СОРАНАРЫМ

Қәдирлим! Қой енди гийнелериңди,
Билесең, өзгени сүймегенимди,
Түсинсең өмирден түйгенлеримди,
Жалғанда сүйгиден басқасы жалған!

Қәйтейик, қыснақ жол қылғанда қысқы,
Түсинбедим, түсиниксиз турмысты,
Гейде басты ийип, болып қылмыслы,
Жанымды жегидей жеп барар әрман!

Тас-түнек ақшамда қалмай тақатым,
Азаплайды сенсизлик дер сырқатым.
Тек саған арналған, ышқы хатларым,
Қус болсам, өзиңсиз қанатым талған.

Пәрманаң, пәрўаның болып жаныңда,
Алжастым көп жола өмир бағында,
Исмиң қосық болып ағар қанымда,
Мениң бар ықласым тек сенде қалған.

Кел жаным, қолыңды бер бир сөз демей,
Қас қағып турмайық көрсек өзгедей,
Сениң менен ханман, ал сенсиз гедей,
Жамалы гөззалым болма сен әрман!

Өзиңсиз өмирдиң бәршеси жалған!

Әбдирахман Зергер, сентябрь, 2024-жыл.
@zergerqosiqlari

**Төлепберген МӘТМУРАТОВ ӨМИРИ ҲӘМ ДӨРЕТИЎШИЛИК ЖОЛЫ:

1939-жылы 1-сентьябрьде Қараөзек районында дүньяға келген.
1963-жылы Ташкент мәмлекетлик университетин питкерип,
«Совет Қарақалпақстаны», «Жас Ленинши» газеталарында, телевидение ҳәм радио еситтириў комитетинде иследи.
1969-жылдан баслап
«Әмиўдәрья» журналында
> поэзия бөлиминиң баслығы;
>жуўаплы хаткер;
>бас редактордың орынбасары лаўазымларын атқарды.
1984-жыл 25-мартта** 45 жасында тосаттан қайтыс болды.

АТАҚ ҲӘМ СЫЙЛЫҚЛАРЫ:

1969-жыл Қарақалпақстан Жазыўшылар Аўқамының ағзасы;
1977-жыл
>"Өзбекстан Республикасына мийнети сиңген мәденият хызметкери" атағы,
>Қарақалпақстан Республикасы Жаслар Аўқамы сыйлығының лауреаты;
1986-жыл Қарақалпақстан Республикасы Бердақ атындағы Мәмлекетлик сыйлық лауреаты болды.

ПОЭЗИЯЛЫҚ ТОПЛАМЛАРЫНЫҢ ЖЫЛ БОЙЫНША ИЗБЕ-ИЗЛИГИ:
1964-жыл "Ақ терек пе, көк терек?..." (1996, 2021-жыллары қайта басылым)
1966-жыл "Лирика"
1970-жыл "Гөззаллық оянды..."
1973-жыл "Айсәнем"
1977-жыл "Ашылысыў"
1981-жыл "Арзыў шәмени"
1984-жыл рус тилинде "Говорит сердце" ("Жүрек сөйлейди")
1986-жыл "Жақсылық сарайы"
1988-жыл рус тилинде "Тени белых тополей" ("Ақ тереклердиң саялары")
1989-жыл "Жулдызлар жанар"
2018-жыл "Фауст" (И. В. Гёте дөретиўшилигинен көркем аўдарма)
2019-жыл "Сайланды шығармалары"

АЎДАРМАЛАРЫ:

Александр Сергеевич Пушкин,
Михаил Юрьевич Лермонтов,
Сергей Александрович Есенин,
Уильям Шекспир,
Иоганн Вольфганг фон Гёте шығармаларын қарақалпақ тилине аўдарды.

**Төлепберген МӘТМУРАТОВ

Каналымыз:?*????@Tolepbergen_Matmuratov Топарымыз:?????***@T_MatmuratovPoeziyasinaPikirler

Бүгин Төлепберген Мәтмуратовтың туўылған күни,
85 жыллық юбелейи.

@Tolepbergen_Matmuratov

QORAQALPOG‘ISTON RESPUBLIKASI
Kattalar she’riyati
1. Lochinoy Sapardurdiyeva
2. Muxammetdiyin Aitjanov
3. Munisa Tojiboyeva
4. Atag'ulla Satbaev
5. Quvonchbek Haytboyev
6. Shaxnoza Yuldashova
7. Gozzal Jumamuratova
8. Ulbosin Isamatdinova
9. Bazarbay Joldasbaev
10. Sharafatdin Jollıbekov
11. Rasul Abdimuratov
12. Sarbinaz Aytmuratova
13. Kuandik Atabaev
14. Biybisanem Jabbarvergenova
15. Gu'lmira Da'ryabaeva
16. Aymeken O'tegenova

Bolalar she’riyati
1. Sardor Yo'ldosh
2. Allayar Darmenov
3. Zilolaxon Komiljanova
4. Sarvarbek Jumaboyev

@duelloyihasi

Реңсіз ойлар

Жүрек сырларымды ақтару үшін,
Маған үнсіз тыңдар мың жыл жетеді.
Менің көңіліме таққан қоңырау,
Мұң кірсе жыр болып сыңғыр етеді.

Шағылған сәтіндей сәмсамның нұрға,
Менің көздерімде маздар бір ұшқын,
Мыңдаған толқулар ішімде бірақ:
Сырттай биязымын, сырттай тынышпын.

Менің көп ойларым реңсіз ойлар,
Менің сағынышым ессіз сағыныш.
Менің қиялдарым шексіз қиялдар,
Менің сезімдерім үнсіз жарылыс.

Келмей ме тағы да бұл жаз мен үшін,
Көңілде көп сұрақ көктейді көкем.
Айтпауға жайымды жеткенмен шыдам,
Жазбауға шыдамым жетпейді екен.

Менің сағынышым ессіз сағыныш...

Мейрамбек Абдіқалиев

https://t.me/Meyrambek_poeziya

▪️ «Қарақалпақ халқының қызлары — ақыллы қызлар, мәрт қызлар, ҳадал қызлар» — Гүлайша Есемуратова

▪️ Быйыл өзиниң қутлы 94 жасын қарсылаған Қарақалпақстан халық жазыўшысы Гүлайша Есемуратова өзиниң шәкиртлерине ең жақсы тилеклерин билдирди ҳәм оларға «Қарақалпақ халқының қызлары — ақыллы қызлар, мәрт қызлар, ҳадал қызлар», деп тәрийп берди.

▪️ Бизди бақлап барыўда даўам етиң.

? Канал: @qaraqalpaqstan_jaslari_gazetasi

Улым, саған айтаман!

(Дүркиннен)

1. Нәсийҳат

Шәрьярға

Улым!
Шайыр халқы сөйлемес жалған,
Анаң ғыйбат айтса исенбе, жаным!
Тири жетимлик бул – әййемнен қалған, –
Ески жапсағыдур жаңа дүньяның.

Тәғдийр әжиўасы –
Руўҳтың пәслиги –
Кимге – алиментдур,
Кимге – айралық!
Шықлы қара гүлдей көзин жас қылып,
Жәбири жетимлерге жетер айланып.

Жетим: ,,Аға-аа!.." десе, –
Қәлбиң безилдеп, –
Баўырың гириян болып,
Езилмеўи ушын, –
Аҳыў-пығаныңды кимлер сезинди,
Кимлер сезинбеди?! –
Сезимине түсин!

Түсинисип жупласар ҳәтте гүбелек.
Қумыры тақ өтер жойтса жубайын!
Тилсиз түсинисер
Еки гүңелек,
Пәми гүңелектен,
Сақлан удайым!

Жәўҳарың жойтылса – мин емес, –
Мийнет.
Көзиң соқыр болса-ҳәм
Көкирегиң – жақты.
Кеўли соқыр жуптың
Қылса қысыўмет,
,,Жәннет!" деп биле бер
Печин дозақтың!..

Күй сен!
Өртенип күй!
Күл болғанша күй! –
Пысқып жанған шалаң нала келтирер!
Сүйсең –
Сүйгенди сүй,
Күл болғанша сүй! –
Шала ашықлық-ҳәм шала өлтирер!..

2. Бузып өт!
Кеўлим шәшмесинен тамар сағыныш,
Тасты мүжимес ол,
Мени мүжийди.
Сағыныш алдында не болыпты ғыш! –
Күнлер өткен сайын,
Дәртим гүжийди.

Мен сени сағындым улым,
Шырағым!
,,Сағынбайды!.." десе,
Исенбе ҳәргиз!
Сағыныш сарғайтты көзимниң ағын,
Миллион болсамдағы,
Сенсиз мен – жалғыз...

Сонша шарықлайман, –
Жәўланым – мәзи!..
Қамал қус жолынан бәлент,
Мың нәлет! –
Саған жете алмайды мениң пәрўазым,
Онда сен жылайсаң,
Бунда мен ҳәлек!..

Көзим – миллион мениң!
Лазер – қап-қалың!..
Тинтип дәрбедарман саңлақ,
Өткелин!
Меннен ағла болсаң,
Шығар дал-далын! –
Ҳижран дийўалларын,
Бузып өт бери!..

12-август, 1984. Нөкис.

**Шаўдырбай Сейитов

Канал: ?** @shawdirbay_seyitov

Өнермент қызға

Мен аўлақпан жөнсиз, алдаў сөзлерден
Сен себепли менде бәри өзгерген
Бәлким өзиң буны билмессең, бирақ
Аллам саған сондай сулыў көз берген

Сол сулыў көзлериң маған баққанда
Нәзериң қадалып, кирпик қаққанда
Жүрегим силкинип үнсизбен, қәйдем
Көзлериңе тутқын болажақпан ба?!

Бармағың ушында ойнап өнериң
Билдим тутқан нәрсең гүлге дөнерин
Қуры мақтаныппан шайырлығыма
Көрдим бүгин өзимнен де шеберин

Жулдызларды бармағыңда силкитип
Дизбеклейсең шынжырыңа илгитип
Өзи тапқан жылўасына шыдамай
Кетежазлар үнсиз тасқа тил битип

Жылтыр сөзди жети журттан әкелип
Саған қап-қап ўәде бериў қәтелик
Жулдызды қол менен жаратқан қызға
Қәйтемен аспаннан жулдыз әперип?!

Қосықтан өзиңе бир пайдам тийсин
Илҳәмым жолыңда өртенсин, күйсин
Периштелер сәлемимди апарып
Өнерли қолыңнан, көзиңнен сүйсин!

Мен аўлақпан жөнсиз, алдаў сөзлерден
Аллам саған сондай сулыў көз берген!...

Жангелдиев Ниетулла (ойшыл)

06.04.2024ж
@oyshil_qosiqlari

Ессіз жыр

Кері кеткен кербез күндер кешегі,
Келмейді ме күткенмен?
Көктем жайлы көп ойланам көңілсіз,
Күле алмаймын көптен мен.

Көктен сұрар шын керемет көздерің,
Ғажап сәтке өткелдей,
Күрең бақтар күлгінденіп жоқ болды ау,
Ұшып кеткен кептердей.

Кірпігіңдей дір - дір етер кеудемде,
Сағыныштың сағаты.
Көбелектің күйін кештім Көріктім,
Күйіп қалған қанаты.

Күна деген махаббат па біздегі,
Онда жол жоқ тәубаға.
Келе алмасаң, кешіре сал көнемін,
Қолдан келсе ойлама.

Үнсіздіктің шекарасы бар шығар?
Сыйдыра алмас кең дала.
Менің жаным тіл қата алмай тұншығар,
Оның емі - Сен ғана!

Көз алдымда күңгірт - күңгірт кешкі іңір...
.......................................................................................
Жаздырмады - ау есті жыр!

Мейрамбек Абдіқалиев
https://t.me/Meyrambek_poeziya

NE ZAT USLAP TURAR ÁLEMDE BIZDI.

Bir soraw kelip oyımdı buzdı,
Sorawlar izinen sorawlar dizdi,
Aqıl hayran shaǵa almay mánisin,
Ne zat uslap turar álemde bizdi.

Janı joqtay tiri dúnya, joq kemisi,
Ilgishi joq yaki joqbir súyer ustini,
Eń qızıǵı hesh kim bilmes bul sırdı,
Ne zat uslap turar álemde bizdi.

Hár máwritte qáwip-qáter iz-izli,
Bul súwret ǵoy, kemisi joq, kim sizdi,
Qaranǵı bir túpsiz sheksiz boslıqta
Ne zat uslap turar álemde bizdi.

Ólshegendey aylanamız juldızlar
Aq-qarası, aqshamı hám kundiz bar.
Ushıp barıp kórgim keler bazıda,
Ne zat uslap turar álemde bizdi.

Soqlıǵıspay, joytpay júrgen bir izdi,
Gezek penen alıp keler, gúz, qıstı.
Jaratıwshı, esabına puxta dım
Áne solǵoy, bekkem uslap tur bizdi.

Aray Xojabekova
Qaraózek rayonı 25-mektep oqıwshısı.

@QRjas_doretiwshiler