አዲስ አበባ ዩኒቨርሲቲ ለአምስት የተቋሙ ምሁራን የሙሉ ፕሮፌሰርነት ማዕረግ ሰጠ።

የዩኒቨርሲቲው የሥራ አመራር ቦርድ ህዳር 25 ቀን 2017 ዓ.ም ባደረገው ስብሰባ ለአምስት የተቋሙ ምሁራን የሙሉ ፕሮፌሰርነት ማዕረግ መስጠቱን ዩኒቨርሲቲው ገልጿል።

በዚህም፦

➤ ዶ/ር አለማየሁ ተ/ማርያም በስፔሻል ኒድስ ኢጁኬሽን
➤ ዶ/ር አስራት ወርቁ በጂኦቴክኒካል ኢንጂነሪንግ
➤ ዶ/ር መኮንን እሸቴ በፕላስቲክ ሰርጀሪ
➤ ዶ/ር ሚርጊሳ ካባ በፐብሊክ ሄልዝ
➤ ዶ/ር ተባረክ ልካ በዴቨሎፕሜንት ጂኦግራፊ መስኮች ከላይ ከተጠቀሰው ቀን ጀምሮ የሙሉ ፕሮፌሰርነት ማዕረግ የተሰጣቸው መሆኑ ተገልጿል።

የአዲስ አበባ ዩኒቨርሲቲ የሥራ አመራር ቦርድ በህዝብ ተወካዮች ም/ቤት ''ስለ ራስገዝ ዩኒቨርሰቲ ለመደንገግ በወጣ'' አዋጅ ቁጥር 1294/2015 በተሰጠው ስልጣን መሠረት ነው በዩኒቨርሲቲው ሴኔት የቀረቡለትን የማዕረግ ዕድገት ማፅደቁ ተመላክቷል።

@tikvahuniversity

በትግራይ ክልል የ8ኛ ክፍል ክልል አቀፍ ፈተና መሰጠት ተጀመሯል።

በክልሉ በተሳለጠ የትምህርት ፕሮግራም ትምህርታቸውን ሲከታተሉ የቆዩ 26,156 የ8ኛ ክፍል ተማሪዎች ዛሬ ፈተናቸውን መውሰድ ጀምረዋል።

ክልል አቀፍ ፈተናው በ451 ትምህርት ቤቶች እየተሰጠ ይገኛል።

የተማሪዎቹ የፈተና ውጤት በአምስት ቀናት ውስጥ እንደሚገለፅና ወደ 9ኛ ክፍል የሚያልፉ ተማሪዎች በቀጥታ የ9ኛ ክፍል ትምህርታቸውን እንደሚከታተሉ የኢዜአ ዘገባ ያሳያል።

@tikvahuniversity

ደምቢ ዶሎ ዩኒቨርሲቲ ተጠባባቂ ፕሬዝዳንት ተመድቦለታል።

ታደሰ ረጋሳ (ዶ/ር) ከታህሳስ 1 ቀን 2017 ዓ.ም ጀምሮ የደምቢ ዶሎ ዩኒቨርሲቲ ተጠባባቂ ፕሬዝዳንት ሆነው መመደባቸውን በትምህርት ሚኒስትሩ ብርሃኑ ነጋ (ፕ/ር) በቀን ህዳር 30/2017 ዓ.ም ተፈርሞ የወጣ የምደባ ደብዳቤ ያሳያል።

ለታ ተስፋዬ (ዶ/ር) የደምቢ ዶሎ ዩኒቨርሲቲ ሆነው ሲያገለግሉ መቆየታቸው ይታወቃል።

@tikvahuniversity

አክሱም ዩኒቨርሲቲ በ2017 ዓ.ም የሪሚዲያል ፕሮግራም ትምህርት ለመማር ለተመደቡ አዲስ ተማሪዎች አድርጎት የነበረውን ጥሪ አራዝሟል።

ዩኒቨርሲቲው የ2017 ዓ.ም የሪሚዲያል ፕሮግራም አዲስ ገቢ ተማሪዎች የመግቢያ ቀናት ታህሳስ 1 እና 2/2017 ዓ.ም ብሎ የነበረ ቢሆንም፤ የመግቢያ ቀናት ላልተወሰነ ጊዜ የተራዘመ መሆኑን አሳውቋል።

@tikvahuniversity