ادبیات فئنومن‌لری
?? ??? ?? ????? ?
We comply with Telegram's guidelines:
- No financial advice or scams
- Ethical and legal content only
- Respectful community
Join us for market updates, airdrops, and crypto education!
Last updated 10 months, 2 weeks ago
[ We are not the first, we try to be the best ]
Last updated 1 year ago
FAST MTPROTO PROXIES FOR TELEGRAM
ads : @IR_proxi_sale
Last updated 9 months ago
منه بیر آز یاغیش،
بیر آز کونیاک،
بیر آز دا گؤزیاشی لازیمدیر؛
بیرده ائله بو اوتاق،
بو ایشیق، بو کاغاذ-قلم
بوگون لازیمدیر یامان...
و بیرده ...
قاپیسینین آچاری اؤز جیبیمده اولان،
بیر مزار لازیمدیر منه؛
بو قاپینین دالیندا،
بو اوتاقدا اوتوروب،
راحات شعر یازماقدان اؤترو...
کیتابچون ساغ اول،
گرگیم اولدو.
صحیفه‌لرینین آغ یئرینه
آغ شعیرلر یازدیم،
سؤیوش سؤیمه‌دیم سنین کیمی...
بیر فینجان چای
بیرآز موزیک
بیرآز حوزون
و کئچیب گئدن قوجامان عوُمور
ایشته هامیسی بو...
آی ایللرین او تاییندا قالان قیز!
بیزیم کیمی عهدی یالان تاپیلماز،
قلبی ویران، عشقی تالان تاپیلماز،
آرامیزدان کؤرپو سالان تاپیلماز،
آی ایللرین او تاییندا قالان قیز!
ساز تئلینده یانغی، هارای اولموشوق
درده شیکار، هیجرانا پای اولموشوق
وطن کیمی او تای-بو تای اولموشوق
آی ایللرین او تاییندا قالان قیز!
گلدی-گئدر قوناق سایدین گؤر، کیمی؟
گؤرن نییه قیناق سایدین ارکیمی؟
آرامیزدان زامان آخیر سئل کیمی،
آی ایللرین او تاییندا قالان قیز!
منیم سئوگیم، سنین سئوگین کیچیلمز
هر ساحیلده بیر جوت بولاق ایچیلمز
یاخین گلمه، زامان سئلی کئچیلمز!
آی ایللرین او تاییندا قالان قیز!
آی «ائلشن»دن نظرینی اَیه‌نیم،
آی ساچیمدا بیاض لیباس گئیه‌نیم!
حالاللیق وئر بوتایدا قیز بَیه‌نیم،
آی ایللرین او تاییندا قالان قیز...!
تبریزلی شمس دیر تبریز، بلکه ده تبریزلی شمس تبریزدیر.
دروازادان مارالانا دوغرو، قلمه لرله بیرگه خیابانلاری توپلاییب تؤکولوردوم بیر کافه یه.
آشیق قشمین سسی، سازی " قورد مئیدانی" – ندان باش آلیب " ائینالی"یا اوچارکن کیملییمی چالیردی دؤرت یاندا. سونرا " شهناز" – ین نازی، " بازار آغزی"، " گجیل"، " گولوستان باغی" ...
کسیشیم لر، کوچه لر، قلمه لر، کیتاب ائولری...
ساعات مئیدانیندان دؤنه ردیم خاقانی پارکینا. گؤی مچیدین دیبینده یاتان اسگی تاریخه دالاردیم.
بیر گون " یالقیز "لا اوز – اوزه گلدیک اورادا. بیر گون "امانی "ایله، بیر گون... آنی لار پارکی دیرخاقانی پارکی.
سانکی اوردایام ایندی. آخشام ساعات آلتی، قیش، قار، قارغالار. سئزن آکسونون " سن آغلاما" سیزیلتیسی بیر گنج اوغلانین جیب تئلفونوندان تؤکولور قارا، شاختایا، اوشویه ن اینسانلارین یالنیزلیغینا.
تبریز اوشویور...
تبریزی هارا آپارسام اوشویه جکدیر.
بابک قالاسینین موحتشم سوکوتوندا، اردبیلین درین دوشونجه سینده، موغانین سونسوز گؤزللیینده، اورمونون اوزوملوکلرینده...هر یئرده اوشویور تبریز.
تبریز اوشویور آمما من ایسینماق ایسته ییرم گجیلین بال قایماق دوکانلاریندا. ایسینماق ایسته ییرم ارک قالاسینین اته یینه بوزوشن کیتاب ائولرینده.
تبریز کیملیین آناسی، آتاسی... بیر بوغاز حسن دمیرچی، بیر ایچیم غلامرضا امانی، بیر گولوش یالقیز...
سونسوزلوق اورادا اوزانیر دینجه لیر. اورادا، امامیه نین گؤبه یینده. قارابالیغین گؤروشونه گئده ردیم هر ایل. صمدله دردلشمک آرازین ایستی قوجاغیندا اوزمک کیمی بیر شئی...
بوغولماقدان، بوغدورولماقدان اوزاق بیر دنیز. بیز صمدین قبیر داشیندا " آراز اوسته بوز اوسته " یازاردیق، اونلار اونو سیلمه یه چالیشاردیلار.
سیلینمز بو سس، بو سوکوت، بو سئودا...
تبریزصمد سرداری نیانین بیرینجی لر شه هه ری، ستارخانین سون قالاسی...
ائینالی دان تبریزه باخاندا هر شئی دن اؤنجه شاعیرلر مقبره سی گؤزه چارپیر. شاعیرلرین همیشه مزارلاری گؤزه ل اولور یاشام لاری چتین. هردن جوما گونلری ائینالی یا گئدردیک. سونرا آجی چایا آشاردیق...
سانکی تبریز اورمو گؤلونه دوغرو آخاردی... آخمادی و اورمو گؤلو قورودو...
تبریزی بوغدولار. آجی چایی بوغدولار. اورمو گؤلونو اؤنجه داغلاردا، چایلاردا، شه هه رلرده بوغدولار...
تبریزین آبرسانی مئیدانیندا آجی آنلار، آنی لار یاراتدیلار منیم اوچون. اوردا کولتور ائوی وار. فارسلارین کولتور ائوی. بوتون کیتابلاریمی اورادا دیدیب داغیتدیلار. سانسورون ان دهشتلی ائولریندن بیری...دوشونجه لر محکمه سی.
" نه اوچون تانریلار یازیبسان؟ بیر تانری وار یالنیز. "
" بیز گوزگو دئییل آینا دئییریک. "
میتولوژی، اسطوره، زئوس، آتنا، گؤک تانری، اینسان – تانری... بیلمیرلر کی.
سونرا اونلارا باشلاییردیم بو کلمه لری آچیقلاماغا. بیرحربی، عسگری آداما بونلاری ایضاح ائتمک چوخ زور.
کولتور ائوی دئییل عسگر ائوی دیر اوراسی. و سونوندا آیناسینی باشینا چالیب گوزگومو گؤتوروب اوزاقلاشیردیم او دلی خانادان.
تبریز آزر آیی، آزربایجان آیی. دیل دیریلییی، آزادلیق ایسته یی. قاییدیش پئیغمبری. اؤزلویه، اؤزگورلویه، دیل آزادلیغینا آچیلان پنجره دیر تبریز. اینسانین، اینسانلیغین حاققینی قورویور قهرمان تبریز.
تبریزلی شمس دیر تبریز. بلکه ده تبریزلی شمس تبریزدیر. نه فرق ائدر کی؟
تبریزدن قونیایا دوغرو آخان تاریخ دیر سئوگی. مولانانی فتح ائدن دوشونجه دیر تبریز.
" یا اولدوغون کیمی گؤرون یا گؤروندویون کیمی اول".
تبریزی او قده ر سئودیم الیمدن آلدیلار. ایچیمیزده کی تبریز آمما آلینمازدیر...
سای، گلیم!
تنهالیقدان داریخیرسان، بیلیرم.
بیزدن باشلا، سیزه قدر سای، گلیم!
صبرین چاتمیر گؤزله‌مه‌یه بلکه ده،
بیردن باشلا یوزه قدر سای، گلیم.
بیرجه دئمه قوجالیبدیر، لنگ گلیر!
سسیم گلیر، یاناغینا رنگ گلیر.
بیر ده گؤردون جفته‌نیزدن زنگ گلیر،
من وئردیگیم سؤزه قدر سای، گلیم!
دئمه دونیا سنه، منه قالان‌دیر!
دونیا عشقسیز جهنّم‌دیر، تالان‌دیر.
جنّت وار ها...باخیشیندا، یالاندیر.
قاشدان باشلا گؤزه قدر سای، گلیم.
یالانلاردان دوزو سئچیب گله‌جم،
بیزدن چیخیب، سیزه کؤچوب گله‌جم،
چایدان کئچیب، سئلدن کئچیب گله‌جم،
داغدان باشلا دوزه قدر سای، گلیم!
هر گئجه
منیم رویالاریمدا
پالتار "شو"وو کئچیریلیر
سن
گوزل بیر مانکن کیمی
کامئرالار قارشیندا
منیم ائنیمی-اوزونومو
آددیملاییرسان...
اللریم ساچینا چاتا بیلمه دی
اومودسوز داراغیم کوسولو گئتدی
بیرشیرین اؤپوشله باشلار سئوگی لر
آجیان دوداغیم کوسولو گئتدی
توتدون اللریمدن دونیا دایاندی
-من سنی سئویرم – دیلده یاراندی
بیلمه دیم نه اولدو!نه دن اوساندی
باغیشلا قوجاغیم کوسولو گئتدی
باخیشلار قاباقجا اوتاغا گلدی
قیزاردی بُوزاردی یاناغا گلدی
سئومک سوزجوک لری قاباغا گلدی
قیزاران یاناغیم کوسولو گئتدی
بیر سویوق گئجه ده قار اوستونده قار
گلمه میش گئدیردین –گئتمه نه اولار؟-
لامپالار دالینجا گؤز ووروردولار
بیر یاغ سیز چیراغیم کوسولو گئتدی
باریشماق ایسته دی منده قوشمالار
سن ایله یازیلا ,سنده قوشمالار
بیردن دومان دوشدو!چن ده قوشمالار...
نئیله ییم واراغیم کوسولو گئتدی
سنه مکتوب یازیرام
یازیرام کی
باغیشلا
بوردا هاوا پیس کئچیر
آرا وئرمیر یاغیش‌لار
تک یاتیب، تک دورماقدان
بئزدیرمیشم اوتاغی
بیلیرسن
پینتی اولور
یالقیزلارین یاتاغی
یالقیزلار آز یویونور
گلیر یالقیزلاردان ایی
چای‌لاری سویوق اولور
یئمک‌لری آلاچیی
چیرک‌لی آیاق‌قابی‌لار
دیبی یانمیش قازانچا
بیر قیریق دا اومید وار
قاییداجاق هاچانسا
یالقیز صاباحا باخمیر
آرزولاییر کئچمیشی
چوخ میسکین منظره‌دیر
ائو ییغیشدیران کیشی
هله بونون گئجه‌لر
ایچیب
آغلاماغی وار
ساچین داراماماغی
ساققال ساخلاماغی وار
اوسته‌گل پنجره‌دن
گؤزونو یولا دیکمک
گلمه‌یینی گؤزله‌مک
قادین حسرتی چکمک
درد آغیر، هاوادا پیس
آرا وئرمیر یاغیش‌لار
سنه مکتوب یازیرام
یازیرام کی
باغیشلا...
بیلمیرم نه زامان من سن سیز قالدیم
بونون چون اؤزومدن اینتیقام آلدیم
او گئجه‌دن سونرا یوز ایل قوجالدیم
هر زامان گؤردویون اوغلان دئییلم...
دَیمه‌دی هئچ زامان الین الیمه
دنیز نه ائتسین کی باتان گمیمه
دردیمی بیلمیرم دئییردیم کیمه!
هر زامان گؤردویون اوغلان دئییلم
من باشقا بیرینه کور اولدو گؤزوم
اوره‌ییمده قالدی مین‌لرجه سؤزوم
اؤزومو اؤزومده ایتیردیم اؤزوم
هر زامان گؤردویون اوغلان دئییلم...
هر گئجه اویاقدیم، سن راحات یاتدین
بوراخیب یولونا گئدن‌ده آتدین
بلکه‌ده سن مندن شاعیر یاراتدین
هر زامان گؤردویون اوغلان دئییلم...
?? ??? ?? ????? ?
We comply with Telegram's guidelines:
- No financial advice or scams
- Ethical and legal content only
- Respectful community
Join us for market updates, airdrops, and crypto education!
Last updated 10 months, 2 weeks ago
[ We are not the first, we try to be the best ]
Last updated 1 year ago
FAST MTPROTO PROXIES FOR TELEGRAM
ads : @IR_proxi_sale
Last updated 9 months ago