*📘 Вокладка
Уільям Шэкспір. "Кароль Лір". Перакладчык Юрка Гаўрук, мастак Барыс Забораў. 👍*

З фондаў Цэнтральнай навуковай бібліятэкі імя Якуба Коласа НАН Беларусі.

Даведка:
Юрка Гаўрук (1905-1979) працаваў у галіне перакладу з французскай, англійскай, нямецкай, польскай, рускай, украінскай на беларускую мову. Дэбютаваў перакладам у 1925 (верш Г. Гейнэ "Ткачы").
Пераклаў п’есы У. Шэкспіра «Сон у летнюю ноч» (1925), «Гамлет» (1935), «Атэла» (1954), «Кароль Лір» (1974), «Антоній і Клеапатра» (1982).

#вокладка

Пісьменнік Алесь Адамовіч (1927-1994) з дачкой Наталляй. Здымак 1970-ых гг.
(Фота Ул. Крука)

#здымак

Мастак Віктар Маркавец.
"Вінцэсь Дунін Марцінкевіч з дачкой Камілай.1983" .
(Уласнасць Нацыянальнага мастацкага музея).

#мастацтва

*📘 Вокладка*

Вокладка дзіцячай кніжкі пісьменніка Андрэя Александровіча (1906-1963) “Як дзеці памагалі будаваць самалёт”. 1931 г. Белдзяржвыдавецтва. Твор - класічны ўзор савецкай прапагандысцкай літаратуры для дзяцей і падлеткаў, цікавы аднак як помнік эпохі.
“Піонэры
ўсім атрадам
выйшлі ў поле
палоць грады.
Працавалі
аж да поту,
а работы шмат было.
Так стараньнем
зарабілі
самалёту на крыло”.
👉 Невялічкае 12-старонкавае выданне можна пагартаць тут

#вокладка#рарытэт

*📸 Стары здымак*

Літаратуразнаўца і навуковец Адам Мальдзіс (1932-2022) з дыпламатам і літаратарам Анатолем Бутэвічам ў Мінску ў пач. 2010-ых гг.

#здымак

⭐️ Карусь Каганец

“Карусь Каганец” (1979). Каляровы лінарыт. 44х30 см. Праца беларускага мастака Міколы Купавы (1946, Мінск).

#мастацтва

⭐️ KAЗІMIP КАМЕЙША

Хай крытык кідае каменьчык
У нескупы гарод Камейшы,
На зайздрасць іншым Казіміра
Дасюль раўнуе Муза шчыра.

Рыгор Барадулін (мал. К. Куксо)
эпіграма з кнігі “Абразы без абразы”

#гумар

⭐️ Партрэт Купалы

Партрэт Янкі Купалы (пастэль, акварэль, 1982) мастака Юрыя Герасіменкі-Жызнеўскага. Праца знаходзіцца ў Маркаўскай сярэдняй школе Маладзечанскага раёна.

Ю. Герасіменка (1948-1997), паходзіць з в. Даўгінава на Вялейшчыне - таленавіты партрэтыст, аўтар выдатных графічных партрэтаў беларускіх пісьменнікаў і вучоных.👍

#мастацтва

📸 Стары здымак

Народныя пісьменнікі Васіль Быкаў (1924-2003), Максім Танк (1912-1995), Іван Чыгрынаў (1934-1996) ля Чырвонага касцёла ў Мінску.
Здымак 1980-ых гг.

#здымак

📸 Здымак

Засяроджаны дзядзька Рыгор сонечным веснавым дзяньком.

Паэт Рыгор Барадулін (1935-2014) (фота 2000-ых гг. аўтар Г. Ліхтаровіч.)

#здымак