Namoota kitaaba maaliif barreessuu dhaabde? Jechuun na gaafataa jirtanuuf.

1➨ Kitaaba barreessuu hin dhaabne; maxxansiisuu irraan ture malee. Suuraan isin gubbaa irratti argitanu qola kitaaba koo 5ffaa ani barreessee xumureeti.
2➨ Kitaaba kana maxxansiisuu kootiin duratti qorannoo salphaa kitaabota koo dabarfataniin wal qabatanu gochuuf yaaleen ture. Garuu na hin gammachiifne. Kitaabichi namoota hedduu bira qaqqabeera. Garuu irra hedduun namoota kitaaba kana bitanii "Isatu barreesse" jedhamnaanuna na tumsuudhaaf; ykn ammoo ... tiif bitatani malee kitaabicha dubbisanii hubatanii kaayyoon kitaabicha barreesseef galma naan dhoofne.

Kun ammoo akkan kitaaban barreesse maxxansiisee hawaasatti hin baafnee fi barruu hawaasaaf dhihaatu kan biraas hin qopheessine na godhe.
Tarii anatu miira haphatee jedhees barreessitoota tokko tokko dubbachiisuuf yaaleen ture. Miirri jara bira jirus isuma na bira jiru ta'e. Kanatu duubatti na harkise.
Mee ammas yoo dubbiftanii as geessaniif yaada maal naaf qooddu?

✍️ Abdulhalim A.