لو باقي ساعة قوم كمّل و اعمل يلي عليك
لا تستسلم و تقول ما في أمل و مستحيل
كلمة مستحيل هيي مجرّد تبرير لعجزنا و خوفنا من الفشل
و صدقني حجم المشكلة ع أرض الواقع أقل بكتير من حجمها داخل عقلك لهيك لا تحسب كتير .. بس اعمل يلي عليك و اترك الأمور تمشي متل ما الله كاتب
و تذكر ربُّ الخير لا يأتي إلا بالخير .❤️

~ لا تُكمِل قراءة الكتاب إذا شعرتَ بالملل
~ اهملْ المكالمة التي تزعجك
~ احذف الرسائل التي تؤذيك
~ ابتعد عمّن لا يستحق وجودك
~ و تمسك بمن تحب
~ لا تُجامِل كذباً، ولا توافق خجلاً
~ و لا ترفض كبرياءً
~ لم يمنحكَ الله هذه الروح لتعذّبها
~ و لم يسلّمك زمام أمركَ عبثاً
~ توقف عن التذمر
~ أزح الستائر
~ و افتح النوافذ
~ لتستنشق الهواء الجديد
~~~ تحرّك.. فأنت إنسان💫✨

الفرق بين ياريتني حاولت و بين الحمدلله حاولت بيستحقّ تكمّل و ما تستسلم
و خلي ببالك النتائج بتجي ع مقدار السعي مو التمني . ❤️

كلنا منوصل لمرحلة منكون فيها مرهقين من كل شي و معد النا نفس أو همة لحتى نقوم نعمل المطلوب منّا
منحسّ انو كل الظروف و الناس يلي بحياتنا ضدنا و ولا شي عم يساعدنا أو يخلّينا نقدّم خطوة لقدّام
أنا شخصيّاً عندي هلق ألف سبب يخلّيني ما كمّل و استسلم ببساطة
بس بعد معارك كبيرة بيني و بين حالي و بيني و بين ظروف حياتي
وصلت لفكرة انو ما عندي خيار اسمو استسلام أو حتى رفاهية الانهيار ..
ليش ؟
لأنو ببساطة الحياة ما وقّفت لما زعلت و لما انكسرت و وقعت
و ما حدا اجا مسك ب ايدي و قلّي قومي كمّلي
و بتوقّع أنت كمان نفس الشي
عالأغلب مرقت بهيك وضع أو يمكن عم تمرق فيه هلق ..
شو ما كانت ظروفك و شو ما كانت مشاكلك اتأكّد انو ما في بني آدم رح يجي ينقذك
الشّخص الوحيد يلي قادر ينقذك هوي " أنت " وبس .. بعون الله طبعاً
اتكّل ع اللّه و كمّل لأنو اللّه شايفك و مستحيل تضيع ذرة تعب عندو ❤️
#Graziella

لا تنتظرْ أنْ تكونَ الحياةُ سهلةً
توقَّف عن انتظارِ شخصٍ ما ليُنقِذكَ
أنتَ لا تحتاج إلى شخصٍ آخرَ ليكذِبَ عليك ، فالأشياءُ لا تتحسَّن من تلقاءِ نفسها .
لكنَّكَ قويٌّ ، وستتجاوز كلَّ هذا مثلما تجاوزتَ الكثيرَ من قبلهِ .
واجِهْ بعضَ الحقائق المؤلمة ، وستحظى بحياةٍ رائعة . ❤️

الطالب السوري شاف الحرب و الخوف و الفقر و الجوع و قلة المواصلات و التعب و الدراسة على ضو الشمعة و الزلازل و كل أشكال المعاناة و رغم هيك مكمّل
يمكن الشهادة السورية مانها أقوى شهادة بالعالم بس الطالب السوري أقوى طالب بالعالم ❤️⚡

? : message for you

‏"فتٍّش في حياتِك .. ستجدها مليئة بالانتصارات غير المعلنة ، الانتصارات الصَّغيرة التي لا يهنئك عليها أحد ، ولا يشعر بها أحد ، تحسين عادة ، تجاوز أزمة خفية ، حسم قرار ، التقبل والتفهم ، كل تلك الأمور من شأنها أن توقدَ فيك الحياة ، هذه المكاسب لك أنت وإن لم يهنئك عليها الناس."❤️‍?

لا تقلل من قيمة نفسك ولا للحظة
لا تقلل من اي إنجاز أنت بتعملو لو بسيط
لا تلوم حالك عكل تصرف أو موقف بيصير بيومك
لا تجلد حالك و تعاقب حالك على الشي يلي عملتو أو حتى ما عملتو
تذكر أنت إنسان و الإنسان بيغلط
ما حدا معصوم عن الخطأ
المهم تعرف غلطك و تشتغل عليه و ما يتكرر
اشكر حالك على وقفتك بعد الكسر و الانهيار
على صمودك رغم كل الظروف و الليالي الصعبة يلي فكرت انو مستحيل تمرق و مرقت
كل حدا فينا جواتو طفل قد ما كان عمرنا
حاول تعامل هالطفل بكل لطف و ما تسببلو أذى أو حزن
لا تهرب من مشاعرك اعطي كل شعور حقو
احزن و ابكي و افرح و طير بس كل شي بوقتو
و صدقني كل شي مؤقت
ما في شي بيدوم
لا الحزن و لا الألم و لا حتى السعادة
و أخيراً خلي إيمانك بالله قوي و انو كل شي عم يصير لصالحك حتى أسوأ الأمور ❤️

#Graziella

لأثقَ بنفسي .. كان عليّ أن أعرفها كل يوم
فالمعرفة أساس الثقة
ولأعرفَ نفسي .. كان عليّ أن أرحمها كل يوم
فالرحمة أساس المعرفة.

رفيف المهنا.