Адамның ақылы – көздерінде жатады.

(с) Парсы даналығы

мені адамдардан сақта
адамдарды менен сақта

мені ақылды болудан сақта
мені ақылымнан сақта

мені мінсіздіктен сақта
мінімнен қорқудан сақта

махаббатымды ішіме сақта
күшімді шындығыма сақта

тәуекелімді қорқынышымнан бұрын ет
қорқынышымды мәңгілігіме жеңдір

жылдарымның салмағын жоғалтпайын
жоғалтқанымды жар астынан іздемейін

баладай дана болайын
баламен ойнағысы келмейтін мысықтай түзу болайын

жанымды өзгеге қорек етуден сақта
өзгенің көңіліне аш болудан сақта

асығыс бақыттан сақта
даңғаза иманнан сақта

өмірдің орнауына мұрша бермеуден сақта
ішімнен өзіме орын таппаудан сақта

өмірге қызығудан сақта
өлімге қызығудан сақта

Адамды сүйе алудан асқан көркем өнер жоқ.

(с) Ван Гог.

Таңертең сені ешкім оятпаса, кешке үйге келуіңді ешкім күтпесе, күні бойына тек қана «өзің» қалаған ісіңмен шұғылдануға мүмкіндігің болса…

Бұл еркіндік пе?
Әлде жалғыздық па?

(с) Чарльз Буковский.

ал сіз қалай ойлайсыз?*

Мені тозақтан жұмаққа жетелеген үш қана қадам еді. Оның алғашқысы жақсы ой, екіншісі жылы сөз, үшіншісі рақымды іс болды.

(с) Ницше.

Мендегі жалғыздық бөтендеу, басқалау.
Жанымда бәрі бар, жақын бар, доста бар.

Мендегі жалғыздық, ешкіммен қоштаспау.
Мендегі жалғыздық, ешкімді тастамау

Келгенді қабылдау,
Кеткенді қайтармау.
Біреуге биіктеу,
Біреуге байқалмау.

Мендегі жалғыздық, бәрімен сөйлесу,
Мендегі жалғыздық
Ештеңе айта алмау.

Бақытты сәттерге қуанып көпсіну,
Кезіккен қайғыға кеткем жоқ мен сынып.

Қасымда сол кезде қанша адам қалды екен,
Кей кезде жалғыздық,
Кей кезде көпшілік.

Көп іздеп жүрекке үңіліп көрсем шын
Мендегі жалғыздық ол сенсің.

(с) Ж.Б

Мейірбандық дегеніңіз түптеп келгенде қорқыныш пен именуден туындаған, қатыгез бола алмаудан туған әлсіз сезім.

(с) Достоевский шығармашылығының көркемдік мәнін талдап отырып Таласбек Әсемқұловтың айтқаны

келісуге болады ма?*

Құдайға «өгей» ұлт жоқ.