር የሚሰጡ ሰዎች ብዙውን ጊዜ ብዙ ችግር ያለባቸው ናቸው.

4.ብዙ ሴቶች ጥሩ መልክ፣ ጥሩ ሰው ፣ሀብታም ቤተሰብ ያለው የወንድ ጓደኛ ማግኘት ይፈልጋሉ ነገር ግን አብዛኛዎቹ ልጃገረዶች ሀብታም እና ቆንጆ አለመሆናቸው በጣም ያሳዝናል ። ወንዶች ቢሆን ያው ናቸው ።

ሜትርታክሲአገልግሎትአቅራቢድርጅቶችየደንበኞችደህንነትላይእንዲሰሩለቀረበውጥሪያንጎምላሽሰጠ

ከቀናት በፊት የሴቶች መብት ተሟጋች ቡድኖች በኢትዮጵያ የሚንቀሳቀሱ የሜትር ታክሲአገልግሎት አቅራቢዎች አገልግሎታቸው ደህንነቱ የተጠበቀ እንዲሆን ቃል እንዲገቡ ያቀረቡትን ጥሪ ተከትሎ፣ ያንጎ ለአሽከርካሪዎችም ሆነ ለተሳፋሪዎች ደህንነት በሚገባ እንደሚሰራ በመግለፅ በተጨማሪም አዲስ እና የተሻሻሉየደህንነት ባህሪያትን በማስተዋወቅ ለተሳፋሪ ደህንነት በእጥፍ ለማሳደግ ቁርጠኛ ነኝ ብሏል።

ኩባንያው ለፊደል ፖስት በላከው መግለጫ ያንጎ የሚከተላቸው የመፍትሔ ሂደቶች የደንበኞቹን እና የአሽከርካሪዎቹን የዕለት ተዕለት ደህንነት ታሳቢ ያደረገ ከመሆኑ ባሻገር የቀረበውን የስጋት ጥሪም ለመመከት የበለጠ ይሰራል ብሏል።

ያንጎ በአገልግሎቱ ተጠቃሚዎችም ሆነ አቅራቢዎች ላይ ለሚደርስ ማንኛውም አይነት ጾታዊ ትንኮሳ ወይም ጥቃት ትዕግስት የሎአለው ሲሆን በዚህ ጉዳይ የስነ-ምግባር ጉድለትቅሬታ ከተነሳ በአስቸኳይ ቅሬታ የቀረበበትን ሹፌር ካገደ በኋላ ምርመራ ያካሂዳል።

በምርመራው መሰረት ቅሬታው ከተረጋገጠ አሽከርካሪው ሙሉ ለሙሉ ከስራ ይታገዳል ያለ ሲሆን ይህ ፖሊሲ የያንጎ ተሳፋሪዎች ደህንነቱ የተጠበቀ አገልግሎ እንዲያገኙ እና ሰላማዊ እና ከስጋት ነጻ የሆነ ጉዞ እንዲያደርጉ ያግዛል።

"የእኛአገልግሎት በደንበኞቻችን እምነት እና ደህንነት ላይ የተገነባነው። በተቋማችን ማንኛውም አይነት የስነ ምግባር ጉድለትያለምንም ርህራሔ የሚስተናገድ በመሆኑ የደንበኞቻችንንደህንነት እና የአገልግሎታችንን ታማኝነት ለማረጋገጥ አፋጣኝእርምጃ እንወስዳለን”ሲሉ በኢትዮጵያ የያንጎ ስራ አስኪያጅዶክተር የቀናዓለም አበበ ተናግረዋል።

ያንጎ ለተሳፋሪዎች ደህንነት ቅድሚያ የሚሰጡ በርካታ ቁልፍ የደህንነት ባህሪያትን አስተዋውቋል።

እንደ ኩባንያው ገለፃ ከባህሪያቶቹ ውስጥ አንዱ ተሳፋሪዎች ለጉዞ የተመደበላቸውን አሽከርካሪ ብቃት ከዚህ ቀደም በሹፌሩ አገልግሎት ከተሰጣቸውደንበኞች የተሰጠውን ግምገማ በመተግበርያው መመልከት መቻላቸው ይገኝበታል ብሏል ።

በተጨማሪም ተሳፋሪዎች በመተግበርያው አገልግሎቱን ሲያዙ የተመደበላቸውን ሹፌር ከነፎቶው መመልከት የሚችሉ ሲሆን ይህም ተሳፋሪዎች ሾፌራቸውን በልበ ሙሉነት እንዲለዩ እና በአገልግሎቱ ውስጥደህንነት እንዲሰማቸው ይረዳል።

ሁሉም የያንጎ አሽከርካሪዎችየመንጃ ፈቃዳቸውን ፎቶ ከፊት እና ከኋላ እንዲሁምእንዲሁም የግል ፎቷቸውን መተግበርያው ላይ መለጠፍ ይጠበቅባቸዋል ሲል ኩባንያው ገልፇል።

ይህም የሙያ ማረጋገጫ ያላቸውአሽከርካሪዎች ብቻ አገልግሎቱን እንዲሰጡ የተፈቀደላቸውመሆኑን እንደሚያረጋግጥ ያንጎ ገልፇ ደህንነትን የበለጠ ለማሻሻል ያንጎ በድንገተኛ አደጋ ጊዜተሳፋሪዎች በፍጥነት በአካባቢው ላይ ወደሚገኙ የሚመለከታቸውን ባለስልጣናት እንዲያገኙ የሚያስችል የSOSቁልፍ ያቀርባል።

ተሳፋሪዎች የጉዞ ዝርዝሮቻቸውን እናየሚገኙበትን አካባቢ ለሚፈልጉት ሰው ማጋራት እንዲችሉየተደረገ ሲሆን ይህም ተሳፋሪው የበለጠ ደህንነት እንዲሰማውያደርገዋል። በተጨማሪም ያንጎ ተሳፋሪዎች የደህንነትምክሮችን የሚያገኙበት፣ የገጠማቸውን ችግርየሚያመለክቱበት እና ስለ አገአልግሎቱ የደህንነት ባህሪያትየበለጠ የሚያውቁበትን ዝርዝሮች በመተግበሪያው ውስጥ መካተቱም ተገልፇል ።

ያንጎ ሁሉም አሽከርካሪዎች በደህንነት ፕሮቶኮሎች እና ሙያዊስነምግባር ጉዳይ ላይ በትክክል የሰለጠኑ መሆናቸውን ለማረጋገጥ ቁርጠኛ ነኝ ያለ ሲሆን ኩባንያው አሽከርካሪዎችለተሳፋሪዎች ደህንነቱ የተጠበቀ አገልግሎት ስለመስጠትአስፈላጊነት ለማስተማር መደበኛ የስልጠና ፕሮግራሞችን ያስተዋወቀ ሲሆን የስልጠና ማስተማርያ እና መርጃዎቹ የኢትዮጵያን ነባራዊ ሁኔታ የሚያገናዝቡ እንዲሆኑ ለማድረግ እየሰራ እንደሚገኝም አስረድቷል።

"የመንግስት አካላት ለሰብዓዊ መብት መጠበቅ ኃላፊነታቸውን ባለመወጣታቸው ጥሰቶቹ እንደቀጠሉ ይገኛሉ"- ኢሰመጉ

የኢትዮጵያ ሰብዓዊ መብቶች ጉባኤ በኦሮሚያ ክልል ምስራቅ አርሲ ዞን ሽርካ ወረዳ በሚገኙ ቀበሌዎች በተደረገ ምርመራ ከፍተኛ ቁጥር ያላቸው ህጻናት፣አረጋውያን እና ሴቶች በታጠቁ መገደላቸውን አስታውቋል፡፡

ምርመራው የተደረገው ከታህሳስ 7ቀን2016 እስከ ህዳር 23/ 2017 ዓ.ም በኦሮሚያ ክልል ምስራቅ አርሲ ዞን ሽርካ ወረዳ በሚገኙ 20 ቀበሌዎች በተፈጸሙ ኢሰብዓዊ ድርጊቶች የንጹሀን ህይወት ማለፉን ለማወቅ መቻሉን ኢሰመጉ ገልጿል።

ይህን ተከትሎም የፌደራል እና የኦሮምያ ክልል መንግስታት በክልሉ ከጊዜ ወደ ጊዜ እየተባባሱ የመጡትን የሰብዓዊ መብት ጥሰቶች በቂ ትኩረት በመስጠት የህዝቡ ሰላም ተጠብቆለት የመኖር መብቱን እንዲያስከብሩ አሳስቧል፡፡

በተጨማሪም በኦሮምያ ክልል በተደጋጋሚ ጊዜ ለሚፈጸሙ ጥቃቶች የፌደራልና የኦሮምያ ክልል መንግስታት የጸጥታ አካላት ጥቃቶች ሳይደርሱ ቅድመ የመከላከል ስራን መስራት፣ ተፈጽመው ሲገኙም አፋጣኝ ምላሽ የመስጠት ስራን በትኩረት በመስራት ኃላፊነታቸውን እንዲወጡ ጠይቋል፡፡

" ቤተሰብ መበታተን አልፈልግም ፤ ቤተሰቦች የማይለያዩበት ብቸኛው መንገድ ሁሉንም አንድ ላይ ከአገር ማባረር ነው " - ትራምፕ

ተመራጩ የአሜሪካ ፕሬዝዳንት ዶናልድ ትራምፕ ከNBC ጋር ቆይታ አድርገው ነበር።

በዚህም ቆይታቸው ከስድተኞች ጋር የተያያዙ ጉዳዮችን አንስተዋል።

ምን አሉ ?

ትራምፕ ወላጆቻቸው በውጭ አገራት ቢወለዱም በአሜሪካ የተወለዱ ልጆቻቸው ዜግነት የሚያገኙበትን መብት እሽራለሁ ብለዋል።

ወላጆቻቸው ሌላ ቦታ ቢወለዱም በአሜሪካ የሚወልዷቸው ልጆች የአሜሪካ ፓስፖርት የማግኘት መብት የሚሰጠውን በመወለድ የሚገኝ የዜግነት መብት ለማስቆም ፕሬዚዳንታዊ ትዕዛዝ እንደሚያስተላልፉ አሳውቀዋል።

በተለያዩ ምክንያቶች ተሰደው ወደ አሜሪካ የሄዱ ሰዎች የመኖሪያም ሆነ የዜግነት መብት ባያገኙም አሜሪካ ውስጥ የወለዷቸው ልጆች ዜግነትን ማግኘት ይችላሉ ታዲያ ትራምፕ ስራ ሲጀምሩ ይህንን ነው የሚሽሩት።

ሆኖም በልጅነታቸው ወደ አሜሪካ የመጡ ሰነድ የሌላቸው ስደተኞች ለመርዳት ከዴሞክራቶች ጋር እንደሚሰሩ ገልጸዋል።

*🇺🇸 በመወለድ የሚገኝ የዜግነት መብት የአሜሪካ ህገ መንግሥት አንቀጽ 14ን መሰረት ያደረገ ነው። '' ማንኛውም አሜሪካ ውስጥ የተወለደ ወይም ተገቢውን ግዴታዎች የተወጣ ሰው የአሜሪካ ዜጋ የመሆን ሙሉ መብት አለው '' ይላል።*
በሌላ በኩል ፤ ትራምፕ በምርጫ ቅስቀሳቸው ወቅት የአሜሪካ ዜግነት ያላቸው የቤተሰብ አባላት ያላቸውን ጨምሮ ህጋዊ ሰነዶች ያላሟሉ ስደተኞችን ከአገር ለማባረር የገቡትን ቃል ተግባራዊ እንደሚያደርጉ አረጋግጠዋል።

" ቤተሰብ መበተታተን አልፈልግም " ያሉት ትራምፕ " ስለዚህ ቤተሰቦች የማይለያዩበት ብቸኛው መንገድ ሁሉንም አንድ ላይ ከአገር ማባረር ነው " ብለዋል።

ትራምፕ በአንድ ወቅት ለመሰረዝ ሞክረው የነበረውን ወደ አሜሪካ ብቻቸውን ለሚመጡ ህጻናት ከለላ የሰጠውን የኦባማ 'ዲፈርድ አክሽን ፎር ቻይልድ ሁድ አራይቫልስ' በተሰኘው ፕሮግራም የታቀፉትን በተመለከተ ከምክር ቤቱ ጋር አብሬ እሰራለሁ ብለዋል።

" ከዴሞክራቶች ጋር በአንድ ዕቅድ ላይ እሰራለሁ " ያሉት ትራምፕ ከነዚህ ስደተኞች መካከል ጥቂቶች ጥሩ ስራ የያዙ በንግድ ላይ የተሰማሩም አሉ ሲሉ አክለዋል።

መረጃውን ኤንቢሲን ዋቢ በማድረግ ያጋራው ቢቢሲ ነው።

#USA #MASSDEPORTATION

የስኮትላንድ ክሊኒክ የክሪፕቶ ምንዛሬ ሱስን ለማከም ለሶስት አመታት ሲሰራ ቆይቷል።

የጅማ ዩኒቨርስቲን ስም በመጠቀም የማታለል እና የማጭበርበር ተግባር ስትፈፅም የነበረችው ግለሰብ በእስራት ተቀጣች

በኢትዮጵያ አንጋፋ ከሆኑት ዩንቨርስቲ መካከል ግንባር ቀደም በሆነው የጅማ ዩንቨርስቲ ስም በመጠቀም የማታለል እና የማጭበርበር ተግባር ስትፈፅን የነበረችው ግለሰብ በእስራት መቀጣትዋን የጅማ ከተማ አስተዳደር ወረዳ አቃቤ ህግ ፅህፈት ቤት ገልጿል።የጅማ ከተማ አስተዳደር ወረዳ አቃቤ ህግ የተለያዩ ወንጀሎች እና የፍታብሄር ጉዳዮች  ምርመራ ቡድን መሪ አቃቤ ህግ አሚር መሀመድ ዚን እንደገለፁት ተከሳሽ ራሄል አለሙ የተባለችው ግለሰብ ነዋሪነቷ በጅማ ከተማ ቆጬ ቀበሌ ሲሆን ተከሳሿ ሆነ ብላ ያልተገባ ጥቅም ለማግኘት በማሰብ በጅማ ዩንቨርስቲ ስም የተለያዩ  የማታለል እና የማጭበርበር ተግባራትን በሶስት ግለሰቦች ላይ የማጭበርበር ተግባር የፈፀመች መሆኑን በማስረጃ መረጋገጡን ገልፀዋል።

ተከሳሿ በመጀመሪያ የማታለል እና የማጭበርበር ተግባሯን ሀምሌ 5 ቀን 2015 ዓ.ም መንግስታዊ ያልሆነ የኮንስትራክሽን ስራዎች ድርጅት ባለቤት ከሆኑት አቶ አሸናፊ ግርማ ጋር በመገናኘት የጅማ ዩንቨርስቲ በወረዳዎች ለሚያሰራው የማስፋፊያ ስራ ጨረታ እንድታሸንፍ አደርጋለሁ በማለት ከግለሰቡ ላይ 120 ሺህ ብር መቀበሏ ተረጋግጧል ብለዋል። ከዚህም በተጨማሪ  እኔ የጅማ ዩኒቨርስቲ ውስጥ ነው የምሰራው በማለት ራሷን በማስተዋወቅ መስከረም 25 ቀን 2016 ዓ.ም የግል ተበዳይ የሆኑትን ወይዘሮ እታገኘው ጌታቸውን ልጃቸውን ከመቅደላ ዩንቨርስቲ ወደ ጅማ ዩንቨርስቲ አዘዋውራለሁ በማለት ከወይዘሮዋ ላይ 5 ሺህ ብር መቀበሏ በማስረጃ የቀረበ መሆኑን ገልፀዋል።ተከሳሽዋ ከዚህም ሌላ የግል ተበዳይ የሆነችውን ባንቹ አሰፋ የተባለችውን ግለሰብ ቀርባ በማነጋገር ጥቅምት 26 ቀን 2016 ዓ.ም ከጅማ ዩኒቨርስቲ ከሸማቾች ማህበር ስኳር እንደምታመጣ በመነጋገር ከግለሰቧ 20 ሺህ ብር የተቀበለች መሆኗን ገልፀው ተናግረዋል።

ተከሳሽዋ በዩንቨርስቲው ስም የፈፀመችው የማጭበርበር እና የማታለል ድርጊት ከፈፀመች በኋላ ተሰውራለች። የማታለል እና የማጭበርበር ድርጊት የተፈፀመባቸው ግለሰቦች ለጅማ ወረዳ አቃቤህግ ቀርበው በማመልከታቸው ጉዳዩ በፖሊስ ክትትል ተደርጎበት ተከሳሽዋ በቁጥጥር ስር ልትውል ችላለች። ተከሳሽዋ በቁጥጥር ስር ከዋለች በኋላ ፖሊስ እና አቃቤ ህግ በጥምረት ምርመራ መዝገብ በማስረጃ በማጣራት ካጠናቀቁ በኋላ አቃቤህግ በወንጀል ህግ አንቀፅ 60 እና 692 ንዑስ አንቀፅ  1 ተከሳሽዋ ያልተገባ ጥቅም ለማግኘት በማሰብ በአንድ ከፍተኛ የትምህርት ተቋም ስም በመጠቀም ከፍተኛ የማጭበርበር እና የማታለል ተግባር መፈፀሟን በመጥቀስ ክስ የመሠረተባት መሆኑን ገልፀዋል።

ተከሳሽ የአቃቤ ህግን ማስረጃ የሚያስቀይር የመከላከያ ማስረጃ እንድታቀርብ በሠጠው ትእዛዝ መሠሰት ተከሳሿ የአቃቤ ህግን ማስረጃዎችን ውድቅ ማድረግ ባለመቻሏ አቃቤ ህግ የቀረበባትን ክስ ሙሉ ለሙሉ ጥፋተኛ መሆኗ ተረጋግጧል። የክስ ሂደቱን ሲከታተል የነበረው የጅማ ከተማ ወረዳ ፍርድ ቤት ህዳር 13 ቀን 2017 ዓ.ም በዋለው ችሎት ተከሳሽ ራሄል አለሙ ሙሉ ለሙሉ ጥፋተኛ በመሆኗ በ 3 አመት ከ 3 ወር እስሬት እንድትቀጣ የተወሰነባት መሆኑን የጅማ ከተማ ወረዳ አቃቤ ህግ የተለያዩ ወንጀሎች እና የፍትሀብሄር ጉዳዮች የምርመራ ቡድን መሪ አቃቤ ህግ አሚር መሀመድ ዚን ጨምረው ተናግረዋል።

Advert

በዚህ ሀሩር ዝናብ ከየት መጣ

በረከቱ ትደርብንና ኢትዮጵያዊው ጻድቅ አባታችን አባ ሙሴ ጸሊም በሀገረ ግብጽ ወደ ቅድስና የተጓዘ፣ በአረማውያን እጅ በሰማዕትነት ያረፈ፣ በግብጽና በኢትዮጵያ ኦርቶዶክስ ተዋህዶ አብያተ ክርስቲያናት የቅድስና ማዕረግ የተሰጠው ታላቅ ገዳማዊ አባት ነው፡፡

በግብጽ በረሀ በበዓቱ ውስጥ ሆኖ ሰሌን በሚሰራበት ወቅት ከእርሱ በረከት ሊያገኙ የወደዱ መነኮሳት ሊጠይቁት መጡ፡፡ እንግዶቹንም ለማስተናገድ ምግብ ሊያበስልላቸው ቢመለከት ምንም አይነት ውሃ የለውም፡፡ ውሃ የሚመጣበት ስፍራ ደግሞ እጅግ ሩቅ ነው፡፡ አባ ሙሴ ጸሊምም በእግዚአብሔር ፊት ለጸሎት ቆመና “ጌታዬ ሆይ ወንድሞች ሊጠይቁኝ መጥተዋልና ምግብ እንዳበስልላቸው ውሃ ስለምትሰጠኝ አመሰግንሃለሁ” ሲል አስቀድሞ በማመን ልብ ሆኖ ጸለየ፡፡

ማመን ይህ ነው፣ አንድን ነገር እግዚአብሔር ያደርግልኛል ብሎ በምስጋና በፊቱ መቆም፡፡ ገዳማውያን አባቶች የሚያደርጉት ይህንን ነው፡፡ የምንኩስናችንን ዋጋ ይሰጠናል ብለው፣ የዓለምን ምቾት ንቀው ስጋቸውን እያጎሳቆሉ ሌሊትና ቀን በጸሎትና በምስጋና ይኖራሉ፡፡

ቅዱስ አባ ሙሴም ጸሊምም አምኖ የጠራው ቅዱስ እግዚአብሔር በደረቁ ግብጽ በረሀ፣ በዚያ ሀሩር ምድር በበአቱ ዙሪያ ብቻ በዘነበ ዝናብ እንግዶቹን ለመሸኘት የሚያስፈልገውን ውሃ አገኘ፡፡ ወደ ቤት ሲገባም ልብሱ በስብሶ ያዩት እንግዶቹ በመገረም “በዚህ ሀሩር ዝናብ ከየት መጣ?” ብለው ጠየቁት፡፡
እርሱም በመታበይ በኔ ጸሎት ወረደ ከማለት ይልቅ የርሱን ጸሎት የእነርሱም አድርጎ “እግዚአብሔር ጸሎታንን ሰምቶ ውሃ ሰጠን” አላቸው፡፡ ከአባታችን ከአባ ሙሴ ጸሊምና ከገዳማውያን አባቶቻችን ጸሎትና በረከት ያካፍለን፡፡

ድጋፍ ለማድረግ :-ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

ለተጨማሪ መረጃ:-
የገዳሙ ስልክ ቁጥር:-0918077957
ወይም 0938644444

በኢትዮጵያ 47 በመቶ የሚሆነው የሃይል መቆራረጥ ችግር የሚከሰተው ከዛፎች ጋር በሚፈጠር ንክኪ ነው፣ በመሆኑም ዛፎችን የማፅዳት ስራ ተጠናክሮ ይቀጥላል” - አገልግሎቱ

የኢትዮጵያ ኤሌክትሪክ አገልግሎት በሀገሪቱ “47 በመቶ የሚሆነው የሃይል መቆራረጥ ችግር የሚከሰተው ከዛፎች ጋር በሚፈጠር ንክኪ መሆኑ አረጋግጫለሁ፣ ለሃይል መቆራረጥ መንስዔ የሆኑ ዛፎችን የማፅዳት ስራ አጠናክሬ እቀጥላለሁ” ሲል አስታወቀ። 

“ዛፎች ሲተከሉ ከኤሌክትሪክ መሰረተ ልማት በሶስት ሜትር መራቅ እንዳለባቸው” መመሪያ ቢኖርም ተግባራዊ እየተደረገ አይደለም ሲል የገለጸው ተቋሙ “በአብዛኛው አካባቢዎች በመኖሪያ ቅጥር ግቢ ውስጥ እንዲሁም ከግቢ ውጭ ለኃይል መቆራረጥና ለአደጋ መንስኤ የሆኑ ዛፎችን ከመሰረተ ልማቱ በእጅጉ ተቀራርበው ይገኛሉ ሲል አመላክቷል።

ተቋሙ ይህን ችግር ለመቅረፍ ብሎም በተደጋጋሚ የሚስተዋለውን የሃይል መቆራረጥ ችግር ለመቀነስ ለሃይል መቋረጥ መንስዔ የሆኑ ዛፎችን የማፅዳትና የቅድመ-መከላከል ስራ እያከናወነ እንደሚገኝም ጠቁሟል።

በምዕራብ አዲስ አበባ፣ በወልዲያ፣ በጋምቤላ፣ በቤኒሻንጉል ጉሙዝና በሆሳና ሪጅኖች ስር በሚገኙ የአገልግሎት መስጫ ማዕከላት ከ193 ኪሜ በላይ የኤሌክትሪክ መስመር የዛፍ ማፅዳት ስራ አከናውኛለሁ ሲል በማህበራዊ ትስስር የፌስቡክ ገጹ ባጋራው መረጃ አስታውቋል።