...و من
بیر گون
بو شهرین
آغاجلاریندان
بیره ر _بیره ر
کوسوب
اورمان
اولاجاغام...

#نرگس_صادق_وند

@adabiyatfenumenlari

ﺑﻮردا ﺑﯿﺮ داﺧﻤﺎ وار اﯾﺪی
ﻗﻮﺟﺎ ، ﯾﺎدﯾﻨﺎ ﮔﻠﯿﺮﻣﯽ ؟
اﯾﻠﺪه ﺑﯿﺮ ﻗﻮﻧﺎق ﮔﺆرﻣﻪﯾﻦ
اوﺟﺎق ﯾﺎدﯾﻨﺎ ﮔﻠﯿﺮﻣﯽ ؟

دردﯾﻦ اﯾﺖﺗﮏ ﻗﺎﭘﺎن واﺧﺘﯽ
ﻧﺌﯿﻠﻪﯾﯿﺮدﯾﻦ ﯾﺎوان ﺑﺨﺘﯽ
ﺑﻮ ﺳﺌﻮﮔﯽﻧﯿﻦ ﺟﺎوان واﺧﺘﯽ
ﻗﻮﭼﺎق ﯾﺎدﯾﻨﺎ ﮔﻠﯿﺮﻣﯽ ؟

ﺑﺌﯿﻨﯿﻨﯽ ﺳﯿﺨﯿﺮ ﺑﯿﻠﺪﯾﯿﯿﻦ ،
ﺗﮏ اؤزوﻧﺴﻦﻣﯽ ﮔﻮﻟﺪوﯾﻮن ؟
ﻃﺎﻟﻌﯿﻨﯽ اﯾﺘﯿﺮدﯾﯿﯿﻦ
ﻗﻮﺟﺎق ﯾﺎدﯾﻨﺎ ﮔﻠﯿﺮﻣﯽ ؟

#روشن_ناظر_اوغلو

@adabiyatfenumenlari

ساچلارینین حسرتیندن
دئدیم داراغا دؤنه جک
آه گولوم ! نه بیله یدیم من
الیم اوراغا دؤنه جک

بلکه بوگون ، بلکه یارین
ایچه جه یم نارین_نارین
سالخیم سالخیم باخیشلارین
قاب_قاب عاراغا دؤنه جک

آی بو قارانلیغا قادام
قویمادی بیر اولدوز دادام
واللاه بو آسیلان آدام
بیر گون چیراغا دؤنه جک.

#نادیر_ایلاهی

@adabiyatfenumenlari

گؤز یاشلاری سوزولدوکجه
آدامین قورو اوزونه
ایچیمیزده باتان دردلر
بیربیر چیخار سو اوزونه

قازانجیمیز بیردی بیزیم
بو دونیانین دردی بیزیم
چئوریلیریک دردیمیزین
او اوزوندن بو اوزونه

میلیون میلیون قبیر وارسا
بیر قبیرسیز شاعیر وارسا
اوزونده بیر ساغ یئر وارسا
دونیانین توف او اوزونه!!

#راميز_روشن

@adabiyatfenumenlari

اوزاﻧﻴﺮ اﻟﻠﺮﻳﻢ
ﭼﺎي دﻳﺒﻴﻨﺪه ﻗﻴﻮرﻳﻼن ﺳﺎﭼﻼرﻳﻨﺎ
ﮔﻮﻧﺶ اﻳﺸﻴﻐﻲ
ﻳﺌﺮه اوزاﻧﺎن ﻛﻴﻤﻲ
دوداﻏﻲ ﺳﻮروﻟﻤﺎﻣﻴﺶ ﺳﺌﻮﮔﻴﻠﻴﻢ
ﻳﻮﻧﻮﻟﻤﻮش ﺑﻴﺮ ﺑﺎﻏﻴﺮﺗﻲ آردﻳﺠﺎ
دﻳﻜﻪ ﻟﻴﺮ اورﻣﺎن آﻏﺎﺟﻼري
و ﺳﺌﻜﻲ ﻟﺮدن ﻛﺌﭽﻦ اوﺗﻮﻟﻨﻤﻴﺶ ﮔﺌﻴﻴﻢ ﻟﺮ
ﻳﺎﺗﺎﻗﻼرﻳﻨﺪا اوزاﻧﻤﻴﺶ
ﻳﺎﺷﻴﻞ ﮔﺆوده ﻟﺮه
ﺗﺎﺧﺘﺎ ﺑﻴﺘﻲ ﻛﻴﻤﻲ داراﺷﻴﺮﻻر
ﮔﻮﻧﺶ ﺑﺎﺗﺎن ﭼﺎﻏﻲ
دوش ده رﻳﺴﻴﻨﻲ ﺳﻮﻳﺎﻧﻼرﻳﻦ اﻟﻴﻨﺪن
ﺑﻮﻳﺎﺳﻴﺰﻟﻴﻐﺎ ﺑﻮﻳﺎﻧﻴﺮ
آراز ﻗﻴﻴﻴﺴﻴﻨﺪا اوزاﻧﻴﺮام
و اﺋﻮﻟﺮ ﺧﺎﻟﭽﺎﺳﻴﻨﺎ داﻏﻴﻠﻤﻴﺶ اوﻳﻮﻧﺠﺎﻗﻼري
اوﻳﻨﺎﺗﻤﺎﻳﺎن اوﺷﺎﻗﻼري ﮔﺆرورم
ﻗﺎراﻻﻧﻤﻴﺶ ﻛﺎﻏﺎذﻻر ﻛﻴﻤﻲ ﺑﻮﻛﻮﻟﻮب
آﺗﻴﻠﻤﻴﺶ ﮔﺆي ﻟﺮﻳﻤﻴﺰدن
ﻗﺎرا ﻗﻮرﺷﺎﻗﻠﻲ ﮔﻠﻴﻦ ﻟﺮ ﮔﻠﻴﺮ
و دؤرد ﺑﻮﺟﺎﻗﻼر آراﺳﻴﻨﺪا
ﺑﻮي آﺗﻴﺮ

ﮔﻮﻧﻪ ﺑﺎﺧﺎﻧﻼر .

#ائلشن_بؤيوكوند

@adabiyatfenumenlari

زومار آیی باشلاناندان آنامین آیاغی آلتینا گلمزدی، بیر باشدان دن دوش حاضیرلاردی، سریمساق ایپه دوزوب قوروتماقدان توت میلاق آسماغا کیمی، مرجیمک‌لری دوشوروب یوواردی دئیردی توزو قالسا مور توشر، یارما قایناداردی، بوغدانی سوت.ده ایسلاداردی قوورقا اوچون دای نه بیلیم یازین یایین هرنه واریدی قیشا اوندان پای ساخلاردی. نئچه گون ده حیطده اوجاق یاندیراردی کورسویه قارا گول‌له دوزلدردی، ال آیاغی اولاردی قاپ قارا، الیمدن گلنی اسیرگه‌مزدیم آما کیچیک قیزجیغازین الیندن نه گلیر کی آنجاق آنام ازدیگی کؤمورلری زیغ ائلییندن سونرا قارا گول‌له تاسینا ییغیب قلیبلردیم. باغچادا قوروموش آغاج واریدی ها آما آنام قارا گول‌له اوچون همشه اریک اودونو تاپشیراردی. او گون آناملا اوجاغین یانیندا ایشلییردیم گون اورتا چاغی چیخدیق چایا دینجیمیزی آلاق. بیر چای ایچندن سونرا سوروشدوم آی آنا بو قورو آغاجلاری آت اوجاغا دا اریک گئج آلیشیر یورولورسان، ازمه‌یی ده چتین اولور، گولومسه‌ییب دئدی اوبیریسیلردن کؤز اولماز اولسادا او کؤزو قالماز کی. اریک یاناندان سونرا اوزون زامان کؤزو قالیب ایستی وئرر قیزیم، سن ده ائو صاحاب اولاندا گرک بونلاری بیله‌سن. اوشاق عاغلی سوروشدوم آی آنا اغاج آغاج دیر دا نییه اریکلرین کؤزو چوخ قالیر؟ آنام دئدی چوخ اسگی زامانلار آغاجلار هامیسی اوجایمیشلار، بوی آتماقدا گونشدن چوخ پای آلماقدا بسله‌شرمیشلر. یاز گونلرینین بیرینده کی قوشلارین بالالاری تزه قانادلانیب اوچماق مشق ائلییرمیشلر بیر ساغساغان دا بالاسینین قانادی آلتینا کئچیب اوچماق اؤیردیرمیش، گاه ساغیندا گاه سولوندا اوچورموش، بالا اؤز یول یولاجاغین اؤیرنمه‌دن قارا قوش تاپیلار گلر، کیچک فره قورخوب ال آیاغین ایتیرر قاناد چالماق یادیندان چیخار، گؤیون اوزوندن تپه‌سی اوسته آشاغی گلر آغاجلار هره چکیلر بیر یانا کی شوو بوداقلارینا دییب سیندیرماسین آما اریک اونون آناسین گؤرر الی یئردن گؤیدن اوزولموش قاناد چالیر بالانی گؤیده توتسون، درحال شوو بوداقلارین سالار اوست اوسته ساغساغانی آلار باغرینا. آناسی گلیب بالانی ساغ گؤرنده دای بئله سئوینر بیلمیز آغاجا نه دئسین. اریک کی اؤزون قیسمیشدی قوش یئره توشمه‌سین اونلار گئدندن سونرا ها جان آتار دای اوجالابیلمز، گؤیه‌رنتیلرین تانریجاسی بو اولایی گؤرورموش، گلر اریگین یانینا دئیر بو جاندان کئچدیگینه بوتون آغاجلارین اودونون توز ائلییرم سنین‌کین کؤز.
#جانای

@adabiyatfenumenlari

آنام حایات توخویوردو
دون گئجه
آغلی-قارالی
مین‌بیر بویالی،
توخویوردو
و ساهاتین تیک تاکی
زامانین اؤتمه‌سی
حایاتین بیتمه‌سی
سولوقلاییر بارماقلاری آراسیندا...
سریلدیکجه موزاییک‌لره
قادین قوخولو حایات
آلما-آلما دریلیردی آنامین قاری گولوشلری
دیرچه‌لیردی آرزیلاریم
زوغ آتیردی گؤز ببک‌لریمدن!
...و ساریلاق
یالقیزلیغین پاسلانمیش چارمیخینا،
اولوردوم
یوماقچالارین قورتولوش ثانیه‌لرینه بویلو
اؤلومه داریخیردیم
و آنامین
قارقیشلی دؤشلریندن امدییم
دوندوروجو آغریلارا...

#مهسا_عبدلعلیزاده

@adabiyatfenumenlari

بیرعاشق اکه سن...بیرسازگویه ره
بیرشاعراکه سن...بیرناناحسرت
بیرپاییزاکه سن...بیریازگویه ره
من بوناحسرتم آی آناحسرت

بیرچیلله اکه سن.بایرام اولمامش
کؤیه ره ره به ره بایراملیقلاری
آلنی ترله مه میش گؤزودولمامش
آتالاردره لراوشاق پالتاری

محبت اکه سن.موراددره سن
بونه هاوادییل..نه هوس دئییل
چوخ نفرت اکمیشیک.گولوم گوره سن
توفنگ دردییمیز داهابس دئییل

حسرت سینه میزه مین بیرداغ چکیب
مله آجیرانیم آ قوزوم مله
هاچانسا بیرنامرد بیر اوچو اکیب
قفس قوشدان دولو گویه ریر هله

#نادر_الهی

@adabiyatfenumenlari

نه گؤزل شئی خاطیرلاماق سنی
اؤلوم و ظفر خبرلری ایچیندن،
حبس ده
و یاشیم قیرخی کئچمیش ایکن...
نه گؤزل شئی خاطیرلاماق سنی:
بیر ماوی قوماشین اوستونده اونودولموش اولان الین
و ساچلاریندا
ووقار یومشاقلیغی جانیمین ایچی استانبول تورپاغینین...
ایچیمده ایکینجی بیر اینسان کیمی دیر
سنی سئومک سعادتی...
بارماقلارینین اوجوندا قالان قوخوسو ساردونیا
یارپاغینین
گونشلی بیر راحاتلیق
و اتین دعوتی:
قیپ قیزیل جیز گیلرله بؤلونموش
سیجاقلیق بیر قارانلیق...
نه گؤزل شئی خاطیرلاماق سنی،
یازماق سنه دایر،
حبس ده بئل اوستو یاتیب سنی دوشونمک:
فیلانجا گون،فالانجا یئرده سؤیله دیگین سؤز
اؤزو دئییل
اداسیندا کی دونیا...
نه گؤزل شئی خاطیرلاماق سنی.
سنه تاختادان بیر شئیلر اویمالی یام یئنه:
بیر چکمه جه
بیر اوزوک
و اوچ مئتره قدر اینجه ایپکلی توخو مالی یام.
و همن
فیرلایاراق یئریمدن
پنجره مده دمیرلره یاپیشاراق
حوریّتین سود بیاض ماوی لیگینه
سنه یازدیقلاریمی باغیرا باغیرا اوخومالی یام
نه گؤزل شئی خاطیرلاماق سنی
اؤلوم و ظفر خبرلری ایچیندن،
حبس ده
و یاشیم قیرخی کئچمیش ایکن.....

#ناظیم_حکمت

@adabiyatfenumenlari

تانرینین گؤزوندن آخدیق آستاجا،
سوزولوب یول اوسته سئویشر اولدوق.
بیلمه‌دیک هارادیر یولوموز بیزیم،
بیز آنجاق یول اوسته گؤروشر اولدوق.

اونوتدوق قد‌رین آجی یوکونو،
پای اولدوق روزگارین اسن تئلینه.
بیر اوووج قار ایکن سپیلدیک یئره،
بیلمه‌دیک آتیلدیق کیمین ائلینه.

گونشی گؤرونجه آلداندیق اونا،
سانمادیق گونوموز ساییلیر بیزیم.
اریییب یوخ اولدوق؛ ساده‌جه بئله،
آدیمیز سو کیمی آنیلیر بیزیم...

#قاسم_جبرئیل‌زاده

@adabiyatfenumenlari