❓АЙЛАРДЫҢ ҚАРАҚАЛПАҚША АТЛАРЫН БИЛЕСИЗ БЕ?

• Дәлиў ➖ Январь
• Ҳүт ➖ Февраль
• Ҳамал ➖ Март
• Сәўир ➖ Апрель
• Жаўза ➖ Май
• Саратан ➖ Июнь
• Ҳәсет ➖ Июль
• Сүмбиле ➖ Август
• Мийзан ➖ Сентябрь
• Ақырап ➖ Октябрь
• Қаўыс ➖ Ноябрь
• Жедди ➖ Декабрь

👉 Каналға қосылыў

⚡Ата-ана қарамағынан ажыралған студентлерге 50 % көбирек стипендия бериледи

Нызамшылыққа бола, жетим балалар ҳәм ата-ана қарамағынан ажыралған балалар мәмлекетлик бақшаларға ҳәм мектеплерге нәўбетке қойылмастан жайластырылады.

Сол менен бирге оларға техникум, колледж, академик лицей ямаса ЖООларда оқып атырған ўақтында ҳәр оқыў жылында 1 мәрте китаплар сатып алыўы ушыр БЕМның 5 есеси муғдарында субсидия бериледи.

жетим балалар ҳәм ата-ана қарамағынан ажыралған балалар оқыўды мәмлекетлик ЖООларда даўам еттиргенде олардың стипендиясына 50 процентке асырылған ҳалда төленеди.

👉 @Karakalpak24

Нөкистеги автобусларда жол ҳақысын пластик карта арқалы төлеў имканы жаратылды

Қарарға көре, жәмийетлик транспортта жолаўшыларды тасыўда заманагой хабар-коммуникация технологияларын енгизиў арқалы халыққа транспорт хызметлерин көрсетиў сапасын жақсылаў, жол ҳақысын жыйнаўда ашықлықты тәмийинлеў, улыўма пайдаланатуғын транспортта жолаўшы тасыў системасын жәнеде жетилистириў, автоматластырылған төлеў системасын басқышпа-басқыш енгизиў белгиленген.

Усы қарардың орынланыўын тәмийинлеў мақсетинде халыққа қолайлық жаратыў мақсетинде жәмийетлик транспортта жол ҳақысын электрон система арқалы әмелге асырыў жолға қойылды.

Ҳәзирги ўақытта Нѳкис қаласы ишинде ҳәрекетлениўши 40 дана автобусқа электрон тѳлемин қабыл етиўши стационар валидаторлар орнатылған болып, жолаўшылар банк картасы арқалы жол ҳақыны тѳлеўи мүмкин.

Қарақалпақстан Республикасы Транспорт министрлиги мәлимлеме хызмети

👉 @Karakalpak24

#Тайынлаў

Бозатаў районы ҳәкиминиң жаслар сиясаты, социаллық раўажландырыў ҳәм руўхый-ағартыўшылық ислери бойынша орынбасары лаўазымына — Сапаров Урынбасар Нийетбаевич тайынланды.

У.Сапаров жаңа лаўазымға тайынлаўға шекем Бозатаў районы “Бозатаў” посёлка пуқаралар жыйынында мәҳәлледе исбилерменликти раўажландырыў, халық бәнтлигин тәмийинлеў ҳәм камбағаллықты қысқартыў мәселелери бойынша ҳәким жәрдемшиси лаўазымында жумыс ислеген.

👉 @Karakalpak24

⚡️Ертең саат 10:00 ден баслап «DAMAS» ушын шәртнама бериледи

❗️23-апрель күни саат 10:00 де «DAMAS» ушын онлайн контрактация ашылады.

*💰Автомобиль баҳалары өзгериссиз қалдырылады*

*📑 «DAMAS» автомобиллери ушын шәртнама дүзиў тек savdo.uzavtosanoat.uz сайты* арқалы әмелге асырылады.

👉 @Karakalpak24

#Тайынлау́

Қурбанбаев Айбек Муханович Қанлыкөл районы ҳәкимлиги шөлкемлестириў-кадрлар топары басшысы лаўазымына тайынланды.

Ол усы күнге шекем “Жаслар ислери агентлиги” Қанлыкөл районы жаслар ислери бөлими баслығы лаўазымында ислеп келди.

👉 @Karakalpak24

❗️XABARLANDÍRÍW

Ózbekstan Respublikası Ayrıqsha jaǵdaylar ministrligi Akademiyasında oqıwdı qálewshi talabanlar ushın hújjetler usı jıldıń 31-mart kúnine shekem qabıllanadı.

Talabanlar hújjetlerdi rásmiylestiriw ushın ózleri jasap turǵan aymaqtaǵı qorǵanıw isleri boyınsha bólimlerge arza menen xabarlasıwı kerek.

✅ Talabanlarǵa qoyılatuǵın talaplar:

➖ Puqaralar ushın 17 jastan 23 jasqa shekem;
➖ Áskeriy xızmetkerler (oficerler kirmeydi) hám áskeriy xızmetke májbúrler ushın 18 jastan 23 jasqa shekem;
➖ boyı 170 santimetrden kem bolmaw kerek.

(Tolıq maǵlıwmat joqarıdaǵı 👆 faylda keltirilgen)

Qaraqalpaqstan Respublikası Ayrıqsha jaǵdaylar basqarması

👉 @Karakalpak24

❓Кимлер министр фонды есабынан берилетуғын үстемеге талабан бола алады?

Министр фондынан берилетуғын үстеме ямаса сыйлық пулларына мектеплерде искерлик жүргизип атырған маман педагог кадрлар ҳәм мектепке шекемги ҳәм мектеп билимлендириў системасында искерлик жүргизип атырған белсенди (жетекши) хызметкерлер талабан болыўы мүмкин.

Төмендегилер маман педагог кадрлар есапланады:

➖оқыўшылары жоқары оқыў орынларына ямаса Президент, дөретиўшилик ҳәм қәнигелестирилген мектеплерге кириў имтиханларында ең жоқары нәтийже көрсеткен педагог кадрлар;

➖оқыўшылары халық аралық ямаса республика көлеминдеги жарыс ҳәм таңлаўларда жеңисли орынларды қолға киргизген педагог кадрлар.

Төмендегилер мектеп билимлендириў системасында искерлик жүргизип атырған белсенди (жетекши) хызметкерлер есапланады:

➖билимлендириў сапасын асырыўға өз үлесин қосқан басшы кадрлар, психолог ҳәм китапханашылар;

➖өз искерлигинде жоқары нәтийжелерге ерискен ямаса өз уқып мектебин шөлкемлестирген методистлер;

➖республика бойынша баслама көрсеткен, ислери республика ҳәм халық аралық көлемде кең тарқалған ямаса мектеп билимлендириў системасында нәтийжели искерлик жүргизип атырған педагог кадрлар.

👉 @Karakalpak24

Ҳүжжетлерди қәлбекилестириў жынаяты анықланды

Нөкис районы “Тақыркөл” АПЖда хәким жәрдемшиси Р.Н. ҳәм А.К. Нөкис қаласында жасаўшы пуқара Ш.К. ҳәм Шымбай ройонында жасаўшы А.Ж.ны Нөкис районы “Тақыркөл” АПЖда жасайды деп көрсетип, 33 млн сўм жеңиллетилген кредит қаржыларын ажыратып мақсетсиз ислетиўине жол қойылғанлығы анықланған.

Усы жағдай бойынша Өзбекстан Республикасы Жынаят кодексиниң 228-статьясы 2-бөлими “а”-бәнти менен жынаят иси қозғатылған.

👉 @Karakalpak24

⚡️Күн жылытыўы менен газ қуйыў шақапшаларының искерлиги қайтадан тиклениўи күтилмекте

Ҳәзирги ўақытта шеклеўлер киритилген Ташкент қаласы, Самарқанд, Ташкент, Наманган ҳәм Ферғана ўәлаятларындағы АГТКШлардың искерлигин қысқа ўақыт ишинде қайтадан тиклеў мақсетинде таярлық жумыслары әмелге асырылып атыр — “Ҳудудгазтаъминот”.

👉 @Karakalpak24