💡💡💡💡💡💡💡

“Наурыз” ипотекалық бағдарламасының негізгі шарттары қандай?

🏠 Баспаналы болуды жоспарлағандар үшін тиімді бір мүмкіндік бар. Бұл –“Наурыз” атты жаңа ипотекалық бағдарлама. Өтінім берушілерге “Отбасы банкінен” депозит ашу мерзіміне талап қойылмайды. Тек шотта 1 млн тг болуы шарт және кейінгі 5 жылда атында үй болмауы керек.

💸 Қарыз бойынша сыйақы мөлшерлемесі:

▪️халықтың әлеуметтік осал топтары санаты бойынша тұрғын үйге мұқтаж ретінде есепте тұрған азаматтар үшін (ХӘОТ) - 7%(ЖТСМ 7,3%-дан 8,9% дейін);

▪️тұрғын үйге мұқтаж ретінде есепте тұрған азаматтар, қандастар мен Қазақстан Республикасының өзге де азаматтары үшін - 9% (ЖТСМ 9,3%-дан 11,8% дейін).

Заемның ең жоғары сомасы (жөндеу жұмыстарын қоса есептегенде):

• Астана, Алматы қалалары үшін 36 млн теңгеге дейін.
• ҚР қалған өңірлері үшін 30 млн теңгеге дейін.

Алғашқы жарна: заем сомасының 20%-нан бастап;

Несиелеу мерзімі - 19 жылға дейін;

🟢 Қарыздың нысаналы мақсаты:
Тұрғын үй сатып алу, бір банктік қарыз шарты шеңберінде тұрғын үй сатып алу және бастапқы тұрғын үйді жөндеу.

Заем сомасының 50% жинақталғаннан кейін заем бойынша мөлшерле жылдық 3,5% (ЖТСМ 3,6% бастап 4,4% дейін) бастап жылдық 5% (ЖТСМ 5,1% бастап 6,9% дейін) төмендейді;

🟢 ҚОЙЫЛАТЫН ТАЛАПТАР:

Жинақтау мерзімі: Отбасы банкінде депозит ашу қажет (жоқ болған жағдайда), алайда салым мерзімі ескерілмейді.

Депозиттегі жинақтың ең аз сомасы: кемінде 1 млн теңге (Бағдарламаға қатысуға өтініш берген сәтте депозитте кемінде 1 млн теңгеге тең болуы тиіс. Жинақтау сомасы бұдан төмен депозиттер бағдарламаға қатыстырылмайды). Бұл соманы бағдарламаға қатысуға өтініш берер алдында аударуға болады.

Тарифтік бағдарламалар: "Табысты", "Жинақ", "Арнау" тарифтік бағдарламаларын қоспағанда, барлық тарифтік бағдарламалар ("Табысты", "Жинақ" және "Арнау" тарифтік бағдарламалары шеңберінде ашылған депозиттер бағдарламаға қатыстырылмайды).

Басқа тұрғын үй бағдарламаларына қатыспау: Салымшыда "Кейіннен сатып алу мүмкіндігімен жалға алу" және "Отау" бағдарламаларына қатысушы мәртебесінің болмауы.

Салымшыда инкассалық өкімдер және төлем талаптары түріндегі шектеулердің болмауы: депозит қолданысына тыйым салу, инкассалық өкімдер және төлем талаптары түріндегі шектеулерден бос болуы керек.

🟢 ҚАТЫСУШЫЛАРҒА ҚОЙЫЛАТЫН ЖАЛПЫ ТАЛАПТАР:

Қазақстан Республикасының азаматтығы немесе Қандас мәртебесі;

Өтініш берген кезде қатысушының жасы 18-ден 63 жасқа дейін (қоса алғанда) болуы керек;

Соңғы 6 ай ішінде ресми табысының болуы (Кірістерге еңбек қызметінен түскен жалақы, кәсіпкерліктен түскен пайда, ақылы қызмет көрсету шарты бойынша түскен табыс, жәрдемақылар, стипендия және тұрғын үй төлемдері кіреді. Егер бағдарламаға қатысушының табысы жеткіліксіз болса, онда ол кепілгер болатын екі қарыз алушыны (туысқандық қатынастың болуы міндетті емес) тарта алады);

Соңғы 5 жыл ішінде бағдарламаға қатысушының және оның отбасы мүшелерінің меншігінде тұрғын үйдің болмауын және тұрғын үймен жасалатылған операциялардың болмауын тексеру. Отбасы мүшелеріне: күйеуі, әйелі және олардың кәмелетке толмаған балалары жатады. Егер қатысушы некеде болмаса, онда тұрғын үйдің бар-жоқтығы тек өзінен тексеріледі. Бағдарламаға қатысушылардың ата-аналарынан тұрғын үйдің бар-жоғын тексермейді;

Бағдарламаға қатысушыда және оның отбасы мүшелерінде (18 жасқа дейінгі балалар) соңғы 5 жыл ішінде Қазақстан Республикасы бойынша кез келген жылжымайтын мүлік түрінің болмауы;

Бір салымшы/отбасы бағдарлама шеңберінде тұрғын үйді бір реттен артық сатып ала алмайды;

Бағдарламаға ерлі-зайыптылардың біреуі ғана қатыса алады;

Бағдарламаға қатысқаны және заем алғаны туралы ақпаратты банктің ресми сайтында орналастыруға келісім беру (бағдарламаға қатысушылар тізімінің ашықтығы үшін).

"Наурыз" бағдарламасы бойынша қолжетімді барлық жылжымайтын мүлік "Баспана маркет" порталында орналастырылады. Бірінші жылы 300 млрд теңге сомасына 12 мың қарыз және одан әрі жыл сайын 8 мың қарыз беру үшін 200 млрд теңгеден беру жоспарлануда.

#қазынакеңес

💡📆📆📆📆📆 23 мамыр

🕺Бүгін спорт сүйер қауым халықаралық күрес күнін атап өтеді. Аталмыш спорт түрі Ежелгі Грецияның өзінде Олимпиада ойындарының сәні болған. 1904 жылы 23 мамырда Венада күрестен бірінші әлем чемпионаты басталып, 2013 жылдан бері бұл күн ресми түрде тойланып келеді. Қазақстанда күрес - ұлттық спорт түрі. Осы сала бойынша спортшыларымыз әлемдік жарыстарда ұдайы жеңімпаз атанып, жүлделер иеленіп келеді.

Қазақтың қай балуанын білесіз?

🩺23 мамырда Біріккен Ұлттар Ұйымының бастамасымен халықаралық акушерлік жарақаттан алдын алу күні аталып өтеді. Патологиялық босану кезінде ректовагиналды жарақат пайда болуы мүмкін. Сәйкесінше, қынап пен тік ішек арасының зақымдалуынан, беймезгіл уақытта зәрдің шығып кетуі немесе денсаулыққа басқа да қауіптің төнуіне жол беріледі. Бұл күн халықаралық қоғамдастықтың назарын босану кезіндегі ауыр жарақаттарға назар аударуға шақырады. Мұндай мәселелер көп жағдайда білім мен медициналық көмектің қолжетімсіз болуынан, әйелдердің босану кезіндегі ақпараттан хабарлығының төмен болуынан, ерте жаста баланы өмірге әкелуден туындайды.

🐢23 мамыр - Дүниежүзілік тасбақалар күні. Бұл ебедейсіз, бірақ өте сүйкімді жануарлар туралы көптеген миф кездеседі. Мысалы, олар 300 жылға дейін өмір сүре алады. Шындығында тасбақаның орташа өмір сүру ұзақтығы - кем дегенде 30 жыл, ал ең ұзағы - 130 жыл. Қазір тасбақалар толығымен жойылу алдында тұр. Бұған себеп - браконьерлер мен басқа жануарлардан төнетін қауіп. Сондықтан аталмыш күннің мақсаты - қоғамды осы мәселеге бей-жай қарамауға шақырады.

👥24 мамырда дүниегеке келген танымал тұлғалар. 141 жыл бұрын америкалық актер, дыбыссыз кино дәуірінің ең жарық жұлдыздарының бірі Дуглас Фэрбенкс (1883-1939) дүниеге келді. Ол “Оскар” сыйлығын тапсыратын Кинематография өнері және ғылым академиясының негізін қалаушы әрі бірінші президенті. Сонымен қатар 100 жыл бұрын “Алтын адамды” тапқан қазақ археологы Кемал Ақышев (1924-2003) өмірге келді. Қазақ археологиялық мектебінің негізін қалаушылардың бірі 200-ден астам ғылыми еңбек пен 15 кітап жазды. Сондай-ақ дүниежүзілік маңызы бар Сарыарқаның тарихи ескерткіштері, Бесшатыр қорғандары, Отырар ескерткіштері туралы ғылыми мәліметтер жинаған. Оның есімі Қазақстанның Құрмет Алтын кітабына жазылған.

#күнтізбе #23мамыр #тасбақа #күрес

💡🐴🐴🐴🐴🐴🐴🐴🐴🐴🐴

Көшпелілер экономикасында жоғары бағаланған маман иелері

📌 Қазақ халқының қолөнері ежелгі ру-тайпалардан бері қалыптасып келеді. Олар тұрмыс-тіршілігіне қажетті барлық бұйымдарды өздері жасап алып отырды. Соған орай үй ішілік, ұсталық, зерегерлік, өрімшілік, көншілік, тігіншілік, етікшілік т.б. қолөнер кәсіптері дамып отырды. Қазақ шеберлері қолөнердің белгілі бір саласына маманданды.

🔍 Қазақ халқының қолөнерінің ішінде зергерлік ісі өте жоғары бағаланды. Олар қыз-келіншек,әйелдерге қажетті сақина, сырға, білезік, шолпы сияқты әшекей бұйымдар соқты.

Зергерлер қыздардың сәукелесін әсем өрнектеді. XVII ғасырдағы деректерге қарағанда кейбір алтындап, қымбат тастармен әшекейлеп жасаған сәукелелердің құны бір үйір жылқымен бағаланған.

🔍 Қазақ халқында өрнектеп ши тоқу, кілем, алаша тоқу, ою-өрнек салынған текеметке басу кең тарады. Қазақ халқының тұрмысы мал шаруашылығымен байланысты болғандықтан, ыдыстың кейбір түрлерін теріден жасаған. Мәселен, қымыз ашытатын саба, мес, торсық, көнек т.б жасаған.

🔍 Ал етік тігетін шеберлер ерлердің етіктермен,мәсімен,әйелдерді басы қайқы,сәндеп тігілген кебіс сияқты аяқ киімдерімен қамтамасыз етіп отырған. Қазақ шеберлері сүйектен,асыл тастардан да тұрмысқа қажетті сәнді бұйымдар жасаған.

Теміршілікпен айналысатын ұсталар мал шаруашылығы мен егіншілікке қажетті құрал саймандар соқты.

#көшпенділерэкономикасы

💡📆📆📆📆📆 24 наурыз

🦠Бүгін - Дүниежүзілік туберкулезге қарсы күрес күні. 1882 жылы 23 наурызда Роберт Кох аурудың қоздырғышы болып табылатын таяқшаны тапты. Осы еңбегі үшін ол Нобель сыйлығына ие болды. Туберкулез - жұқпалы ауру әрі өлім-жітімге әсер етіп жатқан басты қозғаушы күш. Жыл сайын аталмыш аурудан дүниежүзінде шамамен 1,5 миллион адам қайтыс болады. Аурудың өршуіне дұрыс тамақтанбау, темекі, алкоголь, есірткі тұтыну, нашар жұмыс орны мен нашар тұрмыстық жағдай, сондай-ақ кейбір созылмалы аурулар ықпал етеді. Соңғы 20 жылда Қазақстанда туберкулез ауруы 4 есеге азайды.

Ауырмаңыздар және салауатты өмір салтын ұстанып жүріңіз! 💌**

😫24 наурыз - Халықаралық депрессиямен күрес күні. Бұл күйді алғаш рет Гиппократ сипаттап, оған меланхолия деген атау берді. Адамның аталмыш жағдайда көңіл күйі болмайды әрі ұйқысыздық, тамақтан бас тарту, алаңдаушылық пен ашуланшақтыққа тап болады. Психикалық бұзылыстың негізгі себебі: адам бойында бақыт гормондары болып саналатын - серотонин мен дофаминнің болмауы. Депрессияға ұшыраған адам үшін отбасы мен достарының қолдауы өте маңызды. Нақтырақ айтсақ, әңгімелесу, шынайы қызығушылық танытып, ақыл-кеңес беру адамның депрессиядан шығуына көмектеседі.

Барлық оқырманға әрдайым жақсы көңіл күй тілейміз! Ұсақ-түйекке ренжіп, ашуға бой алдырмаңыз! 🤩**

💅Бүгін - маникюр шеберлерінің кәсіби мерекесі. Бір қарағанда қарапайым көрінетін бұл кәсіп түрі шын мәнінде табандылықты, ұқыптылықты және шығармашылықты талап етеді. Ежелгі Римде, Греция мен Мысырда маникюр адамның әлеуметтік мәртебесі мен байлығын көрсетті. Ал бүгінгі таңда бұл кәсіп кез келген адам үшін қолжетімді. Есіңізде болсын, жақсы күтім көрсетілгкн қолдар мен тырнақтар адамға сенімділік береді.

Егер бүгін маникюр жасатуға барсаңыз, өз шеберіңізді мерекесімен құттықтауды ұмытпаңыз! 💃**

👥24 наурыз - қазақтың екі атақты тұлғасының туған күні. Бүгін суретші, сәулетші, Қазақстан Мемлекеттік Елтаңбасының авторы Жандарбек Мәлібеков 82 жасқа толды. 1992 жылы Тәуелсіз Қазақстанның мемлекеттік рәміздері байқауында 245 жұмыстың ішінен өнер иесінің жобасы жеңіске жетті. Ол Өзбекстанның еңбек сіңірген сәулетшісі және Қазақстанның еңбек сіңірген қайраткері. Сонымен қатар 81 жыл бұрын ақын-жазушы Рафаэль Ниязбеков (1943-2021) дүниеге келді. Ол көптеген поэзиялық жинақтың авторы. Одан бөлек проза да жазған. Жазушы - Б.Момышұлының 90 жылдығына арналған республикалық мүшәйраның жеңімпазы. Халықаралық “Алаш” әдеби сыйлығының лауреаты. Көптеген кәсіби және мемлекеттік марапаттардың, сондай-ақ Шешен Республикасының Жоғары мемлекеттік “Ұлт намысы” орденінің иегері.

Сіз Елтаңбаны ауыстыруды қолдайсыз ба?

#күнтізбе #24наурыз #маникюр #депрессия

💡📆📆📆📆📆 23 наурыз

👍23 наурыз – Тазару күні. Бүгін Қазақстанның барлық аймағында жалпыұлттық экологиялық акция өтеді.

🌚Бүгін Біріккен Ұлттар Ұйымының бастамасымен Дүниежүзілік метеорология күні аталып өтеді. 1950 жылы 23 наурызда Дүниежүзілік метеорологиялық ұйым құрылды. Оның құрамына 189 мемлекет кірді. Метеорологтар – арнайы білімі бар адамдар. Бұл кәсіпке - ауа райын бақылаушылар, техниктер, ғалымдар, метеорологиялық радар операторлары және инженерлер жатады. Олардың жұмысы қажырлы еңбекті талап етеді. Өйткені уақытылы берілген ақпараттар мен нақты болжамдар адам өмірін сақтап қалуға тікелей әсер етеді.

Егер арамызда Қазгидромет оқырмандары болса, аталмыш мерекемен шын жүректен құттықтаймыз! *🎉*

🫂Бүгін ерлер қауымы арасындағы ынтымақтастық күні тойланады. Олардың арасындағы бауырмалдық пен мызғымас достық жасына, мүддесіне қарамастан қалыптасады. Джек Лондон, Эрих Мария Ремарк және басқа да жазушылар өз шығармаларында ерлердің ынтымақтастығын көрсетті. Алайда тек әдебиетте ғана емес, шынайы өмірде де достықтың жүгін арқалап, бір-бірінің өмірін аман алып қалған мысалдар жетіп артылады.

Сіздің ойыңызша, достыққа кімдер берік? Ерлер немесе әйелдер? *💃*🕺**

👌Бүгін “ОК” таңбасының пайда болған күні. Ең танымал нұсқа бойынша, бұл әлемдегі ең көп таралған аббревиатуралардың бірі. Ол 1839 жылы 23 наурызда америкалық "Morning Post" газетінде қате жазылған "all korrect" сөзінің күлкілі аббревиатурасы ретінде пайда болды. Айта кету керек, бұл белгіні күн сайын миллиондаған адам “Қалайсың?" деген сұраққа жауап беру мақсатында қолданады.

🎉 23 наурызда өмірге келген атақты ер адамдар. 114 жыл бұрын жапондық режиссер, сценарист және продюсер Акира Куросава (1910-1998) дүниеге келді. Ол - кино тарихында ең ықпалды режиссерлердің бірі. Өнер иесі үш мәрте “Оскар” сыйлығын жеңіп алды және басқа да көптеген беделді марапаттардың иегері атанды. Оның 7 жұмысы әлемдегі ең үздік фильмдер тізіміне енді. Сонымен қатар 99 жыл бұрын қазақ химигі-металлургы Евней Бөкетов (1925-1983) өмірге келді. Ол химиядағы жаңа бағыт – халькогендер мен халькогенидтер химиясы мен технологиясының негізін салушы. Сондай-ақ 50-ден астам өнертабыстың, 10 патенттің, ғылым мен мәдениет туралы бірқатар әңгіменің авторы. 1992 жылы Қарағанды ​​мемлекеттік университетіне Евней Бөкетовтің есімі берілді.

Акира Куросаваның фильмдерін көрдіңіз бе?

#күнтізбе #23наурыз #ок #тазару

Тағы да сәлем қыздар мен жігіттер! Естеріңізге сала кетейік, кімдер комментті көп жазады, солар да киноға тегін билет алады!

1 наурыз күні ақпан айында “ең белсенді болған оқырманға” билет табыстаймыз!

‼️‼️‼️‼️‼️‼️‼️‼️‼️‼️‼️
Егер бүгін біреу билет ұтып алмаса, уайымдамаңыз, біз билеттерді әр жұма сайын таратамыз.

Арнамыздағы ақпаратты қадағалап отырыңыз. Келесі жолы сұрақтарға бірінші болып жауап бересіз!

Бізде тағы бір жақсы жаңалық бар! Ең белсенді оқырмандарымызды ынталандыруды жөн көрдік. Әр айдың соңында біз ең көп коммент жазған 3 жеңімпазды анықтаймыз, оларға кез келген қаладағы кез келген фильмге 2 кинотеатр билеті беріледі.

Шарт - біздің жазбамыз шыққаннан кейін екі күннен кешіктірмей пікірлер қалдыру керек.

Бізді мақтаудың қажеті жоқ, біз әрқашан объективті сынды қабылдаймыз.
Біз өз тарапымыздан сіздерді пайдалы ақпаратпен байытуға уәде береміз. Жақын арада оқырмандарымызға киноға, музыкаға арналған жаңа бөлімдер сыйлаймыз.
Сонымен, ең белсенді комментаторларға арналған жаңа байқау басталды, оның қорытындысын 1 наурыз шығарамыз. Коммент жазыңыздар!

💡📆📆📆📆📆 25 қаңтар

📚25 қаңтар кітап сүйер қауым кітапханада селфи жасау күнін атап өтеді. Кітаппен үздік суретке түсу акциясы алғаш рет 2014 жылы өткізілді. Бұл - әлемнің көптеген мәдени орындары мен топтарында ерекше дәстүрге айналды. Бүгінде кітапхана ұжымы оқырмандарын кітап оқуға ғана емес, сонымен бірге суретке түсуге де шақырады. Фотосуреттер кітапханаларда әрі оқу идеясын насихаттап, жаңа оқырмандарды тарту мақсатында әлеуметтік желілерде орналастырылады.

Сіз осындай бастамаларды қолдайсыз ба?

Байқау!!! Сіз де осы жазбаның астында комментарийге сүйікті кітабыңызбен селфи жасап, жүктеп қойыңыз. 19:30-ға дейін суреті ең көп лайк жинаған үш қатысушыға біздің атымыздан кез келген кітап дүкенінен 10 000 теңгелік сертификат табысталады. Нәтижесі кешкі жаңалықтармен бірге шығады.

⚰️2018 жылы 25 қаңтарда Кашмирде Мұхаммед Хайдар Дулатидің қалпына келтірілген бейіті ашылды. Қазақстан елшілігінің бастамасымен Үндістанда Моғол империясының “Мазар-и-Салатин” сұлтандары зиратындағы қазақ ғалымының қабірін қалпына келтіру әрі ол туралы урду және ағылшын тілдерінде ақпараттық планшет орнату жұмыстары басталды. Мұхаммед Хайдар Дулати (1499-1551) – қазақ даласының көрнекті перзенті, ежелгі Дулат әулетінің өкілі, қала берді әскери және саяси қайраткер. Сондай-Қазақ хандығының қалыптасуы, қазіргі Қазақстан мен Кашмир аумағындағы сол кездегі оқиғалар туралы көптеген мәліметті қамтитын - “Тарих-и-Рашиди” кітабының авторы.

Сіздің қалаңызда Мұхаммед Хайдар Дулатидің есімімен нелер аталған?

💎1905 жылы 25 қаңтарда “Куллинан” атты әлемдегі ең үлкен әрі ең қымбат алмас табылды. Тас Оңтүстік Африка кенішінің иесі Томас Куллинанның есімімен аталып, ағылшын королі Эдвард VII-ге сыйлыққа ұсынылды. Оның салмағы - 3106 караттан асады, яғни 638 грамм болды. Алмазда жырықтар болғандықтан, алып бір гауһар жасау мүмкіндігі болмады. Нәтижесінде ағылшын монархтарының таяғы мен тәжінің бөлігі болған Куллинаннан 96 кішкентай, 7 көлемді және 2 ең үлкен гауһар алынды.
Сіз тағы қандай гауһар тастарды білесіз?
👥25 қаңтар екі танымал адамның туған күні. 25 қаңтар өмірге келген танымал адамдар. Бүгін Украина президенті Владимир Зеленский 46 жасқа толды. Президент болып сайланғанға дейін ол шоумен әрі кино актері көпшілікке танымал болды. Владимир Зеленский саяси мансабын 2019 жылы Мемлекет басшысының сайлауына қатысудан бастады. Нәтижесінде Украинаның алтыншы президенті болып сайланды. Сонымен қатар бүгін америкалық әнші, композитор Алиша Киз 43 жасын атап өтеді. Ол көптеген беделді музыкалық марапаттардың иегері. Оның ішінде бес рет American Music Awards, он рет Billboard Music Awards, 15 мәрте Грэмми, төрт мәрте MTV Video Music Awards, 13 мәрте NAACP Image Awards, алты мәрте Soul Train Music Awards және т. б. марапаттарына ие болды.

#күнтізбе #25қаңтар #кітап #селфи

💡📆📆📆📆📆 24 қаңтар

🤩 24 қаңтар Біріккен Ұлттар Ұйымының бастамасымен Халықаралық білім күні аталып өтеді. Білім алу – Адам құқықтарының жалпыға бірдей декларациясында бекітілген. Мұнда әрбір жан бастауыш білімді тегін алып, мемлекеттен бөлінетін жоғары білімге қол жеткізе алады. 2023 жылы ҰБТ қорытындысы бойынша орташа балл 77 болса, оқушылардың 83 пайызы шекті баллға қол жеткізді. 75 пайызы қазақ тілінде тест тапсырды.

Қазақстанда білім беру сапасын арттыру үшін не істеу керек?

☹️ Бүгін - Мебиус синдромы туралы хабардар ету күні. Ол тұқым қуалау жолымен берілетін әрі сирек кездесетін генетикалық патологияға арналған. Бұл синдром 1888 жылы алғаш рет жағдайды сипаттаған неміс невропатологы Пол Юлиус Мобиустың есіміне орай алынды. Өте сирек кездесетін туа біткен неврологиялық бұзылыс бет параличімен сипатталады. Атап айтқанда, мимиканың толық болмауымен негізделеді. Мұндай жағдайда адам күле алмайды, қабағын түйе алмайды, мұрнына әжім түседі және т.б.

🤭 Бүгін балмұздақ әуесқойлары халықаралық эскимо күнін атап өтеді. 1922 жылы 24 қаңтарда америкалық Кристиан Нельсон эскимоға патент алды. Ол кілегейлі балмұздақтың бір бөлігін шоколадпен жабу идеясын ойлап тапты. Оны “Эскимо бәліші” (Eskimo Pie) деп атады. Заманауи түрінде ағаш таяқшадағы эскимо 1934 жылы пайда болды. Сонымен қатар ол - жаз мезгілінің символы. Оны көптеген мемлекеттің тұрғындары ерекше жақсы көреді. Сол себепті күні бүгінге дейін танымалдылығын жоғалтпай келеді әрі жоғары сұранысқа ие.

Сізге попсикл немесе шыныаяқ көбірек ұнай ма?

🤭 24 қаңтар - Дүниежүзілік күлкі күні. Ешбір нәрсе адамның жүзіндегі күлкі секілді қиындықтарды еңсеріп шығуға көмектеспейді. Сонымен қатар көңіл күйдің көтеріңкі болуы күлкі сияқты жағымды әсер береді. Ол қан тамырларын кеңейте отырып, қан айналымы жүйесін белсендірек жұмыс істеуге көмектеседі. Адамның күлкісі жүзіңізді қызартып қана қоймай, сонымен қатар бақыт гормоны - эндорфинді бөледі.

Бүгінгі көңіл күйіңіз жақсы болсын!

#күнтізбе #24қаңтар #күлкі #білім

💡📆📆📆📆📆

✍️ 23 қаңтар бүкіл әлемде Жазу күні аталып өтеді. Смартфондар мен компьютерлердің және басқа да жылдам байланыс құралдарының танымалдығының артуы нәтижесінде адамдар өз ойын қағаз бетіне түсіріп, қолмен жазу мүмкіндігінен алшақтатып қалды. Қолмен жазудың мыңдаған жылдық тарихы бар. Адамдар бір-бірінің мінезін және табиғатын қолжазба арқылы анықтауға тырысты. Ал Аристотель мен итальялық ұлы ойшылдар жазудың адамның рухани әлемімен байланысы туралы өз ойларын білдірді.

Сіз қазіргі таңда қолмен жазасыз ба?

🤭 Бүгін тағам әуесқойлары дүниежүзілік бәліш күнін атап өтеді. Мереке қарсаңында АҚШ-та бәліштен чемпионат өтеді. Әр елдің мәдениетіне байланысты бәліштің дайындалу жолы мен салмасы әртүрлі болып келеді. Сол себепті дәмі де ерекше болады. Бүгін сүйікті бәлішіңізді пісіру үшін керемет күн. Мәселен, кешкі ас кезінде отбасыңызды тәттімен қуантып, көтеріңкі көңіл күй сыйлай аласыз.

Бәлішке қандай салма салғанды ұнатасыз?

🥸 23 қаңтар - Дүниежүзілік өсек күні. Бұл - ең көңілді мерекелердің бірі. Сыбыс көбіне жағымсыз жағдайлармен байланысты болғандықтан, олардың пайда болу көзі белгісіз. Жасыратыны жоқ, әйелдер ер адамдарға қарағанда әлдеқайда көп сөйлейді және таныстарының жеке өмірін, маңызды оқиғаларды, достары мен туыстарының мінез-құлқын сағаттап талқылай береді. Бұл расталмаған ақпаратқа негізделсе де, көп жағдайда қоғамның қызу талқысына түседі. Әлеуметтік желілердің дамуына байланысты блогерлер мен шығармашылық маман өкілдері өзге адамдардың назарын аудару үшін қауесеттерді жиі пайдаланады.

Сіз таратылатын қауесетке сенесіз бе?:)
🤩 23 қаңтар атақты екі тұлғаның туған күні. 241 жыл бұрын француз жазушысы, өнертанушы, дипломат, психологиялық романның негізін қалаушылардың бірі Стендаль (1783-1842) дүниеге келді. Оның негізгі көркем шығармалары: “Қызыл және қара”, “Парма монастырьі” және “Люсьен Левен” романы, “Анри Брулардтың өмірі” және “Эготисттің естеліктері” автобиографиялық әңгімелері, сондай-ақ “Итальяндық шежірелер” новелл циклін атап өтуге болады. Сондай-ақ бүгін күйші, ұстаз, Қазақстанның халық әртісі Айгүл Ылкенбаева 62 жасқа толды. Өнер иесі мемлекеттік “Дарын” жастар сыйлығының лауреаты, Қазақ ұлттық консерваториясының профессоры, Құрманғазы, қазылар алқасының құрметті мүшесі, ірі республикалық және халықаралық байқауларда комиссия төрағасы.

#күнтізбе #23қаңтар #жазу

💡📆📆📆📆📆 26 қараша

🤩26 қараша - Халықаралық семіздікпен күрес күні. Дүниежүзінде 2 миллиардтан астам адам артық салмақпен арпалысып жүр. Оның 2,8 миллионы қайтыс болған. Семіздіктің басты себебі қозғалыссыз жүру және дұрыс тамақтанбаудан туындайды. Сәйкесінше бұл қант диабеті мен остеоартроз ауруының артуына, инсульт пен инфаркттың асқынуына әкеледі. Қазақстан халқының 20% - ы семіздіктен зардап шегеді. Олардың арасында жастар саны жыл сайын артып келеді.

Біздің видеоларымызды тамашалап, белсенді өмір салтын ұстаныңыз! https://youtube.com/shorts/XLzdiUIH4qA?si=nYr-J6D3XDu0Ts3O

👀26 қараша - Дүниежүзілік ақпарат күні. “Ақпаратқа ие адам - әлемге иелік етеді” деген атақты нақыл сөз бәрімізге белгілі. Қазіргі таңда цифрлық дамудың арқасында оның саны күн сайын артып келеді. Бірақ соңғы кездері психологтар оқыған ақпаратты, оның сапасы мен көлемін бақылай алмау “ақпараттық күйзеліске” әкелетінін жеткізді. Ал бұл әлеуметтік салдар мен денсаулыққа кері әсерін тигізетінін айта кеткен жөн.

Сол себепті әрдайым қажетті әрі дамуыңызға әсер ететін ақпаратты оқығаныңыз дұрыс!
🎉26 қараша - Халықаралық етікшілер күні. Бұл - аяқ киімді жобалаумен және тігумен айналысатын қолөнершілердің, сондай-ақ осы өндіріспен айналысатын жұмысшылардың мерекесі. Бүгінде аталмыш маман иелерінің арқасында дүкенде түрлі талғамға сай, бірнеше үлгідегі аяқ киімдерді кездестіруге болады. Сонымен қатар олар аяқ киімдерді жөндей отырып, оларға екінші тіпті үшінші өмір сыйлай алады. Сондықтан да етікшілер ерте кезден абыройлы әрі сұранысқа ие маман иелері болды.

Егер аяқ киім тігетін таныстарыңызды білсеңіз, кәсіби мерекесімен құттықтап қойыңыз!

🎤26 қараша өмірге келген танымал әншілер. 84 жыл бұрын американдық әнші, композитор, актриса әрі биші Тина Тернер (1939-2023) дүниеге келді. Өнер иесі сегіз мәрте Грэмми сыйлығын иеленді. Ол өзінің шеберлігі, темпераменті және сахналық ерекшелігі үшін "рок-н-ролл ханшайымы" атағын алады. Ал "Rolling Stone" журналы оны заманауи ең беделді әншілерінің қатарына қосты. Тина әлемдегі ең үздік бишілердің ондығына кіреді. Сондай - ақ бүгін британдық әнші, композитор және косовар тектес актриса Рита Ора 33 жасқа толды. Оның 2012 жылдың тамызында шыққан EPA дебюттік студиялық альбомы Ұлыбританияның хит-парадында бірінші орынға шықты. 2018 жылы жарыққа шыққан "Phoenix" альбомы әншіні Ұлыбританияның алғашқы жеке орындаушысы етті. Өнер иесінің 13 әні елдің басты хит-шеруінің алғашқы ондығына кірді. 2016 жылы Рита "американдық стильдегі топ-модель" шоуының жаңа жүргізушісі болды.

Сізге қай әнші ұнайды?

#күнтізбе #26қараша #етікшілер #семіздік

YouTube

Жаттығып, нәтижеге жете алмайсыз ба? Спорт жаттықтырушысынан 2 кеңес | Фитнес | Как накачаться

Жаттығып, нәтижеге жете алмайсыз ба? Спорт жаттықтырушысынан 2 кеңес | Фитнес | Как накачаться