Керемет жаңалық 🔥🔥🔥

Менің достарым - Бексұлтан және Санжар, NLP/DL саласындағы мамандар, бірге қосылып, қазақ LLM модельдерін дамытудағы маңызды мәселелерді шешу үшін екі негізгі деректер жиынтығын шығарды:

1️⃣ Түсіну және ойлау қабілетін бағалау
• MMLU аударылған KK: Көптапсырмалы тілдік түсінуді қазақ тіліне бейімдейді. сілтеме
• GSM8K аударылған KK: Математикалық логика мен ойлау қабілетін тексереді. сілтеме

2️⃣ Қазақстанға тән білім
• Қазақ Конституциясы MC: Заңдық және азаматтық білімді бағалайды. сілтеме
• Қазақ дәстүрлері MC: Мәдени мұра мен дәстүрлердің ерекшеліктерін қамтиды. сілтеме
• Бірыңғай ұлттық тест MC: Қазақ тарихы, әдебиеті, географиясы сияқты тақырыптарды қамтиды. сілтеме

Бұл деректер LLM модельдеріне тек сұрақтарға жауап беріп қана қоймай, қазақ халқының бай тұрмысын тереңірек түсініп, оны тәжірибеде қолдануға жағдай жасайды. Мұндай датасеттер болмаса, модельдердің сапасы нашар болады, әсіресе жергілікті ерекшеліктерге қатысты. Бұл қазақ тілін үлкен деректер мен жасанды интеллект әлемінде өзін сенімді сезінуге бағытталған қадам. 🚀🇰🇿

Толығырақ Linkedin

Сәлеметсіз бе! *👋 Qazaq IT Tech командасы жаңа тегін үш кезеңдік QazaqStars* жобасына қатысуға шақырады!

🌟 Жобаның негізгі кезеңдері:
*1️⃣ Тіркелу және танысу кезеңі*
Жобаға Қазақстанның кез келген өңірінен қатысуға болады. Тіркелгеннен кейін, сіздің почтаңызға  жабық Telegram чатына қосылатын шақыру сілтемесі жіберіледі. Бұл кезеңде белсенділік танытпаған немесе байланыссыз қалған қатысушылар келесі кезеңге өтпейді.

2️⃣ IT әлемі және Python тілін меңгеру
Бұл кезеңде IT саласының негіздерімен танысып, Python бағдарламалау тілін үйренесіз. Қатысушыларға телеграм-бот жасау, скрипттер жазу, есептер шығару сияқты практикалық тапсырмалар беріледі. Әрбір тапсырмаға ұпайлар беріледі, және нәтижелер арнайы жүйеде есептеледі. Ең белсенді және жоғары ұпай жинаған қатысушылар келесі кезеңге өтеді.

3️⃣ Ақпараттық қауіпсіздік негіздері
Бұл кезеңде оқушыларға ақпараттық қауіпсіздік саласы үйретіледі. Жүйелердің жұмыс істеу принциптері, олардың осалдықтарын анықтау және қорғау тәсілдері түсіндіріледі. Әртүрлі бұзу(взлом) әдістері үйретіледі. Осы кезең күрделі әрі қиын болады. Соңына дейін қалған оқушыларға сыйлықтар мен сертификаттар табысталады.

🔗 Тіркелу үшін немесе толық ақпарат алу үшін сайтқа өтіңіз

👨🏻‍💻 Жоба IT саласына енді қадам басып жатқан адамдарға арналған. Сізде IT саласында опыт болса, бұл жоба сізге арналмаған.

📅 Орын шектеулі — тек 100 қатысушы қабылданады!

Жобаға қатысып, өзіңізді IT әлемінде дамытудың мүмкіндігін жіберіп алмаңыз!

Қазақстандағы мектеп оқушыларына арналған жасанды интеллект бойынша алғашқы олимпиада!

Олимпиада 8-11 сынып оқушыларына арналған және машиналық оқытуды енді бастағандар үшін жасалған. Барлық қажетті теориялық материалдар беріледі, ал көптеген тапсырмаларды логиканы қолдана отырып шығаруға болады.
Әр командада 3 адамға дейін қатысады. Іріктеу кезеңі 10-шы қарашада онлайн форматта өтеді, ал негізгі кезең 24-ші қарашада РФММ-да өтеді. Бұл бағдарламалау, математика және машиналық оқыту салаларында өз күшіңізді сынап көруге тамаша мүмкіндік

Біздің сайтта пайдалы ақпарат көп: https: //faio.kz
Telegram-дағы қауымдастығымызға қосылыңыз: https: //t.me/fizmatai
Сәттілік тілейміз және олимпиадада
кездескенше!

Қазақ тіліндегі GenAI
https://uzdik.github.io/gen-ai/

Қайырлы күн баршаға!

Телеграм бот арқылы өзіңіздің сайтыңызға, презентацияңызға немесе кез-келген интернет сілтемеге, ютубтағы бір видеоңызға телеграм парақша жасауға болады екен. Оның ерекшелігі, қолданушы сыртқы браузерге өтіп жүрмейді. Барлығы сол телеграмның өзінде ашылады.

Ол қандай кезде көмекке келеді?

Әдетте, әр платформада отырған қолданушы сыртқа шыққысы келмейді. Сол ортада қала бергісі келеді. Сол орта һәм платформа дегеніміз не? Сол орта һәм платформа дегеніміз - ютубта отырған адам ютубтан сыртқа шыққысы келмейді, келесі сілтеменің барлығы ютубтың ішінде болғанын қалайды. Инстаграмда отырған адам барлық сілтеме соның ішінде ашылғанын қалайды, Телеграмда отырған адам да солай, ТикТокта отырған адам да солай. Сөйтіп кете береді.

Мұны диджитал-еріншектік деп атаймын өз басым. Өйткені, маған қажет дүние болса, ол ақпарат басқа платформа болмақ түгіл, адам аяғы баспайтын тесікке тығып тастаса да қоймай тауып аламын. Дегенмен, адамдардың барлығы олай емес.

Қазіргі қолданушылар 3 секунд ішінде сенің ұсынған сілтемең ашылмаса, лақтырып кете салады. Қысқа ғана мысал, сіз ҰБТ-ға дайындайтын инструктор немесе өзіңіздің стоматологияңыз болуы мүмкін. Адамға қосымша ақпарат үшін, тіркелу үшін, баға туралы ақпарат алу үшін сілтемеңізді берсеңіз, ол әдетте сол күйі ашпастан кетеді.

Телеграмның бұл жаңалығы осы кезде көмекке келеді. Өте тамаша шешім! Енді, біреу не істесе соны дереу көшіріп алып, Уатсапқа, Инстаграмға енгізе салатын Мета компаниясы да осы бастаманы қолдап кетсе деген тілек.

Мысал үшін ChatGPT қазақша гайдты салып қойдым: t.me/chatgptkazakh_bot/ChatGPT_guide

Кейде есептерде белгілі бір үдерістер болады , мысалы: біреу бір нәрсені бояйды немесе фигураны кеседі деген сияқты жағдайлар. Бұл процестер кездейсоқ түрде жүріп жатады, сондықтан оларды белгілі бір деңгейде бақылау қажет.

Инварианттар – бұл үдеріс барысында мүлде өзгермейтін нәрселер, мысалы, қосынды, көбейтінді, периметр, аудан, жұптық, бөлінгіштік.

Жартылай инвариант – бұл өзгеруі мүмкін нәрсе, бірақ ол толықтай кездейсоқ емес, нақты бір бағытта ғана өзгереді. Мысалы, белгілі бір шаманың тек азаюы немесе тек көбеюі.

Мысал: әрқайсысында N тастан тұратын үш үйінді тастар берілген. Бір айналымда сіз екі үйінді таңдай аласыз, олардан әрқайсынан бір тасты алып тастайсыз, ал үшінші үйіндіге бір тас қосасыз. Қандай n-де бірнеше қадамнан кейін тек бір тасты қалдыруға болады?

Осы тақырыптағы есептерді шығаруға болады. Аналитиктерге өте пайдалы, инвариант анализдеде көп кездеседі, мысалы клиенттардың өнімді пайдаланудағы жолында өзгермейтін құбылыстар болу мүмкін.

#есептер

Python-ның пайдасы)
Өткенде жұмысқа тұрғанда, пропуск үшін ақ фондағы фото керек болған. Осылай істеген болатынмын)

Менен көп адам өздерінің аналитикалық ойлау қабілеттерін қалай дамытуға болатынын сұрайды. Жалпы, бұл үшін жүйелі және тұрақты практика қажет.

Аналитикалық ойлау — бұл ақпаратты жан-жақты талдап, сол талдау негізінде шешім қабылдау қабілеті. Міне, маған көмектесетін бірнеше әдіс:

1️⃣ Ең тиімді әдіс — әртүрлі есептер немесе шахмат.
Міндетті түрде жоғары математикадан күрделі есептер емес. Қарапайым, бірақ қызықты әрі пайдалы тапсырмалар да бар. Мұндай тапсырмалар туралы кейінірек жазамын.
2️⃣ Деректермен жұмыс істеу.
Каналымыз деректерге арналғандықтан, үлкен деректер жиынтықтарын талдау, оларды визуализациялау, заңдылықтар мен трендтерді анықтау дағдылары да пайдалы.
3️⃣ Сын тұрғысынан ойлау.
Сұрақтар қою: Әрдайым сұрақтар қойыңыз: «Неге бұлай?», «Егер бір факторды өзгертсек не болады?», «Альтернативалар қандай?». Бұл мәселенің әртүрлі қырларын көруге көмектеседі.
Дәлелдерді бағалау: Күшті және әлсіз дәлелдерді ажыратуды, гипотезаны қолдайтын немесе жоққа шығаратын деректерді анықтауды үйреніңіз.
4️⃣ Кітап оқу және курстар өту.
Професионалды немесе әр түрлі ойлау қабілетін дамытатын кітаптар оқу өте пайдалы. Мысалы, Джудеа Перлдің «The Book of Why»; Канеман «Думай медленно, решай быстро» кітаптарын ұсынамын. Шын мәнінде, тек білім беру кітаптары емес, басқа да әдебиеттер де пайдалы.
5️⃣ Жаңа нәрселерді үйрену.
Өзіңіз үшін бейтаныс салаларды оқып, оларды түсінуге тырысыңыз. Жалпы ой өрісін кеңейтесіз (кругозор)
6️⃣ Спорт.
Маған жеке өзіме спорт өте жақсы көмектеседі. Жалпы, жаттығу процестері мидың белгілі бір аймақтарын жаттықтырады. Сонымен қатар, жылдам ойлау, процесті немесе нәтижені модельдеу де ойлау қабілетін дамытады.

Баршаңызға сәлем!
Жалпы қазақ тілінде бірінші вакансиям)

Қысқасы, қазір мен Jusan-да өнімдік аналитиктерді басқарамын. Үлкен команда жинау үстіндемін, қазір маған Jusan Business пен Jusan Retail (розница) бөлімдеріне мықты middle/senior аналитиктер керек. Бірден айтайын, өнімдік аналитика мұнда енді пайда болып жатыр және маған бүкіл процесті құруға және аналитиканы бүкіл банкке жылжытуға көмектесетін адамдар қажет. Өзім сіздерге ментор боламын және дағдыларыңызды дамытуға көмектесемін.

Не істейміз жұмыста? (Кофе ішіп, теннис/кикер/ps ойнаудан баска)

Аналитикалық жүйелерді орнатып, деректерді жинап, талдау және дашбордтар жасау.
Өнімдік метрикаларды әзірлеп, өсу нүктелерін іздеу, нәтижелерді интерпретациялау.
Клиенттік жолды жақсартумен айналысу.
Пайдаланушылардың қажеттіліктерін түсіну және шешімдер ұсыну.
Өнім менеджерлері, зерттеушілер, дизайнерлер және әзірлеу командасымен тығыз жұмыс істеу.
Команданың сұрақтарына деректер арқылы жауаптарды өз бетінше табу.
Буйырса осы процесстерді орнатқаннан кейін, одан әрі күрделі заттармен айналысамыз! (Causal inference, A/B эксперименттер, метрикаларды болжау және т.б.)

Не білу керек?

Маңызды!!! Менің командамда жұмыс істеу үшін, статистика/ықтималдық теориясының мықты базасы болу керек. Егер сен Junior болсаң да, статистиканы жақсы білсең(мені таңғалдыратындай), мен сені қабылдаймын.

Product/data-аналитик ретінде 2 жылдан кем емес жұмыс тәжірибесі.
Үлкен көлемдегі ақпаратпен жұмыс істей білу (БД, SQL, Python).
Веб-аналитиканың негіздерін білу (Google Analytics, Amplitude, Firebase, Tag Manager, AppsFlyer және т.б.). Кейбіреулерін білмесең, қорқынышты емес.
Өнімдік және бизнес метрикаларын түсіну.
Қосымша плюс болады: ML негіздерін және AB-тестілеу негіздерін білу.

Егер сіз біздің командамыздың бір бөлігі болғыңыз келсе және аналитиканы жаңа деңгейге көтергіңіз келсе, жазыңыздар!

Маған @khan17ds жазып, резюмеңізді сонда жібере аласыз. Сондай-ақ, таныстарыңыз бен бейтаныс адамдарға да осы вакансияны таратуыңызды сұраймын. Рахмет!

#вакансия

🇰🇿Сәлем достар! 1-сабақ арнада!

*🖥 *Дata Science Бастау | 1-сабақ

👉 https://youtu.be/Qd9v9zRPgmA

👨‍💻 Colab notebook: сілтеме

Питон тілінің синтаксисы, айнымалылар, data types, control flow, фунция және класс.

@ds_bastau