ባሻ ብልቱን..!

አንዱ ከብት አርቢ ብዙ የሚታለቡ ላሞች ነበሩት። ሰውዬው የተሻለ ብዛትና ጥራት ያለው ወተት ለማምረት ፈለገና በኤሌክትሪክ የሚሠራ አውቶማቲክ የማለቢያ ማሽን ገዛ። ማሽኑን ለመሞከር አስቦ ሲመጣ ላሞቹ ቀድመው በእጅ ታልበው ስለነበረ እስከ ነገ ለመጠበቅ ትግስት አጣ። ስለዚህ በብልቱ ሊሞክረው ፈለገና ማሽኑን አስነስቶ የማለቢያውን ጫፍ እንትኑ ላይ ሰካው።

የማሽኑ እንቅስቃሴ ሚስቱ ከምትሰጠው ደስታ የተሻለ ሆኖ አገኘውና በጣም ደስ አለው። በመጨረሻም ደስታውን ጨረሰና ጫፉን ለመንቀል ሲሞክር እምቢ አለው። የማሽኑን ቁልፎች ደጋግሞ ቢነካካም ሊነቀልለት አልቻለም።

ሰውዬው ተደናግጦ ማሽኑን ወደሸጠለት ድርጅት ደወለና እንዲህ አላቸው፣
"ሃሎ!"
"አቤት!"
"ቅድም የወተት ማለቢያ ማሽን ሸጣችሁልኝ ነበር"
"እሺ ምን እንርዳዎ?"
"ማሽኑ በጥሩ ሁኔታ ይሠራል። ነገር ግን ከላሟ ጡት ላይ ለመንቀል ተቸገርኩ
"ብዙ አይቸገሩ ጌታዬ! ማሽኑ 2 ጋሎን ወተት ካለበ በኋላ በራሱ ይነቀላል"
ባሻዬ! የማይሆን ነገር ራስህ ላይ አትሰካ! መንግሥት ሆይ! እባክህ ሰላም ስጠን አታጨናንቀን።

©Tesfaye H.mariam | @WubTarikoch

የአንድ ትምህርት ቤት ርዕሰ መምህር ከፈተና በፊት ለተማሪዎች ወላጆች የላከው ደብዳቤ ?

''ወድ ቤተሰቦች፣ የልጆቻችሁ ፈተና በቅርቡ ይጀምራል፡፡ የልጆችዎ ፈተና ጉዳይ እንዳስጨነቅዎ ይገባናል፡፡ ነገር ግን፣ እባክዎን ይህን ያስታውሱ፡፡ ለፈተና ከሚቀመጡት ተማሪዎች መካከል በሂሳብ መራቀቅ የማይጠበቅት አርቲስት ይኖራል፡፡ ስለታሪክ እና ሥነፅሁፍ ግድ የማይሰጠው የነፃ ሥራ ፈጣሪም አለ። የኬሚስትሪ ውጤቱ ከፍ አለ፣ ዝቅ አለ በሕይወቱ ላይ ለውጥ የማያመጣበት ሙዚቀኛም ከተማሪዎች መካከል አለ፡፡ ከፊዚክስ ይልቅ የአካል ብቃቱ ጉዳይ ወሳኝ የሆነበት አትሌትም ይኖራል፡፡ ስለዚህም ልጆዎ በፈተና ከፍተኛ ውጤት ካመጣ ጥሩ ! ዝቅተኛ ውጤት ካመጣ ግን እባከዎን በራስ መተማመኑን እና ከብሩን አይንጠቁት፡፡ ምንም ማለት አይደለም በሏቸው ይልቅ !

ከትምህርት ቤት ፈተና ለላቀ ታላቅ ጉዳይ ወደዚህ ዓለም እንደመጡ ንገሯቸው፡፡ የትኛውንም ውጤት ቢያመጡ እንደምትወዷቸው፤ ዝቅተኛ ውጤት አመጡ ብላችሁ እንደማትፈርዱባቸው ንገሯቸው:: አዎን ... እባክዎን ይህን ያድርጉ ... አንድ ፈተና ወይም አነስተኛ ውጤት ህልምና ክህሎታቸውን አታድርጉ፡፡ እንዲነጥቃቸው፤ በራስ መተማመናቸውን እንዲያሳጣቸው እናም እባከዎን ልጆችዎ ገና ለገና ዶክተር እና ኢንጂነር ካለሆኑ ደስተኛ አይሆኑም ብላችሁ አታስቡ::
ከሞቀ ሰላምታ ጋር!!

#ሼር | @WubTarikoch

ፈገግ..

ሹፌሩ የሚያሽከረክረው አውቶብስ ተገልብጦ 40 ሰዎች ይሞታሉ ፖሊስም ሹፌሩን በቁጥጥር ስር አውሎ ምርመራውን ያደርጋል.
.
ፖሊስ:-ለመሆኑ እንዴት አደጋውን ልታደርስ ቻልክ?.
.
ሹፌሩ:- በሰአት 120 ኪ.ሜ እየነዳሁ እያለ ሁለት ሰዎች መንገድ ሊያቋርጡ መሃል መንገድ ገቡብኝ። ፍሬን ለመያዝ ስሞክር እምቢ አለኝ። በሚገርም አጋጣሚ ሁለቱ ሰዎች መንገድ ሲያቋርጡ ከመንገዱ ዳር ሰርገኞች ነበሩ። ወደ ሰርገኞቹ ከምሄድ ብዬ ሁለቱ ሰዎች ላይ ፈረድኩባቸው።.
.
ፖሊሱ:- በርግጥ ወደ ሰርገኞቹ መሄድ መተውህ እና ሁለቱን ሰዎች ለመግጨት መወሰንህ የአደጋውን ጉዳት ይቀንሰዋል።.
.
ሹፌሩ:- ትክክል ብለዋል! እኔም ሁለቱ ሰዎች ላይ ፈርጄ አንዱን ገጨሁት ሌላኛው ግን ወደ ሰርገኞቹ ስለሸሸ
፡
፡
እሱን ለመግጨት ስከተል ነው አደጋው የከፋው!!

#ሼር @WubTarikoch

ልጅቷ ለአባቷ እንዲህ ብላ ጠየቅችው ፣ በሶስት ወንዶች ታጭቻለው የመጀመሪያ ሀብታም ነው ። ፣  ሁለተኛው ቆንጆ ነው  ፣ ሶስተኛው ድሃ ነው የሱ ድህነት በጣም ዝቅተኛና የባሰ ነው ?!

አባትም አለ ልጄ ሆይ ሀብታም ብታገቢ በጣም ሀብታም እና ከዛ በላይ ትሆኛለሽ ፣ ቆንጆ ብታገቢ ያንቺ ቁንጅና ተጨምሮ አሪፍ ይሆናል ፣ አደራ ድሃ ግን አታግቢ ያንቺ ድህነት ተጨምሮ ይብሳል

ልጅቷም አለች አይ አባቴ ወንድ ልጅ ምንም አታቅም ማለት ነው ፣ ሀብታም ባገባ ሶስት ይጨምርብኛል አራተኛ ሆናለው ፣ ቆንጆ ባገባ በአስር ሴቶች ይወደዳል ፣ ድሃውን ካገባው ግን ብዙ አመታቶችን ከዛም በላይ እንኖራለን። ብላ መለሰችለት !

ብልህ እና አስተዋይ እንሁን ለማለት ያክል ነው!
@WubTarikoch

ፖሊስ: ተበተኑ!

እኛ: ኧረ ታክሲ እየጠበቅን ነው

ፖሊስ: እኮ አንድ ሰው ይበቃል ሌሎቻቹ ተበተኑ

@WubTarikoch

ለሰው ደስታ..!

ሁለት ሰዎች በአንድ ሆስፒታል ክፍል ውስጥ አልጋ ይዘው ተኝተዋል! ... ሁለቱም በጠና ታመው በአምላክ እጅ ተይዘዋል። አንደኛው ሳንባው የቋጠረውን ውሀ ለማድረቅ ሲባል ለሰአታት ያህል አልጋው ላይ ቁጭ እንዲል ይደረጋል። አልጋው የሚገኘው በክፍሉ ብቸኛ ከሆነው መስኮት አጠገብ ነው። ሌላኛው ህመምተኛ ደግሞ በተቃራኒው ለሰአታት በጀርባው እንዲተኛ ይደረጋል።

እነዚህ ህሙማን በቆይታቸው ብዙ ተጨዋውተዋል። ስለ ቤተሰቦቻቸው፣ ስለ ኑሯቸው፣ በወታደር ቤት ስለሰጡት አገልግሎት፣ የእረፍት ጊዜያቸውን የት እንደሚያሳልፉ... ወዘተ አውርተዋል። ከመስኮት አጠገብ ያለው ህመምተኛ ቁጭ በሚልበት ሰአት ወደ ውጭ እየተመለከተ ሁሉን ነገር በጀርባ ለተኛው ሰው ይገልጽለታል። "...በሚያማምሩ ዛፎች የተከበበ ሀይቅ ይታየኛል ... በሀይቁ ላይ ዳኪዬዎች ይዋኛሉ... ህጻናት ደግሞ ከወረቀት የሰሩትን መርከቦች በሀይቁ ዳርቻ በማስቀመጥ ይጫወታሉ... ፍቅረኛሞች በአንድ እጆቻቸው አበባ በሌላው ደግሞ ተቃቅፈው ሀይቁን ይዞራሉ .. ከሀይቁ ባሻገር ውብ የሆነ ከተማ ይታየኛል .... ህፃናቶችም በደስታ ይቦርቃሉ " በማለት ዘወትር የሚያየውን ሁሉ በሚያምር አገላለፅ ይተርክለታል! ...

በዚህ አይነት ሁኔታ ሳምንታት አለፉ። አንድ ማለዳ ነርስዋ ገላቸውን ልታጥብ ውሀ ይዛ መጣች። ከመስኮት አጠገብ ያለው በሽተኛ ግን በህይወት አልነበረም። በጣም ደነገጠች። ጓደኛውም እንዲሁ አዘነ። ነርስዋ አስከሬኑን በቶሎ እንዲያነሱ ሰዎች ሌሎች ነርሶችን ጠርታ አዘዘቻቸቸው! ... ያ ብቻውን የቀረው በሽተኛ አልጋውን ከመስኮቱ አጠገብ ሊወስዱለት ይችሉ እንደሆነ ጠየቀ። ወሰዱለት። በመስኮት ለማየት በጣም ቸኩሏል። ቀና ብሎ ወደ ውጭ ተመለከተ። ከመስኮቱ ባሻገር ያለው ጥቁር ቀለም የተቀባ ግድግዳ ብቻ ነው። ደነገጠ!!!

"ምን ሆንክ?" አለቸው ነርሰዋ። "ሰዉዬው ብዙ አስደሳች ነገሮችን በዚህ መስኮት አሻግሮ ይመለከት ነበር" አላት። "ኧረ ሰዉዬው ማየት የማይችል አይነስውር ነበር አለችው።" ልብ የሚነካ ነገር.... ስቅስቅ ብሎ አለቀሰ። ለካስ እሱን ለማስደሰትና የመኖር ተስፋ ለመስጠት ነበር ያን ሁሉ ነገር ፈጥሮ የሚያወራው።

@WubTarikoch

°° ካምፓስና ፍቅር °°
የ #መጨረሻ ክፍል.

..በንግግሯ አፍራ ማናቸውንም ለማየት አልደፈረችም። የሙክታር ሳያንሳት የናቱ ማወቅ ይባስኑ አበሳጫት። እናትየዋ ምንም እንዳልተፈጠረ እና ነገሩ እንዳልገባቸው ሲሆኑ " አልሃምዱሊላህ እሳቸው አልገባቸውም!" ብላ ትንሽ ተረጋጋች። ወደ አፏ የቀረበውን ፍርፍር በእጇ ቆርሳ አነሳችው። የተረፈውን ሙክታር በላው።
የስሜት ለውጧን የተረዱትና በጣም የተደሰቱት እናቱ

" አንቺ ደግሞ በተራሽ ዳቦቆሎ አሳክለሽ አጉርሽው" አሏት።

ልብም ብላ ቤቱ ሲቆረቆር ድንጋጤዋ ለምን እንደሆነ ሳይገባት ልቧ ውጥት ያለ እስኪመስላት ድረስ ደነገጠች።

" ኸውለት የኢልያስ የምርቃን ዝግጅት ጀመረ" አለቻት። ሰራተኛዋ ነበረች። ኸውለት ወደዚህ ከመምጣቷ በፊት " ፕሮግራሙ በቴሌቪዥን መተላለፍ ሲጀምር ጥሪኝ" ብላት ስለነበር። ለመውጣት ሰበብ ስትፈልግ የነበረችው ኸውለት በቅጽበት ተነስታ
" አላህ ይስጥልኝ ደህና እደሩ።" አለቻቸው።

ሙክታር እየሳቀ

" ደህና አርፍጂ!" አላት። ከጊቢው ሲወጡ ሰራተኛዋ

" ኢልያስ ደግሞ በቤት ስልክ ደውሎ ሲሃምን ሰላም በይልኝ ብሎሻል" አለቻት። ቅድም የተፈጠረውን ነገር በሀሳብ እያብሰለሰለችው የምትሄደው ኸውለት

" በስልኬ አይደውልም ነበር?" አለቻት።
" ስልክሽን እቤት ትተሽው ሂደሽ ነበር እኮ" አለቻት።
ኸውለት ወደ አዕምሮዋ ተመልሳ ለሲሃም እስካሁን ያለመደወሏ እያሳፈራት ቤት ስትደርስ ስልኳን አንስታ ደወለችላት።

" ጥሪ አይቀበለም"

ወ/ሮ ሀሊመት ከኸውለትና ከሰራተኛቸው ጋር ተቀምጠው ፕሮግራሙን በቀጥታ ሲከታተሉ ሙክታር ከእናቱ ጋር መጣ። ከኸውለት ጋር ቀጥ ብለው ሳይተያዩ ቦታ አመቻችተው ካስቀመጧቸው በኋላ ኢልያስን በቴሌቪዥኑ መስኮት ላይ ይፈልጉት ጀመር።

ሲሃምም ቲቪው ላይ ተተክላ ኢልያስን እየፈለገችው ነው። ከህመሟ ትንሽ አገግማለች። ቀስ በቀስ እየተራመደች መጥታ ነው ከወንድሞቿ ጋር ሳሎን የተሰየመችው።

" ግን ለምን አልደወለም?" አለች ስለሱ ማሰብ ስትጀምር። መልሱን ግን ታውቀዋለች።

ስልኳን ተሰርቃለች። የቤት ስልክ ደግሞ የላቸውም። አባቷም ቢሆኑ ደህንነቷን አረጋግጠው በጠዋት ነው ለአስቸኳይ ሥራ የወጡት።

ሁሉም አሰፍስፈው የሚጠብቁት ፕሮግራም ከሚሊኒየም አዳራሽ በቀጥታ ተጀመረ።

" የአዲስ አበባ ዩኒቨርሲቲ ፕሬዝዳንት፣ የተመራቂ ተማሪዎች ቤተሰቦች፣ ጋዜጠኞች፣ እንዲሁም የእለቱ የክቡር እንግዳ ክቡር ሚኒስተር በዚህ ልዩ የተማሪዎች የምርቃን በዓል ላይ ስለተገኛችሁ እጅግ አድርገን እናመሰግናለን።" አለ የፕሮግራሙ መሪው።

ሲሃም በሽታዋን እረስታ እየተቁነጠነጠች መከታተል ጀመረች። በተለይ ውጤቱ ከፍተኛ መሆኑን ኸውለት የነገረቻት ትዝ ሲላት ሲሸለም ለማየት ቋመጠች።

" ፕሮግራሙን የሚከፍቱልን የዩንቨርሲቲው ፕሬዝዳንት ይሆናሉ። በጭብጨባ እንቀበላቸው።" አለ። ተማሪው በሚያስተጋባ በጭብጨባ ተቀበሏቸው።

የዩንቨርሲቲው ፕሬዝዳንት የመግቢያ ንግግር ካደረጉ በኋላ በልጆቹ የተቀናበረ ሙዚቃን ጨምሮ የተለያዩ ፕሮግራሞች ቀረቡ።

ሚሊኒየም አዳራሽ የተገኙት የኢልያስ አባት ዚክር እያደረጉ ኢልያስን ከርቀት ይመለከቱታል።

በየፋካሊቲው ከፍተኛ ውጤት ያመጡ ተማሪዎች ተሸለሙ። ኢልያስም በፋካሊቲው በእጅግ በጣም ከፍተኛ ማዕረግ ሰቃይ ሁኖ ተሸለመ። ሁሉም ተሸልመው ሲያበቁ።

" በመቀጠል" አለ መድረክ መሪው ዙሪያውን እየተመለከተ ሞቅ ባለ ድምፅ።

" በመቀጠል የአዲስ አበባ ዩንቨርሲቲ የዚህን ባች ሰቃይ ተማሪ እንሸልማለን!።"

" ተማሪ.......ኢልያስ .....ዐብዱ...አለ" በጩኸት።

" የኢፍ ቢ ኢ ተማሪዎች ሁሉም ከመቀመጫቸው ተነስተው በፊሽካ እያጀቡ አጨበጨቡለት። ግማሾቹ " ይገባዋል" " ይገባዋል" ይሉም ነበር። የነሱን መነሳት ያዩ ሌሎች ተማሪዎችም ተነስተው አጨበጨቡ። በተማሪዎች ጭብጨባ እየታጀበ ወደ መድረኩ ሲወጣ ተጋባዡ ሚኒስተር የወርቅ ኒሻን አጠለቁለት። አቅፈው ሳሙት። ኢልያስ ሽልማቱን ከተቀበለ በኋላ

" በነገራችን ላይ ይህ ቆማችሁ የምታጨበጭቡለት ተማሪ ከጋወኑ ስር የሸፈነው ሱፍ ከውስጥ አዋቂዎች እንደሰማሁት የመመረቂያም የመሞሸሪያም ነው።" ሲል ተማሪዎቹ በጩኸት አዳራሹን አቀለጡት። ጭብጨባ በጭብጨባ ሆነ። በዚህ ሁኔታ ለትንሽ ጊዜ ቆየ። አላቆም ሲል መድረክ መሪው ቢቸግረው።

" እናመስግናለን።" " እናመስግናለን።"
" ተቀመጡ" ብሎ አስቆማቸው።
በቲቪ የሚመለከቱት እናቱ አለቀሱ። " አልሀምዱሊላህ።" ልጄ እንዲህ እንደሚሆን በአላህ ፈቃድ አውቅ ነበር።" አሉ።

" ምናልባት ይሄን ልጅ ለማታውቁት ግቢ ውስጥ በስነ-ምግባሩ ምስጉን የሆነ ተማሪ ነው። አንድ ቃል እንዲናገር እድል ብትሰጠው..... የሚል ነገር መጥቷል። እስኪ አንድ ቃል ይነገር" ብሎ ማይኩን አቀበለው።

ኢልያስ ጥቂት ዝም አለ። አዳራሹ ውስጥ ያለ ሰው፣ በየቤቱ የሚከታተሉት ሁሉ ንግግሩን በጉጉት እየተጠባበቁት ነው። ሲሃም በተለይ ቲቪው ውስጥ ልትገባ ምንም አልቀራትም ነበር። " ገዋኑ እንዴት አምሮበታል?" እያለች ስታስብ ንግግሩን ጀመረ።

" አልሃምዱሊላህ። ለዚህ ሁሉ ተግባር ቅድሚያ የሚወስደው አላህ ነው። በመቀጠልም ቤተሰቦቼ ለኔ መስተካከል ተጨንቃችኋል። ሁልጊዜ የኔን ጥሩ አስባችኋል።" እንባ አይኑን ሞላው።

" በጣም እወዳችኋልሁ። ውለታችሁን አላህ ይክፈልልኝ።" ቤተሰቦቹ ሁሉም ያለቅሱ ነበር ሲሃምም እንባውን ስታይ አለቀሰች።

" ኤፍ ቢ ኢ የነበራችሁ ጓደኞቼ እስከዛሬ በጣም ተዋደን ነበር የኖርነው። እናንተ ጓደኞቼ ስለነበራችሁ በጣም ደስተኛ ነበርኩ። እዚህ አዳራሽ ውስጥ የምትገኙ ተመራቂዎች እንዲሁም የተመራቂ ቤተሰቦች እንኳን ደስ አላችሁ" አለ። ተጨበጨበ። ሁሉም ቤተሰቦቹ በቲቪ እንደሚከታተሉት የሚያውቀው ኢልያስ አንገቱን አቀረቀረ።

" አላህ ሆይ ልመናዬን ተቀብለህ የምወደው፣ የማፈቅረው፣ የምሳሳለት፣ ሊንከባከበኝ ዘንድ የሚችል ባል ሰጠኸኝ። አልሃምዱሊላህ። ታለቅሳለች። ፍሬያችንን አንተን የሚያውቅ አደርገዋለሁ። ያረቢ ባሌን በሄደበት ጠብቅልኝ።" ለቅሶዋ ማባሪያ አልነበረውም።

ስልኳ ጠራ፤ ኸውለት ነበረች፤ " ኸውሊዬ!" አለች እያለቀሰች
" ሲሀምዬ ትዝ አለሽ አላህ ወደሱ ተመላሾችን ይወዳቸዋል የሚለው የቁርዐን አንቀፅ!"
አዎ አለች ጠንከር ብላ።
" አላህ በርግጥ ተመላሾችን ይወዳቸዋል!"

ስልኩን ዘጋችው። ስጁድ አደረገች ወደ ሰማይ ቀና ብላ
" አልሀምዱሊላህ!" "አልሀምዱሊላህ!" " አልሀምዱሊላህ!" ሱመ አልሀምዱሊላህ! ምን ይሳንሀል? ምንም።
" ኢንሻአላህ ነገ ፆሜን እጀመራለሁ" ብላ ወደ ወንድሞቿ ተመለሰች
" ሲሃምም ምኞቷን አላህ አሳካው"
" ኸውለትም ተሳክቶላት ሙክታርን......
ሂወት ይቀጥላል ካምባስና ፍቅር

እዚጋ #አበቃ በሌላ ታሪክ እስክንገናኝ ድረስ ማ ሰላም!

ቻናላችንን ይቀላቀሉ፡ @WubTarikoch
ለሀሳብና አስተያየት፡ @WubTarikoch_bot

°° ካምፓስና ፍቅር °°
ክፍል-47 / ልብ-ወለድ

................... " ጢርርርርርርርርር"
" ስልኳ ጠራ።"
" በዳበሳ ፈልጋ አነሳችው።
" ሄሎ"
" ኸውሉ አሰላሙአለይኩም"
" ወአለይኩመሰላም ሙክታር"
" ደግ አድረሻል!" ሲላት ፈገግ ብላ " ደግ አድሪያለሁ" አለችው።
" ተኝተሽ ነው እንዴ?"
" አዎ ስንት ሰዐት ሆነ?"
" ሀለት ተኩል?"
" ምን? ሱብሂ እኮ አልሰገድኩም?" አለች በድንጋጤ
" ኢናሊላሂ በይ ቶሎ ተነሽ" አላት።
" እሽ " ብላ ቶሎ ተነሳች።
" ሰግደሽ ስትጨርሽ ምን የመሰለ ቁርስ ስርቻለሁ መጥተሽ እማየ ጋር በጋራ እንበላለን" አላት።
" ኢንሻአላህ" አለች በፈገግታ እየወጣች።

ሱብሂ ሶላት ሰግዳ እንደጨረሰች ዱዓ ካደረገች በኋላ ጎረቤት እንደምትሄድ የረሳች ይመስል አለባበሷን አሳምራ ወጣች። ቤታቸው ስትደርስ ሙክታር አጎንብሶ ከሰል ሲያራግብ ፂሙ አመድ ሁኖ ተመለከተችው። ሙክታር ቀና አለ። ያየው ነገር ግን ሌላ ነገር ስላሳሰበው ቶሎ ብሎ አጎነበሰ። በሆዱ ግን ጥያቄው አወንታዊ ምላሽ እያገኘ መሆኑ ስለተሰማው ልቡ ጮቤ ረግጧል። ሰላምታ ቅድሚያ ለናቱ ሰጥታ ወደሱ ሳትዞር " አሰላሙአለይኩም" አለችው።
አጸፋውን መልሶላት
አጠገቧ ምንም መቀመጫ እንዴለለ እያወቀ " ተቀመጭ!" አላት።
" ደረቅ!" ብላው እየሳቀች እናቱ አጠገብ ሂዳ ተቀመጠች።
የሰራውን ፍርፍር በትሪ እያቀረበ " ኸውሊ እጅ አስታጥቢ" አላት።
" አንተ ኸውሊን ታዛለህ?" አሉት እናቱ።
" ላሁን ካልሆነች ለመቸ ታገለግለኛለች እማየ?" ሲላቸው
" ችግር የለውም ማዘር " ብላ ውሃ አንስታ አስታጠበቻቸው። ማስታጠቢያውን ልታስቀምት ስትል
" እኔንስ?" አላት።
" ፈገግ እያለች እሱንም ማስታጠብ ጀመረች።
" እንግዲህ ማትሪክን አላህ ያሳልፍሽ!" " አሚን!"
" ያንቺን ፋይል አላህ ከላይ ያድርግልሽ!" " አሚን!" ሳቀች።
" እናት አባትሽን አገልጋይ አላህ ያድርግሽ!" "አሚን!"

" አስር ልጅ አላህ ይስጠን" ሲል ቀና ብላ አየችው። ሳያስበው በመናገሩ እሱም ደንግጦ አይቷት በንግግሩ አፍሮ ዝም አለ።
እናትየዋ ሁኔታቸውን በጥሞና ይከታተላሉ። አስቀድሞ ኸውለትን መጠየቁን ነግሯቸው ደስ ብሏቸው ነበር። ኸውለትን ቁርስ ጥራት ያሉትም ሁለቱን ይበልጥ ለማቃረብ ስለፈለጉ ነው። አለባበሷ፤ ስታየው ማፈር መጀመሯ፤ ከፍላጎት የመነጨ መሆኑን ከልምዳቸው ስለሚያውቁት ደስታቸውን ባይገልጹትም ውስጣቸው ተደስቷል።
" ምን አነሰ?" አላት ፍርፍሩን አቅርቦ መብላት ሲጀምሩ
" ሁሉም አለ" አለችው።
" ሙያ እንዴት ነኝ? አላት።
"በርበሬ የሌለው ፍርፍር ሰርተህ ደግሞ ትጎርራለህንዴ?" አለችው ለናቱ እያጎረሰቻቸው።
" ቆይ በርበሬ ላምጣ!" ብሎ ሲነሳ
" እረ ተቀመጥ?" አለችው እየሳቀች።

እናቱ ለሷም ለሱም እያጎረሷቸው በሰፊው ሲያወሩ ቆዩ። ሙክታር ጋር ሲተያዩ ልቧ እየዘለለባት፤ በቀልዱ እየሳቀች፤ በቁም ነገሩ እየተደነቀች ቆየች። እናቱ ከወትሮው በተለየ ዝም ማለታቸው ሲገርማት
" ሙክታር አጉርሳት እንጂ!" ሲሉት ከሳቸው ያልጠበቀችው በመሆኑ ሳቋ ጠፋ። ምራቋ በዛ። ሙክታር ምንም ሳይመስለው እሱ የሚጎርሰውን ያህል ጠቅልሎ ሊያጎርሳት ሲል
" ለማን ነው?" አሉት እየሳቁ።
" ለኸውለት ነዋ! ጉርሻና ፍቅር ሲያጨናንቅ ነው እንጂ ያዢ!" አላት ወደ አፏ እያስጠጋ።
" ልትገለኝ ነው እንዴ?" አለችው ጉርሻውን እያየች።
" የገባ ይጠቅማል እንጂ አይገልም።" አላት ወደ አፏ በጣም እያስጠጋ

" እረ ሙክታር አላህን ፍራ ቀንሰው! ገና አስር ሳንወልድ ገለህ ልታሳርፈኝ...." ሳትጨርሰው አፏ ላይ ያዘችው
ምን ዋጋ አለው መልዕክቱ ተላልፏል። ሃሳቧ መውጣት ከማትፈልገው ቦታ ሊገባበት የማትፈልገው ጆሮ ገብቷል። የአፍ ወለምታ በቅቤ አይታሽ ነገር! የተናገሩትን ከሰው ጆሮ መልሶ አያስወጡት ነገር። ብትሞት የተሻለ እስኪመስላት ድረስ ደርቃ ቀረች። ወደ አፏ የቀረበው ፍርፍር ላይ አፍጣ ቆየች...

የ #መጨረሻው ክፍል ይቀጥላል #ሼር / እንወዳችኋለን❤️

ቻናላችንን ይቀላቀሉ፡ @WubTarikoch
ለሀሳብና አስተያየት፡ @WubTarikoch_bot

ወረዱ። በየራሳቸው ኮድ እየተነጋገሩ ቀስ በቀስ ቤቱን ከበቡት።

ቤቱን የመቆርቆር ተራው የሙክታር ነበር።
ሙሉ ቀን መብራት ስላልነበረ ፀሀይ ስራዋን ስታገባድድ የሚቀበላት ባለመኖሩ ጨለማ ሆኗል። ከሌሎች ቤቶች ነጠል ብሎ ወደሚገኘውና ግቢ ወደሌለው በር አመራ።
ቆረቆረ መልስ የለም።
ደግሞ ቆረቆረ መልስ የለም።በተደጋጋሚ ቢቆረቁርም መልስ አላገኘም።

ሁኔታውን የሚከታተሉት ፖሊሶች ወደ ቤቱ አመሩ። እርስ በርስ ከተነጋገሩ በኋላ በሩን ገነጠሉት። ብቅ ያለ ሰው የለም፤ የሚጮህ ሰው የለም፤ ጸጥ ያለ ነው። ሙክታር ዘወር ሲል ኸውለት መኪናው አጠገብ እየሰገደች ተመለከተ። እሱም በፍጥነት ሄደ።

የመጀመሪያው ፖሊስ ጥይቱን ደግኖ በጥንቃቄ ገባ። ቤቱን ሲቃኝ በአንደኛው ጥግ ሻማ በርቷል። ካጠገቡ ሲሃም ወንበር ላይ ተጠፍራ ታስራለች። ቀሚሷ እስከ ባቷ ተገልጦ አየ። ሲጠጋት በአይኗ ምልክት ሰጠችው። ሲዞር በመስኮቱ ዘለው ማምለጣቸውን አወቀ።

ፖሊሱ በሲሃም አለባበስ ምራቁን ውጦ እራሱን ለመቀጣጠር እየሞከረ በቅድሚያ እጇን ሲፈታት ቶሎ ብላ ቀሚሷን ዝቅ አደረችው። ፕላስተሩን ከአፏ ላይ አላቃ ቤቱን ለቅሶ በለቅሶ ስታደርገው አባቷ ተንደርድረው ገቡ።

አባቷ እቅፍ አድርገዋት አለቀሱ። እጇን፣ ፊቷን እየደባበሳት ተያይዘው አነቡ።
" አንድ የምመካባትን ልጄን ጉድ ሰሩኝ" እያሉ እንደ ህፃን አለቀሱ። ለቅሷቸው አላልቅ ያላቸው ፖሊሶች ዝም ካስባሏቸው በኋላ አረጋጓቸው።

" ምን አደረጉሽ ልጄ?" አሏት የጆቿን መቆሳሰል ተመልክተው እያሻሹላት።
" ምንም አላደረጉኝም" አለች በደከመ ድምፅ ለቅሶው መልሶ እየጀመራት።

" ኤች አይ ቪ ማለት ምን እንደሆነ ዛሬ በተግባር ታይዋለሽ። ቁርኝታችሁን ትጀምራላችሁ። መብራት ይምጣና ስልካችንን ቻርጅ አድርገን ለአባትሽ በቅድሚያ ደውለን ብር ታስመጪዋለሽ እምቢ ካሉ ቫይረሱ በደማቸው ካሉ እህት ወንድሞችሽ ጋር አደባልቀን እንልክሻለን። " ያሏት ትዝ አላት።

" አላህ ወዶኝ መብራት ያለመኖሩ ነው እንጂ አባዬ ዛሬ ጉድ ሁኜ ነበር!" ብላ ተንሰቅስቃ አለቀሰች። ከአባቷ ብር ቢቀበሉም እንደማይለቋት አስታውሳ።

በሴትነቷ የቀለዱባት፣ ያሰቃዩዋትና የደበደቧት፣ ስሜቱ እየተሰማት ሲመጣ መናገር ደከማት። ሰውነቷ ዛለ። አባቷ ክንድ ላይ እንዳለች በሰመመን ተኛች።

ሙክታርም ኸውለትም መግሪብ ሶላትን ጨርሰው መጥተው ሲያፅናኖአትም አልተሰማትም።

በዚህ መሀል ኸውለት የደወለችለት ኢልያስ በኩንትራት ታክሲ መጣ። ሲገባ ሲሃም የአባቷ ክንድ ላይ ገደፍ ብላ ተመለከተ።
" ደህና ነች?" አለው ሙክታርን ድንጋጤው ሳይለቀው
" አልሃምዱሊላህ ጥቂት ድካም እንጂ ደህና ናት።"
" አይዞህ ተረጋጋ!" አለው እያቀፈው።
" እሽ ሙክታርዬ።" አለው በልቡ አላህን እያመሰገነ።
" ምንድን ነው የተፈጠረው?"
" ኸውለት የነገረችህ ነው አዲስ ነገር የለም"
" ግን ምንም አላደረጓትም?"
" ምንም አላደረጓትም። አላህ ደርሶላታል።"
" ሂጄ ልጠይቃት?" አለው ትንሽ ቆየት ብሎ
" ባትሄድ ጥሩ ነው።"
" ለምን?"
" ትንስ ስለደከማት አታወራህም። እኛንም በደንብ አላወራችንም።" አለው።

የአባቷ እቅፍ ውስጥ ያለችው ሲሃም ወደ በሩ ስትዞር ኢልያስን አየችው። የተሳሰረው ፊቷ ለቀቅ አደረጋት፣ የዛለው ሰውነቷ በረታ፣ እንባ መንታ መንታ ሆኖ በአይኗ ይወርድ ጀመር።

አይኗ ተስለመለመ፣ ከንፈሯ ተንቀጠቀጠ፣ እንባዋ ፊቷን እያሞቀው መውረዱን ቀጠለ። ውስጧ ተንተከተከ።

" ኢልያስዬ ዛሬ አጥቼህ ነበር። ሁለት ሞት ሙቼ ነበር።" እያለች በሆዷ እንደገና ተንሰቅስቃ ማልቀስ ጀመረች።
" በስሜት ለውጧ ውስጡ የተነካው ኢልያስም የእምባዋ መውረድ ሩህሩህ ልቡን ከድንጋጤ ወደ ሀዘን ለወጠው። አይኑ እምባ ሞላ። ዘወር ብሎ የአይኑን ጫፎች ሲጠርግ ሲሃም አየችው። ለቅሶውን ስታይ ስላላስቻላት ውስጧን እምቅ አድርጋ አለቀሰች። የሱ እምባ በመቶ ተባዝቶ በሷ ይወጣ ይመስል እየፈነቀላት ይወርድ ጀመር።

አባቷ ትንሽ ካረጓጓት በኋላ" ቶሎ ሆስፒታል ሂደን ካልተሻላት በአፋጣኝ ወደ ታይላንድ እንሄዳለን።" እያሏት በገመዱ እስራት የተነሳ መራመድ ባለመቻሏ በእጃቸው ተሸክመዋት ወጡ።

" አላህ ያሽርሽ" አላት ኢልያስ በአጠገቡ ስታልፍ።
ውስጥን ሰርስሮ በሚገባ እይታ ውጭ ምንም አላላቸውም።

ሲሃም በአባቷ መኪና፣ ነገ የሚመረቀው ኢልያስ ከኸውለትና ከሙክታር ጋር በላዳው ታክሲ፣ የራህማ ወንድምና ጓደኛው ደግሞ በፖሊሶቹ መኪና ወደየተለያየ አቅጣጫ ሄዱ።

ኸውለት ተኝታ እያሰላሰለች ነው። ታወጣለች፤ ታወርዳለች፤ ትጥላለች፤ ታነሳለች፤ ከአንድ ጉኗ ወደ ሌላ ጉኗ ትዘዋወራለች።
ቅድም ሙክታር ያላት ትዝ አላት።
ከላዳው ታክሲ ወርደው ወደየ ቤታቸው ሊገቡ ሲሉ
" ሙክታር የቅድሙን አትነግረኝም?" አለችው።
ያለምንም መንደርደሪያና ማቅማማት " ዘምዘም ውሃ የጠጣሁት #ሶስተኛ ኒያየ አንቺን ሊድረኝ ብየ ነው። ደህና እደሪ።" ብሏት በሩን ዘጋው።

ባለችበት ደርቃ ቀርታ ነበር፤ ወደምትራመድበት ጠፋት፤ የሲሃም ሀስብ ከላይዋ ላይ ጠፍቶ በራሷ ሀሳብ ተተካ፤ ድብልቅልቅ ያለ ለመለየት የሚከብድ ውዥንብር ተፈጠረባት። እሽ አይባል ነገር እምቢ አይባል ነገር።

በተኛበት የሲሃም እገታን ከቁብ ሳትቆጥር መብሰልሰሏን ቀጠለች። ተሰምቷት የማያውቀው እንቅልፍ የማጣት ስሜት ጀመራት።
ስለ ሙክታር ስታወጣ ስታወርድ ቆየች።

" እንዴት ደፍሮ አሰበኝ? ሺ ጊዜ ቢለወጥ እንዴት የሱ አይነት ሰው ለኔ ባል ይሆናል? በዚህ ህይወት ላይ ያለፈ ሰው መከታ፤ የልጅ አባት፤ የጀነት መንደርደሪያ እንዴት ይሆናል? ባል ቀላል ነገር ነው እንዴ?"

" አኡዙቢላሂ ሚነሸይጧኒ ረጂም! ምን ነካኝ? ሸይጧን ነው እንዲህ መጥፎ መጥፎውን የሚያሳስበኝ።" ወዳልተኛችበት ጎኗ ዞረች።
" ለነገሩ ሰው እንደሆነ ያጠፋል። ምን አዲ ነገር አለው? አይደለም እሱ ከሱ በላይ ናቸው የሚባሉትም ያጠፋሉ። ምርጡ ግን ከጥፋቱ ተመላሹ ነው። እሱ ደግሞ መመለስ ብቻ ሳይሆን ጠንካራ መመለስ ላይ ነው ያለው።ሱናን በራሱ ላይ አምጥቷል።"
መዟዟሯን ቀጥላለች።

" ከጨዋታው አንፃር እድሜ ልኬን ተደስቼ እንደምኖር ባውቅም ዋናው ግን ዲን ነው። በዲን በኩል ደግሞ ሞት አፋፍ ላይ ሆኖ ሆስፒታል ከመሄድ ይልቅ ዑምራን ከመመኘት በላይ ዲነኝነት የለም።"

" አኽላቁ፣ አክብሮቱና ክድሚያው ሁሉ ተስተካክሏል። አይኑም መሰበር ጀምሯል። ከምንም በላይ ደግሞ ቁርዐን ሀፍዞ አላህ ትልቅ ደረጃ ከሚሰጣቸው ሰዎች ሊሆን ነው። እኔንም ሊያሳፍዘኝ ይችላል። ይሄ ደግሞ በህልሜም በእውኔም አስቤው የማላውቀው እድል ነው።"

" በዚያም አለ በዚህ እሱን እንቢ ለማለት ሸርጥ የለኝም። እሽታም ግን አስቸጋሪ ነው። የሰፈር ሰው ግን ምን ይለኛል?"

" ምን አባቴ ላድርግ?"

በሃሳብ ባህር እየቀዘፈች መቆም በሌለባት እየቆመች መሄድ በሌለባት እየሄደች የወደፊት ህይወቷን አጋር መዳረሻዋ ላይ መረጠችው። ከአድካሚ ጉዞ፣ እልህ አስጨራሽ ትግልና ለውሳኔ አስቸጋሪ ከሆነ እንቅልፍ ማጣት በኋላ ለእምቢታዋና እሽታዋ ተቀራራቢ ነጥብ የሰጠቻቸው ቢሆንም 51 ለ 49 ሁነውባት ሀሳቧ ያዘነበለበትን መረጠች።

በመጨረሻም #አዳበ ነውም አድርጋ ተኛች....

ክፍል-47 ይቀጥላል #ሼር / እንወዳችኋለን❤️

ቻናላችንን ይቀላቀሉ፡ @WubTarikoch
ለሀሳብና አስተያየት፡ @WubTarikoch_bot

ውለት የታዘበችው ሌላ ነገር ደግሞ ፈጣጣነቱ ፈፅሞ ከሱ ጋር አብሮ አለመኖሩን ነው። አልፎ አልፎ አይን መስበሩና ማፈሩም አስደስቷታል።
" ኸውለት አንድ ነገር ልነግርሽ እፈልጋለሁ" አላት ካቀረቀረበት ቀና ሳይል።
" ምንድን ነው?" አለች በምላሹ በጥያቄ እይታ እያየቺው
ዛሬ ከሱ የምትሰማው ሁሉ አዲስ ስለሆነባት ለመስማት ጓጓች።
" ሌት ከቀን ብዬ ቁርዐኔን ከርሬ ልጨርስና ከረመዷን በኋላ ቁርዐን ሂፍዝ መግባት እፈልጋለሁ። ጋዜጠኛው የመያዝ ችሎታህ ከማንም በላይ ስለሆነ ብትችል ቁርዐን ሀፍዝበት ብሎኝ ነበር። ፈተናውን ካለፍኩኝ መርከዝ ለመግባት አሁን ወስኛለሁ።"

" ኸውለት ስሜቷን መለየት አቃታት። ግርምት፣ ደስታ፣ ሀዘን፣ እንዴት?" በምን ተዐምር? የሚሉት ሆዷን አደበላለቁት። ከሙኽታር መስማቷን እየተጠራጠረች ከእግር እስከ ራሱ ታየዋለች ራሱ ነው። የድሮው ሙክታር ነው።

ዝም አለች፤ ምንስ ትበል? አፍ የሚያዘጋ፤ ጭጭ የሚያስብል አጋጣሚ ሁነባት! ሙክታር ሴት ለካፊው የሰባቱን ሰማይ ጌታ ቃል ሊሀፍዝ? ጫት ቀለሙን የቀየረው ጥርስና ምላሱ የሰባቱን ምድር ጌታ ቃል ሊያነበንብ? ወሬና ወንጀል ያደረቀው ቀልቡ በፉርቃን መስታወት ሊሆን? ምን አይነት ተዐምር ነው የምሰማው? ከጎዳና ወደ መርከዝ ያለ ሽግግር የክብደቱን ያክል ለሙክታር እንዴት እንደገራለት ገረማት።

" ወላሂ አላህ የሻውን ይመራል ጥርጥር የለውም" አለች በሆዷ። ለሱ ያላት ሀዘኔታ ከልክ ያለፈ ቢሆንም ሁኔታው ግን ስሜቷን ቀየረው። ጭንቅላቷን አነቃነቀው። ወደራሷ ተመለሰችና ጭንቅላቷን የከነከናትን ጥያቄ ለመጠየቅ አሰበች። ለመተውም ለመጠየቅም እያለች

" ማሻአላህ ነው። ቀጥልበት ይሄ እኮ ሰው ማማከር አያስፈልግም። አላህ እንደው በላይ በላይ ይጨምርልህ። ተውበትህን አብዝቶ ይቀበልህ። " አለችው።
" አሚን" አለ እየሳቀ።ጥቂት ዝም ካለች በኋላ
" ሙክታር አንድ ጥያቄ ልጠይቅህ?" አለችው ቀና ብላ ሳታየው
" በደስታ" አላት።
" በቀደም ' የዘምዘምን ውሃ ለ #ሶስት ነገሮች ነይቼ ጠጣሁት። ከበሽታየ ልድን፣ አላህን ፈሪ ልሆንና ሌላ አንድ ኒያ ጨምሬ" ብለህ ነበር።"

" #ሶስተኛው ኒያህ ምን ነበር?" አለችው የሚነይተው ነገር የበሰለ እንደሚሆን በማሰብ።
ሙክታር " ጉድ ፈላ!" አለ። አፉ ተያያዘበት። እሱ በወቅቱ መናገሩንም የማያስታውሰውን ነገር እሷ ግን ይዛው ነበር። ውስጡ ተረበሸ። ምን እንደሚላት ግራ ገባው። ሶስተኛ ኒያው ከሷ ጋር የተገናኘ መሆኑን ያውቀዋል።"
" ይለፈኝ ኸውሊ።" አላት አፍሮ አንገቱን እየደፋ
በሁኔታው ተገርማ " ችግር የለም ንገረኝ! እኔና አንተ ከልጅነታችን ጀምሮ ሚስጥር ተደባብቀን እናውቃለን? ባልና ሚስት ሁነን እቃቃ የተጫወትን ልጆች በግዜ ብዛት ሚስጥር ስንደባበቅ አይደብርም?" ስትለው
" እሽ አትቀየሚኝም?" አላት።
" ለምኑ?"
" በምነግርሽ ነገር?"
" ማለት?"
" ካንቺ ጋር የተገናኘ ነው ኒያየ።"
ለመስማት ጓጓች። ከመቀመጫዋ ተስተካከለችና
" ንገረኝ?" አለችው።

" ኸውሊ እኔ ካንቺ ጋር ተደባብሬ መኖር አልችልም። የምነግርሽም መርከዝ ስለምገባ ብታኮርፊኝም አንገናኝም ብየ ነው እንጂ እዚሁ ብሆን ኩርፊያሽ ብቻውን ወደ ዱሮው ሂይወቴ ስለሚመልሰኝ አልነግርሽም ነበር።" አላት።
" ምንም ላልልህ ቃል እገባለሁ።" አለችው ልቧ በሀይል እየመታ።
የውጩ በር ተቆረቆረ።
ኸውለት ለበሩ መቆርቆር ደንታ ሳይኖራት
" ንገረኝ እንጂ?" አለችው።
" መጀመሪያ በሩን ክፈችው" አላት።
" ተዋቸው ባክህ!" አለችው የልብ ትርታዋ እየጨመረ
" እኔ እከፍተዋለሁ" ብሎ ሲነሳ በጓዳ በር ወጥታ የከፈተችው ሰራተኛቸው
" ኸውለት የሲሃም አባት ይፈልጉሻል" አለቻት" ቤት መጥታ
" ለምን?" አለቻት ጥያቄዋ ለራሷም ቆይቶ እየገረማት
" እኔንጃ ግን ከብዙ ፖሊሶች ጋር ነው የመጡት" ስትላት ከሙክታር ጋር ተያዩ። በድንጋጤ ፈጠን ብለው ወጡ።

ብዛት ያላቸው የፖሊስ መኪኖች ተከታትለው እየሄዱ ነው። ኸውለትና ሙክታር ፊተኛው መኪና ላይ ናቸው። የሲሃም አባት አላህን እየተማፀኑ ከኋላ ይከተሏቸዋል። የፖሊሶቹ መኪና ባቡር የሆነባት ኸውለት ሲተጣጠፉ ልቧ ለሁለት ክፍል እየለ በጭንቀት ትጓዛለች።

በር ላይ ጠርተው ያወሯት ትዝ አላት።

" ሲሃም ሙሉ ቀን እንደጠፋች ነው። አዲስ አበባ ከተማ ላይ ያልተደወለለት ዘመዷ የለም ግን ማናቸውም ጋር የለችም።" አላት ፖሊሱ በሚያስፈራራ እይታ እየተመለከታት

" አንች ጋር የመጣነው ከሷ ጋር የተጣላ ወይ የሚያስቸግራት ሰው ካለ እንድትነግሪን ነው" አላት። ግራ በተጋባችበት ሁኔታ ጭንቅላቷ ላይ አንድ ሰው ብቻ ነበር የመጣው...የራህማ ወንድም።

ይሄንኑ ስትነግራቸው ቤቱን እንድታሳያቸው ፈልገው ግዴታ በሚመስል ሁኔታ የፖሊሱ መኪና ውስጥ አስገቧት። ፍራት ፍራት አላት። ሊንቀሳቀሱ ሲሉ ሙክታር ኸውለት በጣም መፍራቷን ሲመለከት ለብቻዋ ሊተዋት አልፈለገም ነበር።

ፈጠን ብሎ አጠገቧ ያለውን ፖሊስ

" አብሬያችሁ ልሂድ! ቤቱ ከሌለ የሚኖረው ጓደኛው ጋር ነው። የጓደኛውን ቤት ደግሞ እኔ አውቀዋለሁ።" ሲለው በምልክት እንዲገባ ፈቀደለት።
" ኸውለት መኪናውን እንዲያፈጥነው በተደጋጋሚ ትነግራዋለች። ፖሊሱ በቻለው ፍጥነት በኸውለት መንገድ ጠቋሚነት እያበረረው ነው።

" ልጁ ሸይጧን ነው! በዚያ ላይ ለመድፈር አይመለስም! ከተደፈረች ደግሞ ኤች አይ ቪ መያዟ ነው።" አለች በሆዷ። መናገር ፈልጋ የነበረ ቢሆንም አይቡን እንዳታወጣበትና ራህማ " ለማንም እንዳትናገሪ" ብላ ያስጠነቀቀቻትን አስታውሳ ተወችው።

ሙክታርም መኪናውን እንዲያፈጥነው ይወተውተዋል። ጭቅጭቁ የበዛበት ፖሊሱ
" ጤና የላችሁም እንዴ?" አላቸው ከዚህ በላይ ምን ላድርገው በሚል ሁኔታ

" ልጁ ኤች አይ ቪ (ፖዘቲብ) ነው! በዚያ ላይ ለመድፈር ቅንጣት ታክል እርህራሄ የለውም።" ሲለው የመኪና አስፋልቱና ጎማው እሳት ፈጠሩ።
" ደግሞ ላንተ ማን ነገረህ?" የሚል መልዕክት ባለው እይታ ሙክታርን አየችው። " የኢልያስ ትዳር ይሰናከልበት ይሆን?" በማለት ጭንቀቱ አጥንቱን ሰርስሮ የገባው ሙክታር መንገድ መንገዱን እያየ ለኸውለት እይታ ትኩረት አልሰጠም ነበር።

ከጥቂት ጉዞ በኋላ አላፊ አግዳምው ምን ተፈጠረ እያለ እያያቸው እየተከታተሉ በቦታው ደረሱ። አይ ሀብታም! አጃቢው መብዛቱ፣ ተንከባካቢው፣ ጠብ እርግፍ ባዩ፣ ምን ላድርግልህ ባዩ መብዛቱ፣ ችግር ያጋጠማቸው እለት ደግሞ የስራ ሰዐት ቢሆን ባይሆን፣ ቦታው ቅርብ ሆነ አልሆነ፣ ሌላ ስራ ያዙ አልያዙ፣ ሲጣሩ በረው ይመጡላቸዋል...የፈለጓቸው ሰዎች።

ከሩቅ ፖሊሶች እየተመለከቷት ኸውለት እነ ራህማ ቤት ቆርቁራ ገባች።

ራህማን ሰላም ብላት ወንድሟን ስትጠይቃት እዚህ ያለማደሩንና ጓደኛው ጋር መሆኑን ትነግራታለች።
" እደውልልሻለሁ" ብላት በፍጥነት ተመለሰች። ራህማ ግራ ተጋባች። " ምን ሁና ነው?" ምን ችግር አጋጥሟት ነው? እሱንስ ለምን ፈለገችው? እያለች ብትጠራትም ዞራ አላየቻትም። ጥሪዋ ሲደጋገምባት በእጇ የእደውልልሻለሁ ምልክት ሰጥታት መንገዷን ቀጠለች። ራህማ ለወንድሟ ለመደወል በፍጥነት ወደ ቤት ገባች።

የመግሪብ ሶላት ተሰግዶ አልቋል። የመግሪብ ሶላት ወቅቱ አጭር ቢሆንም እነኸውለት ሳይሰግዱ ወደ ጓደኛው ቤት የመኪኖቹ ጩኸት ሰፈሩን እያቀለጠው በፍጥነት ነጎዱ።
" የት ነው የምታውቀው?" አለው ፖሊሱ ሲቃረቡ።
"ድሮ ጫት ቤት" አለው።

ብዙም በማይርቀው የጓደኛው ቤት ሲደርሱ ፖሊሶች ከየመኪናቸው