Падзяліцца інфармацыяй: @nn_editor
Заданаціць нам можна тут: patreon.com/nashaniva
Глядзіце кожны дзень ВІДЭАнавіны тут: youtube.com/@NashaNivaNews
Last updated 2 Tage, 16 Stunden her
Сувязь з рэдакцыяй — @SvabodaBelarus
Даслаць навіну ў Signal можна па нумары +37068643669
Last updated 1 Monat, 3 Wochen her
Открытая RSS лента новостей
Last updated 5 Monate, 3 Wochen her
*📸 Маладнякоўцы і дудары*
Здымак даўно блукае ў сеціве і, як правіла, на ім адзначаюць найчасцей толькі літаратараў.
Мы выпраўляем прыкрую недарэчнасць.👍
Арыгінальны поўны подпіс:
"Дудары Барысаўшчыны сярод маладнякоўцаў".
Злева направа: рэдактар часопісу "Малады Араты" Іл[ары] Барашка, дудар Нічыпар Шыхавец, адказны сакратар цэнтральнага бюро "Маладняка" Ўладзімер Дубоўка, дудар Сымон Шыхавец, літаратурны сакратар "Маладняка" Язэп Пушча.
(1925)
📘 Вокладка
На здымку старонка дзіцячай кнігі-казкі “Воўк дурань” (“Дзяржаўнае выдавецтва Менск” 1928) у апрацоўцы Якуба Коласа і з малюнкамі Міхаіла Эндэ.
Даведка
Міхась Эндэ (1888-1932) беларускі мастак і ілюстратар. Нарадзіўся ў Пярмі (Расія) у сям’і выкладчыка нямецкай мовы. Дзяцінства правеў у Магілёве. Вучыўся ў Пензенскім мастацкім вучылішчы і Імператарскай Акадэміі мастацтваў.
Працаваў у Віцебскім мастацкім тэхнікуме, дзе выкладаў дэкаратыўны жывапіс і асновы плакату. Выканаў вокладку першага нумара краязнаўчага часопіса «Наш край» (1925). Займаўся афармленнем і ілюстраваннем кніг, у тым ліку беларускіх народных казак ў апрацоўцы Я. Коласа «Воўк і дурань» (1928), «Сабака і воўк» (1930) ды інш.
📄 Верш “Ля Вострай брамы”
На здымку рукапіс верша паэта Алеся Салаўя “Ля Вострай брамы” датаваны 1944 г.
Даведка:
Алесь Салавей - сапр. Альфрэд Васілевіч Радзюк, у эміграцыі Альберт Кадняк (нарадзіўся 1 мая 1922, в. Крысава, цяпер Дзяржынскі р-н, Беларусь — 21 студзеня 1978).
*📗 “Лукішкі” - зборнік Алеся Салагуба*
Сёння 90 гадоў з дня смерці паэта Алеся Салагуба (1906-1934).
А. Салагуб малавядомы заходнебеларускі паэт з надзвычай трагічным лёсам - у 1920-ых палітвязень у польскай турме, у 1934 г., пасля пераходу на савецкі бок - ахвяра палітычных рэпрэсій СССР.
У памяць пра творцу прапануем вам пагартаць старонкі ягонага адзінага зборніка вершаў “Лукішкі”, што выйшаў у БССР у 1929 г. Амаль усе творы кнігі напісаныя ў віленскай вязніцы з 1924 па 1928 гг.
*📸 Стары здымак*
Пісьменнік Кастусь Акула ў друкарні (здымак 1980-ых гг).
Даведка:
Кастусь Акула (сапр. Аляксандр Ігнатавіч Качан; 16 лістапада 1925, Верацеі, Докшыцкі р-н, Віцебская вобл.) — 29 студзеня 2008, Таронта, Канада) — беларускі пісьменнік, журналіст, выдавец, грамадскі дзеяч беларускай эміграцыі.
Максім Танк
“Партрэт паэта Максіма Танка”. 1987. Літаграфія. 62х46 см.
Мастак - Сямён Пятровіч Герус (1925 – 1998, Мінск).
*📄 Архіўныя старонкі*
Здымак паэта Анатоля Іверса (сапр. Іван Міско) (1912-1999) і напісаны ягонай рукой цікавы дакумент - заява з тлумачэннем і просьбай “перарэгістраваць” у шэрагах арганізацыі і выдаць новае пісьменніцкае пасведчанне. Прычынай прасіцель называе даносы, у якіх ён, савецкі падпольшчык, быў беспадстаўна абвінавачаны ў супрацы з акупантамі і несправядліва выключаны з шэрагаў саюза пісьменнікаў.
Цікавы і досыць нетыповы выпадак, асабліва з улікам таго, гісторыя цягнулася 20 гадоў пасля вайны і што толькі ў 1965 г. А. Іверс атрымаў нарэшце даведку, што ён сапраўды працаваў у падполлі.
*📘 Вокладка
Уільям Шэкспір. "Кароль Лір". Перакладчык Юрка Гаўрук, мастак Барыс Забораў. 👍*
З фондаў Цэнтральнай навуковай бібліятэкі імя Якуба Коласа НАН Беларусі.
Даведка:
Юрка Гаўрук (1905-1979) працаваў у галіне перакладу з французскай, англійскай, нямецкай, польскай, рускай, украінскай на беларускую мову. Дэбютаваў перакладам у 1925 (верш Г. Гейнэ "Ткачы").
Пераклаў п’есы У. Шэкспіра «Сон у летнюю ноч» (1925), «Гамлет» (1935), «Атэла» (1954), «Кароль Лір» (1974), «Антоній і Клеапатра» (1982).
Падзяліцца інфармацыяй: @nn_editor
Заданаціць нам можна тут: patreon.com/nashaniva
Глядзіце кожны дзень ВІДЭАнавіны тут: youtube.com/@NashaNivaNews
Last updated 2 Tage, 16 Stunden her
Сувязь з рэдакцыяй — @SvabodaBelarus
Даслаць навіну ў Signal можна па нумары +37068643669
Last updated 1 Monat, 3 Wochen her
Открытая RSS лента новостей
Last updated 5 Monate, 3 Wochen her