#olis_yaqin_ovozlar

Men sizga aytmovdim, aytsam bo‘larkan,
Sevgimiz hazildan boshlanganini.
Axir, menda gunoh yo‘qdir, azizim,
Bilmovdim ko‘nglimning toshlanganini.

Men sizga aytmovdim, aytsam bo‘larkan,
Yolg‘on o‘tli qarash rost bo‘lib ketdi.
Har nedan yuqori ko‘rgan hayotim,
Ko‘z ochib yumguncha ost bo‘lib ketdi.

Men sizga aytmovdim, aytsam bo‘larkan,
So‘nggi pushaymonim o‘zimga dushman.
Odamdek yashamoq istab yuruvdim,
Bir tuyg‘u tuydim-u, endi men qushman.

Men sizga aytmovdim, aytsam bo‘larkan,
Hammasi bir onda tugaydi, devdim.
Sevgimiz hazildan boshlandi, ammo,
Hazillar ichida rosmana sevdim...

Bahodir JOVLIYEV

“Yoshlik” / 2023 / 8

@yoshlikjurnali
yoshlikjurnali.uz

#latifa

Shogird ustozidan so‘rabdi:
– Ustoz bizning futbolchilar hujumda yaxshi o‘ynaydimi yo himoyada?
Ustoz javob berib:
– Eh bo‘tam bizning futbolchilar to‘yda zo‘r o‘ynaydi, to‘yda debdi ustoz.

(Mahmud Eshonqulov karikaturasidan foydalanildi!)

@yoshlikjurnali
yoshlikjurnali.uz