ዝምተኛ ልቦች

አምነው የወደዱ፣
ወደው የተካዱ፣
ተክደው የራዱ፣
ፍርሃት አንሸራቶ ቁልቁል የጣላቸው፣
የብቸኛ ልቦች የትነው መውደቂያቸው?
የትነው መድረካቸው?
ማነው አጃቢያቸው?
እንዴት ነው ምታቸው?
የተካዱ ልቦች አጋር የራቃቸው፣
የሚያቀነቅኑት ምንድን ነው ዜማቸው?
የተመረኮዙት እምነት ታጥፎባቸው፣
ድንገት የወደቁ ፍቅር ያዳጣቸው፣
ሚስጥር የሚያጋሩት ሰው የበረዳቸው፣
ብቸኝነት ሰርጎ ብቻ ያስቀራቸው፣
ዝምተኛ ልቦች ምን ይሆን ቋንቋቸው?
ከየት ነው ጥሪያቸው?
በየት ነው ጉዟቸው?
የት ነው መድረሻቸው?
እንደ ሰብአሰገል ጠቅሶ የሚመራቸው፣
የቃተቱ ልቦች የታል ኮከባቸው?
መቼም ከአምላክ ትንፋሽ ከውሃ ከአፈሩ፣
ከእምንት እና እውነት ከፍቅር ሲሰሩ፣
ዝምተኛ ልቦች ጥንቱን ሲፈጥሩ፣
ተገፍትረው ወድቀው፣
ደቀው እንዳይቀሩ፣
በተስፋ ጸንተው ነው ዘላለም ሊኖሩ

✍️✍️ አርቲስት ጌትነት እንየው

@lotet_tsegaye
@loret_tsegaye

https://vm.tiktok.com/ZMkqfD6vT

አትገለን የለንም
የፃድቃኖች አርማ
አትቀጣን አንችል
ፍጡር ነን ደካማ
ብቻ....
ብቻ ይኼዉ አለን
እኛ ስናጨልም አንተ ስታበራ
መሃሪዉ ክርስቶስ.....
አንተ በኛ እፈር እኛ ባንተ እንኩራ

✍️✍️ Geni
#From our subscribers

@loret_tsegaye
@loret_tsegaye

https://vm.tiktok.com/ZMhCYnVfF/

የፍቅር ቀጠሮ

ጠበቅኩሽ እኔማ እዚያው ሥፍራ ቆሜ
በአክሱም ቁመና በላሊበላ ዕድሜ
እግሮቼን ተክዬ ቀኔን አስረዝሜ
በሔድሽበት መንገድ ልቤ እንደነጎደ
ስንት ነገር መጣ ስንት ነገር ሄደ
ስንት ጊዜስ ነጋ ስንቴ ጎህ ቀደደ
ስንቴ ዝናብ ጣለ ስንት ጊዜ አባራ
ትመጫለሽ ብዬ በቆምኩበት ሥፍራ
ስንቴ አድማሱን ማተርኩ ስንትና ስንት ዓመት
አንገቴን አስግጌ በራስ ዳሽን ቁመት
በአክሱም ቁመና በላሊበላ ዕድሜ
በቀጠርሽኝ ሥፍራ ስጠብቅሽ ቆሜ
ስንት ሳቅ አለፈ ስንትና ስንት ዕንባ
ስንቴስ ክረምት ሆነ ስንቴ ፀደይ ጠባ
ስንቱ ተገናኘ ስንቱ ሰው ተጋባ
ሽል ስንቴ ልጅ ሆነ ስንትስ ጊዜ አረጀ
ስንት ኮት ጨረሰ ስንት እንጀራ ፈጀ
ስንት ዓይነት ሞት አየሁ ስንት ዓይነት ፍፃሜ
በአክሱም ቁመና በላሊበላ ዕድሜ
በቆምኩበት ሥፍራ ስጠብቅሽ ቆሜ?
ስንት ውበት አለፈ ስንት ውበት ነጎደ
ስንት ትውልድ መጣ ስንት ትውልድ ሄደ
ስንት ዕውነት ከፍ አለ ስንት ዕውነት ወረደ
ስንት ዓለም ተሻረ ስንት ዓለም ነገሠ
ስንት ሀገር ተሰራ ስንት አገር ፈረሠ
ስንት ሺህ ዓመት ሸኘሁ ስንት ሺህ ተቀበልኩ
እዚያች ሥፍራ ቆሜ አንችን እየጠበቅኩ
እግሬን አስረዝሜ ቆየሁ ቆየሁና
በላሊበላ ዕድሜ በአክሱም ቁመና
ሳትመጪ ወደኔ ሳላገኝሽ ገና
ብዙ ነገር መጥቶ ብዙ ነገር ያልፋል
የራስ ዳሽን ራስ አንገቱን ይደፋል
አክሱምም ተንዶ እንደጨው ይረግፋል
ላሊበላም ወርዶ ቁልቁል ይነጠፋል
ሰማይና ምድርም ያልፋሉ ታያለሽ
እኔ ግን እዛው ነኝ አንች እስክትመለሽ…

✍️✍️ታገል ሰይፉ

@loret_tsegaye
@loret_tsegaye

"ህልሜን አላቀልጥም"

ወታደርም ቢባል
ያው በቀቀናም ነው፣
ፍርሃት አለ ውስጡ፣
አሸናፊም ብትል
ይፈራል ነገውን
ፍርሃት አለው ነውጡ፣
ንጉሠ ነገሥትም
ፍርሃት አለ ቆጡ፣
አንበሳ ደቦሉም
ፍርሃት አለ ውስጡ፣
ማንኛውም ብትል
ጠልፎ የሚጥል ሰው
ፍርሃት አለ ውስጡ፣
"ብተወውስ" ብሎ
ይፈራል ታንቲራ፤
እኔ ግን የምልህ
ህልምህን አትፍራ፣
ድፈረው፣ ድፈረው
ወንጀለኛ አይልህም ፍርድ ቤቱ ደፍሮ
አቃቤ ህግ አይከስ፣
እንዲያውም ይፈራል-ይፈራል ወጥሮ
ህልምህን የምተው...
ወመኔ 'ሚዘራው
ገንዘብ ስላጣህ ነው?
ተስፋ ስላጣህ ነው?
ያዘው ግፋ ብሎ
ተስፋን የሚመግብ
ቤተሰብ ነው ያጣህ?
ወይስ ነው ከጀርባህ
ኦና ሆኖ ታየህ?
እኔ ግን የምልህ
እኔ የምመክርህ፣
እንዳትመለስ ነው
ከተስፋ ከእድልህ
እኔ የሚታየኝ
እኔ እንደሚሰማኝ፣
ችግርም ብትፈጥር
በራስህ ላይ ወጥር
ለውጥ አምጣ
ለውጥ አምጣ
ቀን አውጣ
ቀን አውጣ
ችግርና ፍዳህ የመኖርህ ትርጉም
ላብ ነህ ለዚህ ምድር
ወዝ ነህ ለዚህ ዓለም፡፡
ወዝና ጊዜየን በቁሜ ብቀማም
እንደ አሸን ተራግፈው
ጓደኞቼን ባጣም
ወደሁዋላ ስዞር
አንድም ሰው ባይመጣም
ተስፋዬን አልሸጥም
ህልሜን አላቀልጥም፡፡

✍️✍️ ይስማዕከ ወርቁ

@loret_tsegaye
@loret_tsegaye

ሞት አያምም

እኖር ብዬ ብታረድም
ለመኖር ስል ብሰደድም
እኖር ብዬ ብዋረድም
ዘጠኜ ሞቴን ብሞተው…
አንዴ እንደመኖር አይከብድም!
መኖር ከመምት አይልቅም
ሞት እንደሕይወት አይጨንቅም፡፡

የሞተ ‹‹እሞታለሁ›› ሲል…
በጭራሽ አያውቅም ፈርቶ፡፡
ያልኖረ አያውቅም ሞቶ።
መኖር እንጂ የሚያስፈራኝ
መኖር እንጂ የሚያስገፋኝ
መኖር እንጂ የገደለኝ
መኖር እንጂ የበደለኝ
ሞት አያምም ካቆሰለኝ
ምት አያምም ከገደለኝ!

✍️✍️ በላይ በቀለ ወያ

@loret_tsegaye
@loret_tsegaye

ፈተሽ እንጋባ

የሰርጌ ቀን መሃላ፣ ሃጥያት ገለመሌ
ኩነኔ ነው ይሄ፣ አመልህ አመሌ
ጡር አለው ምናምን፣ እንዲያ አትበይኝ
ይልቅ ከወደድሽኝ፣ ፈተሽ ተከተይኝ።
"
ደሞ መሃላ ላልሽው
ሳትፈሪ መልሽው
በውነት' ለማገልገል'፣ ለአንዲት አላማ
ምሎ ተገዝቶ፣ በሃገር ፓርላማ
የአምስት መቶ ሰው፣ ማላ ተርከፍክፎ
ሃገር ከተሸጠ፣ ከተሰጠ ታልፎ
ስለ መሃላ ፈርተሽ፣ ለምን መክሰራችን
ሃገር በሸጠ ፊት፣ ፅድቅ ነው ስራችን
ሁሉም በየዘርፉ፣ በመሃላ ከታጨ
ኩነኔ ደርሶበት፣ ፂም እንኳን ካላጨ
የዚህ ሁሉ ምዑር፣ መሃላ ከጠፋ
የምን ኩነኔ ነው፣ ነይ ፈተሽ እንጥፋ።

✍️✍️እንግዳዬሁ ዘሪቱ

#From our subscribers

@loret_tsegaye
@loret_tsegaye

ስርቆሽ

አልመለስ ያለ ትውልድ
አዳኝ መርከቧን ንቆ
በጥፋት ውሃ ሰጠመ
በዝሙት ሃጥያት ወድቆ
ኀላም ውሃው እንደጠፈፈ
ምድርን 'ሀ' ብሎ ሲያቀና
ኖህ በኩራት እንደቆመ
ፍጥረቱን ሰበሰበና
በቅደም ተከተላቸው
በጥምረት እንዳሳፈረ
ከመርከቡ ሊያወርዳቸው
አንድ በአንድ እየቆጠረ
አጋር የሌለው ፍጥረት
መጀመሪያ ያልነበረ
አንድ እንስሳ ትርፍ ቀረ
ለካስ የዝሙት መንፈስ
ከአህያ ጋር ተሳፍሮ
ሚስቱን እየደበቀ
ከፈረስ ፍቅር ጀምሮ
ከማይሆን ተኝቶ ኖሮ
ከመርከቡ እንደወረደ
መሃን በቅሎን ወለደ!

እንግዲህ ከኖህ ጀምሮ
ዘመን ዘመንን አያደሰ
የጥፋት ውሃም የለ
ዝሙትም እዚህ ደረሰ፡፡

✍️✍️ ሜሮን ጌትነት

@loret_tsegaye
@loret_tsegaye

ተማሪ ነህ ?