❤️#MSone Release *🔸*3327

Fallen Leaves (2023)
ഫോളൻ ലീവ്സ് (2023)**

💫ഭാഷ: ഫിന്നിഷ്
💫സംവിധാനം: Aki Kaurismäki💫പരിഭാഷ: എല്‍വിന്‍ ജോണ്‍ പോള്‍💫പോസ്റ്റർ: നിഷാദ് ജെ എന്‍
💫ജോണർ: കോമഡി, ഡ്രാമ

*🎥*🎥*🌟7.4/10 📽*📽*🍅98%🍿***58%

വിഖ്യാത ഫിന്നിഷ് സംവിധായകൻ അകി കൗറിസ്മാക്കി രചനയും സംവിധാനവും നിർവ്വഹിച്ച് 2023-ൽ പുറത്തിറങ്ങിയ റൊമാൻ്റിക് കോമഡി ഡ്രാമ ചലച്ചിത്രമാണ് “ഫോളൻ ലീവ്സ്“.

ഹെല്‍സിങ്കിയില്‍ താമസിക്കുന്ന രണ്ട് ഏകാകികളായ മനുഷ്യരുടെ ഇടയില്‍ പൊട്ടിമുളയ്ക്കുന്ന പ്രണയവും അതിനെ ചുറ്റിപ്പറ്റിയുള്ള സംഭവങ്ങളുമാണ് ചിത്രത്തിൻ്റെ ഇതിവൃത്തം.

ഐ.എഫ്.എഫ്.കെ. മുതല്‍ കാന്‍ വരെ പല ചലച്ചിത്ര മേളകളിലും പ്രദര്‍ശിപ്പിച്ച ചിത്രം ഏറെ നിരൂപക ശ്രദ്ധ പിടിച്ചുപറ്റി. 2024-ലെ ഓസ്കാറിലെ മികച്ച വിദേശ ചിത്രത്തിനുള്ള ഫിന്‍ലാന്‍ഡിന്റെ ഔദ്യോഗിക എന്‍ട്രിയായ ചിത്രം 2023 ലെ കാന്‍ ഫിലിം ഫെസ്റ്റിവലിലെ ജൂറി പുരസ്കാരവും നേടുകയുണ്ടായി.

💬 അഭിപ്രായങ്ങൾ പങ്കുവെക്കാൻ

Categories : #Comedy #Drama #Finnish

❤️#MSone Release *😭* 3326

The Walking Dead: The Ones Who Live Season 1 (2024)
ദ വാക്കിങ് ഡെഡ്: ദ വൺസ് ഹു ലിവ് സീസൺ 1 (2024)

Episodes 02
എപ്പിസോഡ്‌സ് 02**

♥️ഭാഷ: ഇംഗ്ലീഷ്
♥️നിർമ്മാണം: Skybound Entertainment
♥️പരിഭാഷ: ഗിരി പി. എസ്.♥️പോസ്റ്റർ: ഉണ്ണി ജയേഷ്♥️ജോണർ: ഡ്രാമ, ഹൊറർ, ത്രില്ലർ

*🎥*🎥*⭐️ 8.9/10📽*📽*🍅90%🍿95% *ദ വാക്കിങ് ഡെഡെന്ന AMC സീരിസിന്റെ സ്പിനോഫ് സീരീസായിട്ട് AMC-യിൽ സംപ്രേക്ഷണം ആരംഭിച്ച സീരീസാണ് “ദ വൺസ് ഹു ലിവ്“

2010-യിൽ സംപ്രേഷണം ആരംഭിച്ച ദ വാക്കിങ് ഡെഡ് സീരിസിൽ നായകനായ റിക്ക് ഗ്രൈംസിന് ഒൻപമത്തെ സീസണിൽ അപകടം സംഭവിക്കുകയും ഒരു ആർമി ഹെലികോപ്റ്ററിൽ അദ്ദേഹത്തിന്റെ ശരീരം മറ്റെങ്ങോട്ടോ മാറ്റുന്നതുമാണ് കാണിച്ചത്. തുടർന്ന് അദ്ദേഹത്തിന്റെ ഭാര്യ മിഷോൺ അദ്ദേഹത്തെ തിരഞ്ഞു പോകുന്നത് പത്താമത്തെ സീസണിലും കാണിക്കുന്നുണ്ട്.
വാക്കിങ് ഡെഡ് സീരിസിന്റെ അവസാന ഭാഗത്ത് ഒരു സീനിൽ റിക്കിനേയും മിഷോണിനേയും തിരികെ കൊണ്ടുവരുന്നതിലൂടെ അണിയറ പ്രവർത്തകർ പുതിയ ഒരു സീരീസ് ആരംഭിച്ചിരുന്നു.

വാക്കിങ് ഡെഡ് സീരീസ് അവസാനിച്ചെങ്കിലും റിക്കിന്റെയും മിഷോണിന്റേയും കഥ ദ വൺസ് ഹു ലിവിലൂടെ തുടരുന്നു, വാക്കിങ് ഡെഡ് ഫ്രാൻഞ്ചസിയിലെ തന്നെ ഏറ്റവും വലിയ വില്ലന്മാരായ CRM ദ വൺസ് ഹു ലിവിൽ ആണ് റിക്കുമായി നേർക്കുനേർ വരുന്നതെന്ന പ്രത്യേകതയും സീരിസിനുണ്ട്. അഭിപ്രായങ്ങൾ പങ്കുവെക്കാൻ ✅Categories : #Drama #English #Horror #Thriller #Web_Series

❤️#MSone Release *🔋* 3299

Ozark Season 4 (2022)
ഒസാർക് സീസൺ 4 (2022)

Part 2
പാർട്ട് 2*🟣ഭാഷ: ഇംഗ്ലീഷ്
🔵നിർമ്മാണം: MRC Television🟣പരിഭാഷകർ: ഫഹദ് അബ്ദുൽ മജീദ്
🔵പോസ്റ്റർ: പ്രവീൺ അടൂർ🟣*ജോണർ: ക്രൈം, ഡ്രാമ, ത്രില്ലർ

*🎥*🎥*🌟8.5/10📽*📽*🍅82%🍿85%2017-ൽ നെറ്റ്ഫ്ലിക്സില്‍ സംപ്രേക്ഷണം ആരംഭിച്ച ക്രൈം-ഡ്രാമ സീരീസാണ് *ഒസാര്‍ക്.മെക്സിക്കൻ ഡ്രഗ് കാർട്ടെലിന്റെ കള്ളപ്പണം വെളുപ്പിക്കുന്ന അതിബുദ്ധിമാനായ ഫിനാന്‍ഷ്യല്‍ അഡ്വൈസറാണ് മാര്‍ട്ടി ബേഡ്. ഇതിനിടയിലൂടെ മാര്‍ട്ടിയുടെ പാര്‍ട്ണര്‍ നടത്തിക്കൊണ്ടിരുന്ന കള്ളക്കളി ഡ്രഗ് കാർട്ടെല്‍ കൈയ്യോടെ പിടിക്കുകയും ഓരോരുത്തരെയായി കൊല്ലുകയും ചെയ്യുന്നു. മരണത്തില്‍നിന്ന് രക്ഷപ്പെടാനായി മാര്‍ട്ടി അവരോട് ഒരു ഡീലിന് തയ്യാറാവുന്നു. അതനുസരിച്ച് മാര്‍ട്ടിക്ക് 500 മില്യണ്‍ ഡോളര്‍ വെളുപ്പിക്കാമെന്ന് സമ്മതിക്കേണ്ടി വരുന്നു.

കുടുംബത്തിന്റെ സുരക്ഷ കൂടെ കണക്കിലെടുത്ത്‌ മാര്‍ട്ടിയും ഭാര്യ വെന്‍ഡിയും രണ്ട് മക്കളും ഷിക്കാഗോയില്‍ നിന്ന് ഒസാര്‍ക് തടാകക്കരയിലേക്ക് താമസം മാറുന്നു. അവിടെയെത്തിയ അവർ പുതിയ ബിസിനസ്സ് തുടങ്ങുന്നതോടെ നേരിടുന്ന പ്രശ്നങ്ങളെയും
പുതിയ പ്രതിയോഗികളെയും പ്രതിസന്ധികളെയും മാര്‍ട്ടിയും ഭാര്യ വെന്‍ഡിയും നേരിടുന്നതും ബുദ്ധിപൂര്‍വ്വം മറികടക്കുന്നതുമാണ് സീരീസ് പറയുന്നത്.

ആദ്യ സീനുകളില്‍ത്തന്നെ നായകനുണ്ടാകുന്ന പ്രശ്‌നങ്ങളിൽ തുടങ്ങി വളരെ വേഗം മാറി മറിയുന്ന കഥാസന്ദർഭങ്ങളും ഓരോ സംഭവങ്ങൾക്കും വ്യക്തമായ വിശദീകരണം കൊടുത്തുകൊണ്ടുള്ള കഥയുടെ മുന്നോട്ടു പോക്കും മികച്ച രീതിയിലുള്ള കഥാപാത്ര
നിര്‍മ്മിതിയും ട്വിസ്റ്റുകളും ഈ സീരിസിന്റെ പ്രത്യേകതയാണ്. ഡാർക്ക് മൂഡിലുള്ള കളർ ടോണും മനോഹരമായ ലൊക്കേഷനുകളും പ്രധാന കഥാപാത്രങ്ങളെ അവതരിപ്പിക്കുന്ന ജേസന്‍ ബെറ്റ്‌മാന്‍, ലോറ ലിന്നെ, ജൂലിയ ഗാര്‍നര്‍, ജേസന്‍ ബട്ലര്‍ ഹാര്‍നര്‍ തുടങ്ങിയവരുടെ മികച്ച പ്രകടനങ്ങളും ഒസാര്‍കിന്റെ മാറ്റുകൂട്ടുന്നു. മറ്റ് ഷോകളില്‍ നിന്ന് വ്യത്യസ്തമായി സ്ത്രീ കഥാപാത്രങ്ങള്‍ക്കുള്ള പ്രാധാന്യമാണ് ഒസാര്‍കിന്റെ മറ്റൊരു പ്രത്യേകത. ഇതിലെ അഭിനയത്തിന് മികച്ച സഹനടിക്കുള്ള എമ്മി അവാര്‍ഡ്‌ ജൂലിയ ഗാര്‍നര്‍ തുടര്‍ച്ചയായി മൂന്നു വര്‍ഷം നേടി എന്നത്‌ ഈ സീരിസിന്റെ മികവ് എടുത്തുകാട്ടുന്നു.

എല്ലാം കൊണ്ടും മികച്ച കഥയും കഥാപാത്രങ്ങളും കഥാസന്ദർഭങ്ങളുമുള്ള ഒരു മികച്ച സീരീസാണ് ഒസാര്‍ക്.എംസോൺ റിലീസ് ചെയ്തിട്ടുള്ള ഒസാർക് സീരീസിന്റെ മറ്റ് സീസണുകൾ

ഒസാർക് സീസൺ 1 (2017)ഒസാർക് സീസൺ 2 (2018)
ഒസാർക് സീസൺ 3 (2020)🌐 അഭിപ്രായങ്ങൾ പങ്കുവെക്കാൻCategories : #Crime #Drama #English #Thriller #Web_Series

വൺ പീസ് സീസൺ 1 (2023) ☠️*❤️*എംസോൺ റിലീസ് *🔴***3305

പരിഭാഷ: വിഷ്ണു പ്രസാദ് *❤️
വൺ പീസ്... എയ്ച്ചിറോ ഓഡയുടെ ഇതേ പേരിലുള്ള ആഗോളതലത്തിൽ പ്രശംസയാർജ്ജിച്ച മാങ്ക, ആനിമേ ഫ്രാഞ്ചൈസിന്റെ ലൈവ്-ആക്ഷൻ അഡാപ്റ്റേഷൻ കൂടിയാണീ ഈ സീരീസ്.* 😁**

കാണാത്തവർ കാണുക മലയാളം പരിഭാഷയിൽ....
😀
https://malayalamsubtitles.org/languages/english/one-piece-season-1-2023/

❤️❤️
*❤️*❤️*#MSone *Release *♾* 3309

The Harvest (2013)
ദ ഹാർവെസ്റ്റ് (2013)**

🔵ഭാഷ: ഇംഗ്ലീഷ്
🔵സംവിധാനം: John McNaughton🔵പരിഭാഷ: അഭിഷേക് പി യു
🔵പോസ്റ്റർ: നിഷാദ് ജെ എന്‍🔵ജോണർ: ഡ്രാമ, മിസ്റ്ററി, ത്രില്ലർ

🎥🎥 ⭐️ 6.3/10
📽📽 6️⃣ 72%*4️⃣***41%

അച്ഛന്റെയും അമ്മയുടെയും മരണശേഷം മെറിയൻ എന്ന പെൺകുട്ടി തന്റെ മുത്തച്ഛന്റെയും മുത്തശ്ശിയുടെയും കൂടെ പുതിയ സ്ഥലത്തേക്ക് താമസം മാറി വരുന്നു.അവിടെവച്ച് രോഗബാധിതനായ ആൻഡി എന്ന കുട്ടിയെ അവൾ പരിചയപ്പെടുന്നു. എന്നാൽ ആൻഡിയുടെ കൂടെ കളിക്കാൻ മെറിയൻ വരുന്നത് അവന്റെ മാതാപിതാക്കൾക്ക് ഇഷ്ടമല്ലെന്ന് അവൾ അറിയുന്നു. തുടർന്ന് അവരുടെ പെരുമാറ്റത്തിൽ എന്തൊക്കെയോ ദുരൂഹതകളുള്ളതായി അവൾ മനസ്സിലാക്കുന്നു. അങ്ങനെയിരിക്കെ പെട്ടെന്നൊരു ദിവസം മറിയാൻ ആൻഡിയുടെ വീടിന്റെ ബേസ്മെന്റിൽ എത്തിച്ചേരാൻ ഇടയാവുന്നു. എന്നാൽ അവിടെവച്ച് മെറിയൻ അമ്പരപ്പിക്കുന്ന ഒരു കാഴ്ച്ച കണ്ട് ഞെട്ടുന്നു. എന്തായിരിക്കാം അത്?

🌐അഭിപ്രായങ്ങൾ പങ്കുവെക്കാൻ

Categories : #Drama #English #Mystery #Thriller

❤️❤️
❤️❤️#MSone Release *💬* 3308

Antique (2008)
ആൻ്റിക് (2008)**

⏺ഭാഷ: കൊറിയൻ
⏺സംവിധാനം: Kyu-dong Min⏺പരിഭാഷ: അരവിന്ദ് കുമാർ⏺പോസ്റ്റർ: പ്രവീൺ അടൂർ⏺ജോണർ: കോമഡി, ഡ്രാമ, റൊമാൻസ്

*🎥*🎥*🌟6.8/10
📽**📽 🍿*81%കുട്ടിക്കാലത്ത് തട്ടിക്കൊണ്ടുപോയതിന്റെ ആഘാതകരമായ ഓർമ്മകൾ ഇപ്പോഴും നിലനിൽക്കുന്ന ജിൻ-ഹ്യൂക്ക് ഒരു പഴയ പുരാതന കടയിൽ ഒരു കേക്ക് ഷോപ്പ് തുറക്കുന്നു, കൊറിയയിലെ ഏറ്റവും മികച്ച പേസ്ട്രി ഷെഫും തൻ്റെ സഹപാഠിയുമായ സിയാൻ-വൂ നെ അവിടെ നിയമിക്കുന്നു. പക്ഷേ രസകരമായ വസ്തുത എന്തെന്നാൽ സിയോൺ വൂ ഒരു ഗേയാണ്. പോരാത്തതിന് സ്കൂൾ പഠനകാലത്ത് ജിൻ ഹിയോക്കിനോട് തോന്നിയ ഇഷ്ടം പറഞ്ഞതിൻ്റെ പേരിൽ അവൻ്റെ കയ്യിൽ നിന്ന് തല്ലും കൊണ്ടിട്ടുണ്ട്. ഷെഫിന് പുറമേ അവിടത്തെ പണികൾ ചെയ്യാൻ ഒരു മുൻ ബോക്‌സിങ് താരവും കൂടാതെ നായകൻ്റെ ഒന്നിലും ശ്രദ്ധയില്ലാത്ത സന്തത സഹചാരിയും കൂടെ കൂടുന്നു.ജീവിത മാർഗ്ഗം എന്നതിലുപരി കേക്ക് ഷോപ്പ് നടത്തുന്നതിൽ ജിൻ ഹോയ്ക്ക് മറ്റൊരു ലക്ഷ്യം കൂടിയുണ്ടായിരുന്നു.കേക്ക് ഷോപ്പും ഈ നാല് പ്രധാന കഥാപാത്രങ്ങളുടെയും അവരുടെ കേക്കുകളുടെയും രസകരമായ കഥയാണ് ചിത്രം പറയുന്നത്.

കിങ്ഡം എന്ന സീരീസിലൂടെ ഏവർക്കും പരിചിതനായ ജു ജി ഹൂൺ ആണ് പ്രധാന കഥാപാത്രത്തെ അവതരിപ്പിക്കുന്നത്. അദ്ദേഹത്തിൻ്റെ ആദ്യ ചിത്രം കൂടിയാണിത്.പോരാത്തതിന് കൊറിയൻ പ്രേമികൾക്ക് പരിചിതനായ യൂ ആഹ് ഇന്നും ചിത്രത്തിൽ ഒരു മുഖ്യ കഥാപാത്രത്തെ ചെയ്തിരിക്കുന്നു, അദ്ദേഹത്തിൻ്റെയും ആദ്യ കാല ചിത്രങ്ങളിൽ ഒന്നാണ് ഇത്.

🌐 അഭിപ്രായങ്ങൾ പങ്കുവെക്കാൻ

Categories : #Comedy #Drama #Korean #Romance

❤️❤️
*❤️*❤️*#MSone *Release *💡*3307

Normal People [Miniseries] (2020)
നോർമൽ പീപ്പിൾ [മിനി സീരീസ്‍ (2020)
😞ഭാഷ: ഇംഗ്ലീഷ്
😞സംവിധാനം: Lenny Abrahamson 🔣 Hettie Macdonald😞പരിഭാഷ: അരുൺ അശോകൻ🔣ഉദയകൃഷ്ണ
😞പോസ്റ്റർ: രോഹിത്ത് ജി. എസ്😞**ജോണർ: ഡ്രാമ, റൊമാൻസ്

🎥🎥 🌟 8.4/10
📽📽 6️⃣ 91%*🍿***92%

ഒരിക്കലും ശ്വാശ്വതമായി അടുക്കാത്ത രണ്ട് തോണികളിൽ സഞ്ചരിച്ചുകൊണ്ടേയിരുന്ന രണ്ട് കമിതാക്കളുടെ സ്കൂള്‍ കാലഘട്ടം മുതല്‍ കോളേജ് വരെയുള്ള ജീവിതകഥയാണ് നോർമൽ പീപ്പിൾ. ഇടയ്ക്കവർ അസാധാരണമായി ചിന്തിക്കും... മനസ്സിന്റെ ഓരോ തോന്നലുകളിൽ കെട്ടുപിണഞ്ഞ് പിരിയും, പിന്നെ ജീവിതവഴിയിൽ വീണ്ടും കണ്ടുമുട്ടും. ഓരോ കണ്ടുമുട്ടലിലും തങ്ങളുടെ ജീവിതത്തിൽ ഇനി ആരൊക്കെ കടന്നുവന്നാലും ഹൃദയത്തിന്റെ അടിത്തട്ടിൽ തങ്ങൾ പരസ്പരം ആരാണെന്ന് അടിവരയിടും. അസാധാരണക്കാരെന്ന് നമുക്ക് തോന്നുന്ന രണ്ട് സാധാരണ മനുഷ്യർ.

ഐയർലന്റിലെ ഒരു സ്കൂളിൽ നല്ല പോപ്പുലറായ കോണലും അതേ അന്തരീക്ഷത്തിൽ ഒതുങ്ങിജീവിച്ച അന്തർമുഖിയായ മറിയാനും തമ്മില്‍ ഇഷ്ടത്തിലാകുന്നു. എന്നാല്‍ ആ ബന്ധം മറ്റുള്ളവരിൽനിന്ന് മറച്ച് പിടിക്കാനാണ് അവർ തീരുമാനിച്ചത്. പക്ഷേ അതിനോട് അനുബന്ധിച്ച് അവരുടെ പ്രണയജീവിതത്തിൽ ഉണ്ടായ കല്ലുകടി മുന്നോട്ടുള്ള അനേകം പ്രതിബന്ധങ്ങളുടെ തുടക്കം മാത്രമായിരുന്നു. ഒറ്റനോട്ടത്തിൽ ഇത് രണ്ടുപേരുടെ ആത്മബന്ധത്തിന്റെ കഥയാണെന്ന് പറയാമെങ്കിലും അതിനുമപ്പുറം ഒരുപാട് വിഷയങ്ങൾ ഇത് പറഞ്ഞുപോകുന്നുണ്ട്. യൗവനത്തിലെ മാനസ്സികാരോഗ്യവും ലൈംഗിക അഭിരുചിയും ബുള്ളിയിങ്ങും അപകർഷതാബോധം മൂലമുണ്ടാവുന്ന ബന്ധങ്ങളിലെ വെല്ലുവിളിയുമൊക്കെ തികച്ചും നോർമലായി കാണിച്ചിരിക്കുന്നു.

പതിഞ്ഞ താളത്തിൽ പോകുന്ന ഈ ഡ്രാമയുടെ ഒപ്പത്തിനൊപ്പം സഞ്ചരിക്കാൻ കഴിയുന്നവരെ കാത്തിരിക്കുന്നത് ഇതുവരെ കണ്ടില്ലാത്തതരം ഫ്രഷായിട്ടുള്ള ഒരു കാഴ്ചാനുഭവമാണ്. ഇതേ പേരിലുള്ള നോവലിനോട് നീതി പുലര്‍ത്തുന്ന ആവിഷ്കാരവും സിനിമാറ്റോഗ്രാഫിയും മ്യൂസിക്കും പ്രധാന അഭിനേതാക്കളുടെ മികവും ഒന്നുചേരുമ്പോൾ... റൊമാന്റിക് ജോണറിലെ തികച്ചും വ്യത്യസ്തമായ ഒരു മിനിസീരിസ്. ന്യൂഡിറ്റിയും ലൈംഗികരംഗങ്ങളും ഉള്ളതിനാല്‍ പ്രായപൂർത്തിയായവർ മാത്രം കാണാന്‍ ശ്രദ്ധിക്കുക.

📘അഭിപ്രായങ്ങൾ പങ്കുവെക്കാൻ

Categories : #Drama #English #Romance #Web_Series

*❤️*❤️*❤️*❤️*#MSone *Release *⏰* 3306

12th Fail (2023)
12ത് ഫെയിൽ (2023)**

🔻ഭാഷ: ഹിന്ദി
🔻സംവിധാനം: Vidhu Vinod Chopra🔻പരിഭാഷ: വിഷ് ആസാദ്🔣സജിൻ എം എസ്
🔻പോസ്റ്റർ: നിഷാദ് ജെ എന്‍🔻ജോണർ: ബയോഗ്രഫി, ഡ്രാമ

🎥🎥 ⭐️ 9.2/10
📽📽 6️⃣ 90% 🍿98%

വിധു വിനോദ് ചോപ്ര രചനയും സംവിധാനവും നിര്‍മ്മാണവും നിർവ്വഹിച്ച് 2023-ല്‍ പുറത്തിറങ്ങിയ ഹിന്ദി ചിത്രമാണ് ‘12ത് ഫെയില്‍‘.

കൊള്ളക്കാര്‍ക്ക് പേരുകേട്ട ചമ്പല്‍ താഴ്‌വരയിലെ ബില്‍ഗാവ് എന്ന ഗ്രാമത്തിലെ ഒരു സാധാരണ കുടുംബത്തിലെ, മനോജ് കുമാർ ശർമയെന്ന യുവാവിന്റെ കഥയാണ് ‘12ത് ഫെയില്‍‘. കോപ്പിയടിക്കാന്‍ അധ്യാപകര്‍ പോലും സഹായിക്കുന്നൊരു സ്കൂളില്‍ പഠിച്ചിരുന്ന മനോജ്, കോപ്പിയടിക്കാന്‍ പറ്റാത്തതിനാല്‍ പ്ലസ്‌ടുവില്‍ തോല്‍ക്കുന്നു. സത്യസന്ധനായ ഒരു പോലീസ്‌ ഓഫീസറെ കാണുന്ന മനോജ്‌, അയാളെപ്പോലെയാവാന്‍ തീരുമാനിക്കുന്നു. അതിനായി പ്ലസ്‌ ടു പഠനത്തിന് ശേഷം ഗ്വാളിയറിലെത്തുന്ന അവന്‍, പ്രീതം പാണ്ഡെയെന്ന സുഹൃത്തിനൊപ്പം UPSC കോച്ചിങ്ങിന് ഡല്‍ഹിലെത്തുന്നു. അവിടെ നേരിടേണ്ടി വന്ന പ്രതിബന്ധങ്ങളെയും സാഹചര്യങ്ങളെയും, തന്റെ അപാരമായ നിശ്ചയദാര്‍ഢ്യവും കഠിനാധ്വാനവും ഒരുപറ്റം നല്ല മനുഷ്യരുടെ സ്നേഹവും കൊണ്ട്, മനോജ് മറികടക്കുന്നതാണ് ഈ ചിത്രത്തിന്റെ ഇതിവൃത്തം.

മനോജ് കുമാർ ശർമയുടെ യഥാർത്ഥ ജീവിതത്തെക്കുറിച്ചുള്ള, അനുരാഗ് പഥക്കിന്റെ ‘12ത് ഫെയില്‍‘ എന്ന പുസ്തകത്തിനെ അടിസ്ഥാനമാക്കിയുള്ള ഈ ചിത്രത്തില്‍, മനോജിനെ അവതരിപ്പിച്ച വിക്രാന്ത് മാസിയുടെ പ്രകടനം അത്യുജ്ജലമാണ്. കഥാസന്ദര്‍ഭങ്ങളാലും അഭിനേതാക്കളുടെ പ്രകടനത്താലും മികച്ചുനില്‍ക്കുന്ന ഈ ചിത്രം, ഏവര്‍ക്കും, പ്രത്യേകിച്ച് വിദ്യാര്‍ത്ഥികള്‍ക്ക് വലിയ പ്രചോദനമാകുമെന്നതില്‍ ഒരു സംശയവുമില്ല. മത്സരപരീക്ഷകള്‍ക്ക്‌ തയ്യാറെടുക്കുന്നവര്‍ തീര്‍ച്ചയായും കണ്ടിരിക്കേണ്ട ചിത്രമാണിത്.

✅അഭിപ്രായങ്ങൾ പങ്കുവെക്കാൻ

Categories : #Biography #Drama #Hindi

#MSone Release - 3285#AlienFest **- 15

Brightburn (2019)
ബ്രൈറ്റ്ബേൺ (2019)**

ഭാഷ: ഇംഗ്ലീഷ്
സംവിധാനം: David Yarovesky
പരിഭാഷ: അനുപ് അനു
പോസ്റ്റർ: ഉണ്ണി ജയേഷ്ജോണർ: ഡ്രാമ, ഹൊറർ, സയൻസ് ഫിക്ഷൻ

IMDb *⭐️ 6.1/102019-ൽ പുറത്തിറങ്ങിയ ഒരു സൂപ്പർഹീറോ ഹൊറർ ചിത്രമാണ് “ബ്രൈറ്റ്ബേൺ*.” തനിക്ക് അസാമാന്യ ശക്തിയുണ്ടെന്ന് കണ്ടെത്തുന്ന അന്യഗ്രഹ വംശജനായ ബ്രാൻഡൻ ബ്രെയർ എന്ന ആൺകുട്ടിയെ ചുറ്റിപ്പറ്റിയാണ് ഈ ചിത്രം പുരോഗമിക്കുന്നത്. ഒരു ദിവസം രാത്രി കുട്ടികളില്ലാതെ വിഷമിച്ചിരുന്ന കൈൽ-ടോറി ദമ്പതികളുടെ വീടിന് സമീപം ഒരു ബഹിരാകാശ പേടകം തകർന്നുവീഴുന്നിടത്താണ് ചിത്രത്തിന്റെ കഥ ആരംഭിക്കുന്നത്. പിന്നീട് അങ്ങോട്ട് ബ്രാൻഡൻ ബ്രെയർ എന്ന കുട്ടിയുടെ ചെറുപ്പകാലമാണ് ചിത്രത്തിൽ കാണിക്കുന്നത്.

പ്രായപൂർത്തിയായതിൽ പിന്നെ തനിക്ക് അമാനുഷിക ശക്തിയുണ്ടെന്ന് ബ്രാൻഡൻ പതിയെ മനസ്സിലാക്കുന്നു. അവന്റെ സ്വഭാവത്തിലുണ്ടാകുന്ന മാറ്റങ്ങൾ രക്ഷിതാക്കളായ കൈൽ-ടോറി ദമ്പതികളെ വളരെ അധികം അസ്വസ്ഥരാക്കുന്നു. മറ്റുള്ളവരെ സഹായിക്കാൻ തന്റെ ശക്തി ഉപയോഗിക്കുന്നതിനുപകരം, തന്റെ നഗരത്തിലെ ജനങ്ങളെ ദ്രോഹിക്കാനും ഭയപ്പെടുത്താനുമാണ് ബ്രാൻഡൻ ശ്രമിക്കുന്നത്. തുടർന്നങ്ങോട്ടുണ്ടാകുന്ന സംഭവവികാസങ്ങളാണ് ഈ ചിത്രത്തിന്റെ ഇതിവൃത്തം. സൂപ്പർ ഹീറോ സിനിമകൾ ഇഷ്ടപ്പെടുന്നവരെ നിരാശപ്പെടുത്താത്ത ഒരു ചിത്രമായിരിക്കും ബ്രൈറ്റ്ബേൺ.

അഭിപ്രായങ്ങൾ പങ്കുവെക്കാൻ

Categories : #Alien_Fest #Drama #English #Horror #Sci_Fi