#به_هۆرامی‌
#هۆرامان_قڵا
#هۆرامان_فلات‌اقلیم

?شاعرو ای کلامیه، متٲسفانه چا یاگەنه من آهنگەکەم هۆرگێرت؛ نەبێ.
اگر کَسێو مزانۆ واچۆش.

ـ??????
تا ڕۆح منەن ویرم مَنۆ
ناز و مَسی گۆشەو چَمیت
یادٚش منۆ نازارەکەم
زردٚەخوەو گۆشەو دَمیت

سختا به دڵ واچو تمام،
اتر مەوینیش تا هنی
تا کَی جه روەو دیوارەکا
نامێش گرکتا هۆرکنی؟

آزیز خمت اینا جه لام،
پیرش کردٚا بارو خَما
تا من هنا باوانەکەم
شینت کرو هێشتای کما

وانای⬅️ @waanaay

?بڕێو تحلیلگرێ، وضعیتو آرۆی، چنی جنگی سردٚی مقایسه کرا(زمانو شوروی)
چ قیاسێوی نادرۆس!
ای جنگه، کۆگەش سَردٚا؟!

جنگی جهانی یرۆم:
اۆکراین، ترۆرو کریلۆفیش گێرتەن گردٚەن.
ڕۆنامەو تایمزو لندنی:
" ترۆرو کریلۆفی دفاعی مشروعا پَی اۆکراینی."
مِدوِدِف:
"مقالەو اڕاذل و اۆباشو ڕۆنامەو تایمزی، نمەتاومێ چنەش ویەرمێ"
معاونو وزیرو خارجەو ڕوسیەی:
"استفادٚه جه سڵاحی هستەیی، باسش سَر کرمێ و جه نظرەمانه هن."

وانای⬅️ @waanaay

#جه_هۆرامان
#به_هۆرامی‌

لزومش هن که فوری نظام‌واژەی بومی اێمه به عنوانو "هۆرامی" مَرزیۆره و جه جامعەو اێمەنه، "هۆرامان" بازتعریف کریۆ و "دگا" به عنوانو موجودیتێوی داراو کارکردی منحصر به فردی تعریف و تبیین کریۆ.

چی هۆرامی، جه مراودات و تعاملاتی ڕوتینی اجتماعیەنه آرام و نرم و نیانا، بڵام وختێو تقابڵ ایجادٚ بۆ پَیش، بۆ به خشن‌ترین بشر؟

چون هۆرامی جه "قَڵا"نه ژیوان و مژیوۆ و قڵا خاصیتی بارزش آنەنه که دفاعی سخت و خشن کرۆ و کلاً قڵا پَی دفاعی مَرزیەینەره.
زنجیرەقڵاکێ هۆرامانی، ڕسالتی تاریخیشا دفاع جه زوان و فرهنگێوی باستانی و تمدن‌خێزی بیەن و هن.
معلوما که قڵا، آخرین مٱمن، پناگا و جه عَینو حاڵیەنه پَدافندی هویتیا.

جاڵبا بزاندێ که حتا کارکردو "قڵا" بیەی جه هۆرامانەنه، کارکردی منحصر به فردا.
منحصر به فرد ، یانێو جهانەنه بێ‌نمونەن.
کام قڵاکێ جه دنیانه همزمان که دفاعشا کردٚەن، آذوقەو وێشا بێ غارت و بێ باج‌گێرتەی و بێ تاڵان کردٚەی تٲمینشا کردٚەن؟
قڵاکێ هۆرامانی، تمامو نیازو وێشا دڵێ وێشانه تٲمینشا کردٚەن.
قڵاکێ دنیای، اگر تنیا بُعدی نظامیشا بیەن؛ قڵاکێ هۆرامانی، بعدی فرهنگی و صنعتکاریچشا بیەن.
موجودیتێو که جه دنیانه بێ‌مثالا و مشۆ باسش کریۆ و پَیجۆریش سر کریۆ.

ـ(١٤٠٣/٩/٢٢)

وانای⬅️ @waanaay

جنگی جهانی یرۆم:
پوتین وێش خَڵەتنۆ و وخت‌کُشی کرۆ تا ترامپ دسڵات گێرۆ دس و مامڵەی گۆره ترتیب دا.
بڵام من اجۆم "جنگ" پوتین و ترامپی پێوَره کێشۆنه دلێ آساوو وێش.
اڵبته ایسەیچ هر هنێ دلێ آساوو جنگیەنه، بڵام خاس نیاوان مرحلەو هاڕای.
معروفا ماچۆ: "آساو به مَیلو وێش هاڕۆ، چقچقه سرەو وێش ماڕۆ"

دنیا آور یا حاملەو جنگی تازەیا و مشۆ ای حَملو وێشه به دنیا بارۆ.
اێشێ زایمانی کم‌کم شروعێ بیێنێ.

وانای⬅️ @waanaay

ایسه جه تعمیرگانە بێنێ، برادرێو قسێوەی وشەش کردٚه، فره خوانێ.

ماچۆ: کابرێوی هاموَڵاتیما هن، یرێ کناچێ فره زریفێ و ڕێک و پێکێش هنێ. یوەشا یۆی زَڕەتاڵی داوا کردٚه، چون شغڵ و موقعیت و پوڵی عالش بێ، داشا پنه.
ماچۆ گردٚکس تعجب کرێ که ای فریشتەشا دان به آ کابرا زَڕەتاڵەیه
کابرای زَمایچ طماعه گێرۆش، کناچێوه تَرەشا داوا کرۆ پَی براکەیش.
تاتەو کناچەکێ جه جوابەنه ماچۆ: کُره کم گێل به. تازه ای کناچێمه دا پنەتا، طڵاقم کۆتەبۆ پَی تخمی دایدێم، واتم بش تخمتا فاڕیۆ.?

وانای⬅️ @waanaay

دنگ:
زمناکۆ هۆرامی
شعر:
خالد احمدی

وانای⬅️ @waanaay