እፈልጋለሁኝ
___

አልዘገየሁም ወይ ? ከቤትህ ለመምጣት
ጌታዬ እየማርከኝ
እኔ እስከመቼ ነው ነፍሴን የምቀጣት

እፈልጋለሁኝ !
አንተ እንደምትወደው ያንን ፃድቅ መሆን
ግና ይከብደኛል ምክንያቱ ምን ይሆን ?

እፈልጋለሁኝ !
ዳግም ተወልጄ ከቤትህ ማገልገል
እረኛው በጀርባው እንዳዘላት ግልገል
እንደተሸከምከኝ
ማዕበሉን ማለፍ ተራራውን መውጣት
ነጩን ልብስ ለብሼ ወደ ቤትህ መምጣት

እፈልጋለሁኝ !
ከአሽክሮችህ መሀል እንደ አንዱ ሆኜ
በሰላም መተኛት አንተን አመስግኜ

እፈልጋለሁኝ !

በሀጢያት መንገድ ቢዝሉ እግሮቼ
ክ ፋ ት አንጠልጥለው ቢደክሙ እጆቼ
በደል ተሸክሞ ቢጎብጥም ጀርባዬ
ነውር ባጨለመው
በናፍፈቀህ ዐይኔ ይፈሳል እንባዬ

እሾህ እንዳነቀው እንደ ገበሬው ዘር
በየገባሁበት ነፍሴ ሲመነዘር
ቀን እያረዘምኩኝ ደጅህን ስርቃት
አልዘገየሁም ወይ ? ከቤትህ ለመምጣት

አልዘገየሁም ወይ ?
ዕድሜዬን ሳላውቀው ነገዬን ሳላውቀው
ሞት እንደሌለበት ሀጢያቴን ሳደምቀው
አንተ ቀን ስትሰጠኝ እኔ ስቀንሰው
መሆን እያቃተኝ እንደፈጠርከው ሰው
ዓላማዬን ስቼ ስወድቅ ከመንገድ
ልቤ ሲጠይቀኝ ላንተ ያለኝን መውደድ

ምላሽ ስላጠሁኝ ሰላም የለም ውስጤ
ተግ'ቼ እየተኛሁ የበደል ሆምጣጤ

እፈልጋለሁኝ ንስሀ ገብቼ ቀኖና መቀበል
በፆም በፀሎት ውስጥ ስጋዬን መበቀል
ከቤትህ ሞልቼ ከሀጢያት መጉደል
ከማይጥሉ እጆችህ ሆኜ መደላደል
ለበደል መድከሜን ታውቀዋለህ አይደል

ይሰለቻል እኮ ! ህመም አለው ኅያል
ሰው ያጠፋል እኮ የኔ ግን ይለያል
ጌታ ምህረትህ ልፈትን ይመስል
አምላክ በይቅርታህ ያዳንከውን ቁስል
በበደሌ ሳከው ዳግም እየደማ
ድህነት ራቀኝ ከበበኝ ጨለማ

አልዘገየሁም ወይ ?

ተመለስ ባትለኝ ደጆችህን ዘግተ
ገላዬ በሀጢያት ቆሾ እየሸተተ
ናልኝ ልጄ ብለህ ጠርተኸኝ አባቴ
እውን ታቅፈኛለህ እንደ ልጅነቴ ?

እፈልጋለሁኝ !

ተሳስረው እግሮቼ ብዘገይ ከቤትህ
ፊቱን ያላዞረው ከበደኝ ምህረትህ
አስታውስሀለው
እንደዚህ እንዳሁን ሳይደነድን ልቤ
ወደ ዓለም ሀሳብ ሳይበተን ቀልቤ

እንደነበረኝ ነፍስ
እንደ ነጩ ልብሴ መሆን ነው የምሻው
ካንተ ጋ እንድሆን እስከመጨረሻው

እፈልጋለሁኝ !
አቀርቅሬ ማንባት የጴጥሮስን እንባ
በደሌን ገልጬ ንስሀ እንድገባ

እፈልጋለሁኝ !
ራሴን ገዝቼ አምላኬን ማገልገል
እረኛው በጀርባው እንዳዘላት ግልገል
እንደተሸክመከኝ
ማዕበሉን ማለፍ ተራራውን መውጣት
መራመድ ቢያቅተኝ ድኼ ቤትህ መምጣት

" ግን አልዘገየሁም ? "

በረከት_ዘውዱ

@yegtm_hywet
@yegtm_hywet
@yegtm_hywet

ዓለም እና እውነት እስኪገለጥልህ
እስከዛ ድረስ ነው ህይወት የምትጥልህ
ጠንከር በል በርታ የምን መንገዳገድ
መራመድ አታቁም የህልምህን መንገድ

ጊዜ ቤትህ መጥቶ
ደጅህን አንኳኩቶ
ስኬትን አይሰጥም
አቅምን አይቶ ነው ውሀ የሚያሰጥም

ዓለም እና እውነት እስኪገለጥልህ
እስከዛ ድረስ ነው ህይወት የሚጥልህ
የዛፍ ፍሬው እንጂ
ተበልቶ አይታወቅ ግንድም ቅርንጫፉ
ቁጭትና ምሬት በሽታ ነው ትርፉ

ፍሬ መስጠት ጀምር
ጥፋት ስተትህን በዕውቀት ቀይረው
ከልክነት ብቻ
አይደለም አንዳንዴ መማር ሚጀመረው

#በረከት_ዘውዱ

@amharic_poet
@amharic_poet
@amharic_poet

በየ ጎዳናው ሰርክ ከሚመላለሱት
ሽው እልም እያሉ ቀልብን ከሚሰርቁት
መልክ አለን እያለ ከሚኩራሩት መሀል
ሰው አላገኘሁም አንዲት ያንቺን ያ'ሀል

እርግጥ ነው መልክ አለ ቀልብ የሚስብ አቋም
ሁሉም ግን አይሆኑም ልክ እንዳንቺ መልካም

እኔ ግን ልንገርሽ

አጎንብሰሽ ብትሄጅ ከሩቅ ባትጣሪ
እዩኝ እዩኝ ብለሽ ባትመናቀሪ
ከየትም የሚታይ ውበት ስላደለሽ
የቆንጅና ልኩ ለኔ አንደኛ ውብ ነሽ

በረከት_ዘውዱ

@amharic_poet
@amharic_poet
@amharic_poet

እወዳለሁ ብትይ

እወዳለሁ ብትይ
ወንዳወንድ ጀግና
አንበሳን ከጫካ ልፋለም ሄድኩና
ፈልጌ አጣሁት

እወዳለሁ ብትይ ሞትን የማይፈራ
ከረዥሙ ፎቅ ላይ ቆምኩና ከጣራ
እያሰብኩ እያለ ዘልዬ ልወርድ
ብርክ ብርክ ቢለኝ መላ አካሌ ቢርድ
ተመልሼ ተውኩት

እወዳለሁ ብትይ ጎበዝ ዋናተኛ
በህንድ ውቅያኖስ ላይ ጀርባዬ ሲተኛ
ላሳይሽ ነበረ መንገዱ ባይርቀኝ
አንቺ የምትወጂው
እኔ የምችለው ምን ይሆን ጨነቀኝ

እወዳለሁ ብትይ ኮሜዲ ቀልደኛ
የማስታውሰውን ቀልድ ተናግሬ
መርዶ እንደሰማ ሰው አልቅሰሻል ፍቅሬ

እወዳለሁ ብትይ
ድምፁ በጣም ሚያምር የሚያንጎራጉር ሰው
ልዘፍንልሽ ብዬ
መረን አልባው ድምፄ ታምቡርሽን ቢቀደው
ዘፈን እርሜን ብለሽ አቁመሻል አሉ
ልቤስ ምን አጠፋ
አንቺ ምትወጂውን መሆን ነው አመሉ

እወዳለሁ ብትይ ጎበዝ ኳስ ተጫዋች
ኳሷ ስታመልጠኝ ከአንግሉ ጋር ስጋጭ
ኳስም አስጠልቶሽ መደገፍ ትተሻል
ግን አሁንም ቢሆን
ምትወጂውን ሳልሆን ለኔ መች ይመሻል ።

#በረከት_ዘውዱ

@bereket_zewdu
@amharic_poet
@yegtm_hywet

እንባ ይታገለኛል
አልቅስ ይለኛል ልቤ
ግን ደሞ አላልቅስም አልኩ
ጠንካራ እንደሆንኩ አስቤ

አይነካውም ጉንጬን የእንባዬ ዘለላ
በል ናልኝ ደስታዬ    ሀዘን ወዲያ ክላ

ብዬ እየገፋሁት ስታገል ስታገል
ችግሬን በመሸሽ መስሎኝ ምገላገል

ስሜቴን ሳደምጥ እውነታውን ትቼ
ልክ ነው በምለው
በስህተት ጎዳና ብዙ ተራምጄ
መሀል ላይ መቆሜን ሳስተውል ነቅቼ

አነባሁ

ባደመጥኩት ልቤን
ስሜት በጎዳናው ሊመራኝ ሲታትር
ትምክህቴን ብከፍለው በእንባዬ በትር
ተመኘው
ለካስ ከእንባ ነው እውን ሳቅ ሚገኘው

ለምን

ልብ ያወቀዋልና የስሜትን ጣጣ
ቀድሞ ከዛስ ይላል ውጤቱ ሳይመጣ

አሁንም አነባሁ ሳገኘው መንገዴን
ማልቀስ አላቆምኩም በጄ ይዤው ገዴን
አዎን ልብ እንዲህ ነው 
በእንባ ይናገራል የመጪውን ነገር
እውነትና ጊዜ ስለገፉት ብቻ ስለማይበገር

#በረከት_ዘውዱ

@bereket_zewdu
@bereket_zewdu
@bereket_zewdu

አይነጋም
""""""""'""
ይነጋል እንዳትይ ተስፋ ልታሳጪኝ
አይነጋም ብያለሁ ተይ አታበሳጭኝ
አይነጋም በፀሀይ አይነጋም በብርሀን
ምንም እንዳይገባ በእኔና አንቺ መሀል
አኩኩሉም ቢሆን
የመሸም ቀን ቢሆን
መንጋት የለበትም ከልቤ አይነጋም ስል
ከዕቅፍሽ ርቄ ብርሀን የለውም የሚታየኝ ምስል

#በረከት_ዘውዱ

`ገል እና አበባ
"""""""""

[ በረከት_ዘውዱ ]

ለዘመናት ያህል ሳይኖረው ሰባራ
ብዙ ሰው ያበላ ብዙ ወጥ የሰራ
የገል ድስት ነበረ
በቆይታ ብዛት ድንገት ተሰበረ

ከስብራት ወዲያ
ማገልገል ቢሳነው ልክ እንደ በፊቱ
ከውጪ ተጣለ ደጃፍ ሆነ ቤቱ

ከዳጃፍ እንዳለ
ይተክዝ ነበረ አልጠቅምም እያለ
አላወቀምና
ከላዩ የሚኖር አበባ እንዳለ

የሰባራውን ገል ሀዘን ያስተዋለ
የሚያምረው አበባ እንዲህ ተናገረ

" እባክህ ሸክላ ሆይ
አበቃልኝ ብለህ አትዘን ለአፍታ
መኖሪያ ሳይኖረኝ የማርፍበት ቦታ
ካንተ ተጠግቼ
መኖር ጀምሬያለሁ ህይወትን ድጋሚ
አይደለሁም አትበል ለኔ'ስ ነህ ጠቃሚ "

እያለ ነገረው
ይህን እንደሰማ ገል እንባ አበሰ
ደስታው ተመለሰ
ከመሰበር ወዲያ መጥቀም በመቻሉ
የአንድ ውብ አበባ መኖሪያ መሆኑ
ዳግም ተስፋ ሰጠው ከሀዘኑ ተፅናና
በሰባራው በኩል
ድጋሚ ታየችው ዓለም ሙሉ ሆና

እንዲህ ነው አንዳንዴ

አበቃልን ብለን
ተሰበ'ርን ብለን ተስፋ ባጣን ጊዜ
ዙሪያችን ሲከበብ በሀዘን ትካዜ
የህይወትን ትርጉም ፈልገን ስናጣ
ተሰብረህም ቢሆን
አኑረኸኛል ሚል ምስክር ሲመጣ

ይገርማል ይደንቃል
ለካ'ስ
ለመኖር ያነሰ ለማኖር ይበቃል`@amharic_poet
@amharic_poet
@amharic_poet

????????????
????????????
?2017?መልካም?አዲስ አመት?

???
     መልካም?አዲስዓ መት
  መልካም?     አ?ዲ?ስ
መልካም ?        ዓ?መ?ት
ለወዳጄ ?          ዓ?መ?ት
????        አ?ዲ?ስ
                         ዓ?መ?ት
                       አ?ዲ?ስ
                     አ?ዲ?ስ
                   ዓ?መ?ት
                 አ?ዲ?ስ
            ዓ?መ?ት
        አ?ዲ?ስ
      ዓ?መ?ት
   አ?ዲ?ስ
ዓ?መ?ት               ????
?መ?ል ?ካ?ም????
?አ?ዲ?ስ?ዓ?መ?ት ?

?   ?   ?
?መል???ካም?
  አ?ዲ?ስ          ዓ?መ?ት
አ?ዲ?ስ            ዓ?መ?ት
አ?ዲ?ስ              ዓ?መ?ት
አ?ዲ?ስ              ዓ?መ?ት
አ?ዲ?ስ              ዓ?መ?ት
አ?ዲ?ስ              ዓ?መ?ት
አ?ዲ?ስ              ዓ?መ?ት
አ?ዲ?ስ            ዓ?መ?ት
  አ?ዲ?ስ          ዓ?መ?ት
?መ?ል?ካ?ም?
?  ?  ?

??አዲስ
???አመት
??መ?ልካም
??አዲስ?ዓመት
            አዲስ?ዓመት
            አዲስ?ዓመት
            አዲስ?ዓመት
            አዲስ?ዓመት
            አዲስ?ዓመት
            አዲስ?ዓመት
            አዲስ?ዓመት
            አዲስ?ዓመት
            አዲስ?ዓመት
            አዲስ?ዓመት
?መልካም  ? አዲስዓመት
?????????
   አዲስዓመት?ለወዳጄ??
?????????

? ይ?ህ??አ?መ?ት??
የ?ሰ?ላ?ም??አመት??
የ?ፍ?ቅ?ር ??አመት??
                               የ?ሞገስ ?          
                             የ?ክብር  ?        
                            የ?ሹመት?
                           የ?ታላቅነት?        
?ዓመት ?
???????????
?ይ?ሁ?ን?ላ?ች?ሁ ?  
?? ?    ???   ?         
?የበረከት ?
?የሹመት ?
?የምርቃት ?
?የመግዛት ?
?የከፍታ ??
?ዓመት ??
? ይሁን ??
?????
?????

??ሀገራችን ሰላም የምትሆንበት ? ???
???  ያሰብነው የሚሳካበት          ??
???                                         ??
?የካሳ?የሰላም?የጤና?የበረከት??
??⁣?ዓመት ??ይሁንልን።????

እግረ መንገድ

`አንድ ሰውዬ በጣም ትልቅ አዋቂ ከሆኑ ሰው ምክር ፍለጋ ይሄዳል

እንዳገኛቸውም "ምክር ፈልጌ ነበረ አላቸው "
አዋቂውም ምክር መስጠት የዘወትር ስራቸው ነበርና

" ስለ ምን ? " ሲሉ ጠየቁት

ሰውየው በእሺታቸው እየተደሰተ

" በህይወቴ ምንም ነገር መያዝ አልቻልኩም ምንም የኔ የምለው ነገር የለም " አላቸው

አዋቂውም " ከምክሬ በፊት አንድ ማድረግ ያለብህ ነገር አለ ምታደርገውም ነገር ሁለት ህጎች አሉት ብለው " ነገሩት

ሰውየም የሚያዙትን በደስታ እንደሚፈፅም ነገራቸው

አዎቂውም " ትዕዛዙ ይኸው ነው ከዚህ ከሚታየው የበቆሎ ማሳ ውስጥ የፋፋውን ወይም ትልቁን በቆሎ ታመጣለህ ፣

ማሳው ሶስት ክፍሎች አሉት ከመጀመሪያው ክፍል አልፈህ ከሄድክ መመለስ አትችልም ሁለተኛው ደግሞ ባዶ እጅህን ከማሳው መውጣት አትችልም " አሉት

ሰውዬውም በመጀመሪያው ማሳ ትልልቅ በቆሎውችን አገኘ ነገር ግን ሌላኛው ማሳ ውስጥ ከዚህ የተሻለ ሊኖር ይችላል ብሎ በማሰብ የመጀመሪያውን የማሳ ቦታ አልፎ ሄደ ፣ በቀጣዩም ክፍል መካከለኛ በቆሎውችን አገኘ አሁንም ወደ ፊት የተሻለ ሊኖር ይችላል ብሎ በማሰብ ሁለተኛውንም ክፍል አልፎ ሄደ ፣ በሶስተኛው ክፍል ግን እንጭጭ ወይም ትንንሽ በቆሎዎችን ብቻ አገኘ

ወደ ኋላ እንዳይመለስ አንደኛው ህግ ወደ ኋላ እንዲመለስ አይፈቅድም ባዶ እጁን ከማሳው እንዳይወጣ ሁለተኛው ህግ ባዶ እጅ ከማሳው መውጣትን አይፈቅድም ስለዚህ እንጭጩን በቆሎ ይዞ ከማሳው ወጣ

አዋቂውም " ከመጀመሪያው ማሳ ትልልቅ በቆሎዎች ነበሩ ፣ ከሁለተኛውም ማሳ መሀከለኛ በቆሎዎች ነበሩ ለምን ከነሱ አላመጣህም ? " ብለው ጠየቁት

ሰውየውም " ከነሱ የበለጠ የተሻለ አገኝ ይሆናል ብዬ ነው ሁለቱንም ማሳዎች አልፌ የሄድኩት በህጉ መሠረት ባዶ እጅ መመለስ ስለማይቻል ነው ይህን እንጭጭ በቆሎ ይዤ የመጣሁት " አላቸው`

አዋቂውም " ልጄ በህይወትህ የተሻለ ነገር እስክታገኝ አሁን ያለህን ጠበቅ አድርገህ ያዝ ብልህ የያዘውን ይዞ ያለቅሳል " አሉት ።

ምንጭ ከበራሪ ታሪኮች

#በረከት_ዘውዱ

@amharic_poet
@amharic_poet
@amharic_poet

እኔ በቆሎ
"""""" """""""

ከውስጡ ጠጉር ከላዩ ልስልስ
በነኩት ቀጥር
ወደ ብዙነት የሚፈራርስ
ማንነት አለኝ እንደ በቆሎ
በአንድ አካሌ
ዕልፍ ማንነት በውስጤ በቅሎ

ተጫዋች ሲሉኝ የማልናገር
ጀግና ነው ሲሉኝ የምደናበር
አማኝ ነው ሲሉኝ የማውደለድል
ደካማ ሲሉኝ የምነሳ ድል

ጠጉር ገላዬን ሸፍኖት ጨርቄ
ከታች ነው ሲሉኝ መሬት ርቄ
ከላይ ነው ሲሉኝ ከስር ወድቄ
እየተምታታ ሀጥያት ከፅድቄ
አብሮ የሚወርድ እንባና ሳቄ

እኔ በቆሎ
ዕልፍ ማንነት በውስጤ በቅሎ
ለነፍሴ መብል ቢያለብሰኝ ስጋ
ነፍሴን በላሁት ምንም ሳልሰጋ ።

#በረከት_ዘውዱ

@amharic_poet
@yegtm_hywet
@poem_profile