အထူးဝမ်းနည်းကြေကွဲခြင်း

ရန်ကုန်စက်မှုတက္ကသိုလ် စက်မှုအင်ဂျင်နီယာကျောင်းသားဟောင်းတစ်ဦးဖြစ်သော လျှပ်စစ်နှင့် စွမ်းအင်၀န်ကြီးဌာန၊ ပြည်ထောင်စုဝန်ကြီး ဦးဝင်းခိုင်သည် အာဏာရှင်စနစ်ကို ကြံ့ကြံ့ခံရင်ဆိုင်ရင်း ၂၀၂၄ ခုနှစ် နိုဝင်ဘာလ ၈ ရက်နေ့တွင် ကွယ်လွန်သွားခဲ့ပါသည်။ အကြမ်းဖက်စစ်တပ်သည် အပြစ်မဲ့သူများကို မတရားဖမ်းဆီးအကျဉ်းချပြီး လုံလောက်သည့် ဆေးကုသမှုများ မပေးဘဲ သေဆုံးသွားစေသည်အထိ ရည်ရွယ်ချက်ရှိရှိ လုပ်‌ဆောင်နေခြင်းဖြစ်ကြောင်း ထင်ရှားပေါ်လွင်စေသည့် နောက်ထပ်ဖြစ်စဉ်တခုလည်း ဖြစ်ပါသည်။ မတရားဖမ်းဆီးအကျဉ်းချခံရပြီး သေဆုံးသည်အထိ နှိပ်စက်ညှင်းပန်းခြင်းခံရသည့် ဦး၀င်းခိုင်၏ ဖြစ်စဉ်ကို မိမိတို့ အနေဖြင့် မေ့ပျောက်ပစ်နိုင်မည် မဟုတ်ဘဲ သတိတရားထားကာ အစဉ်အမြဲအောက်မေ့နေမည်ဖြစ်ပါသည်။ တရားမျှတမှု မရရှိဘဲ ကွယ်လွန်ကျဆုံးသွားရသည့် ဦး၀င်းခိုင်နှင့် အခြားသောနိုင်ငံရေးအကျဉ်းသားများအတွက် တရားမျှတမှု ဖော်ဆောင်ပေးနိုင်သည့် နေ့ရက်အထိ မိမိတို့ ဆက်လက်ချီတက်သွားကြရမည် ဖြစ်ပါသည်။ ကွယ်လွန်အနိစ္စရောက်သွားသည့် ဦး၀င်းခိုင်၏ ကျန်ရစ်သူမိသားစုနှင့်ထပ်တူထပ်မျှ ၀မ်းနည်းကြေကွဲ နှမြောတသဖြစ်ရပါကြောင်း ကတိသစ္စာကို အပ်နှင်း၍ ရေးသားဖော်ပြအပ်ပါသည်။

#YTUSU