كل مره بقعد أقرأ قرآن وألاقي نفسي بفضل الله بقرأ كويس بأحكام وأخطائي تكاد تكون معدومه بفضل الله بعد مبخلص بفضل أدعي لوالدي بالصحه والعافيه وان ربنا يديمه ف حياتنا ويبارك فيه لأن هو السبب ف ده ليا انا واخواتي كلنا كان واحنا صغيرين يجمعنا ويخلي كل واحد فينا يقرأ ربع قدامه ويفضل يصححلنا،كنت مثلا لما كنت ف ابتدائي واعدادي وصحابي يحجزوا كوره كان لازم عشان اخد فلوس واروح العب اقرأ معاه جزء كامل وع نفس المنوال عشان يشجعني.. لغايه مبقينا بفضل الله كلنا كويسين وبنقرأ كويس ،وخصوصا إني بشوف ناس قدي واكبر وممكن ذو علم بس مش متمكن ف أحكامه ولا توجيده ف أنا فخور جدا بوالدي إنه علمني أفضل علم ع مر الزمان ربنا يباركلي فيك ويحفظك ويطول ف عافيتك وصحتك ويقدرني واردلك حتي جزء من خيرك عليا ♥️♥️♥️

أجمل شعور في الدنيا إن حد يحسسك إنك
"إنسان كويس"
"إنك شخص محبوب"
"عِشرتك حلوة"..

شايفك حلو وشايف الحلو والخير اللي فيك

شايف الجمال اللي جواك اللي انت نفسك مش شايفه
أو مقلل منه وناسيه.

فجأة يفكرك بكلام قولته أو موقف عملته أثر فيه
يشكرك ويقدرك على طباعك وأسلوبك ويقولك أنا اتعلمت منك كذا وفرق معايا

يحسسك إن "وجودك خير".. وليه أهمية وليه معنى ومش ناسي الفضل بينكم

الشخصيات دي سوية وبيساعدونا نكون أسوياء
وبيخلوا العلاقة والمحيط كله سوي.

- د/ داليا الفيشاوي

‏"وَلَيُبَدِّلَنَّهُم مِّن بَعْدِ خَوْفِهِمْ أَمْنًا".♥️

يا صاحِب الكَون ومُقدِّر المقادِير ومدبِّر للأمر بحكمتِك
لك الحمد والفَضل والمِنَّة
أتمِم عليهم وعلى المسلمين نعمتِك وقرَّ أعيننا فيهم.♥️

اللهم عجل عشان شعري خلاص وقع❤️?

أفضل نسخة من أي إنسان … هي النسخة اللي "بتحب" … مش النسخة اللي "بتتأقلم" …

و ده لا ينفي إن النسختين موجودين في أي إنسان و بيتعايش بيهم لأن الحياة مش وردي و لا سهلة و لا الكل بيرزق بالحب … و هنا الحب شامل كل عناصر الحياة … من أول حب نفسك … شغلك … صحابك … منطقتك … بلدك … شريك حياتك …كل شيء حرفيا ….

و معضلة نسخة التأقلم هي وجود منظومة الأخلاق …. يعني النسخة المعدلة اللي ممكن تراهن عليها هي نسخة التأقلم الممزوجة بالطابع الأخلاقي ….

يعني فلان مبيحبش شغله أوي بس بيشتغل فيه بضمير…

فلان معندوش عاطفة قوية تجاه شريك حياته لكنه بيراعي ربنا فيه و مش بيظلمه و لا بيقصر معاه في واجباته …

فلان مش مستظرف صديقه الفلاني لكنه جدع معاه و ابن بلد و وقت ما يعوزه يلاقيه ….

و هكذا ….

و ده شيء في حد ذاته صعب أنك تلاقيه … أنك تراهن على وجود أخلاق في نسخة التأقلم …. رغم أنه الشرط الوحيد إن نسخة التأقلم تنجح و "تعيش" ….

لكن نسخة "الحب" … مفعولها سحري … كل شيء بيتعمل بحب مهما كان مرهق بيتم بشكل انسيابي ممتع …

تلاقيك مطبق باليومين عشان شغال على شيء بتحبه فعلا و مش حاسس بالوقت ….

تلاقيها واقفة في المطبخ بالساعات بتعمل أكل لشخص بتحبه و هيا مبسوطة مش حاسة بأي نوع من "التضحية"..

تلاقيه سايق مشوار بالساعات و مأجل حاجات مهمة عشان يحضر فرح واحد صاحبه و فرحان جدا ليه من قلبه …

تلاقيه شغال شغلنتين عشان يكفي احتياجات زوجته و عياله من غير ما يحس أنه ضيع عمره هدر …

تلاقيها بتخسر ناس كتير عشان موقفها لصحبتها اللي بتحبها من غير ما تندم أو تتردد أو تفكر مرتين ….

و ميت ألف مثال و تجربة ….

عشان كده الحب "رزق" ….. رزق كبير عظيم زيه دي الفلوس و الستر و الصحة …. لأن الحب موتور سحري لتروس الحياة …. بيجمد قلبك عالدنيا و يخليك تفوت في الحديد ….

الحب مفهوش غصبانية و لا إجبار .. و لا حسابات و لا معادلات … شيء عجيب غريب ..

نسخة التأقلم نسخة اضطرارية موجودة في حياتنا كلنا …. لكنها نسخة خاملة … محتاجة مجهود كبير أوي عشان تواصل … محتاجة صبر و رضا و ثقة بالله أنه يبدل الحال ….

ربنا يرزقنا الحب في كل تفاصيل حياتنا … و يخليلنا حبايبنا و يبارك فيهم ❤️❤️

اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بنعمتك علي و أبوء بذنبي فاغفر لي فإنه لا يغفر الذنوب الا انت ❤️

ليس عليك إلا السعى، و قد تأتيك نفحة من توفيق الله تدفعك للأمام بعشرات أضعاف سعيك..?

أغلب الحاجات اللي انت قلقان منها ( فلوس ، شغل ، جواز ، إلخ.... ) كل ده رزق مكتوب ليك عشان ربك أقسم إنه كاتبهولك

حتى من شدة القسم فيه أعرابي قال "سبحان الله! مَن الذي أغضب الجليل حتى حلف؟!"
ربنا قال (( وَفِي السَّمَاءِ رِزْقُكُمْ وَمَا تُوعَدُونَ * فَوَرَبِّ السَّمَاءِ وَالْأَرْضِ إِنَّهُ لَحَقٌّ مِثْلَ مَا أَنَّكُمْ تَنْطِقُونَ ))

عشان كده حذرنا النبي عليه أفضل الصلاة والسلام من الخوف والقلق من الرزق، اوعى تقلق أو تتعب قلبك بس الأهم تاخد بالأسباب قول بس يارب من قلبك وانت عندك اليقين إن أمرك كله خير. ?

سمعت بودكاست بيقول " الخوف قبل التجربة عجز" والمقصود أن مخاوفك قبل البدء اوهام ،ازاي تخاف من حاجة مسبقش ليك الخوض فيها ؟ تخاف من الفشل ؟"لكل منا يوم أول " يعني مهما كانت نتائجك سيئة في يومك الأول إلا أنها مهمة ولابد منها؟! ليه ؟! لان اصلا مفيش تطور بدون بداية

تتبروز ? ??
مع الوقت يا عزيزي هتكتَشف إنّ جَمدانك في "سُكوتك".

اللي عاوز يدخل الشارع قبلك سِيبه..
اللي عاوز "يثبت" إنُّه أشطر منك سِيبه..
اللي عاوز طول ما هو قاعد يفتي ويحكي قصص "وهمية" سيبه..
اللي عاوز يقول أنا "الأقوى" سِيبه..
اللي عاوز يقول أنا اللي "عملت" سِيبه..
واللي عاوز يحكي عنك "وحش" سِيبه.

طول ما أنت "واثق" أنت إيه؛ افرد ضهرك واقعد ساكت تمامًا..
"إتفرج على الفقرة فقط" !
لأنّ مُحاولة حتى إثبات ذاتك فيها "تقليل" من شأنك.??

- محمد عثمان
#الدحيح