255 ሚሊዮን ብር የሚጠጋ ግምታዊ ዋጋ ያላቸው የኮንትሮባንድ እቃዎች በቁጥጥር ስር ዋሉ

የካቲት 17/2017 ዓ.ም (የገቢዎች ሚኒስቴር)

ከየካቲት 7 እስከ 13 ቀን 2017 ዓ.ም በተደረገው ክትትል 254.8 ሚሊዮን ብር ግምታዊ ዋጋ ያላቸው የገቢ እና የወጭ ኮንትሮባንድ እቃዎች ተይዘዋል፡፡

በቁጥጥር ስር ከዋሉት የኮንትሮባንድ እቃዎች መካከል አልባሳት፣ ኤሌክትሮኒክስ፣ ቡና፣ ጥራጥሬ፣ የተሽከርካሪ መለዋወጫ፣ የመዋቢያ እቃዎች፣ ጫት፣ አደንዛዥ እጾች ፣ መድኃኒት፣ የቁም እንስሳት እና የወጭ ሀገር ገንዘቦች ይገኙበታል፡፡

የኮንትሮባንድ እቃዎቹ በአዲስ አበባ ኤርፖርት፣ በሞያሌ እና በአዳማ ጉምሩክ ቅርንጫፍ ጽህፈት ቤቶች ብርቱ ጥረት በፌደራል እና በክልል ፖሊስ አባላት እንዲሁም በህብረተሰቡ ትብብር በፍተሻ እና በበረራ ተይዘዋል፡፡

ኮሚሽኑ በዚህ የህግ ማስከበር ስራ ላይ ለተሳተፉ የኮሚሽኑ ሰራተኞች እና አመራሮች፣ የክልልና የፌደራል ፖሊስ አባላት እንዲሁም ለማህበረሰቡ ምስጋናውን እያደሰ ድርጊቱን ለመግታት የሚደርገው እንቅስቃሴ በቂ ባለመሆኑ ሁሉም የበኩሉን ድርሻ እንዲወጡ ጥሪ አቅርቧል፡፡

ምንጭ፡- የጉምሩክ ኮሚሽን