" አንቺን ብዬ"

በመላው አለም ለምትገኙ ውድ የኢትዮጵያ ልጆች በያላችሁበት ሰላም ጤና ፍቅር እየተመኘሁ ይህንን "አንቺን ብዬ" የተሰኘውን ዜማ መታሠቢያነቱ ከልጅነት ዕድሜ እስከ ጉልምስና ገፋ ሲልም እስከ እርጅና ዘመናቸው ለእናት ሐገራችን ኢትዮጵያ ያላቸውን ተስፋ፣ፅናት፣ እምነት፣ ፍቅር ፣ጤና፣ ሐብትና ንብረት እንዲሁም በምንም የማይተካውን ውድ ሕይወታቸውን ጭምር ሳይሰስቱ ለሰጡን ይሁንልኝ።

በነገው ዕለት ቀን 17 ከምሽቱ 1:00 ሰዓት ላይ በዳዊት ፅጌ ኦፊሻል የዩቲዩብ ቻናሌ ላይ የሚለቀቅ መሆኑን አሳውቃለሁ።

https://www.youtube.com/c/DawitTsige
ኢትዮጵያ ለዘላለም ትኑር።
ዳዊት ፅጌ
ህዳር 16 2014

ሰላም እንዴት ናችሁልኝ
አልበሜ ከተለቀቀበት ዕለት ጀምሮ አዳምጣችሁ በአካል ፣በስልክ እና በማህበራዊ ድረ ገፆች ላይ ለሰጣችሁኝ አስተያየት እና ላሳያችሁኝ ፍቅር የተሞላበት በጎ ምላሽ የከበረ ምስጋናዬ በያላችሁበት ይድረስልኝ፡፡
በቅርብ ጊዜ ውስጥ ደግሞ በምለቃቸው የቪዲዮ ክሊፖች እንደምንገናኝ ሳሳውቃችሁ በታላቅ ደስታ እና አክብሮት ነው፡፡ እስከዛው ሙዚቃዎቹን እንድታጣጥሙ ጋበዝኳችሁ፡፡ እግዚአብሔር ያክብልኝ፡፡

ለመላው ወዳጆቼና አድናቂዎቼ በሙሉ መጪው የጥምቀት በዓል የሰላም የፍቅርና የጤና እንዲሆን ከወዲሁ እየተመኘሁ በዚህች አጭር ቀናት ውስጥ የመጀመሪያ አልበሜን በተመለከተ ድጋፋችሁን ስለገለፃችሁልኝ ልባዊ ምስጋናዬ ይድረሳችሁ ፡፡ ከነገ ጥር 8 ጠዋት ጀምሮ ‹‹የኔ ዜማ›› በመላው አገራችን ተደራሽ እንደሚሆን ስገልፅ በደስታ ነው ፡፡ በውጪ ለምትገኙ በሁሉም የሙዚቃ መተግበሪያዎች ላይ እንዲሁም በአገር ውስጥ በሸክላ የሙዚቃ መተግበሪያ ላይ ያገኙታል፡፡ አድምጣችሁ እንደምትወዱት ተስፋ አደርጋለሁ፡፡
እንዲሁም በዛሬው ዕለት በተደረገላችሁ ጥሪ መሠረት በጋዜጣዊ መግለጫ ዝግጅቱ ላይ ለተገኛችሁ የመገናኛ ብዙሃን ባለሙያዎች በሙሉ ስለተገኛችሁ እንዲሁም ድጋፋችሁን ስለለገሳችሁኝ ከልብ አመሠግናለሁ፡፡

ሰላም እንዴት ናችሁ ውድ አድናቂዎቼ ለበርካታ ጊዜያት የሙዚቃ አልበሜን ሰርቼ እንዳቀርብ ስትገፋፉኝ ለነበራችሁ የሀገሬ ልጆች እንሆ የእግዚአብሔር ፍቃዱ ሆኖ ከረጅም ጊዜ ልፋትና ጥረት በኃላ በአዲሱ አልበሜ መጥቻለሁ።
ለሀገሬ የሙዚቃ አድማጮች የተሻለ ስራ ይዤ ለመምጣት ካለኝ ከፍተኛ ፍላጎትና ጉጉት የተነሳ ረዘም ያለ ጊዜ ስለወሰድኩ ይቅርታዬ ከወዲሁ በያላችሁበት ይድረሳችሁ እያልኩ በዚህ " የኔ ዜማ " በተሰኘው የመጀመሪያ አልበሜ ለመካስም የተቻለኝን ሁሉ በማድረግ ሙሉ ዝግጅቴን አጠናቅቄ በዚህ ሳምንት መጨረሻ ወደ እናንተ እንደሚደርስ ስገልፅ በታላቅ ደስታ ነው።

~ ዳዊት ፅጌ