👔 تۆرکجه یازیلار 👔
بیزیمکی‌لر سنی گؤرنده
دئییرلر سنینکی گلیر!...
Admin @Qamsiz
?? ??? ?? ????? ?
We comply with Telegram's guidelines:
- No financial advice or scams
- Ethical and legal content only
- Respectful community
Join us for market updates, airdrops, and crypto education!
Last updated 10 months, 3 weeks ago
[ We are not the first, we try to be the best ]
Last updated 1 year, 1 month ago
FAST MTPROTO PROXIES FOR TELEGRAM
ads : @IR_proxi_sale
Last updated 9 months ago
گزدیم آردینجا من
کوچه لری ایلمه _ایلمه
گوزلریمدن سیزلادی دردیم
داملا_ داملا
سنی آپاران قاطار
هاردا قالدی
منی یالقیز قویوب
اورگیمی درده سالدی
#حسین_صولتی
ایل‌لردیر سئوگیلیم آیری دۆشموشوک
دئسم اونوتمادیم دؤنرسن منه؟
دئییردیم اونوتماق آسان دیر بئله
دئسم اونوتمادیم دؤنرسن منه؟
شکلینی آچیرام باخیرام گئجه
آخیر اونوتمادیم من سنی نئجه!
قویما بو دنیادان یار سنسیز کؤچه...
دئسم اونوتمادیم دؤنرسن منه؟
دئییردین گئدرسم اۆزون گۆله‌جک!
بونو آنان_آتان هر کس بیله‌جک
دئمه‌دین بو یازیق سنسیز اؤله‌جک؟
دئسم اونوتمادیم دؤنرسن منه؟
هر یئره باخیردیم یار گؤرونوردو
تکه_توک ساچیمدا قار گؤرونوردو
ایشیقلی دنیامیز دار گؤرونوردو
دئسم اونوتمادیم دؤنرسن منه؟
سن گئده‌لی حیات چوخ ناتارازدی
حیات سنه ایپک، منه پالازدی!
سئوگیمیز اسراردی ایچی مین رازدی...
دئسم اونوتمادین دؤنرسن منه؟
گؤز ياشيم آخديقجا، بئلیم بوکولور
عاشق آغلاماسا، باشی اوجالماز
دوزدو قوجالیریق، آنجاق بونو بیل
انسان قوجالسا دا، سئوگی قوجالماز...
#یارا
الینی چلیگی نین اۆستونده برکیدیب، آستاجا تبریز مصلی سی نین دیوارینا سؤیکندی، سایی یا دۆشموش نفس لریندن چیخان بوغ باشیندان بیر ایکی متر یوخارییا دک گؤیه دوغرو گئدیب سونرا گؤزدن ایتیردی.
قورو شاختا یاشلی کیشی نین یاناقلارینی قیزارتمیشدی ، آیاز کیشی نفس تزه لمک اوچون گؤزلرینی یوموب بیراز دایاندی.
تاتاتاااق تاراااق تاااق گۆلـله لر دالبادال آچیلیردی آچیلان گۆلـله لرین آردیجا سوچسوز ملتین نعشی یئره سریلیردی.
'' قورخما قورخما سنی قوجاغیمدا ساخلامیشام، قویمارام سنه بیر شئی اولا، فقط سس سالما ''، آتاسی نین سسی بئینینده جینگیلده ییردی، گۆلـله لرین سسی ائشیکده.
بیر آن گؤزو پنجره دن ائشیگه دۆشدو، آغ قارین اۆستو قیرمیز قانا بویانمیشدی، قانی گؤروب قورخودان قیشقیرماق ایسته دیکده آتاسی الینی آیازین آغزینا باسیب:
'' سسین چیخمایاجاق یوخسا گلیب ایکیمیزی ده اؤلدوررلر ''
آیاز سس سیزجه باشینی ترپه دیب بویالی ایپلرله دولو اولان اوتاغین بوجاغینا سیغیشدی. ایپلردن بویاق قوخوسو یوخ، بلکه قانا قاریشمیش باریت قوخوسو گلیردی.
آیاز اؤنونده اولان پنجره دن ارک قالاسینا باخدی، چیسگینلی هاوا، تۆفنگ لردن آچیلان گۆلـله لردن قالخان تۆستو ارکی بۆرویوب اونو دومان ایچینده گؤسته ریردی.
سازاق کیشی نین یاناقلارینی گؤینتدی، کیشی بیر آن گؤزونو آچیب گؤزو اؤنونده بویالی ایشیقلار ایچینده بزکلی دکان لارا باخدی.
اوشاقلیغی گؤزو اؤنونده جانلاندی، آیاز کیشی نین اوشاقلیغی او دکاندا کئچمیشدی. تیکینتی نین آلت قاتی آتاسی حسن ین بویاقچی دکانی، اۆست قاتی ایسه بویانمیش ایپلری آسماق اوچون ایشله نین اوتاق ایدی. اوتاق سینه سی تاریخ له دولو ارک له اۆز-اۆزه ایدی. آیاز اوشاق ایکن هر گۆن اوتاقدان ارکه باخاردی.
'' ایت اوغلو ایتلر هامینی قیرمایینجا بوردان گئت مییه جاقلار '' حسن کیشی بونو دئییب اوتاغین او باشیندان بوباشدا بوجاقدا کیریمیش آیازین یانینا کئچمک ایسته دی، بیراز دایاندی، گۆلـله سسی کسیلمیشدی، حسن اؤز-اؤزونه '' قورومساقلار باریت دولدورولار ائله ایندی وقتی دی کئچم '' دئییب آددیمین آتدی
تاتاتاااق تاراااق گۆلـله لرین سسی آچیلدی،
ائشیگین شاختاسی شۆشه نین پارچالاریله بیرگه اوتاغین ایچینه دولدو، حسن کیشی نین گؤوده سی آیازین گؤزو اؤنونده یئره سریلدی.
آیاز اؤزونو آتاسی نین اۆستونه آتدی، آتاسی نین بوغازیندان یالنیز خیریلتی سسی چیخیردی، آیاز بالاجا اللریله آتاسی نین اۆزونه باتمیش شۆشه لری چیخارتماق ایسته دیکده یئره داغیلمیش شۆشه لردن بیر نئچه سی اونون الینه باتیب جانین گؤینرتدی.
شاختا آیاز کیشی نین الینی کسیردی، سان کی اوزون ایل لر سونرا ۱۳۲۵ اینجی ایلی نین ۲۴ آذر آی یندا قایساق باغلامیش یارانی یئنی دن سویورلار.
فرخ جرایدی، یورغون
خیردا قابلامامیز سوفرا باشیندا،
قوناقلیق قابی‌جان، یئمک توتورموش
ال ایچی بویدایدی؛ قالمیشام ایندی-
سکگیز باش یئیه‌نه، نئجه چاتیرمیش؟!
یئمکده دئییردی بئناوا آنام:
«الینی قالدیرسین کیم دویماییبدی!»
دئییردی: «اؤز پاییم آرتیق قالیبدیر؛
قاپاغی باغلیدی، سویوماییبدی»
دئییردی کی: «یئیین، ات-قانیز اولسون!
سیز گلنه یاخین یئمک یئمیشم
اشتاهام هئچ یوخدو، سیز راحات یئیین!
من اته پرهیزم... سیزه دئمیشم...»
اؤزومله باش-باشا قالاندا بیلدیم:
یوخسوللوق، آناما یالان دئدیرتدی
سوفرانین باشیندا آج قالان آنام،
ات-قانین بیزلره یاوان یئدیرتدی...
بیلمیرم یاشیمین نئچه سینده‌یم
گؤره‌سن صاباحا نئچه ایل قالیر!
گؤز یاشیم اله‌نیر دنیزلر قدر
حیات هر نه وئریب الیمدن آلیر...
دووارلار اۆستومه قوشون چکیرلر
سیلاحسیز خنجرسیز ییخیرلار منی
گؤزلریم یولدادیر گلرسن دئیه
گلمیرسن اؤزگه‌لر سیخیرلار منی
بیر یئردن قیریشلار سیرا چکیبلر
آلنیمین یازیسین پوزسونلار دئیه
بیر یئردن دکترلر باشیم اۆسته دیر
چکدییم دردلری یوزسونلار دئیه...
دئییرلر سنین ده گۆنشین دوغار
یارالار آجی دیر یارالار زهر
تبریزین بیر گؤزل خویو واردیرکی
هر نه‌یی ایسته‌سن وئرر بو شهر
نم نئچه اوشاغی بؤیوتدوم تکجه
بیر آزجیق بئزیب ده هئچ اوف دئمه‌دیم
پولسوزلوق بوینومو یانا سالاندا!
اونلارا یئدیتدیم اؤزوم یئمه‌دیم
اوشاقلار بئزدیلر آتدیلار منی
قوجالار ائوینده اؤزومو تاپدیم
اۆزلرینه گۆلدوم اۆزولمه‌سینلر
اۆزوم گۆله_گۆله آغلاییب یاتدیم...
اوشاق اۆره‌ییم وار قوجادا اولسام
محبت ائیله‌یین بیر قوجاقلایین
دنیانی دولانین وقت ائدرسنیز
نه اولار بیزلری ده سوراقلایین...
واغزالدا دورموشوق، سن گئده‌جکسن،
دولور بوش سالونا قاطارین فیتی.
منده بیر عمرلوک آجی خاطره،
سنده بیر نفرلیک قاطار بلیطی..
گئتمه بورالاردان گئتمه سئوگیلیم
بۆتون تانییانلار سنی سوراجاق...
اۆره‌ییم من دییل احتراملیدیر
احترام قویماغا قالخیب_دوراجاق!
سنسیز نئجه کئچسین گۆنوم آیلاریم
اللرین الیمه چاتسین قورتولوم
نه قدر داریخیب آختاریم سنی...
اولماسان بو شهر باتسین قورتولوم.
بو دردی دره‌یه داغا‌می آتیم؟!
یوخسا گؤزلریمده یاشا باغلاییم
بو، سئوگی دردی دیر منه یاپیشیب
نئجه گؤزلریمدن سۆزوب آغلاییم...
بیر دنیز قورموشام گؤزلریمده من
ایسته‌سن گئده‌سن بوغولاجاقسان!
تزه‌دن باشقا بیر انسان بطنینده
منی سئومک اۆچون دوغولاجاقسان...
الیمدن هئچ بیر ایش گلمه‌ییر منیم
آتیبسان تکلیگه سیخیبسان منی...
بیر سئچیم واریندی منیم یانیمدا!
«یا گئتمه یا دا قال» سئویرم سنی....
عومور کیتابیندا
خاطیره لر یارپاقی
خزان ویران
باغا بنزه ییر
الیمدن الینی
اوزوب آیریلیق
گوزلریمدن قان یاشینی
سوزوب آیریلیق
غم کده ر مینجیقینی
اوره ییمه دوزوب آیریلیق
نه آیریلا بیلدیک نه قاووشدوق بیز
ایکیمیز ده یاندیق بیرگه آلیشدیق
بعضا نئچه گۆنلر کۆسولو قالدیق
بعضا بیر باخیشدا گۆلوب باریشدیق
دولاندیق هر یئری گزدیک هر یانی
خاطیره لر بیر بیر ساپا دۆزولدو
سنلی گۆنلریمی خاطیرلایاراق
سسسیزجه گؤزومون یاشی سۆزولدو.
اولمادیغین گۆنلر نه ائدیم گۆلوم
سنسیز بو دنیانی دۆشونمک اولمور
ماسانین اۆستونده ایکی استکان
آیریلیقدان سونرا هئچ نه‌یله دولمور...
گؤزلرین ساچیندان ایلهام آلمیشدی
قار بوران ایچینه قارا دوشموشدو
بیز آرپا چاییندان دانیشمیریق کی!
سنین گؤزلرینه سارا دوشموشدو
منی اؤلدورمه‌یه سیلاح نه گرک؟
الینی الیمدن آییرسان یئتر
گئدرکن بیر دؤنه اۆزومه باخسان
یئنه اۆره‌ییمده یئنه 'سن' بیتر.
?? ??? ?? ????? ?
We comply with Telegram's guidelines:
- No financial advice or scams
- Ethical and legal content only
- Respectful community
Join us for market updates, airdrops, and crypto education!
Last updated 10 months, 3 weeks ago
[ We are not the first, we try to be the best ]
Last updated 1 year, 1 month ago
FAST MTPROTO PROXIES FOR TELEGRAM
ads : @IR_proxi_sale
Last updated 9 months ago