ነግሬሽ ነበረ

ውበት ደም ግባትሽ ፣ ሁሉን ያስደምማል
ከንፈርሽ አየር ነው ፣ በሁሉም ይሳማል
ነግሬሽ ነበረ፡፡
ሰማይ ሚያህል ጭንሽ ፣ ከጭንቅላት ያንሳል
ምን ተራራ ቢያህል...
ጡትሽ አቅመ ቢስ ነው ፣ ሲነኩት ይፈርሳል፡፡
ነግሬሽ ነበረ
ክብረ ቢስ ህይወቶች ፣ ጣፍጠው አይቀጥሉም
የወለዱ ሁሉ ፣ እናቶች አይደሉም፡፡
ነግሬሽ ነበረ
የናትነት ስሟ ፣
ከክብሯ ነው እንጂ ፣ከልጇ እንዳልመጣ
ወልዳም ምንም ነች ፣ ሴት ክብሯን ስታጣ፡፡
ነግሬሽ ነበረ
አትስደበኝ እያልሽ ፣ የነገርኩሽ ሁሉ
ልክ ነሽ አንዳንዴ
እውነቶች ውሸት ፊት ፣ ስድብ ይመስላሉ፡፡

✍️✍️በላይ በቀለ ወያ@loret_tsegaye
@loret_tsegaye

ዓለምና ጊዜ

አንዱ ሥፍራ ሲለቅ አንዱ እየተተካ፤
ሁሉም ርስቴ ነች እያለ ሲመካ፤
ሞኝነት አድሮብን ሳናስበው እኛ፤
ዓለም ሰፈር ሆና ህዝቡ መንገደኛ፤
ትውልድ ፈሳሽ ውሃ, መሬቷም ጅረት፤
መሆኑን ዘንግቶ ይህ ሁሉ ፍጥረት፤
ስትመለከቱት በሰልፍ ተጉዞ . . .
ሁሉም በየተራው ያልፋል ተያይዞ።

✍️✍️ከበደ ማካኤል

@loret_tsegaye
@loret_tsegaye

ትናንትና ማታ

ላሟሟሽ ሲገባኝ፣እንዳሞሌ አጥቤሽ
በመጨረስ ፋንታ
ለነገ ቆጥቤሽ
አስተርፌሽ ለሰው
የጸጸት ሱናሚ ፤ዓለሜን አመሰው፡፡
ምነው ቢቻል ኖሮ
ፈገግታሽን ቋጥሮ
ሙዳይ ውስጥ መደበቅ
ጃንደረባ ቀጥሮ
ጭንሽን ማስጠበቅ
ክፍት ልቤን ይዤ፤ ዝግ ደጅሽን ጠናሁ
በሰበብ ወድጄሽ ፤ያለሰበብ ቀናሁ፡፡
ፍቅር በተባለ፤ ግራ- ገቢ ነገር
ከጨመተው አገር
ከሰከነው ቀየ
መናፍቅ ይመስል፤ ባዋጅ ተነጥየ
እንደካፖርቴ ቁልፍ፤ ልቤን የትም ጥየ
የትም ስከተልሽ
የትም ሆኖ እድልሽ፤
ሁሉ ያንች ወዳጅ
ሁሉ ባላንጣየ
መፈቀር ሆኖ ጣሽ፤ መቅናት ሆኖ ጣየ
ላንቺ ብስል ፍሬ፤ ለኔ ገለባ ግርድ
ላንቺ እቅፍ አበባ፤ ለኔ እቅፍ ሙሉ ብርድ
ማነው የበየነው ፣ይህን ግፈኛ ፍርድ፡፡

✍️✍️በእውቀቱ ስዩም

@loret_tsegaye
@loret_tsegaye

ላፕቶፕ ለመግዛት አሰበዋል?

የተለያዩ አይነት ላፕቶፖችን ይዘን እንጠብቆታለን

💻2021/2022 Model new laptops
💻Gaming laptops
💻Slightly and Dubai used laptops

ከ1 አመት አስተማማኝ ዋስትና ጋር

የቴሌግራማችን ቻናላችንን በመቀላቀል የሚፈልጉትን ይመረጡ

https://t.me/joinchat/byKVUnPiXhowN2U0

ይደውሉ
📲 0907 270775
0912 690379

👉አድራሻ:- መገናኛ ዘፍመሽ ግራንድ ሞል 326

የፍቅር ቃጠሎጕንጭሽ ፅጌሬዳ
ሞቆት የፈነዳ
ዐይንሽ የጠዋት ጨረር
የበራ ማለዳ።
የማትጠገቢ የስንዴ ራስ ዛላ አገዳ ጥንቅሽ
ጠብ አትይ አንጀቴ ባኝክ ብመጥሽ
ቆንጆ ነሽ አንቺዬ
እሳት ነበልባል ነሽ ንዳድ በአካላቴ
ሆነሻል ሙቀቴ፤ ሆነሻል ሕይወቴ።
የጋለው ትንፋሽሽ
የሞቀው ምላስሽ
ማርኮኝ በከንፈርሽ
እጄን ሰጥቻለሁ።
እስረኛ ሆኛለሁ።
ያንቀጠቅጠኛል ወባ ቅናት ገብቶ
ልቤን አስፈራርቶ ፣ ትኩሳት አምጥቶ።
ፍቅርሽ አቃጠለኝ በመልክሽ ልተክዝ
እቀፊኝ ለቀዝቅዝ ፣ ንከሽኝ ልደንዝዝ። ***✍️******✍️***ገ/ክርስቶስ ደስታ@loret_tsegaye
@loret_tsegaye

ናፍቆቴ

ፍቅሬ ብሶ ብሶ መላ ቅጥ ቢያሳጣኝ
ድንገት ለጊዜያት ከጎንሽ ቢያርቀኝ
ናፍቆቴ...
ናፍቆቴ ልበልሽ
ማፍቀሬ ተሰማኝ ላንድ ቀን ብርቅሽ
ሱስ ሆነሽብኛል
አዎ ሱስ ሆነሽብኛል.....
ልቤ ከአንቺ ውጪ ሌላ መች ይመኛል
መረብ ሆኖ ፍቅርሽ አሳስሮ ይዞኛል
ባንቺ እንዴት ልጨክን ሆነሽ የኔ አካል
ናፍቆቴ አልኩሻ
መባዬ አልኩሻ
አይኔ ካንቺ ውጪ ማንንም አይሻ
ያንቺ ሳቂታነት በልቤ ተስሎ
ጀግና የነበረው ፊቴ ከሰል መስሎ
ሸሸ ተደበቀ ኸጥግ ላይ ቆመ ራሱን ከልሎ
በናፍቆትሽ ምክንያት
ንጉስ የነበርኩት ባንቺ የተነሳ አገልጋይ ቢያረጉኝ
....ጀብደኛ የነበርኩት ባሪያ እንኳን ቢያረጉኝ
አንቺን እስካገኘው ሃብታም ቢሉኝ ደሀ ጌታ ቢሉኝ ሎሌ ምንም አይሰማኝ
ናፍቆቴ.....
ናፍቆቴ ሳገኝሽ
ደስታዬን አልችልም እጅሽን ብስምሽ

✍️✍️በ𝐻𝑒𝑛𝑎

#From our subscribers

@loret_tsegaye
@loret_tsegaye

ብታውቂ

ስትስቂ!
ጠፈርን እንደምታደምቂ
መንፈስን ካ'ዚም እስራት
እንደምታላቅቂ
ብታውቂ!
ስትስሚ!
አጥንት እንደምታለመልሚ
ታማሚ ልብ እንደምታክሚ
ብታውቂ!
ስታወሪ!
ዱዳ እንደምታናግሪ
መነኩሴውን ከሱባኤ፣
ፈላስፋውን ከጉባኤ
እንደምትጠሪ
ብታውቂ!
እንኳንስ በ'ኔ ልትስቂ
ከራስሽ ጋር ፍቅር ይዞሽ
አይሽ ነበር ስትማቅቂ።

✍✍️በእውቀቱ ስዩም

@loret_tsegaye
@loret_tsegaye

የእያደር ሀገር ህዝቦች

እያደር ይፋጃል፣የጉድ ሀገር ገንፎ
እያደር ውድ ነው፣የጉድ ሀገር ክትፎ
እያደር ይበላል፣የጉድ ሀገር ቴሌ
የጉድ ሀገር ተስፋ፣ይነጋል ነው ሁሌ
ጉድ አንድ ሰሞን ነው፣የጉድ ሀገር ተረት
ለአንዲት ቀን እንኳን፣ጉድ አልቻለም መቅረት
እያደር እንቧ ነው፣የጉድ ሀገር በረት

የጉድ ሀገር ወሬ፣እያደር ሰቀቀን
የጉድ ሀገር ንጋት፣እያደር አንድ ቀን
እያደር እያደር
አድሮ ቃሪያ መሆን፣ወይም ከርሞ ጥጃ
የጉድ ሀገር ምላሽ፣እያደር እኔንጃ
የጉድ ሀገር ፍርሀት፣እያደር ጠብመንጃ

✍️✍️በላይ በቀለ ወያ

@loret_tsegaye
@loret_tsegaye

ላፕቶፕ ለመግዛት አሰበዋል?

የተለያዩ አይነት ላፕቶፖችን ይዘን እንጠብቆታለን

💻2020/2021 Model new laptops
💻Gaming laptops
💻Slightly and Dubai used laptops

🚨With 1 year warranty 🚨

ከ1 አመት አስተማማኝ ዋስትና ጋር

የቴሌግራማችን ቻናላችንን በመቀላቀል የሚፈልጉትን ይመረጡ

https://t.me/joinchat/byKVUnPiXhowN2U0

ይደውሉ
📲 0907 270775
0912 690379

👉አድራሻ:- መገናኛ ዘፍመሽ ግራንድ ሞል

Telegram

Core Computer

***🎲*** Brand new Laptops ***🎲*** Slightly used laptops ***🎲*** Smart phones ***🎲*** Tablets ***🎲*** Gadgets ***📱***- 0907 270775 0912 690379 Inbox ***📥*** @eyosiii Address - Megenagna Zefmesh grand mall

ባለ አንካሳ ልብ ሯጭ

ቅልጥም ለማደንደን ቅቤ ከምትጠጡ
ጋሬጣን ለማምለጥ ጫማ ከምትመርጡ
የልብ ወጌሻ አምጡ
አንካሳ ልብ ያለዉ ምን እግሩ ቢሮጥም
ቢያባርር አይዝም ቢሸሽ አያመልጥም

✍✍️በእውቀቱ ስዩም

@loret_tsegaye
@loret_tsegaye