الشيخ علي جابر
الحزب ٢٦
`📩 همسة••

‏قال إبراهيم بن عبد الواحد موصيا تلميذه:
‏
‏"أكثر من قراءة القرآن ولا تتركه؛ فإنه يتيسَّرُ لك الذي تطلبه على قدر ما تقرأ"

[‏ذيل طبقات الحنابلة ٣ / ٢٠٥]`

#ختمة_سماع

الدرس الخامــس عشــر:
"الكبيرة 14/ شرب الخمر"
الشيخ عبد الرزاق البدر

الدرس الخامـس عشــر:
"الكبيرة 14/ شرب الخمر "

كتاب الكبائر للذهبي

فهرس المبادرة

لو زهقت من الأخبار ومتابعة الأحداث، فخليك فاكر إن أخوك هو الحدث!

اللي بيوصلك ميجيش ربع الواقع اللي هما عايشينه، فعلى الأقل خلي عينك عليهم، وافضل متابع القدر الذي لا يسعك جهله عن أخبارهم..
واهتم بحالهم، وتألم لألمهم، ومتخذلهمش.

#متابعة_الأحداث
#اعرف_دورك

t.me/moh_elghaleez

ابة وبدأوا يأكلوا والتمر يزيد...هم ياكلوا والتمر يزيد،
لحد ما شبعوا كلهم ومشيوا والتمر بيقع من على طرف الثوب?

☆ممكن حد يفكر إن المعجزات دي خاصة برسول الله ﷺ وبجيل الصحابة فقط،
لكن الكرامات دي بتحصل دائما وأبدا للصالحين المجاهدين،
وإللي يقرأ تاريخ المسلمين من بعد رسول الله ﷺ هيلاقي العجب،
يعني الكرامات مش وقف على رسول الله ﷺ فقط، لكنها حظ من الله ينصر به عباده الصالحين?

الصحابة مستمرين في حفر الخندق، وكان ساعات بعض الصخور بتقف قصادهم مش بيعرفوا يكسروها فكانوا بيستعينوا برسول الله ﷺ عشان يكسرها لهم،
وهم بيحفروا في يوم واجهتهم صخرة كبيرة، حاولوا يكسروها مفيش فايدة لدرجة إن المَعاول تكسرت وهم بيحاولوا يكسروا الصخرة،
راحوا لرسول الله ﷺ واشتكوا له، فجاء معهم للمكان إللي فيه الصخرة، ونزل ومسك المِعْول وقال : بسم الله وضرب على الصخرة، فانكسر ثلثها فلما رآها انكسرت قال ﷺ:
الله أكبر! أُعطيت مفاتيح الشام، والله إني لأُبصر قصورها الحُمر الساعة?
وبعدين ضرب الصخرة ضربة ثانية فانكسر الثلث الثاني وقال :
الله أكبر! أُعطيت مفاتيح فارس، والله إني لأُبصر قصر المدائن الأبيض?
وبعدين ضرب الجزء الأخير من الصخرة فتفتت الصخرة وقال :
الله أكبر! أُعطيت مفاتيح اليمن، والله إني لأُبصر أبواب صنعاء من مكاني هذا?

رسول الله ﷺ بيبشر المسلمين إنهم هينتصروا على الفرس والروم وأتباعهم في اليمن، وهيملكوا قصورهم ودول أعظم دولتين على وجه الأرض في زمانهم،
جيش الفرس لوحده يا جماعة كان أكثر من مليون جندي متخيلين?
والصحابة قلقانين من العشرة آلاف إللي جايين بعد كم يوم،
وهم أصلا كلهم ثلاثة آلاف، فاللي هو إزاي يعني يا رسول الله، ده احنا مش لاقيين ناكل، يبقى هننتصر على أعظم دولتين في العالم?
ومع ذلك الصحابة صدقوا بوعد رسول الله ﷺ، لأنهم عارفين إنه لا ينطق عن الهوى، وعارفين إن كل كلمة بيقولها هتتحقق، إزاي محدش يعرف، لكن وعد الله هيحصل هيحصل?

☆احنا دلوقتي لو بصينا للواقع بتاعنا هنلاقي إننا أبعد ما نكون عن النصر والتمكين، وكل أعداء الإسلام اجتمعوا على حربه، سواء من الكفار أو المنافقين أو حتى من المسلمين أنفسهم إللي مش فاهمين دينهم صح، وبيضروا الدين وهم مش حاسين ولا عارفين بيعملوا إيه،
ومع ذلك بقول لكم إن المستقبل للإسلام، وإن الإسلام هيرجع يسود تاني وهيكون هو الحاكم الأوحد في الأرض،
لأن الدين ده بتاع ربنا وهو إللي هيحفظه،
وأي حد بيحارب الإسلام فهو بيحارب الله، وأي حد بيحارب الله القوي عمره ما هينتصر أبدا، بالعكس ده ربنا هيستعمله هو ذات نفسه لنشر الإسلام ونصرته وتبقى حسرة عليه لما يشوف الإسلام إللي كان بيحاربه بقى هو سبب في انتشاره ونصرته?

انتهى المسلمون أخيرا من حفر الخندق، وهم يادوب خلصوا من هنا ولقوا جيش المشركين وصل على حدود المدينة?
حتى ملحقوش يستريحوا ?

يا ترى رد فعل المشركين كان إيه لما شافوا الخندق، وهل قدروا إنهم يعبروا الخندق ولا عملوا إيه?

ده إللي هنعرفه الجزء الجاي إن شاء الله ?

#Eman_Shalapy

ا ده إللي حصل، المسلمين كانوا بيجتهدوا في الحفر لما كانوا بيشوفوا رسول الله ﷺ بيشيل التراب على كتفه والتراب غطى وجهه ولحيته وصدره،
لدرجة إنهم قالوا له احنا نشتغل بدالك يا رسول الله، فكان يقول لهم لستم أَوْلَى بالأجر مني?
ده الكلام ده ورسول الله ﷺ عمره فوق الخمسة وخمسين سنة، رسول الله ﷺ وهو المغفور له ما تقدم من ذنبه وما تأخر بيقول لهم لستم أَوْلى بالأجر مني،
فليه احنا بنفرط في أجور كثيرة حتى وهي أعمال بسيطة مش محتاجة مجهود زي كده?

جابر بن عبد الله بن حرام شاف رسول الله ﷺ بالمنظر ده، وأد إيه الجوع ظاهر على وجهه ومأثر فيه، كان بقى له هو والصحابة ثلاثة أيام مأكلوش حاجة خالص مع المجهود إللي بيعملوه ده تخيلوا?
وكان أقصى حاجة ممكن ياكلوها إن الواحد منهم يضع تمرة في بؤه ويقعد يمصها ويشرب عليها المية ?
فاستأذن جابر رسول الله ﷺ إنه يروح لبيته، فأذن له رسول الله ﷺ، طبعا مكنش في حد بيسيب مكانه كده لما يستأذن،
لأن كل واحد فيهم كان عارف المسؤولية إللي عليه، وعارف أهمية العمل إللي هم فيه?
وربنا قال عنهم:
"إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ وَإِذَا كَانُوا مَعَهُ عَلَىٰ أَمْرٍ جَامِعٍ لَّمْ يَذْهَبُوا حَتَّىٰ يَسْتَأْذِنُوهُ ۚ
إِنَّ الَّذِينَ يَسْتَأْذِنُونَكَ أُولَٰئِكَ الَّذِينَ يُؤْمِنُونَ بِاللَّهِ وَرَسُولِهِ ۚ فَإِذَا اسْتَأْذَنُوكَ لِبَعْضِ شَأْنِهِمْ فَأْذَن لِّمَن شِئْتَ مِنْهُمْ وَاسْتَغْفِرْ لَهُمُ اللَّهَ ۚ إِنَّ اللَّهَ غَفُورٌ رَّحِيمٌ "

☆يعني مادام الناس مجتمعين لأمر مهم، مينفعش واحد كده يمشي من دماغه من غير استئذان لأن ده هيأثر على العمل الجماعي كله، والاستئذان ممكن يتقبل وممكن يترفض على حسب رؤية القائد للمصلحة العامة
وده مش في الحرب بس يا جماعة ده في أي عمل جماعي?

وصل جابر لبيته ودخل على زوجته وقال لها :
أنا شفت حاجة مش قادر أستحملها?
أنا شفت الجوع في وجه رسول الله ﷺ فهل عندك أي حاجة أعطيها لرسول الله ﷺ يأكلها?

☆واخدين بالكم إن جابر مع إنه هو كمان كان جائع وبقاله ثلاثة أيام مأكلش إلا إنه كان كل تفكيره وهمه في جوع رسول الله ﷺ ?

فزوجته قالت له : عندي صاعٌ من شعير وعندي عَناق?
يعني زي طبق دقيق كده ومعزة صغيرة?
فقال لها اطحني الشعير وجهزيه، وقام هو ذبح العناق وسلخها ونظفها ووضعها في البُرْمة، حاجة زي الحلة الكبيرة عندنا، وده كان كل ما يملكون?
جابر خلص ورايح ينادي على رسول الله ﷺ عشان ييجي يأكل، زوجته وقفته وقالت له:
إياك أن تفضحني برسول الله ﷺ وإللي معاه?
مفيش أكل، الموجود يادوب يكفي ثلاثة أربعة بالكثير، متروحش تجيبهم كلهم?
جابر رجع لرسول الله ﷺ في الخندق وجه جنب ودنه كده وقال له بصوت واطي:
يا رسول الله! عندي صاع من شعير وعندي عَناق، فتعال انت وبعض أصحابك?
راح رسول الله ﷺ قايم وبأعلى صوته نادى أهل الخندق:
يا أهل الخندق تعالوا، جابر عمل لكم طعام?
طبعا جابر اتكسف جدا مش عارف يعمل إيه مفيش أكل?
جاء ألف رجل ?
ومش أي ألف رجل، دول بقالهم ثلاثة أيام من غير أكل، فتخيلوا جوعهم بقى عامل إزاي?
فقال له رسول الله ﷺ:
إذهب ولا تخبز ولا تنزل البُرْمة من على النار لحد ما أجيلك?
رجع جابر لزوجته وقال لها: إلحقي رسول الله ﷺ جاي ومعاه أهل الخندق كلهم?
فزوجته قالت له: إنت قلت له إن الأكل قليل ومش هيكفي غير كم واحد?
قال لها : نعم أخبرته?
فقالت له بيقين: الله ورسوله أعلم?
يعني مادام رسول الله ﷺ عمل كده يبقى أكيد هو عارف هو بيعمل إيه،
وصل رسول الله ﷺ لبيت جابر ومعاه الألف، سأل رسول الله ﷺ فين العجين؟ فجاءوه بالعجين فبَصَق فيه رسول الله ﷺ ودعا بالبركة، وسأل فين البُرمة؟ فدلّوه عليها فبَصَق فيها ودعا بالبركة،
البركة من الله ورسول الله ﷺ كان سبب في البركة?
بدأ رسول الله ﷺ يأخذ من الخبز واللحم ويعطي الصحابة،
وكانوا بيأكلوا عشرة عشرة لحد ما كل الألف أكلوا وشبعوا وتركوا الأكل ومشيوا،
والخبز زي ماهو لم ينقص منه شيء والبُرمة فيها اللحم زي ماهو مفيش أي حاجة نقصت?

☆رسول الله ﷺ عمره ما كان هيبقى مبسوط إنه يأكل طعام لوحده وأصحابه بيحفروا وجعانين، رسول الله ﷺ عمره ما أخذ شيء لنفسه فقط والصحابة محتاجين، كان دايما يقدمهم على نفسه،
حتى لما أكلوا كان هو آخر واحد أكل، كان شخصية كاملة الأوصاف ﷺ، أي حد يقرأ في سيرته غصب عنه هيحبه،
فما بالكم بالصحابة إللي كانوا عايشين معاه كان حبهم له عامل إزاي، حب لا يمكن وصفه،
عشان كده الصحابة كانوا بيفكروا فيه أول حاجة قبل ما يفكروا في نفسهم، وكان مُقدم على كل حاجة في حياتهم،
حب الصحابة لرسول الله ﷺ حب ملوش مثيل فعلا?

ومش بس دي المعجزة إللي حصلت، في يوم تاني ابنة أخت عبد الله بن رواحة جاءت بحِفْنة من تمر، يعني كبشة تمر كده عشان تعطيها لأبوها وخالها يتغدوا بها،
رآها رسول الله ﷺ وهي معدية عليه فطلب منها التمر ووضعه على ثوب فرشه في الأرض ونادى على أهل الخندق،
جاء الصح

ف تحركاتهم بعد كده، هل هيستسلموا للمسلمين ولا لسه هيحاربوهم تاني?‍♀️

#Eman_Shalapy

وده رابط قناة التليجرام هتلاقوا فيها كل القصص إللي فاتت?

https://t.me/joinchat/AAAAAEhulzm7RmVxsli1pQ

ة وأكثر الجيوش تنظيم، فلما جيش زي ده ينسحب من أمام المسلمين بعد ما كانوا هم إللي طلبوا الحرب دي، أكيد طبعا ده في مصلحة الإسلام والمسلمين، وزاد من تثبيت أركان دولة الإسلام في الجزيرة،
والقبائل بدأت تخاف من قوة المسلمين،
وحتى كثير من الأعراب حول المدينة عملوا صلح مع رسول الله ﷺ?
رجع رسول الله ﷺ للمدينة وطبعا المسلمين فرحانين بالنصر إللي جاء لهم هدية من عند ربنا?

دخل شهر رمضان وصام المسلمون وصلوا وتحروا ليلة القدر وأخرجوا زكاة الفطر وجاء شهر شوال،
في شهر شوال انقضت عدة أم سلمة رضي الله عنها ، وعدة المُتوفى عنها زوجها أربعة أشهر وعشرة أيام،
أما لو كانت حامل فعدتها بتخلص أول ما تولد?
بعد انتهاء عدتها تقدم لخطبتها أبو بكر فرفضت، وتقدم لخطبتها عمر بن الخطاب فرفضت.

☆والعِدة معناها : الأيام إللي المرأة تنحبس فيها عن الزواج، يعني بعد موت زوج المرأة أو طلاقها أو خلعها تقعد أيام معينة قبل ما تتزوج مرة ثانية.

أم سلمة رضي الله عنها اسمها الحقيقي هند بنت أبي أمية من قبيلة بني مخزوم، وهي ابنة عم خالد بن الوليد،
وكان عمرها بعد انقضاء العِدة حوالي سبعة وعشرين سنة وعندها أربعة أطفال وكانت من أجمل النساء،
فأرسل رسول الله ﷺ لها من يخطبها، لكنها ردت على رسول الله ﷺ بأنها امرأة شديدة الغيرة، يعني هتغير من زوجات رسول الله ﷺ وكمان عندها أطفال ومفيش حد من أوليائها حاضر،
فجاءها رسول الله ﷺ بنفسه وقال لها:
أما غيرتك، فسأدعو الله أن يذهبها، وأطفالك على الله ورسوله، يقصد إنه هيراعيهم معاها،
ومفيش أي أحد من أوليائك يكره إني أتزوجك، فوافقت أم سلمة وتزوجت برسول الله ﷺ،
وعاشت في بيت زينب بنت خزيمة رضي الله عنها بعد موتها، وكان عندها طفلة رضيعة اسمها زينب، كان كل ما رسول الله ﷺ يدخل على أم سلمة يسأل عنها ويقول:
أين زُناب؟
بيدلع زينب يعني، وكان بيتلطف مع أولاد أم سلمة ﷺ?
والسيدة أم سلمة أكثر زوجات رسول الله ﷺ رواية للحديث بعد السيدة عائشة رضي الله عنهما، وكانت امرأة عاقلة حكيمة.
لما السيدة عائشة عرفت إن رسول الله ﷺ تزوج أم سلمة حزنت جدا لما حكوا لها عن جمال أم سلمة رضي الله عنها فلما شافتها السيدة عائشة قالت إن جمالها كان أضعاف الوصف إللي اتوصف لها،
فحكت لحفصة وكانوا أصحاب، فقالت لها حفصة:
لا والله، إنْ هذه إلا الغيرة، ماهي كما تقولين وإنها لجميلة?
يعني السيدة حفصة بتقول لها أيوة هي جميلة لكن مش زي مانتي متصورة، دي الغيرة إللي خلتك تشوفيها بالجمال الزيادة ده،
فقالت السيدة عائشة :
فرأيتها بعدُ، فكانت كما قالت حفصة ولكني كنت غَيْرى.
يعني بتقول إنها شافت أم سلمة بعد كده وفعلا كانت زي ما حفصة قالت، لكنها كانت بتغير.

☆الغيرة يا جماعة طبع في البشر، وطبيعي جدا إن المرأة تغير على زوجها من النساء، لكن الغيرة إللي تؤدي لمعصية الله هي غيرة مذمومة،
يعني مينفعش عشان واحدة بتغير على زوجها تقوم تتعدى حدودها وتقعد تتجسس عليه وتفتش وراه وفي حاجته سواء الهاتف بتاعه أو أي حاجة تخصه لمجرد إنها بتغير عليه وبتظن فيه ظن سوء وخايفة يعمل حاجة من وراها،
التجسس حرام شرعا ومفيش أي مبرر يعطي الحق للزوج أو الزوجة إنهم يتجسسوا على بعض،
والناس إللي بتغير زيادة عن اللزوم وشكاكة بتعيش في تعاسة وبتعاني فعلا?
والغيرة لها حل ومن أهم الحلول الدعاء زي ما رسول الله ﷺ قال لأم سلمة ندعو الله فيذهب الغيرة من قلبك،
يعني الدعاء لأم سلمة مكنش حاجة خاصة برسول الله ﷺ ولا خاصة بأم سلمة لوحدها، ده هو ﷺ بيقدم حل عملي لكل امرأة غيور،
بتغِيري والغيرة مجنناكي ادعي ربنا يشيل الغيرة من قلبك، ماهي القلوب دي بين إيدين ربنا وهو القادر على تحويلها في أي لحظة،
وعلى فكرة مش شرط بس الغيرة على الأزواج ، حتى الغيرة بين الإخوات وبعضهم، والغيرة بين الأصحاب والغيرة بين الأقارب وحتى الغيرة بين طلبة العلم تخيلوا?
بالدعاء ربنا قادر إنه ينزع الغيرة دي من القلوب،
طبعا بنتكلم عن الغيرة الزايدة عن حدها إللي ممكن تؤدي إلى معصية الله?
ومن الأمور إللي بتساعد إن الغيرة تبقى محمودة وفي حدود الشرع :
تقوى الله ، وإن الإنسان لا يُقارن نفسه بغيره،ويشغل وقته بالأمور النافعة،
لأن الفراغ بيفتح باب للتفكير السلبي ووساوس الشيطان،
وطبعا الإنسان يبعد عن الناس إللي بتقعد تثير الغيرة وتسخن الدنيا?
ولازم إحسان الظن وعدم التجسس والإنسان يكون عنده ثقة بنفسه?
لو لاحظتم وركزتم كويس هتلاقوا معظم الناس إللي عندهم غيرة مُفرطة إن مكنش كلهم مش بيعملوا الحاجات إللي قلت عليها دي،
يعني نقطة واحدة بس كافية إن الغيرة تبقى زايدة عن حدها ويحصل بسببها كوارث ،فتخيلوا بقى لما كل النقط دي تبقى مجتمعة مع بعض في نفس الوقت، الشخص ده هتبقى حياته عاملة إزاي?

هنشوف إن شاء الله مواقف من غيرة زوجات رسول الله ﷺ من بعضهن بعدين وهنشوف رد فعل رسول الله ﷺ كان بيبقى عامل إزاي?

إن شاء الله المرة الجاية هنشوف موقف قريش والقبائل العربية من دولة الإسلام، وهنعر

م ويحضنهم ﷺ ?
عشان كده الأطفال كانوا بيحبوه جدا، وده يفسر ليه الصبيان أول ما عمرو بن أمية الضّمري وصل للمدينة الصبيان جريوا على رسول الله ﷺ عشان يقولوا له على مجيء عمرو،
مكنش في أي حاجز بين رسول الله ﷺ وبين رعيته سواء الكبير أو الصغير...الحر أو العبد?
شوفتوا إزاي على الرغم من إن رسول الله ﷺ أصلا مش فاضي ووراه مسؤوليات الجهاد واحنا داخلين أصلا على معركة مع قريش على حسب الاتفاق، فالمفروض إنه دلوقتي بيجهز للمعركة دي ومش فاضي، ومع ذلك كان بيلعب مع الأطفال?

☆أظن ملناش عذر بعد كده إننا نسيب عيالنا من غير ما نلعب ولا نهزر معاهم?
محدش فينا كان مشغول زي رسول الله ﷺ سواء أباء أو أمهات، لو اقتطعنا بس ربع ساعة كل يوم نلعب معاهم فيها بأي لعبة بيحبوها مادام مُباحة ونضحك معاهم فيها بعيد عن كل المشاكل، هتفرق جدا في نفسيتهم ونفسيتنا احنا قبلهم،
ده حتى ضحكات الأطفال أصلا جميلة وبتنشر البهجة وتفرح القلب الحزين?
ضحَّكوا أولادكم وفرّحوهم، هم كمان محتاجين هزاركم مش أصحابكم بس?
وعلى الفكرة الضحك والهزار ده مش بيقلل الوقار ولا الاحترام ?
إلا طبعا لو كان بِسَفه وتعدّي وإلغاء لحدود الأدب والاحترام ?
حاولوا ميعديش عليكم يوم من غير ما تهزروا مع أولادكم وتخرجوا الضحكة من قلوبهم، وخلوا نيتكم :
♡إدخال السرور على قلب مسلم صغير بريء يحبه الله
♡إننا نقتدي برسول الله ﷺ، لأن الهدف من معرفة السيرة أصلا إننا نعرف حياته ﷺ ونقلده في كل شيء?
♡تقوية العلاقة بين أفراد الأسرة.
♡نعرفهم أد إيه الإسلام فعلا جميل وبيراعي حقوقهم وحريص على إنه يفرحهم، وإنه مش مجرد أوامر ونواهي وخلاص?
الشباب إللي بيلحد ده لو كان عرف الإسلام الصحيح المتكامل مكنش ألحد ولا كان اتكلم عن الإسلام بالطريقة دي?
طبعا مش هوصيكم ?
الهزار ميكونش بالشتيمة ولا بالكذب ولا بشيء مؤذي ولا بإنكم تخبوا حاجاتهم عشان تخوفوهم وبعدين تضحكوا عليهم، وميكونش الهزار بالاستهزاء بشيء من الدين، ولا فيه غيبة أو نميمة أو سخرية، نهزر معاهم الهزار المباح زي هزار رسول الله ﷺ ?

دخلنا في شهر شعبان وفي بداية الشهر في اليوم الثالث منه وُلد الحسين بن علي رضي الله عنه، ابن فاطمة الزهراء ابنة رسول الله ﷺ، وكان رسول الله ﷺ هو من سماه الحسين،
رسول الله ﷺ كان بيعطي كل حاجة حقها، مكنش بيخلي حاجة تطغى على حاجة،
يعني مكنش بيخلي حزنه يمنعه عن إنه يساعد الصحابة وينصحهم ويشوف مشاكلهم وإنه يقوم بواجباته تجاه أهل بيته،
ولا كان بيخلي فرحه يمنعه عن الجهاد والتجهيز للمعارك مثلا،
كل حاجة لها وقتها?
يعني هو كان فرحان بمولد الحسين رضي الله عنه وانتم عارفين الأجداد بيحبوا أحفاهم أد إيه،
وفي نفس الوقت كان بيجهز الجيش ويجمع المسلمين للقاء المشركين لأن الاتفاق بعد غزوة أحد كان إن المشركين السنة الجاية هيتقابلوا مع المسلمين في حرب تانية عشان يحددوا المنتصر منهم،
غزوة أحد كانت في شوال من السنة الثالثة من الهجرة، والميعاد إللي اتفق عليه المشركون والمسلمون المفروض إنه في شوال من السنة الرابعة من الهجرة عند ماء بدر،
رسول الله ﷺ جهز جيشه وأرسل رسالة لقريش في شهر شعبان بيأكد عليهم الميعاد يعني بعد سنة تقريبا من غزوة أحد، وخرج رسول الله ﷺ لبدر في جيش عدده ألف وخمسمائة مقاتل،
وجهز أبو سفيان جيش هو كمان وخرج بألفين مقاتل، ووصل أبو سفيان لمنطقة قريبة جدا من مكة اسمها مَر الظّهران وعسكر هناك،
ولسه قصاده مشوار طويييل لبدر?
جيش المشركين إللي خرج ده خرج بالعافية، هم مش عايزين يواجهوا المسلمين تاني وخايفين منهم ومترددين في الخروج،
فأبو سفيان وقف وقال لهم:
يا معشر قريش! السنة دي سنة جدْب وقحط، ومش هينفع نخرج إلا في عام خِصب ترعون فيه الشجر وتشربون فيه اللبن، وأنا هرجع فارجعوا?
يعني بيقول لهم الزرع قليل أوي السنة دي، ومش هينفع معانا غير عام خصب الزرع فيه كثي ،عشان البعير ياكل كويس ويخرج لبن كثير وتشربوه وتتقووا به عالحرب،
إللي هو أي حجج وخلاص عشان يهربوا من مواجهة المسلمين?
تخيلوا بقى إن مفيش ولا واحد عارض قرار أبو سفيان وفعلا رجعوا كلهم?
ما هم لو كانوا حريصين على قتال رسول الله ﷺ والمسلمين كانوا جهزوا وجمّعوا فعلا وخرجوا للقتال زي ما خرجوا في غزوة بدر وأحد،
واحنا شفنا حماسهم وإصرارهم وتجهيزهم كان عامل إزاي في بدر وأحد،
فكان واضح جدا إنهم مش عايزين يقابلوا المسلمين في معركة،
رسول الله ﷺ قاعد مستنيهم، وكان من عادته إنه يفضل قاعد في مكان المعركة بعد انتصاره ثلاثة أيام،
دلوقتي قريش رجعت ورسول الله ﷺ مستني، فانسحاب المشركين معناه نصر المسلمين،
رسول الله ﷺ مقعدش بقى ثلاثة أيام زي كل مرة، لأ ده قعد ثمانية أيام متصلة في بدر?
إللي هو بيعلن لكل الناس :
شوفتم أنا قاعد مستني جيش مكة ومش خايف لا من قوتهم ولا أسلحتهم وهم إللي خافوا مننا احنا المسلمين ورجعوا لمكة?
والموضوع ده كان له أثر كبير جدا في كل الجزيرة العربية،
لأن جيش مكة هو أقوى قوة في الجزير

العانة لا يُترك أكثر من أربعين يوم،
فهو على الرغم من إللي هو فيه وإنه خلاص هيُقتل إلا إنه كان حريص على طاعة أمر رسول الله ﷺ ?
كان في امرأة زي ما بنقول سجانة، كانت بتجيب له الأكل في المكان المحبوس فيه، وكان عندها طفل صغير،
ففي يوم وهي قاعدة مع ابنها من التعب غَفَت، يعني راحت في النوم، والولد نزل من على رجلها يحبو، يعني يزحف لحد ما وصل عند خبيب،
فشافه خبيب وشاله وحطه على رجله،
وكان الموس ساعتها في إيده، فانتبهت الأم وفتحت عينها ملقتش ابنها، دورت عليه لقت الولد قاعد على رجل خبيب وماسكه بإيد وإيده التانية ماسك الموس،
راحت شهقت ?
طبعا خافت على ابنها، واحد كده كده مقتول فإيه المانع يعني لما ياخد في سكته واحد ولا اتنين عشان ينتقم منهم وهم أصلا هيقتلوه ظلما وعدوان?‍♀️
فلما شافها شهقت، قال لها: إنتي خايفة إني أقتله، والله لا أقتله، وترك الطفل يروح لأمه،
خبيب كان عارف كويس جدا إن كل مسلم هو سفير للإسلام يعكس صورته الحسنة عن طريق أخلاقه ومعاملاته الطيبة،
وده خلى المرأة تقول عنه: والله ما شفت أسيرا خير من خبيب?
وحكت عنه إنها شافته في يوم بياكل عنقود من العنب وهو مُقيد بالحديد ومفيش في مكة كلها حبة عنب?
فدي كانت كرامة من كرامات الله لخبيب رضي الله عنه،

خرج المشركون بخبيب لمنطقة اسمها التنعيم برة الحرم عشان يقتلوه هناك،
وقبل ما يقتلوه قال لهم سيبوني أصلي ركعتين، فتركوه يعني آخر طلب له في الحياة،
فصلى ركعتين خفيفتين وقال لهم:
لولا إنكم ممكن تظنوا إني خايف من القتل كنت طولت في الصلاة?
فكان خبيب هو أول من سن لمن يُقتل صبرا أن يصلي ركعتين?
◇طبعا رسول الله ﷺ لما عرف أقر الركعتين دول ولو كان فعله خطأ كان رسول الله ﷺ نبه وقال إللي فعله خبيب خطأ،
يعني مش أي حد يخترع حاجة في الدين نمشي وراه،
لازم يكون في دليل من القرآن او السنة?

☆فاكرين بقى معنى قتل الصبر?
معنى يُقتل صبرا إن الإنسان يُقتل في غير معركة أو حادثة،
يعني نجيب شخص كده ونكتفه ونقتله، سواء بالذبح أو ضرب النار أو بالسهام أو ...أو...
وقتل الصبر للمسلم له أجر عظيم يقول رسول الله ﷺ:
"قَتْلُ الصَّبْرِ لا يَمُرُّ بِذَنْبٍ إِلا مَحَاهُ "

بعد ما صلى خبيب دعا على كل الموجودين:
اللهم احصهم عددا ..واقتلهم بددا ..ولا تبقي منهم أحدا?
وكان أبو سفيان حاضر ومعاه ابنه معاوية،
فلما بدأ خبيب يدعو راح أبو سفيان رامي معاوية على الأرض وجعل وجهه للأرض حتى لا تصيبه دعوة خبيب،
هم كان عندهم اعتقاد إن المدعو عليه لو نزل في الأرض وألصق نفسه بها لم تصبه الدعوة،
وصلبه المشركون على خشبة عشان يقتلوه وكان أول مسلم يُصلب،
وأنشد خبيب شعر قبل قتله مباشرة، واشتهر منه :
ولستُ أبالي حين أُقتل مُسلما
على أيّ جنبٍ كان في الله مَصْرعي

يعني مادام أنا هموت على الإسلام مش مهم بقى إيه الطريقة إللي هموت بيها أو المكان إللي هموت فيه?
وقال : يارب مش لاقي حد يبلغ رسولك مني السلام فبلغه مني السلام!
فقام عقبة بن الحارث إلى خبيب وقتله وهو مصلوب?

أما الصحابي الثاني زيد بن الدّثنة إللي اشتراه صفوان بن أمية، أمر صفوان موْلى له اسمه نِسْطاس إنه يقتل زيد وكان ده في نفس اليوم إللي قُتل فيه خبيب،
لما أرادوا إنهم يقتلوا زيد جاء أبو سفيان وسأله وحلّفه بالله قال:
ناشدتك الله يازيد! تحب إنك تكون بين أهلك وأحبابك ومحمد عندنا هنا نضرب عنقه مكانك؟
فقال زيد بن الدثنة الأنصاري إللي لم يعش مع رسول الله ﷺ غير ثلاث سنوات فقط :
والله ما أحب إني أكون بين أهلي وأحبابي ومحمد في المكان إللي هو فيه تصيبه شوكة ?
فقال أبو سفيان:
أنا مشفتش حد من الناس بيحب حد زي حب أصحاب محمد لمحمد?

وقُتل رضي الله عنه وبكده يكتمل قتل العشرة من الصحابة،
هم أه قُتلوا وممكن نحس بالألم عشانهم، لكن هم في قبورهم مرتاحين، في أحسن حال، مُنعّمين في قبورهم?

إزاي وصل الخبر لرسول الله ﷺ ?
في نفس اليوم إللي حصل فيه الغدر وعرف الصحابة إنهم مقتولين دعا عاصم بن ثابت رضي الله عنه وقال:
اللهم بلغ عنا نبيك?
فاستجاب الله لعاصم وأخبر رسول الله ﷺ باللي حصل مع الصحابة العشرة في نفس اليوم?
طبعا رسول الله ﷺ حزن لمقتل أصحابه، كل واحد فيهم له معاه قصة، وهو بشر يحزن لما بيفقد حد بيحبه،
أيوة بيهون عليه لما يعرف إنهم في الجنة لكن حزن الفقد موجود وخصوصا لما يكونوا من المقاتلين الأشداء ومن المدافعين عن الإسلام?

للأسف حصلت في نفس الشهر حادثة هي أشد من حادثة مقتل العشرة، أدت لحزن رسول الله ﷺ حزن شديد جدا،
إيه هي الحادثة دي وإيه إللي حصل فيها،
ده إللي هنعرفه الجزء الجاي بعد بكرة إن شاء الله?

#Eman_Shalapy