💡💡💡💡💡💡💡

SWOT талдау: Мықты және әлсіз тұсымызды қалай анықтаймыз?

📌 SWOT талдау әдісі кәсіпорындарға ғана емес, жеке адамдарға да өздерінің кәсіби дамуы мен өмірлік мақсаттарын айқындауда көмек көрсетеді.

📍Мақсаты:

▪️Адамның өзін жақсы тануына көмектеседі
▪️Мықты тұстарын дамыту
▪️Әлсіз жақтарын анықтап, олармен жұмыс істеу
▪️Қолда бар мүмкіндікті пайдалану
▪️Сыртқы қауіптерден қорғану

Төменде жеке адамның SWOT талдауын қалай жүргізуге болатыны туралы негізгі қадамдар берілген. Сұрақтарға жауап беріп, өзіңіздің қасиеттеріңіз талдау жасаңыз.

1️⃣ Strengths (мықты тұсы)

Мына сұрақтарға жауап бере отырып, мықты тұсыңызды анықтаңыз.

Сіздің артықшылықтарыңыз қандай?
Қандай қабілеттеріңіз бар?
Қандай қасиеттеріңіз сізді ерекшелейді?
Басқалар сіз туралы қандай жағымды пікір айтады?
Қандай дағдыларды жақсы меңгергенсіз?

2️⃣ Weaknesses (Әлсіз жақтары)

Ішкі кемшіліктеріңіз бен дамыту қажет салаларды анықтаңыз.

Сіздің кемшіліктеріңіз қандай?
Сізге не кедергі келтіреді?
Қандай дағдыларды дамыту қажет?
Сізді не тежейді?
Басқалар сіздің қандай кемшіліктеріңізді жиі айтады?

3️⃣ Opportunities (Мүмкіндіктер)

Сыртқы ортада сізге берілетін мүмкіндіктерді қарастырыңыз.

Қандай мүмкіндіктер сіз үшін ашық?
Өсуіңізге арналған қандай жолдар бар?
Жаңа білім немесе дағдыларды қалай меңгере аласыз?
Қандай байланыстар мен нетворкинг көмектесе алады?

Мәселен⬇️

• Білім алу мүмкіндіктері: Курстар, семинарлар, онлайн платформалар арқылы жаңа білім алу.
• Жұмыс немесе мансаптық өсу: Жаңа жұмыс орындары, мансаптық өсу, желілік байланыстар.
• Технологиялық дамулар: Өз салаңыздағы жаңа технологияларды меңгеру мүмкіндігі.
• Әлеуметтік және мәдени орта: Қоғамдық жобаларға қатысу, ерікті болу, халықаралық байланыстар.

4️⃣ Threats (Қауіптер)

Сіздің дамуыңызға қауіп төндіруі мүмкін жағдайларды бағалаңыз.

Қандай сыртқы факторлар сізге кедергі келтіруі мүмкін?
Бәсекелестеріңіз қандай артықшылықтарға ие?
Экономикалық немесе әлеуметтік өзгерістер сізге қалай әсер етеді?

🟢 SWOT талдауын қалай жазамыз?

1. Өзіндік талдау: Алдымен әр бөлім бойынша жазбаша түрде өзіңіз туралы ойларыңызды жазыңыз.
2. Мақсат қою: Мықты тұстарыңызды дұрыс пайдаланудың жолы мен әлсіз жақтарыңызды қалай жақсартуға болатынын айқындаңыз.
3. Стратегиялық жоспар: Мүмкіндіктерді пайдалана отырып, қауіптерді болдырмау немесе азайту стратегиясын жасаңыз.
4. Қадағалау: Белгіленген мақсаттар мен жоспарлардың орындалуын үнемі тексеріп отырыңыз және қажет болған жағдайда түзетулер енгізіңіз.

#қазынакеңес #лайфхак #swot

💡📆📆📆📆📆 23 ақпан

👀108 жыл бұрын Торғай даласындағы ұлт-азаттық қозғалыста шешуші рөл атқарған Доғал шайқасы өтті. Бұл қақтығыста қолбасшы Амангелді Имановпен бірге Ибрай Атамбеков пен Кейкі Көкім де ерекше ерлік көрсетті. Дүйім жұртты дүр сілкіндірген оқиға — 1916 жылы Орта Азия көтерілісі кезінде торғайлық көтерісшілер мен Ресей империясы әскерлері арасындағы соңғы үлкен шайқас болды.

*🦒24 ақпанда ерекше мереке – жолақтар мен теңбілдер күні аталып өтеді.* Бұл мерекеге орай кейбір адамдар жираф, жолбарыс, қабылан тәрізді жануарлардың өрнегіне ұқсас киім киіп, көңіл көтереді. Ал енді біреулер балаларының қолынан жетектеп, хайуанаттар бағына барады. Онда зебралар мен түрлі жыртқыш аңдарды тамашалап, олардың табиғи ерекшеліктері табиғатта қалай жасырынуға көмектесетінін баяндайды. Көпшілікке беймәлім, бірақ жануарлар терісіндегі жолақтар мен теңбілдер адамның саусақ ізіне ұқсас. Яғни, олардың әрқайсысы қайталанбас, бірегей болып келеді.

👀Бүгін лотереяның пайда болған күні. 1466 жылы 24 ақпанда Бельгияның Брюгге қаласында алғашқы лотерея ойыны өткізілді. Бұл ұтыс ойынын әйгілі суретші Ян ван Эйктің жесірі ұйымдастырған еді. Лотерея суретшінің қайтыс болғанына 25 жыл толуына орай өтті. Түскен қаражаттың басым бөлігі қаладағы кедейлерге қайырымдылық мақсатында жұмсалды. Аз ғана үлесі ұйымдастырушының өзіне бұйырды. Жалпы тарихтағы ең ірі джекпот 640 миллион долларды құрады. Бұл ұтысты америкалық Mega Millions компаниясы ойнатқан болатын.

Ал сіз лотереядан ұтып көрдіңіз бе?

👥24 ақпанда өмірге келген танымал адамдар. 70 жыл бұрын америкалық кәсіпкер, өнертапқыш және өнеркәсіптік дизайнер Стивен Джобс (1955-2011) дүниеге келді. Apple негізін қалаушылардың бірі — ақпараттық технологиялар дәуірінің аға буыны. Ол қазіргі таңда көпшілік қолданып жүрген инновациялық және концептуалды электронды құрылғыларды ойлап тапты. Сонымен бірге бүгін үлкен ареналарда әрдайым жеңіс жалауын желбіретіп, мүлдем жеңіліп көрмеген америкалық боксшы Флойд Мейвезер 48 жасқа толды. Спортшы кәсіпқой рингте 50 жекпе-жек өткізіп, 50 мәрте жеңіске жетті. Оның 27-сі нокаутқа түсті. Ал 2013 жылы Сауль “Канело” Альваресті ойсырата жеңді. Боксшының лақап аты — “Money”. Флойдтың байлығы 1 миллиард доллардан асады. Боксшы Конор Макгрегормен жекпе-жек үшін 350 миллион, ал Мэнни Пакьяомен өткізген жекпе-жектен 300 миллион табыс тапқан.
Сіз Apple-дің қандай өнімдерін пайдаланасыз?

#Күнтізбе #Мереке #Атаулыкүндер #Қазақстантарихы #Доғалшайқасы #Лотереякүні #Туғанкүн #Белгіліадамдар #Appleнегізінқалаушы #Жеңілмегенбоксшы

💡💫💫💫💫💫💫💫

24 ақпан – 2 наурызға арналған қаржылай жұлдыз-жорамал
♈️Сіз ақшаның есебін жақсы білесіз, бірақ олардың бір жерде ұзақ тұрақтамайтынын көп жағдайда ұмытып кетесіз. Себебі жалақыңыз бен қосымша сыйақыңыз қолыңызға тиген сәтте жан-жаққа тарап кетеді. Осы аптаға лайфхак: дүкенге нақты тізімсіз бармаңыз, тіпті мүлде бармағаныңыз дұрыс.

♉️Қаржыңызды үнемдегіңіз-ақ келеді, бірақ айналаңыздағы жеңілдіктер мен акциялар сізге тыныштық бермейді. Сөйтіп “мұндай мүмкіндікті жіберіп алу – күнә” деген ой сананы билейді. Нәтижесінде – әмияныңыз жұқарып, қоймаңыз толып қалады. Кеңес: “екеу алсаң, үшіншісі тегін” деген жарнаманы көрсеңіз, алдымен “маған бұл зат расымен қажет пе?” деген сұрақты өзіңізге қойыңыз.

♊️Сіздің қаржыңыз америкалық әткеншекке ұқсайды – бірде бар, бірде жоқ. Оның қайда және қашан кеткенін өзіңіз де байқамай қаласыз. Кеңес: достарыңызға аяқ асты айтылған идеяларыңыз оларды шабыттандырып жіберуі мүмкін… бірақ сіздің есебіңізден.

♋️Бюджетіңізді мұқият жүргізіп, оны үнемдегеніңізбен ақшаңыздың қайда кетіп жатқанын түсінбейсіз. Мұны ғаламның сізді шыдамдылыққа сынауы деп қабылдаңыз. Жұлдыздар кеңесі: мейрамханалар мен дәмханаларда бағаға қарамай-ақ қойыңыз – бәрібір тапсырыс беріп қойдыңыз.

♌️Сән-салтанат пен әдемі өмірге деген сүйіспеншілігіңіз қаржылай қиындықтарға әкелуі мүмкін. Өзіңізді еркелеткен жақсы, бірақ банк картаңыздағы соманың шексіз емес екенін естен шығармаңыз. Бұл аптада бюджетті ақылмен жоспарлаңыз, әйтпесе жалақыға дейін тез дайындалатын кеспемен күнелтуге тура келеді.

♍️Сіздің аналитикалық ойлау қабілетіңіз үнемдеуді талап етеді, бірақ жүрегіңіз “бір рет өмір сүреміз” деп сыбырлайды. Соңында – есеп-қисап кестелері мен түнде акциямен тапсырыс берген пицца (әрине, үстіне жеңілдікпен алынған десерт) қосылады. Кеңес: дүкендердің “соңғы жеңілдік” деген сөзіне сене бермеңіз, ол келесі аптада да қайталанады.

♎️Бұл аптада “алу не алмау” деген таңдаудың ортасында қаласыз. Әдемі заттарға деген қызығушылығыңыз бюджетіңізге кері әсер етуі мүмкін. Жоспарсыз сауда жасамауға тырысыңыз, әйтпесе банк шотыңыз сізбен “қоштасуы” мүмкін.

♏️“Мен ақша жұмсамадым, демек үнемдедім” деген қаржылай тактикаңыз әрдайым жұмыс істей бермейді. Сондықтан оны үнемдеумен қатар, жинақтау да маңызды. Бірақ бұл аптада сіз күтпеген жерден қаржылай олжаға кенелуіңіз мүмкін – мысалы, күртешеңіздің қалтасынан ұмыт қалған 10 000 теңге тауып алуыңыз ғажап емес.

♐️Ақша өзіңіз секілді еркіндікті жақсы көреді – ол күтпеген жерден келіп, көзді ашып-жұмғанша ғайып болуы мүмкін. Бұл аптада артық шығындардан сақ болыңыз.

♑️Сіз – қаржы жоспарлаудың шеберісіз, бірақ маркетологтардың жарнамаға байланысты айласынан қашып құтыла алмауыңыз мүмкін. “Соңғы мүмкіндік” деген жарнамаларды көрсеңіз, сенбеңіз – ол мүмкіндік келесі аптада да қайталанады.

♒️Шығармашылыққа деген құштарлығыңыз жақсы, бірақ ол жаңа әрі аса қажет емес заттарға ақша жұмсауға себеп болмауы тиіс. Бұл аптада кенеттен жаңа гаджеттер, аксессуарлар немесе сәнді, бірақ аса қажет емес заттарды алғыңыз келуі мүмкін. Сол себепті сатып алу туралы ой туғанда өз-өзіңізге “Бұл маған шынымен керек пе?” деген маңызды сұрақ қойыңыз:

♓️Қаржылай тұрақтылықты армандайсыз, бірақ әр айдың соңында әмияныңыз бос, ал тоңазытқышыңыз толы болып шығады. Дегенмен жақсы тағам – де инвестиция. Тек картаңыздағы несие балансы шексіз емес екенін және бөліп төлеу арқылы алынған заттардың ақшасын бәрібір төлеу керегін ұмытпаңыз.

Қорытынды:

Осы аптада жұлдыздар ақшаны ақылмен жұмсауға кеңес береді, өйткені қаржы да біз сияқты – болжап болмайтын құбылыс. Сәттілік серігіңіз болсын, және ақшаңыз қалтаңызда ұзағырақ сақталсын!

Есіңізде болсын: жұлдыз жорамал тек ойын-сауық және кеңес беру мақсатында жасалады. Қаржы мәселесіне қатысты шешімдерді әрдайым ақылға жүгініп қабылдаңыз.

#жұлдызжорамал #апталықболжам #қаржы #жұлдызнамалықкеңес

???????????

Құрметті оқырмандар! #Үйдежатпа ұжымы арнайы сіз үшін осы демалыс күндері Алматы мен Астана қалаларында тегін баруға болатын іс-шаралар топтамасын дайындады. Ал басқа қалалардан ақпарат болмағандықтан, сіз өз өңіріңізде болатын қызықты іс-шараларды пікірде бөлісе аласыз.

АЛМАТЫ:*?*Балхия Мұхамеджанованың "Иірім" атты көрмесі

Суретшінің туындыларының басты кейіпкерлері – ішкі әлемі мен сезімдерін, махаббаты мен нәзіктігін бейнелейтін әйелдер мен жас қыздар. Сонымен қатар автор шығармаларында “ана” тақырыбын көтеріп, әйел денсаулығына және жалпы адамзаттың болашағына теріс әсер ететін экологиялық мәселелерге назар аударады.

Орны: Almaty Gallery (кіші зал), Достық даңғылы, 44
Күні: 21 және 22 желтоқсан, 11:00 – 19:00*?*Жаңа жылдық “Karatun Fest" этнофестивалі

"Karatun Fest” этнофестивалінде дәстүрлі түркі мәдениеті мен тарихы жайында терең танысып, жанды әуеннен ләззат алып, ұлттық тағамдардан дәм татасыз. Сонымен қатар таланттар шоуына қатысып, өзіңіздің вокалдық және музыкалық қабілетіңізді көрсетуге мүмкіндік бар. Кітаптар мен қолөнер бұйымдарының жәрмеңкесін аралап, ерекше дүниелерді тамашалай аласыз. Бұл этнофестиваль ежелгі түркі мейрамы – Қара түнмен байланысты және қысқы күн тоқырауымен сәйкес келеді. Ежелгі түркілердің нанымына сәйкес, жылдың ең ұзақ түні ата-баба рухы, яғни аруақтар жақындарына қонаққа келеді. Ал қараңғы күштер адамдарға зиян тигізуі мүмкін деп саналған. Бұл күн жарық пен қараңғылықтың күресін білдіреді. Сондықтан ата-бабаларымыз жарық сәуленің жылдың ең ұзақ түнін тезірек жеңуі үшін арнайы ғұрыптық рәсімдер өткізген.

Орны: Бәрібаев 36-үй, Бәрібаев көшесі, 36
Күні: 21 желтоқсан, 10:00 – 18:00*?*Рысбек Ысқақовтың жеке көрмесі

Суретшінің 40-тан астам картинасы қазақ мәдениеті мен дәстүрлерін жан-жақты бейнелеп, адамның табиғатпен тығыз байланысты екенін көрсетеді.

Орналасқан жері: Ular галереясы, Панфилов көшесі 92 (интерком 77)
Күні: 21 желтоқсан, 12:00 – 18:00*?*Жаңа жылдық іс-шаралар

22 желтоқсан, сағат 14:00-16:00 – Отбасыңызбен бірге қатысатын аспаздық шеберлік сағаты (MEGA 2, үлкен атриум).

22 желтоқсан, сағат 17:00-18:00 – QUIZ брендтермен бірге. Мұнда қызық викторина және тамаша сыйлықтар болады (MEGA 1, фуд-холл).

Орны: MEGA Alma-Ata, Розыбакиев көшесі, 247А*?*Саид Атабековтың “Мың салт аттының дұғасы” көрмесі

Қазақстанның заманауи өнерінде жетекші орын алатын суретшілердің бірі өз туындылары арқылы дәстүр мен заманауи құндылықтарды, сондай-ақ дәстүрдің мәдени бірегейлікті қалыптастырудағы рөлін зерттейді. Оның туындылары көрермендерді өткенге, бүгінгі күнге және болашаққа ой жүгіртуге шақырып, жаһандық өзгерістер жағдайында ұлттық сана мен мәдени кодтардың өзара байланысын зерделейді.

**Орналасқан жері: Aspan Gallery, Әл-Фараби даңғылы, 140 а/3
Күні: 21 және 22 желтоқсан, 12:00 – 18:00

АСТАНА:*?*"ADAMGERSILIK" көрмесі**

Бұл көрме — Қазақстанның үздік суретшілерінің бірлескен шығармашылығының нәтижесі. Олар күнделікті өмірде жиі шетте қалатын аутизммен ауыратын балаларды қолдауға және олардың мәселелеріне назар аударады.

Орны: Forte Kulanshi Art Space, Достық көшесі 8/1
Күні: 21 және 22 желтоқсан, 10:00 - 20:00*?*Жаңа жылдық іс-шаралар

21 желтоқсан, сағат 18:00 – ShowToday интерактивті жаңа жылдық ойындары.
22 желтоқсан, сағат 18:00 – Жаңа жылдық хор өнері.

Өтетін орны: MEGA Silk Way, басты сахна (MEGA Arena), Қабанбай батыр даңғылы, 62.

Естеріңізге сала кетейік, арнамызда пікір жазып, белсенділік танытқан 5 оқырманға Қазақстанның кез келген қаласынан кино немесе театрға 2 билет (сеанс, күн мен уақытты таңдайсыз) сыйлаймыз немесе кітап сатып алу үшін 10 мың теңгелік сертификат табыстаймыз. Сондай-ақ айдың “ең үздік пікірі” номинациясы да бар. Пікірлер саны мен сапасы бойынша қорытынды әр айдың 1-інде шығарылады. Демалыс күндеріңіз жақсы өтсін! Баршаңызға сәттілік!

?????? 21 желтоқсан

?21 желтоқсанда БҰҰ бастамасымен нәсілдік кемсітушіліктің барлық түрін жою туралы халықаралық конвенция қабылданды. Бұл құжат әлем халқын нәсілдік кемсітушіліктің алдын алуға міндеттейді. Сонымен қатар ұлттар мен этникалық топтар арасындағы өзара түсіністікке, төзімділік және достық қарым-қатынас шараларын қабылдауға үгіттейді. Қазақстан 1992 жылдан бастап БҰҰ-ның мүшесі. осы ұйым аясында бір тудың астында 124 ұлт өкілі бейбіт өмір сүріп келеді.

?Бүгін Қысқы күн тоқырауы күні аталып өтеді. Бұл — жылдың ең қысқа күні әрі ең ұзақ түні. Кейбір халық үшін бұл оқиға жазғы күн тоқырауымен, көктемгі және күзгі күн мен түннің теңелуімен бірге жылдық циклде ең маңызды оқиғалардың бірі болып саналады. Бұл күн жаңғырумен байланыстырылады. Өйткені бүгін күннің ұзақтығы артып, қараңғы уақыт қысқара бастайды. Ал Оңтүстік жарты шарда керісінше, бүгін жазғы күн тоқырауы күні тойланады.

Сізге жылдың қай мезгілі ұнайды?

?Бүгін сөзжұмбақтың пайда болған күні. 1913 жылы 21 желтоқсанда New York газетіне алғашқы сөзжұмбақ жарияланды. Осылайша ол көпшіліктің көңілінен шығып, ерекше танымалдыққа ие болады. Тіпті газеттерде сөзжұмбаққа арналған арнайы бөлімдер пайда болды.
Көптеген адам сөзжұмбақты өзін-өзі дамытып, уақытын тиімді пайдалану үшін қолданады. Ал енді бірі таным-көкжиегі мен сөздік қорын кеңейтіп, тапқырлығы мен ойлау қабілетін қалыпқа келтіру үшін мақсатты түрде шешеді. Тіпті түрлі сөзжұмбақты құрастырып, оны шешу бойынша арнайы чемпионаттар мен конкурстар өткізіледі.

Сізге сөзжұмбақ шешкен ұнай ма?

?21 желтоқсан — танымал екі саясаткердің туған күні. Бүгін Грузия мен Украинаның мемлекеттік әрі саяси қайраткері Михаил Саакашвили 56 жасқа толды. Ол биліктен шеттелуіне себеп болған "Раушан революциясы" жетекшілерінің бірі. 2004-2013 жылдары екі мерзім қатарынан Грузия президенті қызметін атқарды. Ал 2015-2021 жылдар аралығында Украинада маңызды саяси қызметтер атқарды. 2021 жылы отанына оралып, қамауға алынды. Қазіргі уақытта Грузияда қамауда отыр. Сондай-ақ бүгін Францияның қазіргі президенті және Андорра ханзадасы Эммануэль Макрон 47 жасын атап өтеді. Ол мансап жолын Rothschild & Cie Banque-те инвестиция банкирі ретінде бастады. Мұнда қызмет атқару барысында ол “қаржы Моцарты” деген лақап атқа ие болды. 2016 жылы "Алға, Республика!” партиясын құрды. 2017 жылы Макрон сайлауда жеңіске жетіп, Франция Республикасының тарихындағы ең жас президент атанды. 2022 жылы екінші мерзімге қайта президент болып сайланды.

Сізге қай саясаткер ұнайды: Майкл Саакашвили немесе Эммануэль Макрон?

#күнтізбе #21желтоқсан

?????? 20 желтоқсан

?20 желтоқсан — Қазақстанның мемлекеттік фельдъегерлік қызмет күні. Бұл қызмет мемлекеттік қауіпсіздікке қатысты құжаттарды жоғары билік органдарына, үкіметтік мекемелер мен әскери басқармаларға жеткізумен айналысады.
Фельдъегерлер кез келген жағдайда өзін-өзі қорғай алуы қажет. Сонымен қатар атыс қаруын басқарып, шабуыл кезінде жүктерді қорғаудың түрлі тәсіліне дайын болуы қажет.

Ал сіз фельдъегер мамандығының бар екенін білдіңіз бе?

?1928 жылы Қазақ КСР Орталық атқару комитеті латын әліпбиіне көшу туралы қаулы қабылдады. Реформалау 1924 жылы Қазақ фонетикасын ескере отырып, дауысты дыбыстарды дұрыс беру мақсатында басталды. Латын әліпбиіне көшу жобасын Ахмет Байтұрсынов әзірлеп, оны "Төте жазу" деп атады. Ал кирилица Қазақстанда 1940 жылы қабылданды.

Сіз латын әліпбиіне көшуді қолдайсыз ба?

?Желтоқсанның үшінші жұмасында “Сәтсіздікке ұшыраған адамдар күні” аталып өтеді. Бұл күннің мақсаты – сәтсіздікке ұшыраған, не болмаса “сәтсіз” деген бейресми атқа ие болған адамдарды күресуге, белсенді болуға шақыру. Осылай ғана психологиялық кедергілерді жеңіп, жаңа деңгейге көтерілуге және өз-өзіңді дәлелдеуге және табысты болуға болады. Сәтсіздіктеріңе дұрыс қарап, одан қорытынды шығарып, мұңға салынбай, табысқа ұмтылып, жіберген қатеңнен сабақ алу – қиын міндет, алайда оны еңсеріп шығуға болады.

Есіңізде болсын, әрбір сәтсіздік – бұл тәжірибе және жеңіске жету жолындағы тағы бір қадам.

?20 желтоқсан — танымал қос тұлғаның туған күні. Бүгін қазақ жазушысы, драматург Дулат Исабеков 82 жасқа толды. Тәуелсіз Қазақстанның тұңғыш Мемлекеттік сыйлығының иегерінің повесттері мен әңгімелері неміс, болгар, венгр, чех тілдеріне аударылған. “Платин Тарланы” сыйлығының иегері жиырмадан астам театр пьесалары мен фильм сценарийінің авторы. Оның 70 жылдығына орай Алматыда Халықаралық фестиваль өтті. Мұнда Болгария, Түркия, Ресей және Тәжікстан театрлары бой көрсетті. Сондай - ақ бүгін "Реал" клубы мен Франция құрамасының шабуылшысы Килиан Мбаппе 26 жасын атап өтеді. Мадридтік “Реал” мен Франция құрамасының шабуылшысы жылына 30 миллион еуродан астам табыс тауып, әлемдегі ең жоғары жалақы алатын футболшылардың бірі саналады. 2018 жылғы әлем чемпионы, соңғы чемпионаттың күміс жүлдегері әрі үздік сұрмергені атанды.

#күнтізбе #20желтоқсан #тұлға

?????? 15 желтоқсан

?Желтоқсанның үшінші жексенбісінде энергетиктер күні тойланады. Мереке энергетикалық ресурстарды өндірумен, электр және жылу энергиясын өткізумен айналысатын мекеме қызметкерлеріне арналған. Электрлендіру бағдарламасының құрметіне орай 1966 жылдан бастап аталып өтеді. Қазақстанның заңнамалық жүйесінде Энергетиктер күні 1998 жылы ресми мәртебеге ие болды.

Егер таныстарыңыздың арасында энергетиктер болса, кәсіби мерекесімен құттықтап қойыңыз!

?15 желтоқсан — Халықаралық шай күні. Ең танымал сусын шамамен 5000 жыл бұрын Қытайдың екінші императоры Шен Нунг тұсында пайда болды. Ежелгі Қытайда шай өсіру мен оны өндірудің құпиясын ашқан адамдар өлім жазасына кесілген. Оның бүкіл әлемге кең етек жаюы Жібек жолындағы сауданың дамуымен тікелей байланысты. Ал Қазақстан аумағында шайдың таралуы Сақ патшайымы Томирис кезінде орын алды деген болжамдар бар. Содан бері шай қазақтардың тамақтану мәдениетінде өзіндік орын қалыптастырды.

Сіз шайдың қандай түрін ұнатасыз?

?2022 жылдың 15 желтоқсанында Қазақстан Ұлттық банкі TOǴYZQUMALAQ коллекциялық монеталарын айналымға шығарды. Қазақтың ежелгі ұлттық ойындарының бірі саналатын тоғызқұмалақ UNESCO-ның материалдық емес мәдени мұралар тізіміне енгізілген. Монеталар мынадай сипатта жасалған:
— күмістен (нүктелік алтын жалату, біржақты оксидтеу және интерференциялық кемпірқосақ жабынын қолдану технологиясымен), салмағы 31,1 грамм, диаметрі 38,61 мм, сапасы proof және black-proof, номиналы 500 теңге, тиражы 3 000 дана.

?15 желтоқсан — қос өнер иесінің туған күні. 95 жыл бұрын қазақ суретшісі әрі актриса Гүлфайрус Исмаилова (1929-2013) дүниеге келді. Ол көпшілікке "Ботагөз" және "Қыз Жібек" фильмдеріндегі басты рөлімен танылды. Өнер иесі Абай атындағы опера және балет театрының бас суретшісі қызметін атқарған кезде көптеген қазақ операларының декорациялары мен костюмдеріне эскиздер жасады. Қала берді Байсейітова, Нұрпейісова, Қастеев, Әуезов және Мұқановтың танымал портреттерін салды. Сонымен қатар бүгін америкалық актер және әнші Дон Джонсон 75 жас мерейтойын атап өтеді. Оған 1990 жылы түсірілген "Детектив Нэш Бриджес" сериялындағы басты рөлі үлкен танымалдық әкелді. "Алтын глобус" сыйлығының иегері "Харли Дэвидсон и Ковбой Мальборо” “Мачете”, “Джанго освобожденный” және “Достать ножи” сияқты фильмдерде де ойнады. 1996 жылы ол Голливудтың "Даңқ аллеясында" жұлдызға ие болды.

#күнтізбе #15желтоқсан

???????????

Құрметті оқырмандар! #Үйдежатпа ұжымы арнайы сіз үшін осы демалыс күндері Алматы мен Астана қалаларында тегін баруға болатын іс-шаралар топтамасын дайындады. Ал басқа қалалардан ақпарат болмағандықтан, сіз өз өңіріңізде болатын қызықты іс-шараларды пікірде бөлісе аласыз.

АЛМАТЫ:*?*Рысбек Ысқақовтың жеке көрмесі

Суретшінің 40-тан астам картинасы қазақ мәдениеті мен дәстүрлерін жан-жақты көрсетіп, адамның табиғатпен тығыз байланысын сезінуге мүмкіндік береді.

**Орналасқан жері: Ular галереясы, Панфилов көшесі 92 (интерком 77)
Күні: 14 желтоқсан, 12:00 – 18:00

?Christmas Night Market**

Мұнда мерекенің ғажайып аурасымен бірге, жақындарыңызға шабыт сыйлайтын сыйлықтар, ыстық шай, хош иісті тәттілер мен күтпеген тосынсыйлар болады.

**Орны: Бәрібаев 36-үй, Бәрібаев көшесі, 36
Күні: 14, 15 және 16 желтоқсан, 09:00 – 21:00

✔️Балхия Мұхамеджанованың "Иірім" атты көрмесі**

Суретшінің туындыларының басты кейіпкерлері – ішкі әлемі мен сезімдерін, махаббаты мен нәзіктігін бейнелейтін әйелдер мен жас қыздар. Сонымен қатар автор шығармаларында “ана” тақырыбын көтеріп, әйел денсаулығына және жалпы адамзаттың болашағына теріс әсер ететін экологиялық мәселелерге назар аударады.

Орны: Almaty Gallery (кіші зал), Достық даңғылы, 44
Күні: 14 және 15 желтоқсан, 11:00 – 19:00*?*Almaty Pop Up Store

Орталық Азиядағы жергілікті өндірушілердің ең ірі жәрмеңкесінде қазақстандық және шетелдік брендтер, алуан түрлі дәмді тағамдар ұсынылып, ойын-сауық кеші ұйымдастырылады.

Орны: ҚР орталық мемлекеттік мұражайы, ш/а. Самал-1, Д. 44
Күні: 14, 15 және 16 желтоқсан, 12:00 – 21:00*?*Саид Атабековтың “Мың салт аттының дұғасы” көрмесі

Қазақстанның заманауи өнеріндегі жетекші суретшілердің бірі дәстүр мен заманауилық диалогын, сондай-ақ дәстүрлердің мәдени сәйкестікті қалыптастырудағы рөлін зерттейді. Оның туындылары өткен, қазіргі және болашақ туралы ойлануға шақырады, жаһандық өзгерістер жағдайында ұлттық өзіндік сана мен мәдени кодтардың өзара байланысын нәзік зерттейді.

Орналасқан жері: Aspan Gallery, Әл-Фараби даңғылы, 140 а/3
Күні: 14 және 15 желтоқсан, 12:00 – 18:00*?*"Оқиғалар желісі" көрмесі
Efes Art Space-тің кезекті көрмесінде қазақстандық суретші Майя Колосова диджитал коллаж техникасымен орындалған туындыларын ұсынады. Мұнда автордың терең сезімдері мен әлемге деген ерекше көзқарасы бейнеленген.

**Орны: Орталық көрме залы, Желтоқсан көшесі, 137
Күні:14 және 15 желтоқсан, 10:00 – 19: 00

АСТАНА:

"ADAMGERSILIK" көрмесі**

Бұл көрме күнделікті өмірде шеттетіліп жүрген аутизммен ауыратын балаларды қолдауға және олардың мәселелерімен күресуге арналған. Мұнда бірнеше суретшінің бірлескен шығармашылығының нәтижесі ұсынылады.

Орны: Forte Kulanshi Art Space, Достық көшесі 8/1
Күні:14, 15 және 16 желтоқсан, 10:00 - 20:00

Естеріңізге сала кетейік, арнамызда пікір жазып, белсенділік танытқан 5 оқырманға Қазақстанның кез келген қаласынан кино мен театрға 2 билет (сеанс, күн мен уақытты таңдайсыз) сыйлаймыз немесе кітап сатып алуға арналған 10 мың теңгелік сертификат табыстаймыз. Сондай-ақ айдың “ең үздік пікірі” номинациясы да бар. Пікірлер саны мен сапасы бойынша қорытынды әр айдың 1-інде шығарылады. Демалыс күндеріңіз жақсы өтсін! Баршаңызға сәттілік!

?????? 14 желтоқсан

?14 желтоқсан Чернобыль АЭС-ындағы апатты жоюға қатысқандарға құрмет көрсету күні ретінде бекітілді. 1986 жылы 26 сәуірде атом реакторларының бірі апатқа ұшырап, адамзат тарихындағы ең үлкен техногендік апат орын алды. 1986 жылы 14 желтоқсанда радиацияның одан әрі таралуын болдырмау мақсатында салынған күрделі қорғаныс құрылысы аяқталды. Апат салдарын жоюға және қорғаныс нысанын тұрғызуға 500 мыңнан астам адам тартылды. Олардың ішінде 32 мыңға жуығы қазақстандықтар болды. Сәулеленудің жоғары мөлшеріне байланысты бұл адамдар ардагер ретінде танылып, әртүрлі әлеуметтік қолдауға ие болды.

?14 желтоқсан — Халықаралық маймылдар күні. Бұл күн АҚШ университеттерінің бірінде әзіл ретінде пайда болған. Алайда кейін әзіл дәстүрге айналып, интернет желісінде халықаралық мереке есебінде тойланатын болды. Бүгінгі таңда дүниежүзіндегі хайуанаттар бағы әлем бойынша тек 400-ден астам түрі бар приматтарға арналған мерекеге қатысады. Жануар қорғаушылары аталмыш күні маймылдар мәселесіне ерекше назар аударуға шақырады.

?112 жыл бұрын адам баласы алғаш рет Оңтүстік полюске табан тіреді. 1911 жылы 14 желтоқсанда Руал Амундсен экспедициясы мақсатына жетіп, Норвегия туын шексіз қарлы жазықта желбіретті. Полярлық зерттеуші әрі саяхатшы Рауль Амундсен (1872-1928) — ғаламшардың екі географиялық полюсіне барған алғашқы адам.
Айта кету керек, Антарктидадағы екі тауға "Қазақстан" және "Астана" атауы берілген.

?14 желтоқсан — танымал қос тұлғаның туған күні. 521 жыл бұрын француз дәрігері, жазушы, астролог, алхимик әрі пайғамбырлық қасиетімен танымал болған Нострадамус (1503-1566) дүниеге келді. Оның болжамдарын заманауи оқиғалармен байланыстыра отырып, адамдар болашақты 2240 жылға дейін болжауға тырысады. Көптің айтуы бойынша, Нострадамус Екінші дүниежүзілік соғыс, Хиросимадағы ядролық жарылыс, ЖҚТБ эпидемиясы, 2001 жылы орын алған АҚШ-тағы терракт сынды оқиғаларды алдын ала сипаттаған. Сонымен қатар 100 жыл бұрын кино тарихында ең танымал актерлердің бірі Радж Капур (1924-1988) өмірге келді. Үндістанның өнер қайраткері көптеген беделді марапаттың иегері. Мансап жолында ол "мыңжылдық шоумен" деп атанып, Алтын ғасыр дәуірінің “ең үздік кино актері” болып саналды. Оның танымалдығы КСРО елдерінде үнді киносының кең таралуына үлкен ықпал етті.

Ал сіз болжамдарға сенесіз бе?

#күнтізбе #болжам #14желтоқсан

?????? 8 желтоқсан

?8 желтоқсан — Халықаралық суретшілер күні. Бұл кәсіби суретшілермен қатар сурет салуды ұнататындардың да мерекесі. Шығармашыл адамдар әр дүниеден ерекше ләззат алып, әр іске сүйіспеншлікпен қарайды. Сонымен қатар өнері арқылы әлемге үйлесімділік пен сұлулық әкеледі. Тіпті ежелгі адамдардың да бейнелеу өнерінен хабары болғанын атап өтуге болады. Яғни, олар үңгір қабырғаларына адамдардың, жануарлардың және басқа да өмір көріністерін бейнелеген. Содан бері дарынды суретшілер жоғары құрметке ие болып келеді.

Егер таныстарыңыздың арасында суретшілер болса, оларды мерекесімен құттықтап қойыңыз!

?1991 жылы 8 желтоқсанда Тәуелсіз Мемлекеттер Достастығы (ТМД) құрылды. Бұл — Беларусь, Ресей және Украина құрған мемлекетаралық бірлестік. “Беловеж келісімінде” мемлекеттер КСРО-ның үлкен дағдарыста тұрғанын және ыдырауға жақын екенін алға тартып, өмір сүруін тоқтатқанын мәлімдеді. Нәтижесінде олар саяси, экономикалық, гуманитарлық, мәдени және өзге де салаларда ынтымақтастық дамытуға ниет білдірді. 1991 жылы 21 желтоқсанда Әзірбайжан, Армения, Қазақстан, Қырғызстан, Молдова, Тәжікстан, Түрікменстан және Өзбекстан келісімге қосылып, Беларусь, Ресей және Украинамен бірге Алматыда ТМД мақсаттары мен қағидаттары туралы Декларацияға қол қойды.

?2021 жылдың 8 желтоқсанында Францияда өткен CANNES SHORTS қысқаметражды фестивальде жас режиссер Маржан Бекмағанбетованың “Мариям” фильмі “Көрермен көзайымы” атты арнайы жүлдеге ие болды. Канн фестивалі — әлемге әйгілі суретшілер мен режиссерлердің жас таланттарды таныту үшін жасаған бірегей кинофестиваль.

?8 желтоқсанда өмірге келген танымал тұлғалар. Біздің дәуірімізге дейінгі 65 жылы Ежелгі Рим әдебиетінің "Алтын ғасыр" ақыны Гораций дүниеге келді. Квинт Гораций Флакк Вергилиймен бірге осы дәуірдегі ең ұлы екі ақынның бірі. Оның құрметіне орай Меркурийдегі кратер "Сатиралар", "Эпостар", "Одалар" және "Хаттардан" тұратын өлеңдер жинағының атауы берілген. Сондай-ақ бүгін американдық актриса, әнші әрі модель Ким Бейсингер 71 жасқа толды. "Оскар" және "Алтын глобус" сыйлықтарының иегері мансап жолында 40-тан астам фильмдерде ойнады. Өнер иесі киноиндустрияның дамуына қосқан үлесі үшін Голливудтың даңқ аллеясында жұлдызға ие болды.

#күнтізбе #8желтоқсан