түн.
менің уақытым.
ойымда тұрғанның бәрін жазатын, ойланатын, сырласатын. менің жан дүнием осы сәтте ақтарылады. осы сезімдермен бетпе-бет келу ерекше бір бақыт сыйлайды. жанымның күйін сипаттар сәт.

мен шер тарқататын да, ішімде тұрғанды жазатын да, айтқым келгенді жеткізетін де осы арна. жазу менің басты терапиям. түн болса болды есепсіз ой сананы тепкілеп тұрады. ой өзінен-өзі келе береді. ал мен жазамын. жазамын. менің жаным осылай тыныштық табады, рахат күй кешемін.

ішімдіксіз мас, темекісіз ашу басатын сәт.

адамдарға әрдайым ақыл-кеңес керек емес. кейде зер салып тыңдайтын көңіл мен барлығын түсінетін жүрек керек.

қайда бара жатырсың?

“Наурыз құтты болсын” деп жазу үшін Наурызды күтудің қажеті жоқ.

сенің келбетінді сөзбен сурет қып салған әр күн – Наурыз емес пе?!

ертен жұбы жоқтар :
ғашықтар күні ❌
кітап сыйлау күні ✅

жоғарғы қабаттағы көршілер менің ауыратын күнімді санап жүріп, жөндеуді бастады-ау деймін. қайнап жатқан миымды одан әрі: дрр, дррр, дрррр…

төсіңе толған, теріңе тарлық қылған, мұң мен сырыңды төңкеретін бір адам болғаны - бақыт.

кейде өзіңмен күресіп те шаршайсың.
күреспесең – күйрейсің.
күрессең – күйзеліс.
көмілгенге дейін…

екі аяқты, жұмыр бастының әлсіздігі сол:
күнәні сатып алып, сауапты тегін жасамайтыны.

сезімдеріңді сыртқа шығарып үйрен, бәлкім ішіндегі түнекті де қабылдайтын жан табылар.