ትላንት ደግሞ አንድ ፕሮቴስታንት ወደ ቤተ ክርስቲያን እንደተጨመረ ነግሪያችሁ ነበር እና ግን አጠፋሁት ለልጁ ጥሩ ላይሆን ስለሚችል..

እና ግን ፎቶው ላይ ፊቱ ባይታይም ኮፕቲክ እንደሆነ ግን ያስታውቃል መሰል😁😁 እና ምን ልላችሁ ነው ያው እኔ ኢትዮጵያዊም ስለሆንኩ እናም በሌሎችም ምክንያቶች በኢትዮጵያ ቤተ ክርስቲያን እንድትጠመቁ ነው ምፈልገው.. እና የትላንቱም ልጅ በቃ እዛ በጣም ስለፈለገ እምቢ አለኝ😁😁

ግን ደግሞ እዛም መጠመቅ ምትፈልጉ ፕሮቴስታንቶች በጣም ደስ እያለኝ ይዠያችሁ እሄዳለሁ.. እናም የጥምቀታችሁ ቀን አብሪያችሁ ነኝ😁🤗

@Apostolic_Answers

እንደሚታወቀው ዓላማችን ሰዎች እምነታቸውን እንዲያውቁ እና በእግዚአብሔር ቤት ጸንተው እንዲኖሩ.. ብሎም ደግሞ ጌታን እርሱም ኢየሱስ ክርስቶስን እንድናፈቅረውና ተስፋ እንድናደርገው ከዛ ቀጥሎ ደግሞ ሰዎችን ወደ ክርስትና ለማምጣት በፍቅር መማማር ነው..

እና ደግሞ በዚህም ጉዳይ እግዚአብሔር እጅጉን አብዝቶ እየረዳን ነው.. መልካም አሳቦቻችንን ሁሉ የሚያከናውንልን አምላካችንን እናመሰግነዋለን

ግን ደግሞ ምንድነው መሰላችሁ አንዳንዴ ከሥር ከሥር እያሉ በጣም የቤተ ክርስቲያን ሥርዓት አስከባሪ መስለው ግን ደግሞ ሳያስቡት የቤተ ክርስቲያን ጠላት የሚሰራውን የሚሰሩ አንዳንዶች አሉ.. የክፋታቸው ክፋት እኛን ተሐድሶ እንደሆንን ለማስመሰል ይጥራሉ.. እሱ እንደማያዋጣ ሲያውቁ በግብጽ ቤተ ክርስቲያን ስም ሰዎችን ለማወክ ይሞክራሉ.. ጌታ ይርዳቸው.. ከስህተታቸው ቢመለሱ ለራሳቸው መልካም ነው..

መልካም አሳብ ያላችሁ ወንድም እህቶቼ ግን ከኔ ጉድለት ሲታይ ብዙ ችግር ሊኖርብኝ ስለሚችል እባካችሁን እንደው በጌታ ቀርባችሁ ንገሩኝ.. ፍቅራችሁን በእርሱ አያለሁና.. እና እንደምወዳችሁ ደግሞ ታውቃላችሁ 😁🤗

@Apostolic_Answers

ዛሬ ቅዳሴ ላይ ከተነበበው የቅዱስ ወንጌል ክፍል:

“ለሰው ሁሉ የሚያበራው እውነተኛው ብርሃን ወደ ዓለም ይመጣ ነበር።”
[ዮሐንስ 1: 9]

ከቁጥር አንድ ጀምሮ ስለ “ቃል” ይናገራል እና ዓለማት የተፈጠሩበት ያ አካላዊ ቃል ወደ ዓለም እንደ መጣ ይናገራል.. “ሁሉ በእርሱ ሆነ” በማለት እግዚአብሔር ፍጥረትን ሁሉ በቃሉ(በልጁ) እንደ ፈጠረ ይናገራል..

እናም ይህ ዓለም ደግሞ በሃጢአት ምክንያት ጨለማ ውስጥ ገባ እጅግ ከባድ ጨለማ ውስጥ.. ይህ ጨለም ለሺህ ዓመታት የነገሠ ጨለማ ነው.. ብዙ ደጋግ አባቶቻችን ሁሉ በዚሁ ጨለማ ውስጥ ኖሩ.. እነርሱ ራሳቸው ይህንን ጨለማ መግለጥ የሚችሉ ብርሃን ሊሆኑ አልቻሉምና..

ከዛም በዘመን ፍጻሜ.. ጨለማ የማያሻንፈው ለሰው ሁሉ የሚያበራ እውነተኛ ታላቅ ብርሃን ተገለጠ.. እርሱም ጌታችንና መድኃኒታችን ኢየሱስ ክርስቶስ ነው.. ዓለም በልጁ ተፈጠረ.. ዓለም በልጁ ዳነ ከጨለማ ወጣ

መልካም የጌታ ቀን@Apostolic_Answers

ሃጢአት በመስራት ሰው ድኅነቱን አያጣውም የሚለውን የፕሮቴስታንት አስተምህሮ በእግዚአብሔር ቃል ስናፈራርሰው መቋቋም ያቃታቸው አንዳንድ ልጆች “አይ እኛም እኮ እንደ እናንተ ነው ምናምነው” ብለው ሲመጡ ሳይ ትንሽ ፈገግ ያደርገኛል..

ፕሮቴስታንቶች ያው ድብልቅልቁ የወጣ አስተሳሰብ ነው ያላቸው ድኅነት ላይ.. አንዱ በሃጢአት ድኅነት ይታጣል ሲልህ ሌላኛው አይታጣም ይልሃል.. አንዱ እምነት ብቻ ስል ጥምቀትንም አግልዬ ነው ሲል ሌላኛው ይመጣና አንተ እውር ጥምቀትን ማግለል አይቻልም ይለዋል ሎል.. አንዱ ዳግም ውልደት(በ irresistible grace) ከእምነት ይቀድማል ሲል ሌላው ደግሞ በእምነት ነው ምንወለደው ይላል..

በፕሮቴስታንቱ መልካም ሥራ ለመዳናችን እንደ ማረጋገጫ(evidence) ይሆናል እንጂ ከዘላለም ሕይወት ጋር ግን ግንኙነት የለውም ነው ተብሎ የሚታመነው..

❓ ምናልባት ግን የዘላለም ሕየወታችንን እንዳናጣም መልካም ሥራ መስራት አለብን የተባለት የእምነት መግለጫ ካላችሁ እዚሁ ኮመንት ላይ አስቀምጡና እንየው😁😁

@Apostolic_Answers

የዛሬው ስንክሳር

አንድ አምላክ በሚሆን በአብ በወልድ በመንፈስ ቅዱስ ስም ታሕሣሥ ዐሥራ ስምንት በዝች ቀን የሐዋርያ ቅዱስ ጳውሎስ ደቀ መዝሙር የቲቶ ሥጋ አቅራጥስ(crete) ከሚባል ሃገር ወደ ቁስጥንጥንያ ከተማ የፈለሰበት መታሰቢያ ሆነ..[ተጨማሪ ታሪክ ከስንክሳሩ ላይ ታገኛላችሁ አንብቡ]

በቅዱስ ቲቶ ጸሎት ይማረን በረከቱም ከእኛ ጋር ትኑር ለዘላለሙ አሜን

@Apostolic_Answers

አሁን በዚህ ዘመን ሱሪ የምትለብስ እህት ቅዱስ ቁርባን መጥታ እንዳትቀበል እንደሚል ዓይነት የግንዛቤ እጥረት ያለበት ብቻ ሳይሆን በሽታም ጭምር ያለበት ሰው ማን አለ በስመ አብ.. ለራሱ የሃጢአት ክምር ተሸክሞ በሌሎች ሰዎች ጥቃቅን ነገሮች ላይ አፉን የሚያላቅቅ ሰው..

ጌታ ስለ እንደነዚህ ዓይነት ሰዎች ሲናገር እንዲህ ይላል:

“እናንተ ዕውሮች መሪዎች፥ ትንኝን የምታጠሩ ግመልንም የምትውጡ።”
[ማቴዎስ 23: 24]

@Apostolic_Answers

ኦው የኔ የአዳማው ፕሮግራም ተላልፏል ላልታወቀ ጊዜ.. ልጆቹ አዳራሽ ሊያገኙ አልቻሉም ነገር ነው.. የሚዲያ አዳራሽ ብቻ ነው ያለን😭😁

አጠር ያለች ማስታወሻ

ሥጋዊ እድገት በሥጋዊ ምግብ እንደሆነ.. መንፈሳዊ እድገትም በመንፈሳዊ ምግብ በጌታችን ሥጋና ደም ነው..

መልካም አዳር

ፕሮቴስታንቲዝም ከጌታ ውጪ መሆናቸውን ከአባቶች አንጻር በጣም በቀላሉ ለማየት የጳጳሳትን ነገር ማየት ነው..

ማለትም ፕሮቴስታንቶች ከጳጳሳት ውጪ ናቸው.. በቤተ ክርስቲያን ታሪክ ውስጥ ደግሞ ያለ ጳጳስ ቤተ ክርስቲያን ትኖራለች ብሎ ያስተማረ ማግኘት ከባድ ነው.. በተቃራኒው እንደውም ጄሮም እንዲህ ይላል:-

“ያለ ጳጳሳት ቤተ ክርስቲያን የሚባል ዓይነት ነገር የለም”
(Dialogue with the Luciferians, 21)

የዮሐንስ ወንጌላዊው ተማሪ ቅዱስ አግናጥዮስም እንዲህ ይላል፡-

“ከቤተ ክርስቲያን ጋር በተገናኘ ማንም ሰው ያለ ጳጳስ(ወይም እርሱ ከሾማቸው በቀር) ምንም አያድርግ... ተቀባይነት ይኖረው ዘንድ ያለ ጳጳስ በራሱ ማጥመቅ ሕጋዊ አይደለም።”
To the smyrneans: chap 8

ስለዛ በየመንደሩ የሚደረጉ የፕሮቴስታንትም ሆነ የማናቸውም ጥምቀቶች ያኔ የhighschool ተማሪ እያለን water day ብለን ከተራጨነው ውኃ የተለየ ነገር አይኖረውም ማለት ነው። ጥምቀት ያድናል የሚሉ ሉተራንንም ይመለከታል ይሄ።

ቆጵርያኖስም ለዛ ነው በነገራችን ላይ ከቤተ ክርስቲያን ውጪ ድኅነት የለም.. ከቤተ ክርስቲያን ውጪ ያለው ጥምቀት አያድንም ቤተ ክርስቲያን ብቻ ናት የሚያድነው ጥምቀት ያላት እያለ የሚናገረው(epistle 75: 2-3)

ያለጳጳሳት ምስጢራት አይፈጸሙም.. ሌሎች አገልጋዮችም አይሾሙም..
የጵጵስና ሹመት እንዴት እንደሆነ ደግሞ በሌላ ጊዜ እንመለስበታለን

@christo_kentrikos

የወንድማችን ናቱ(ናታኔም) ወላጅ አባት አርፈዋል እና ጌታ በዛን ቀን ምህረትን ያድርግላቸው.. ጸልዩለት