https://youtu.be/wjfBGgF_djo?si=uxhJjbk3lwrqHg6-

⛔️የማይቀርበት ልዩ ቀን⛔️
📍 እሁድ ከጠዋቱ 3:30 ጀምሮ

የእግዚአብሔርን መለኮታዊ ሀይል የምንቀበልበት ልዩ ትንቢታዊ ቀን!!!

በተለያዩ ጥያቄዎች ውስጥ ያላችሁ እና የእግዚአብሔርን መለኮታዊ ምሪት እና በረከት የምትፈልጉ ሁሉ ተጋብዛችኋል!!!
እግዚአብሔር ዛሬም ይሰራል!!!

📍አድራሻ:- ሃያ ሁለት አደባባይ የመገናኛ ታክሲ መያዣ ጋር በሚገኘው ሰገን ህንፃ ስር

የእግዚአብሔር ድንቅ ተዓምራት / የብላቴናው የማይሰማ ጆሮ ተከፈተ
https://youtu.be/8JKi0BZCPr4

ስማቹ ማነው?

አምርራችሁ ያለቀሳችሁበት ጉዳይ አፍ ሆኖ ይናገርላችኋል

1ኛ ሳሙ 1:10-11

በኤፍሬም ሀገር ትኖር የነበረችው የሕልቃና ሚስት ሀና ባለመውለዷ ነቀፌታ ምክንያት ጣውንቷ ፍናና እጅግ ታስቆጣት እና ታበሳጫት ነበር።

ሀና፣ ምንም እንኳ ባለቤቷ ሕልቃና አብዝቶ ቢወዳትና ስጦታዎችን ቢሰጣትም የልቧን ሐዘን ሊሽርላት ግን አልቻለም ነበር።

የሀናን ታሪክ ስንመለከተው በአንድ ምዕራፍ ስለተጻፈ ቀላል ሊመስል ይችላል። ነገር ግን የሀና ምሬት ብዙ ዓመታትን የዘለቀ ነበር።

ፍናና ብዙ ወንደችና ሴቶች ልጆች ወልዳ ባሳደገች ቁጥር ሀና ባለመውለዷ ምክንያት ስትነቀፍ ብዙ ዓመታት ተቆጥረዋል።

ባሏ ሕልቃናም በዚህ ሁሉ ውስጥ ባለመውለዷ ምክንያት ከሚሰማት ሐዘን ለማጽናናት ይሞክር ነበር። ነገር ግን በሕይወታችን የምናነሳቸው አንዳንድ ጥያቄዎች ሰውም ገንዘብም የሚመልሱት ላይሆን ይችላል። ያለንበትም ሁኔታ ምድረ በዳ ሆኖ የሚረዳን እግዚአብሔር እና እግዚአብሔር ብቻ ይሆናል። በዚህ ወቅት የውስጣችንን ጩኸት ብናወጣና ለማስረዳት ብንሞክር እንኳ የሚረዳን አናገኝም።

ይህን መልዕክት ለምታነቡና ባልተመለሱ ጥያቄዎች ምክንያት አምርራችሁ እያለቀሳችሁ ላላችሁ ሰዎች በዚህ ክፍል ካገኘሁት መረዳት አንጻር አንድ መልዕክት አለኝ። ‹አንገት የደፋችሁበት ነገር በኩራት አፍ ሆኖ ይናገርላችኋል።› !!

ሀና ለሕልቃና የሚገባውን እንዳልሰጠችው በተሰማት ጊዜ ባሏ ሕልቃና ከልጆች ይልቅ እኔ አልበልጥብሽም ወይ ቢላትም ይህ አባባሉ ግን መልስ ሊሆንላት አልቻለም። የቱንም ያህል በባሏ ዘንድ ብትወደድም እንዲህ ዓይነት ነገሮች በባሕል ውስጥ እንኳ በሰዎች ዕይታ እና ንግግር ነቀፌታን የሚያስከትል ነው።

በእግዚአብሔር ቤት ለራሳቸው እና ለልጆቻቸው መሥዋዕት ለማቅረብ ብዙዎች ሲሄዱ ሀና ግን መሄድ እንኳ እስኪከብዳት ትደርስ ነበር። ይህች ሴት ከነ ነቀፌታዋ በእግዚአብሔር ቤት በተመላለሰችባቸው ጊዜያት ሁሉ ግን «በእግዚአብሔር ቤት እየተመላለሰች፣ እየጸለየች እንዴት ነው ጥያቄዋ የማይመለስላት?» የሚል ነቀፌታ ነበረባት።

ወደ እግዚአብሔር ቤት በሄዳችሁ ቁጥር ጥያቄያችሁን የሚያውቁ ሰዎች ይህን ተመሳሳይ ጥያቄ በእናንተም ላይ እያነሱ ይሆናል።

ሀና ወደ እግዚአብሔር መቅደስ ስትሄድ ልቧ ሁሌም ባዘነ ልብ ነበር። ምክንያቱም መሥዋዕት የምታቀርብለት ልጅ የላትም። ይህን ጥያቄ በተደጋጋሚ ለዓመታት ስትጠይቅ መልስ አላገኘችም ነበር።

እኛም በሕይወታችን ውስጥ የምንጠይቃቸው ብዙ ጥያቄዎች ይኖራሉ። አንዳንድ ጥያቄዎችን ደግሞ ካልተመለሱ በቀር በማንተውበት ደረጃ አምርረን እንጠይቃለን። የመጨረሻው ጊዜ ነው ብለን እርግጠኛ የምንሆንባቸው ጥያቄዎች ወደ ጫፍ ይደርሳሉ።

ሀናም በዚያ ሥፍራ ለአንዴና ለመጨረሻ ቆርጣ፣ ከልቧ አምርራ ስትለምን የምሬቷ ደረጃ ካህኑ ዔሊ እንኳ እሷን እንደ ሰካራም እስኪመለከታት አድርጎታል። ምክንያቱም በውስጧ የነበረው ለብዙ ዓምታት የተጠራቀመ ብሶት፣ ሐዘን እና ጩኸት ነው።

እግዚአብሔር ግን በጩኸቷ ውስጥ መልስን የሚሰጥበት የመጨረሻ ቀን ነበር። ሀናም ለዔሊ ልቧ ያዘነባት ሴት እንደሆነችና ንግግሯ ከእግዚአብሔር ጋር እንደሆነ ስትገልጽለት እግዚአብሔር ልመናዋን እንዲቀበል ባርኮ ሸኛት። ካህኑ ዔሊ ነቢይ ነበር። ከነቢይ አፍ ቃል ሲወጣ ምን ማለት እንደሆነ ታውቃለች፤ መጽሐፍ ቅዱስም እንዲህ ይላል፦ «ከዚያች ቀን ጀምራ ሀና አዝና አልታየችም።»

ምንድን ነው ያስመረራችሁ? ምንድን ነው ጥያቄያችሁ? ምንድን ነው ነቀፌታችሁ? እግዚአብሔር ነቀፌታችሁን፣ ጥያቄያችሁን፣ ያስመረራችሁን ጉዳይ መልስ አድርጎ ይሰጣችኋል።

ለሀና እግዚአብሔር ልመናዋን ሰምቶ ነቀፌታዋን አነሳላት፤ ጥያቄዋንም መለሰላት።
1ኛ ሳሙ 2 ላይ ልጇን ሳሙኤልን ለእግዚአብሔር ከሰጠች በኋላ አፏ ለምስጋና ተከፍቶ እግዚአብሔርን ስትባርክ እንመለከታለን።

እዚህ ጋር አንድ ነገር እንድናስተውል ያስፈልጋል!
ሀና ሳሙኤልን ከወለደች በኋላ ለሁሉም እየዞረች እግዚአብሔር ልጅ ሰጠኝ ልጅ ሰጠኝ አላለችም። ልጇን ለእግዚአብሔር ከሰጠች በኋላ በድፍረት «አፌ በጠላቶቼ ላይ ተከፈተ» ስትል ተናገረች። የሀና ጩኸት ሳሙኤል እንዲወለድ ነበር።

፨ ሳሙኤል ደግሞ የአንድ ተራ ጩኸት መልስ አይደለም፤ ራሱ ድምፅ ሆኖ የተወለደ ነቢይ እንጂ!!

ሀና አፌ በጠላቶቼ ላይ ተከፈተ ብላ እንድትናገር ያደረጋት መረዳት የወለደችው ልጅ 120 ግዛት ሙሉ ድምፁ የሚሰማ፣ ከዳን እስከ ቤርሳቤህ የተናገረው ቃል የማይሻር፣ እሱ ተናገረ ማለት ንጉሥ ሳይቀር የሚንቀጠቀጥለት ነቢይ ስለሆነ ነው። ለሀና አፍ የሆነላት የራሷ አፍ ሳይሆን የወለደችው ልጅ ነው።

ስለሆነም ... ነቀፌታን በተቀበላችሁበት፣ በሰው ሁሉ ፊት አንገት በደፋችሁበት በዚያ ጥያቄ እግዚአብሔር በሰው ሁሉ ፊት ያንን ጥያቄ ድምፅ አድርጎ ለእናንተ የሚናገር የምሥራች አድርጎ እንዲመልስላችሁ ባረኳችሁ። የጥያቄ ውጤት ተራ መልስ ሳይሆን የሚያወራ፣ ትውልድ የሚናገረው መልስ እንዲሆንላችሁ ባርኬያችኋለሁ✋

ሰውን መፍራት ወጥመድ ፤ እግዚአብሔርን መፍራት ግን የጥበብ መጀመሪያ!!

1ኛ ቆሮ 9:19 | ምሳሌ 9:10

እንደ ቤተክርስቲያንም ሆነ እንደ ሀገር ማቆም ከሚገቡን ነገሮች መካከል አንዱና ዋነኛው «ይሉኝታ» የሚባለውን በስውር የሚገድል ክፉ ሐሳብና ልምምድ ነው።

አንዳንድ ነገሮች እንዲሁ ከላይ ከላይ ሲታዩ የጨዋነት ማሳያ ሊመስሉ ቢችሉም ዘለቅ ብሎ ለመመረመራቸው ግን ድምፅ አልባ መሣሪያዎች ናቸው።

ይሉኝታ ሰውን ወደ መፍራት የሚከት ወጥመድ ነው። ሰዎች ምን ይሉኛል ፤ እንዴት ይመለከቱኛል ፤ ስለ እኔ ምን ያስባሉ ... እና የመሳሰሉት አላስፈላጊ ጥያቄዎች ሰዎች ሌሎች ሰዎችን በፍርሃት ዐይን እንዲመለከቱ ያደርጋቸዋል።

ብዙውን ጊዜ ምሥጢራዊ የሆኑ መንፈሳዊ ልምምዶች ከተለመደው መንገድ በተለየ ሲገለጡ ሃይማኖታዊነት ባጠቃቸው ተቀባዮች ዘንድ እንደ ኩነኔ ሊቆጠሩ ይችላሉ። እንደ ኩነኔ ማለት በእነርሱ ዘንድ ጉዳዩ የታየበት መነጽር እንጂ በርግጥም ኩነኔ ሆኖ እንዳልሆነ ልብ ይበሉ።

በመጽሐፍ ቅዱሳችን ላይ ከሰው ፍርሃት አርነት የወጣው ጳውሎስ በመብላት እና ባለመብላት ጉዳይ እንኳ ሰዎች ዕውቀት ከማጣት የተነሣ በእሱ እንደተሰናከሉ እንዳይሰማቸው ጥንቃቄ ያደርግ ነበር።

በምሳሌ 29:25 ላይ ሰውን መፍራት ወጥመድ እንደሆነና በእግዚአብሔር የሚታመን ግን እንደሚጠበቅ መጽሐፍ ቅዱስ ይናገራል።

ከዚህም የተነሳ ሰውን መፍራት ማለት በቀላል አገላለጽ አንድ የሰው ፍርሃት ያለበት ሰው ተገዢነቱ የሚሆነው ለሚፈራቸው ሰዎች ይሆናል ፤ ከዚያ ባለፈ እንደ ባሪያ ወደፈለጉበት አቅጣጫ ይወስዱት ዘንድ ኃይል ይኖራቸዋል ማለት ነው።

የሰው መንፈስ / ሰውን መፍራት

፨ እግዚአብሔር ለሰዎች ምሪትና አቅጣጫን እየሰጠ የሰው ፍርሃት ያለባቸው ሰዎች ግን ነገራቸው እንዳይወጣ ይገድልባቸዋል

፨ ሰውን መፍራት የሰዎችን መዳረሻ ይገድላል
፨ ሰውን መፍራት የተፈሪውን አካል አስተሳሰብ ወደሚፈራው ሰው ያጋባል
፨ የሰው ፍርሃት ያለበት ሰው በሄደበት ቦታ ሁሉ በሰዎች ንግግር ተጽዕኖ ሥር ይወድቃል
፨ የሰው መንፈስ ሰዎችን በሃይማኖታዊ አጥር ውስጥ ያስቀምጣቸዋል

በመጽሐፍ ቅዱሳችን ውስጥ ከምናገኛቸው ሰዎች መካከል ጴጥሮስን የሰው መንፈስ በገረድ ፊት ሲያስክደው፣ ነቢዩ ሳሙኤልን ደግሞ ሳኦልን እንዲፈራ አድርጎታል።

ይህ የሰው መንፈስ የሚለቃቸው የፍርሃት ዓይነቶች
Appearance (ከአቋም ወይም ከገጽታቸው አንጻር)
Voice (በምናያቸው ወይም በምንሰማቸው ነገሮች ውስጥ የምንቀበላቸው መልዕክቶች)
* Title/Position (ሰዎችን ካላቸው ሥልጣን ወይም ኃላፊነት ወይም መብት አኳያ መፍራት) በሚል ከፍለን ልንመለከታቸው እንችላለን።

እያንዳንዱ ነገር ድምፅ ነው። እያንዳንዱ ድምፅ ደግሞ ከጀርባው የሚያንቀሳቅሰው ነገር አለ። በዚያ ድምፅ ምክንያት ወደ ሰው ልብ የሚገባው ፍርሃት ከሆነ ያ ፍርሃት ሠይጣን ሰዎችን ተጠቅሞ የፈለገውን እንዲያደርግ ይጋብዘዋል።

ሆኖም ግን!!

በእግዚአብሔር ሕልውና ውስጥ የተዋጠ ሰው በሚያስፈራ ነገር ላይ እንኳ ደፋር የሚሆንበትን ኃይል ያገኛል።

ለዚህም ነው በገረድ ፊት ጌታ ኢየሱስን ክዶ የነበረው ጴጥሮስ የእግዚአብሔር ኃይል ከመጣበት በኋላ በነገሥታት ፊት ቆሞ «እናንተ የሰቀላችሁት እርሱ» እያለ ምስክር የሆነለት።

አንድ ነገር እንድናስተውል ያስፈልጋል። ሰውን መፍራት ወጥመድ ከሆነ ውጤቱ ሰዎች ወደሚፈለጉበት በሄዱ ቁጥር መጎተት ሲሆን የጥበብ መጀመሪያ የሆነው እግዚአብሔርን የመፍራት ውጤት ግን ወደ በረከት ያደርሳል።

ስለሆነም ሰዎች ምን ይሉኛል ከሚለው ትልቅ ወጥመድ ወጥተን የሠይጣን መሣሪያ ባለመሆን ራእያችንን ከግብ ማድረስ ይጠበቅብናል።

ምሳሌ ወይስ ምሥጢር?
ዮሐ 15:1-17

በተለያዩ የዓለማችን አህጉራት፣ በተለይም በአፍሪካ እንደ ሀገር ደግሞ በኢትዮጵያ ውስጥ ምሳሌያዊ አናጋገሮች በብዛት ተለምደዋል።

እንደ አባባል የቆጠርናቸው አንዳንድ ንግግሮች ግን ምሳሌ ብቻ ሳይሆኑ ምሥጢር አዘል ጭምር ናቸው።

"ኢየሱስ" ራሱን በወይን ዛፍ ግንድ መስሎ ሲናገር ምሥጢርን እየገለጠ እንጂ እንዲሁ ምሳሌ እየተናገረ አልነበረም።

መንፈስ ዓለም ቁጥሮችን፣ እንስሳትን እና እግዚአብሔር ሊናገርባቸው የፈቀደባቸው ምልክቶችን እንደ መሣሪያ ይጠቀማል። ከእነዚህም መካከል አንዱ ዛፍ ነው።

ከዛፍ ጋር በተገናኘ ከዚህ በታች የቀረቡ ጥቅሶች የተሻለ መረዳት ይሰጡናል።

በዘፍ 18:1 እግዚአብሔር የተገለጠበት ቦታ፣ በዘፍ 49:22 ዮሴፍ ትንሹ የፍሬ ዛፍ የተባለበት፣ በዘዳ 16:21 በእግዚአብሔር መሠዊያ ዙሪያ ስለሚገኘው ዛፍ፣ በሳሙኤል 5:23 ዳዊት ለውጊያ በሚወጣ ጊዜ እግዚአብሔር እንዲቆምበት ያዘዘው ቦታ፣ በምሳሌ 11:30 የጻድቅ ፍሬ የሕይወት ዛፍ እንደሆነች የተገለጸበት፣ በመዝ 52:8 በእግዚአብሔር ፊት በልምላሜ የመታየት ምሳሌ፣ ዳንኤል ስለ ናቡከደነጾር ያየው ሕልም፣ በራእይ መጽሐፍ እንደ ሁለት የወይራ ዛፍ በተምሳሌትነት የቀረቡት ሁለቱ ምስክሮች ሙሴና ኤልያስ፣ በሕዝ 15:2 ደግሞ በዱር ዛፎች ሁሉ መካከል የወይን ግንድ ከዛፍ ሁሉ ብልጫው ምን እንደሆነ ተልጿል።

ታዲያ "ኢየሱስ" ዕውነተኛ የወይን ግንድ እኔ ነኝ፤ ገበሬው አባቴ ነው ሲል ምን እያለን ነው??
በነገራችን ላይ ገበሬው አባቴ ነው የሚለው ላይ «ገበሬው» በሚል ይገለጽ እንጂ መሬቱ ወይም የተገኘበት ምንጭ አባቱ አብ መሆኑን የሚያመለክት ክፍል ነው።

የወይን ዛፍ ምሥጢራት

የወይን ዛፍ ኃይሉን በግንዱ ላይ የማይጨርስ እና ያለው ነገር ሁሉ በፍሬው ላይ የሚያልቅበት ነው።

ሌላው የዚህ የዛፍ ዓይነት አስገራሚው ነገር ሁሉንም አስፈላጊ ኒውትረንት በአንድ ላይ የያዘ መሆኑ ነው። ከመጠጦች ሁሉ ውድ የሆነ እና ቅጠሉ እንኳ የሚፈልግ አንድም የሚጣል ነገር የሌለው ማሆኑ ከሌሎች ዛፎች ልዩ ያደርገዋል።

ከዚህ በተጨማሪ የወይን ዛፍ ቅርንጫፎቹ እርስ በእርስ የተሳሰሩ እና የተጋመዱ ናቸው። አንዱ ከሌላው ተሰፍቶ የመኖሩ ምሥጢር እግዚአብሔር ለቤተክርስቲያን አካል አድርጎ የሰጣቸው ብልቶች ማሳያ ነው።

ከዚህ ባለፈ እጅግ የሚያስገርመው የወይን ዛፍ ምሥጢር በግሪክኛው "ቫይንትሪ" የተሰኘ ቃል ሲሆን ትዳር የሚል ትርጓሜ ይኖረዋል። ይህም ደግሞ የትክክለኛ ትዳር ማሳያ "ኢየሱስ" እንደሆነ ይገልጻል፤ ሙሽራይቱ ቤተክርስቲያን የእርሱ ናትና።

በዚህ ረገድ የወይኑ ግንድ "ኢየሱስ" ፣ መሬቱ "አብ"፣ ቅርንጫፍ እኛ እንሆናለን ማለት ነው።

ከ12ቱ ወራት በ8ቱ ወራት ብቻ የሚበቅለው ይሄ የዛፍ ዓይነት፣ የሚበቅልባቸው 8ቱ ወራት መንፈስ ዓለምን በሚረዱ ሰዎች ዘንድ ቁጥሩ ያዘለው ሁለት ትላልቅ መልዕክት አለ። የመጀመሪያው የአዲስ ነገር ጅማሬ ሲሆን ሁለተኛው ደግሞ በመንፈስ ከአንድ ደረጃ ወደ ሌላ ከፍ ወዳለ ደረጃ መሸጋገር ነው።

ታዲያ "ኢየሱስ" ምን እያለ ነው?

ጌታ ኢየሱስ ራሱን ከወይን ጋር አገናኝቶ የተናገረበት ይህ ሐሳብ ወደ እግዚአብሔር መድረሻ ብቸኛው መንገድ እርሱ እንደሆነ የገለጠበት ታላቅ ምሥጢር ነው።

የምልክቶችን መጀመሪያ በቃና ገሊላ ሲያደርግ እንኳ ውኃውን ወደ ወይን በመቀየር ነው የጀመረው።

ስለዚህ ወደ አብ መድረሻ ብቸኛው መንገዳችን የወይን ግንድ የሆነው ኢየሱስ ነው። እግዚአብሔር አብ ደግሞ እንድናፈራ ይፈልጋል። "ኢየሱስ" ፍሬ ያጣባትን ዛፍ የረገማት አባቱ አብ ያዘዘው ፍሬ እንድታፈራ በመሆኑና ኢየሱስም የአባቱን ትዕዛዝ ጠባቂ ስለሆነ ነው።

መጽሐፍ ቅዱስ እንደሚነግረን ያለ "ኢየሱስ" ልናፈራ አንችልምና ይህን ምሥጢር ተረድተን ከትላንት ይልቅ መረዳታችንን በመጨመር የማይደርቅ ለምለም መሬት፣ ዕውነተኛም ግንድ እንዳለ አምነን ፍሬ እንድናፈራ ያስፈልጋል።

A Tree is a representation of Personality.