Улым, саған айтаман!

(Дүркиннен)

1. Нәсийҳат

Шәрьярға

Улым!
Шайыр халқы сөйлемес жалған,
Анаң ғыйбат айтса исенбе, жаным!
Тири жетимлик бул – әййемнен қалған, –
Ески жапсағыдур жаңа дүньяның.

Тәғдийр әжиўасы –
Руўҳтың пәслиги –
Кимге – алиментдур,
Кимге – айралық!
Шықлы қара гүлдей көзин жас қылып,
Жәбири жетимлерге жетер айланып.

Жетим: ,,Аға-аа!.." десе, –
Қәлбиң безилдеп, –
Баўырың гириян болып,
Езилмеўи ушын, –
Аҳыў-пығаныңды кимлер сезинди,
Кимлер сезинбеди?! –
Сезимине түсин!

Түсинисип жупласар ҳәтте гүбелек.
Қумыры тақ өтер жойтса жубайын!
Тилсиз түсинисер
Еки гүңелек,
Пәми гүңелектен,
Сақлан удайым!

Жәўҳарың жойтылса – мин емес, –
Мийнет.
Көзиң соқыр болса-ҳәм
Көкирегиң – жақты.
Кеўли соқыр жуптың
Қылса қысыўмет,
,,Жәннет!" деп биле бер
Печин дозақтың!..

Күй сен!
Өртенип күй!
Күл болғанша күй! –
Пысқып жанған шалаң нала келтирер!
Сүйсең –
Сүйгенди сүй,
Күл болғанша сүй! –
Шала ашықлық-ҳәм шала өлтирер!..

2. Бузып өт!
Кеўлим шәшмесинен тамар сағыныш,
Тасты мүжимес ол,
Мени мүжийди.
Сағыныш алдында не болыпты ғыш! –
Күнлер өткен сайын,
Дәртим гүжийди.

Мен сени сағындым улым,
Шырағым!
,,Сағынбайды!.." десе,
Исенбе ҳәргиз!
Сағыныш сарғайтты көзимниң ағын,
Миллион болсамдағы,
Сенсиз мен – жалғыз...

Сонша шарықлайман, –
Жәўланым – мәзи!..
Қамал қус жолынан бәлент,
Мың нәлет! –
Саған жете алмайды мениң пәрўазым,
Онда сен жылайсаң,
Бунда мен ҳәлек!..

Көзим – миллион мениң!
Лазер – қап-қалың!..
Тинтип дәрбедарман саңлақ,
Өткелин!
Меннен ағла болсаң,
Шығар дал-далын! –
Ҳижран дийўалларын,
Бузып өт бери!..

12-август, 1984. Нөкис.

**Шаўдырбай Сейитов

Канал: 👉** @shawdirbay_seyitov

Өнермент қызға

Мен аўлақпан жөнсиз, алдаў сөзлерден
Сен себепли менде бәри өзгерген
Бәлким өзиң буны билмессең, бирақ
Аллам саған сондай сулыў көз берген

Сол сулыў көзлериң маған баққанда
Нәзериң қадалып, кирпик қаққанда
Жүрегим силкинип үнсизбен, қәйдем
Көзлериңе тутқын болажақпан ба?!

Бармағың ушында ойнап өнериң
Билдим тутқан нәрсең гүлге дөнерин
Қуры мақтаныппан шайырлығыма
Көрдим бүгин өзимнен де шеберин

Жулдызларды бармағыңда силкитип
Дизбеклейсең шынжырыңа илгитип
Өзи тапқан жылўасына шыдамай
Кетежазлар үнсиз тасқа тил битип

Жылтыр сөзди жети журттан әкелип
Саған қап-қап ўәде бериў қәтелик
Жулдызды қол менен жаратқан қызға
Қәйтемен аспаннан жулдыз әперип?!

Қосықтан өзиңе бир пайдам тийсин
Илҳәмым жолыңда өртенсин, күйсин
Периштелер сәлемимди апарып
Өнерли қолыңнан, көзиңнен сүйсин!

Мен аўлақпан жөнсиз, алдаў сөзлерден
Аллам саған сондай сулыў көз берген!...

Жангелдиев Ниетулла (ойшыл)

06.04.2024ж
@oyshil_qosiqlari

Ессіз жыр

Кері кеткен кербез күндер кешегі,
Келмейді ме күткенмен?
Көктем жайлы көп ойланам көңілсіз,
Күле алмаймын көптен мен.

Көктен сұрар шын керемет көздерің,
Ғажап сәтке өткелдей,
Күрең бақтар күлгінденіп жоқ болды ау,
Ұшып кеткен кептердей.

Кірпігіңдей дір - дір етер кеудемде,
Сағыныштың сағаты.
Көбелектің күйін кештім Көріктім,
Күйіп қалған қанаты.

Күна деген махаббат па біздегі,
Онда жол жоқ тәубаға.
Келе алмасаң, кешіре сал көнемін,
Қолдан келсе ойлама.

Үнсіздіктің шекарасы бар шығар?
Сыйдыра алмас кең дала.
Менің жаным тіл қата алмай тұншығар,
Оның емі - Сен ғана!

Көз алдымда күңгірт - күңгірт кешкі іңір...
.......................................................................................
Жаздырмады - ау есті жыр!

Мейрамбек Абдіқалиев
https://t.me/Meyrambek_poeziya

NE ZAT USLAP TURAR ÁLEMDE BIZDI.

Bir soraw kelip oyımdı buzdı,
Sorawlar izinen sorawlar dizdi,
Aqıl hayran shaǵa almay mánisin,
Ne zat uslap turar álemde bizdi.

Janı joqtay tiri dúnya, joq kemisi,
Ilgishi joq yaki joqbir súyer ustini,
Eń qızıǵı hesh kim bilmes bul sırdı,
Ne zat uslap turar álemde bizdi.

Hár máwritte qáwip-qáter iz-izli,
Bul súwret ǵoy, kemisi joq, kim sizdi,
Qaranǵı bir túpsiz sheksiz boslıqta
Ne zat uslap turar álemde bizdi.

Ólshegendey aylanamız juldızlar
Aq-qarası, aqshamı hám kundiz bar.
Ushıp barıp kórgim keler bazıda,
Ne zat uslap turar álemde bizdi.

Soqlıǵıspay, joytpay júrgen bir izdi,
Gezek penen alıp keler, gúz, qıstı.
Jaratıwshı, esabına puxta dım
Áne solǵoy, bekkem uslap tur bizdi.

Aray Xojabekova
Qaraózek rayonı 25-mektep oqıwshısı.

@QRjas_doretiwshiler

Есіңде ме ең алғашқы...

Дір - дір еткен саусағыңды сүйіп ұстаған,
Есіңде ме ең алғашғы кездесу.
Жауап айтшы жеңетін күйінішті алаң,
Тағы бізге бұйыра ма жүздесу?

Жасыра алмай он жетіңді оянған,
Қызарғанды жүздерің.
Жуықтатып... тағы бізді айырған,
Суық тартты күз демін.

Қоштасарда айтқан едің сағынсаң,
Самал болып келем деп.
Хабарыңды сұрап сенің дауылдан,
Әлі жүрмін елеңдеп.

Еске салып бірге шақтың нәр тұсын,
Ой толтырар әр күнді.
Тым болмаса бөліп берші жартысын,
Көтерейін қайғыңды...

Біздің сезім ойыншығы емес баланың,
Ұмытатын жайғана.
Хабарыңды айтып тұрғын қарағым,
Үнсіз - мені қинама!

Жарайма?

Мейрамбек Абдіқалиев

https://t.me/Meyrambek_poeziya

#поэзия

Мен айтаман айтсам тек таўға муңды

Қарап тұрып мынау шырқау шыңдарға
Қалай төмен боламыз, ей, жігіттер!
               Қәдир Мырза Әлий

Мен айтаман айтсам тек таўға муңды.
Мүмкин таўлар түсинер бар ғамымды.
- Ал адамлар уқпай ма?
- Яқ уқпайды.
Адамлар тек жаралар саў жанымды.

Мен айтаман айтсам тек таўға муңды.
Таўға тасып ҳәсирет деп таўғанымды.
Бийикликтен турып алып қарайын,
Сездирмей, дым көрсетпей жаўға минди.

Мен айтаман айтсам тек таўға муңды.
Саўлат төгип жубатар таў жанымды.
Даўылларда тайсалмай таў тик турса,
Ким кеширсин самалда аўғанымды!?

Мен айтаман айтсам тек таўға муңды.
Талғанымды, талғамымды, әрманымды..,
Ал адамлар көтермес жыр жазарда,
Түйелер шөгип қалған толғағымды.

МЕН АЙТАМАН АЙТСАМ ТЕК ТАЎҒА МУҢДЫ...

Исмайылов Абдирашид
Жазылған сәне: 18.II.2024

@Poeziya_Abdirashit

Әкем Қазақбай Сейтовтың ядымда қалған ақылларынан

Биринши:
-- Қыз таңлар болсаң, балам,
Анаңа болма жалтақ!
Шекпейин десең нала,
Әзелден шамаңа бақ.

Жуўҳаға жетпес күшиң,
Минеди ешек қылып!
Тек сени миниў ушын.
Көрсетер нешше қылық!

Мәккардың қойған қурып,
Аўлақ жүр дузағынан!...
Қызықсаң бойға қуры,
Жыларсаң узағына!

Жат етер жақыныңды,
Туўысқан таслап кетер,
Лал етип ақылыңды,
Көзиңди жаслап кетер!

Ҳеш бири келмес саған,
Өзиң де бара алмассаң.
Өлимге мың барсаң-ҳәм,
Өзиңди жара алмассаң!

Муш урсаң -- қамақ тайын,
Урмаўға тақатың жоқ!
Қамалсаң -- оған қайым,
Ойнассыз сааты жоқ!

Қырылып пәки менен,
Келерсең үйиңе сен;
Кетерсең дәкки менен,
Тағы да қабақ үйсең!

Ўаз кешер едиң, бирақ,
Улың жас, қызың бийтап!
Өзиңди өзиң бурап,
Ийт өмир кешер қыйнап!

Өлим де келе қоймас,
Саған я жүрегенге!!.
Сени ғой, намыс соймас,
Мен тири жүремен бе?!!.

Қыз алсаң, ақылын ал,
Мийиңе мийин дос қыл!..
Ешек те тақымынан,
Таныйды ийи босты!

Ийиң де бос ғой жүдә,
Ғәзебиң, қәҳәриң жоқ!
Өзиңе жаны пидә,
Бармекен зәҳәри жоқ?!.

Шаўдырбай Сейитов

@shawdirbay_seyitov
@seyitov_shawdirbay_topar

Jasaw degen...

Ómir seni aqladım ba? Bilmedim...
Jasaw emes -meniń tiri júrgenim!
Jasaw emes- qayģı- muńdı umıtıp,
Shaģal máslik qurıp, shalqıp kúlgenim.

Jasaw emes- hasıl kiyim kiygenim,
Ózim qalıp, basqaģa bas iygenim.
Jasaw emes- bar qádirim ketirip,
Súymegendi essiz bolıp súygenim.

Jasaw emes -záwlim saray qurģanım.
Baylıq sorap, Haqqa tilek qılģanım.
Jasaw emes - ayıbımdı jasırıp,
Sırt kózlerge ayıpsız bop turģanım.

Jasaw degen-ishiw de emes, kúliw de!
Emes taģı muń-qayģısız júriw de.
Jasaw degen- búginińdi eskerip,
Ótkenińe kóz juwırta biliwde!

Jasaw degen- "táwbe" deyip aqlanıw,
Qáte qılsań, taģı onnan saqlanıw,
Jasaw degen- el awzında mańgilik,
Óziń ólip, artıńdaģı baģ qalıw!

Jasaw emes- ózin aytıp maqtanıw!
Ózi-ózine jaqsınan at taģıw.
Jasaw degen- bar jerińde sıylanıp,
Joq jerińde atıń aytıp, maqtalıw.

Jasaw emes- basqa adamdı nusqalaw.
Jasaw degen- basqalarģa uqsamaw!
Qıyal etken qanatıńdı qayırsa,
"Tirimen" dep súyretiliw, toqtamaw!

Isamatdinova Ulbosın
QMU magistrantı