دڵ جە دووریت تازیەبارا سوورەگوڵ
پەی نیگاو تۆ بێقەرارا سوورەگوڵ

تەژنەما بارە هەواڵێ هەو کەسم
دنیا بێ‌تۆ ژەهری مارا سوورەگوڵ

دڵ غەریبا ئەر نەیۆ وینوو چەمات
چەم جە دووریت تاری تارا سوورەگوڵ

دەس مەیاوۆ زوڵفە خاوا بارە دەس
بارە دەس دڵ تاسەبارا سوورەگوڵ

دڵ بە وینایت تێکەڵوو عەشقی بیەن
فیشەکوو تۆ یادگارا سوورەگوڵ

وەشتەواران تێکەڵوو هەڵسام بیەن
بێ‌تۆ دیدٚەم هەر خەسارا سوورەگوڵ

#شیلان_کەریمی
@hawramyanah

چی خاکەنە
قژێ ژەنێ کریێنێ ئاڵا
سەروو بەرزتەرین باڵاخانەیەو هۆرسپاریێنێ
خوەش کیشیانەرە نۆهۆموو واروو قاژکریاو زەمینی
چی خاکەنە
سووری کوڵما و
کڵەو چەما
دلێ خاکێوە سوورینە مامەڵەو تێکەڵی کەرا
ژەنی! ئاااخ چننە بێدەنگیت لرپوو هەواڵێوەن
کە ئاسمانی له‌رنۆوە...

#شیلان_که‌ریمی

@hawramyanah

ئـــەگـەر گـــەرەکتەن وڵات گێرۆ ڕەنگ
هــــەوڵ دە پارێزنــە زوان و فەرهەنگ

ئـــــاڵاو هـــاواریت یاونـــــە یـــۆنسکۆ
بەش دڵش سۆچۆ و سەرما بێوە دەنگ!

#شارۆ

@hawramyanah

خاڵێ ماچا بۆ، چەمێ ماچا نەی
دڵ گیرەن جە دام تەختی سینە و بەی

هەزار تەڵە و دام بە زڵفش نیان
بۆی عەترش جە بۆی هەزار گوڵ جیان

دڵم شۆن کەوتەی خاڵی زارشەن
خەڕیدٚار کاڵای وەش‌بازارشەن

#حامی_غەریبی

@hawramyanah

نەبی ساتێ ئەجۆ جەرگیم برێژا
هەزار ساڵێ بە ساتێ تۆ نمێژا

خەمێ دووریت چەنی تەی‌ با هەناسەم
پێسەو یەلداشەوێ پەلکەت درێژا

#ئاڵۆز

@hawramyanah

تەماموو شەوا یەلدایچ سەرش بۆ
گرد کەس پەی ئامایش گۆش‌خەوەرش بۆ

ویارایش چەنی بەندی دڵ نەبۆ
یا کە مێمانش تاقەگوڵ نەبۆ

هەلهەلەو شادیش چ سوودێ دارۆ
چەم بە ئینتێزار خەماش بشمارۆ

#شاهۆ_مەعازی

@hawramyanah

پاییزەن فەسڵەو دڵ‌ئینتزارین
گۆش بە تەمەنای چرپەو پاو یارین

ئاخ کە چند وەشه‌ن تەق تەق دۆ بەرەی
ڕۆشنایی وزۆ ئەو چەماو سەرەی

زیندٚە کەرۆوە ئاواتێ مەردێ
جە دڵ لابەرۆ هەزاران دەردێ

کێ واتەن؟ پاییز زەردیش پەی خەمەن
پاییز دەلاقەی دید٘ەی هام دەمەن

زەردی ڕۆخسارش نمادی ئەشقەن
پەی وەسفی دڵبەر دەفتەری مەشقەن

#شاهو_مەعازی

@hawramuanah

ئەهوەنی سێحروو چەماو تۆ داوە بێ
وه‌رزی سەوزوو عاشقیما تاوە بێ

چرکەچرکە تا لوای، چەم ئەو دمان
دڵوەشی ئی عومریە تاڵاوە بێ

ساڵ بە ساڵ واتما وەشی ئیجارە مەی
هەر نەبی و بەی، پەرگەماما خاوە بێ

شەوگەڕوو شەوگاری دڵ مارۆ تەلێ
ڕا نەبێ نیشۆ، خیاڵش پاوە بێ

تۆریا و ڕا گم کەرۆ شەوقوو دڵی
کێ چڕۆش «دا وا مەچۆ ئا واوە بێ»؟

تەژنەچەم پەرداخەمەیلێو تاسەشا
نیم‌نگاو نازوو چه‌مات لافاوە بێ

یار بە خەمزێوە چڕۆم ساراو چەماش
بێ‌حەزەر کەوتا بنەش چاڵاوە بێ

دڵ چەقا تا غرغرە و کەیف‌وەش بە وێ
حەزرەتوو والاو حەزیما گاوە بێ

#خالێد_ئه‌حمه‌دی

@hawramyanah

ئاخۆ ڕوێو بەی گۆش پەڕ بۆ نەوات
دڵ وەقرە گێرۆ، بە ئەیروو چەمات

دیدٚێ پەڕ کەروو جە نێگای نازت
ئاواتم بڕیۆ، یاوو بە ئاوات

#شارۆ

@hawramyanah

لوایت،
     زمسانێو بێ
         ملوو منرە وارا

باوەڕت نیەن
      وێت بۆ و بوینە
      سەرەم جە وەروێ چەرمەتەرا...!

✍️ #شارۆ

@hawramyanah