سپێدەی رۆژێكی نوێن و نووری گزنگی ئازادین
سـتەمكاران دڵنیان دێ، بۆیە هەموو شڵەژاوە
فرمێسكی سەد بەندی وەك تۆ كە دەتكێ بەسەر پێوەندا
لەگەڵ خوێنی شەهید سبەی دەستیان لە دەستی یەك ناوە
بە هەردوولا لێرە و لەوێ كە جۆگە زۆر هەڵدەبەستن
دەبنە لافاو .. رادەماڵن ئەو رژێمەی روێنراوە
خۆ گەلێ جار رەشەبا كاتێ هەڵدەكا، ئاو هێمنە
كەشتی لە رۆخی دەریادا دابین بووە و دامەزراوە
گڕی ئاگر پژێنیش تا زۆرتر لە ناخا كڵپەی بێ
هێز زیاد دەكا، هێرشی دێ بە بەرد بە ئاسنی تواوە
دڵۆپە دڵۆپی بارانیش كە یەك بە دووی یەكدا هاتن
رووبارێ وا پێك دەهێنن كە لافاوی وا بە دواوە
بە یەك دەست هەڵدەكێشن زوو رەگ و ریشاڵی زۆرداری
جا ئەو ساتە ئۆف و ناڵە و هاواریشیان سەر بڕاوە

نازانم ئاخۆ لە پاش مەرگم بەسەرهاتم دەبێ
وەك رووداوێ بوترێ؟ یا دەچێتە گێژی هەواوە
ئاخۆ باسم لە نێو دێڕی پەڕەی مێژوودا چ بێ؟
كرێ گرتەم؟ یا وام لەگەڵ شكێنەری بتی پواوە
خۆ ئەوەندەی خۆم بزانم دڵنیام توانام نییە
گوێچكەی ملكەچی تەپ كەم وەك ئەوەی دینی بەرداوە
خۆ ئەگەر لەم شۆڕشەم دا هیوام مافێ نەبووبێ
دەستی میللەتی لێ گیربێ، بۆ خۆم لەم گێژاوە داوە؟!
ژیانی پڕ ڕێزم ئەوێ، بێ كۆت و زنجیری پێ
بێ تۆقاندن وەك ئەو ژینەی ئیسلام فەرمانی پێداوە
دەماری لەش جۆگە خوێنی ئازادیخوازانەیە
گەر بشگلێم عیزەتی نەفسم هەڵ ئەگرم كە رواوە

بابە گیان سبەینێ كاتێ سپێدە تیشكی رۆژ دێنێ
ئاشكرانە دەخاتە روو كردەوەی بەدی شاراوە
لەگەڵ ئەو دەنگە زوڵاڵەی هەتیووی سەموون فرۆشا
كە لێك دەدەن لەو دەرگایەی بەڕوویانا داخراوە
لەو كاتەی ئەو وەك عادەتی دێ لە دەرگای ماڵێ ئەدا
سبەینێ زوو وەردیانێك لە بەر دەرگای من وەستاوە
فەرموی سێدارەم لێ ئەكا و هەروا لە دوای ساتێكی كەم
لەگەڵ نان خواردنی ئێوە ملم بە پەتدا كراوە
لە پێش تەواوبوونی ئێوە ڕۆحی من بە خوای خۆی ئەگا
ئیتر هەر لاشەی مردوومە كە بە دارا هەڵواسراوە

بابە گیان با وێردی پرسەت تابلۆی ئاگاداری بێ
كە پەتی ئەم سێدارانە لەم وڵاتە نەڕێسراوە
لە جێیەك رێسراوە ئەڵێن (خاوەن شارستانی)یە!
یان ئەڵێن گوایە ئاوایە . ئاوا بۆ ئێرە هێنراوە
بە یارمەتی ئاڵقە لە گوێ و بەكرێ گیراوانی ناوخۆ
بۆ ئەم وڵاتە زامارەم بەتایبەتی نێرراوە
بابە گیان حەزناكەم ئیتر شەو و ڕۆژت پشێوی بێ
خەفەت گرتوو، كراس رەش، وەكو لە لای خەڵك باوە
نا بابە گیان چاك بزانە كوڕی لەسێدارەدراو
ئەوەندە عەشقی خوا بووبوو تا لە رێیا سەری ناوە
تۆ بیرت دێ كە مناڵ بووم چەندت سروود فێردەكردم
دەربارەی خۆشەویستی خوا و خاك و ئەم خەڵكە چەوساوە

توخوا بابە هەركاتێ دیت دایكم فرمێسك ئەڕێژێ
بۆ ئەو كوڕە شەهیدەی وا لە تافی لاوی سەری ناوە
كە بینیت وا ئاهی ژان و پڕمەی گریانی بە كوڵی
لەبەر دراوسێ كپ دەكا، ئەمەش ژانێكی دی داوە
توخوا بابە لەجیاتی من داوای لێبووردنی لێ كە
هەردووك گەردنم ئازاد كەن لەو هەڵانەم كە روویداوە
قسەی نەرم و نیانی ئەو، وا لە گوێمدا زرینگەی دێ
جارێ بە سۆز، جارێ گلەیی، یا بە تووڕەیی سزاوە
كوڕی خۆم كوڕی شیرینم توخوا بەسە توانام نەما
دڵم خۆش كە و سەرپێچی بەس، وەكو خۆت بەڵێنت داوە
با بگەڕێم كچێكی ژیری خۆت ئاسا بهێنم بۆت
یا خۆت بیڵێ، ئەو ئاواتەم بهێنە دی بێ ئاژاوە
هیوا و ئاواتی ئەو وابوو، بەڵێ بەڵێنیشم دابوو
بەڵام خەباتی خواوویستی خۆشترە لە ژیانی بڕاوە
نازانم ئاخۆ لەمەو دوا هیوا و ئاواتی چ دەبێ؟
مەگەر هەر خوا ئارامی خۆی ببەخشێ پێی هەتا ماوە

بابە گیان ئەمەبوو ویستم وەكو راسپاردە بینووسم
ئەمانەشن لە ناخمدا، لە فیكرمدا، گیر دراوە
بەڵام بابە ڕووناكی دێ، گەر خوا حەز بكا دەیبینی
هەرچی یاسای كوفرە ئەوا لە ژێر پێی گەل شێلراوە
جا ئەوی هاووڵاتیم بوو، جارێ دێ بێمەوە یادی
خۆ ئەگەر یەكیش نەناسین، هەموو لای خوا ناسراوە
هیوام ئاسوودەیی گەلە، لە سایەی شەریعەتێكدا
بە فەرمانی خوا دێتە دی و نەخشەی لای ئەو داڕێژراوە

| شێخی زیندان؛
  دیوانی ژانی مان، (27/8/1980).
  نووسینەوەی: ئەنەس / میهرەبان.

ئەمڕۆ 2000ڕۆژ تێئەپەڕێت بەسەر زیند!نی کردنی "شێخی زیندان"دا.

#زانایانمان ⁩ #پێگەی_دووربین

? ویژگی‌های آینە کە در انسان مسلمان باید باشد...

@fatih_krekar

? انسان مسلمان آینەی برادر خود است...

@fatih_krekar

? بحثی دربارەی ترکیە و سیاست‌های این کشور در منطقه...

@fatih_krekar

? ادارە جامعە و هدف ارسال پیامبران از طرف خداوند....

@fatih_krekar

راه شهیدانمان را ادامە خواهیم داد...

مصیبت اهل اسلام از جملە شهادت مردان خدا همواره معیار شناخت حق و باطل است. احزاب سکولار از هم پاشیدەی کورد و طرفداران شکست خوردەی مفلوکشان از جنایتکاران اسرائیلی هم بیشتر سرمست این فقدان شدەاند.

وَكَأَيِّن مِّن نَّبِيٍّ قَاتَلَ مَعَهُ رِبِّيُّونَ كَثِيرٌ فَمَا وَهَنُواْ لِمَا أَصَابَهُمْ فِي سَبِيلِ اللّهِ وَمَا ضَعُفُواْ وَمَا اسْتَكَانُواْ وَاللّهُ يُحِبُّ الصَّابِرِين وَمَا كَانَ قَوْلَهُمْ إِلاَّ أَن قَالُواْ ربَّنَا اغْفِرْ لَنَا ذُنُوبَنَا وَإِسْرَافَنَا فِي أَمْرِنَا وَثَبِّتْ أَقْدَامَنَا وَانصُرْنَا عَلَى الْقَوْمِ الْكَافِرِين

? فشار جاهلیت و تاثیر آن بر دینداری انسان مسلمان

@fatih_krekar

? گرینگی کۆمەڵکاری بۆ ئەندامان لە ئیدارەی کۆمەڵکاریدا

@fatih_krekar