*ጥቅምት ፳፮፦

✝️ማርያም ድንግል ለኤርምያስ ጽርሐ ቅድሳቱ፤
ዘኃደረ ውስቴትኪ ፀሐየ አርያም ዘየኃቱ፤
በከመ በከየ ለሕዝቡ አመ አፍለሥዎ ሎቱ፤
ወላዲተ አምላክ ንጽሕት በድንግልና ክልኤቱ፤
በከይኪ ወአስቆቀውኪ ለወልድኪ በእንተ ሞቱ!

✝️ሰላም ለከ ረድአ ክርስቶስ ጢሞና፤
ዘሤሙከ ሐዋርያት ዘምስለ ኒቃሮን ወጳርሜና፤
ወያዕቆብ ወልደ ዮሴፍ ዘውገ ናትናኤል ዘቃና፤
በጾም ወበጸሎት ወበኲሉ ትኅትና፤
ከመ ፊልጶስ ወአግናጥዮስ ዘአርታእከ ፍና!

✝️ያዕቆብ ሐዋርያ ገባሬ ፍቅር ወሰላም፤
ዘነበረ ጽሙደ በሃገረ ንጉሥ ኢየሩሳሌም፤
ወዘተናከራ ነዋኃ ለዛቲ ዓለም፤
ጢሞና ሐዋርያ መፍቀሬ ምጽዋት ወጾም፤
ፊልጶስ ወአግናጥዮስ ክቡራነ ስም!*

ዝክረ ቅዱሳን

ጥቅምት ፳፫፦

*✝️ማርያም ድንግል እንተ ኤልያስ ደመና፤
ወመሶበ ወርቅ ጽሪት ዘታስተፌስሒ ኅሊና፤
ከመ ይኩን ወልድኪ ሕብስተ ቁርባን ዘመና፤
አመ ተሦዐ በቀራንዮ ወተሰደ ውስተ ሲና፤
ያነድደኒ ብካይኪ ወዘረከበኪ ድክትምና!

✝️ሰላም ለመቃብሪከ በደብረ ሊባኖስ ገዳሙ፤
ለተክለ ሃይማኖት አቡከ ዘተሰብረ አጽሙ፤
ኤልሳዕ ዝክረ ስምከ ከመ ወይን ጣዕሙ፤
ከመ ዮሴፍ ወዲዮናስዮስ ዘተክዕወ ደሞሙ፤
ዘኃረየከ አምላክ ይትባረክ ስሙ።*

Share

Telegram
https://t.me/geeztheancient

YouTube ??
https://youtube.com/channel/UC0AbE445q7l1pDutVwpw5Ow

*ሥላሴ በሃይማኖተ አበው

?ቴዎፍሎስ ሊቀ ጳጳሳት ዘእስክንድርያ

"ኢሀሎ አብ ግሙራ ዘመነ እምነ አዝማን ዘእንበለ ወልድ ወኢወልድ ዘእንበለ መንፈስ ቅዱስ አላ ህልዋን በኵሉ ዘመን እንበለ ጥንት ወተፍጻሜት በ፫ቱ አካላት ፍጹማነ ገጽ ወመልክዕ እንዘ ኢይትዌለጡ ወኢይትፋለሱ።" ሃይ. ዘቴዎፍ. ፷፱፡፭፡

?ቴዎዶስዮስ ሊቀ ጳጳሳት ዘእስክንድርያ

"ኢሀሎ አብ መዋዕለ ዘእንበለ ወልድ ወእም ዝ ወለደ ወልደ ወአሥረፀ መንፈሰ ቅዱሰ አላ አብ ወወልድ ወመንፈስ ቅዱስ ቀዳማውያን እሙንቱ ወልድኒ ተወልደ እም እግዚአብሔር አብ ወመንፈስ ቅዱስኒ ወፅአ እምኔሁ። ሥሉስ ቅዱስ ኢፍጡራን። ኢኮነ ወልድ ፍጡረ አላ ውእቱ ተወልደ እም እግዚአብሔር አብ ወመንፈስ ቅዱስኒ ወፅአ እምኔሁ።" ሃይ. ዘቴዎዶ. ፹፪፡፲፬

?ሳዊሮስ ሊቀ ጳጳሳት ዘአንጾኪያ

"ኢሀሎ አብ ግሙራ ወኢ ከመ ቅጽበተ ዐይን እንበለ ወልድ ወመንፈስ ቅዱስ። ወኢሀሎ ወልድ ግሙራ ወኢ ከመ ቅጽበተ ዐይን እንበለ አብ ወመንፈስ ቅዱስ። ወኢሀሎ መንፈስ ቅዱስ ግሙራ ወኢ ከመ ቅጽበተ ዐይን ዘእንበለ አብ ወወልድ፥ አላ ሥሉስ ቅዱስ ዕሩያን ህልዋን ወትረ ዘእንበለ ጥንት ወኢተፍጻሜት።" ሃይ. ዘሳዊ. ፹፬፡፯

?አግናጥዮስ ሊቀ ጳጳሳት ዘአንጾኪያ

"አብሂ ውእቱ አብ ኢኮነ ወልደ ወኢመንፈስ ቅዱሰ። ወልድሂ ውእቱ ወልድ ኢኮነ አበ ወኢመንፈስ ቅዱሰ። ወመንፈስ ቅዱስሂ መንፈስ ቅዱስ ውእቱ ኢኮነ አበ ወኢወልደ። ኢይፈልስ አብ ለከዊነ ወልድ ወመንፈስ ቅዱስ። ወኢወልድ ለከዊነ አብ ወመንፈስ ቅዱስ ወኢመንፈስ ቅዱስ ለከዊነ አብ ወወልድ እሉ ፫ቱ አካላት ፍጹማን ዲበ መንበረ ስብሐት ወእኁዛን በጽምረተ ፩ዱ መለኮት።"  ሃይ. ዘአግና. ፲፩፡፯-፰

?ባስልዮስ ሊቀ ጳጳሳት ዘአንጾኪያ

"መቅድመ ኵሉ ንእመን በ፩ዱ አምላክ ዘቦቱ ፫ቱ አካላት አብ ወወልድ ወመንፈስ ቅዱስ ሥሉስ ዕሩይ እንዘ ፩ዱ ፫ቱ።" ሃይ. ዘባስ. ፴፬፡፪

?ጎርጎርዮስ ነባቤ መለኮት ኤጲስ ቆጶስ ዘእንዚናዙ

"ይቤ በእንተ ዕሪና ቅድስት ሥላሴ ወተዋሕዶተ መለኮት ዘኢይትሌለይ መቅድመ ኵሉ ንሰብክ ሥላሴ ዕሩየ ወቅዱሰ ዘውእቶሙ አብ ወወልድ ወመንፈስ ቅዱስ ሥላሴ በተዋሕዶተ መለኮት ዘኢይትሌለይ ወአካላትሰ ለለ ፩ዱ አካል ፍጹም ውእቱ በበ ገጹ ወበበ መልክዑ እንዘ ኢይትሌለይ በመለኮት።  ለአብ ቦቱ ስብሐት ወስመ አብና ወለወልድኒ ቦቱ ስብሐት ወስመ ወልድና እንዘ ኢየሐጽጽ እመዓርገ አብ በመለኮት ወመንፈስ ቅዱስሂ ከማሁ ኢየሐጽጽ እም ክልኤሆሙ በመለኮቱ።" ሃይ. ዘጎር. ፷፡፪-፫

?ዮሐንስ ሊቀ ጳጳሳት ዘእስክንድርያ

"አስማትሰ ኢየኀብሩ በበይናቲሆሙ ስመ አብ ለከዊነ ስመ ወልድ ወመንፈስ ቅዱስ፥ ወስመ ወልድ ለከዊነ ስመ አብ ወመንፈስ ቅዱስ፥ ወስመ መንፈስ ቅዱስ ለከዊነ ስመ አብ ወወልድ።" ሃይ. ዘዮሐ. ፺፡፱

?ፊላታዎስ ሊቀ ጳጳሳት ዘእስክንድርያ

"፫ቱ አካላት ሊሉያን እሙንቱ በበአካላቲሆሙ ዘውእቶሙ አካለ አብ ወወልድ ወመፈስ ቅዱስ ወ፩ዱ ውእቱ ህላዌሆሙ ወ፩ዱ መግሥቶሙ ወ፩ዱ ፈቃዶሙ ወአሐቲ ሥምረቶሙ ለሠለስቲሆሙ እንበለ ተፈልጦ ዘበአማን እስመ አብ ህልው በወልድ ወበመንፈስ ቅዱስ ወወልድ ህልው በአብ ወበመንፈስ ቅዱስ ወመንፈስ ቅዱስ ህልው በአብ ወበወልድ።" ሃይ. ዘፊላታ. ፻፭፡፬

?ቅዱስ ባስልዮስ ዘአንጾኪያ

"አንሰ ሶበ እቤ እግዚአብሔር እብል በእንተ አብ ወወልድ ወመንፈስ ቅዱስ እስመ አሐዱ ውእቱ መለኮተ ሥላሴ ወሠለስቲሆሙ አሐዱ በመለኮት፡፡" ሃይ. ዘባስ. ፺፮:፮

?አትናቴዎስ ሊቀ ጳጳሳት ዘእስክንድርያ

"አብ አምላክ፥ ወልድ አምላክ፥ መንፈስ ቅዱስ አምላክ፥ ወኢይትበሀሉ ሠለስተ አማልክተ፥ አላ አሐዱ አምላክ፡፡" ሃይ. ዘአት. ፳፭፡፬

?መጋቤ ምሥጢር ያሬድ ዘርአ-ቡሩክ*

??   ሌሎች መጻሕፍት ለማግኘት ?join

https://t.me/geeztheancient

??   ሌሎች መጻሕፍት ለማግኘት ?join

https://t.me/geeztheancient

" ምንባብ "

የሚከተለውን ጽሑፍ በቁም ንባብ አንብቡ።

●ርቱዕ ዕለተ ልደቱ ለክርስቶስ በቅዱሳት መጻሕፍት
*?***

፩ "ቀዳሜ በዓል ዘውእቱ ዕለተ ልደቱ ለክርስቶስ አመ ፳ ወ፭ ለታስዕ ወርሕ በኍልቈ ሐሳበ ዕብራውያን፤ ወበኍልቈ ሐሳበ ግብጻውያን አመ ፳ ወ፱ ለታኅሣሥ ዘውእቱ ራብዓይ ወርኅ።" መጽሐፈ ዲድስቅልያ ፳፱፡፩
፪ "ወይግበሩ በዓለ ልደቱ ለእግዚእነ በበ ዓመት በዕለተ ተወልደ አመ ፳ ወ፱ ለወርሐ ታኅሣሥ እስመ ውእቱ ርእሰ ኵሉ በዓላት።" ግጽው ሲኖዶስ ፩፡፴

፫ "ወካዕበ ያዕርፉ በዕለተ ልደት እስመ ጸጋ እግዚአብሔር በይእቲ ዕለት ዘተውህበ ለሰብእ እንተ ሀለዉ ይሴፈውዎ እም ቀዳሚ ፍጥረት ወባቲ አስተርአየ ቃሉ ዘእም ትካት ተሠጊዎ በዲበ ምድር ለመድሓኒተ ዓለም ውእቱ ኢየሱስ ክርስቶስ ዘተወልደ እማርያም ድንግል ዘንጽሕት እም ትሕዝብት ወርኵስ።" መጽሐፈ ኪዳን ቀዳማዊ ፩፡፳፱

፬ "ልደቱ ለእግዚእነ ኢየሱስ ክርስቶስ አመ ፳ ወ፱ ለወርሐ ታኅሣሥ።" ሃይ.አበ. ዘቴዎዶ*. ፶፫፡፩

፭ "ይቤሎ ንጉሥ ለብፁዕ ፊልጶስ ግበር መሥዋዕተ በጽባሕ በዐርብ ወበረቡዕ ለለ ተራከበ ቦሙ በዓለ ጌና። ወይቤሎ አቡነ ብፁዕ ምንትኑ ምክንያት ከመ እግበር ዘንተ። ወይቤ ንጉሥ እስመ ዮም ዕለተ ልደቱ ለእግዚእነ። ወይቤሎ ብፁዕ ክልኤቱኑ ዕለተ ልደቱ ለእግዚእነ ንሕነሰ ኢንቤ ተወልደ ክልኤተ ዕለተ ዘእንበለ አሐቲ ዕለት ዘእምርት ይእቲ በኀበ ኵሎሙ ምእመናን ዘውእቱ ፳ወ፱ ወአኮ ፳ ወ፰ ለታኅሣሥ። ወዘንገብርሂ በዓለ ልደት በበ ዓመት አኮ ዘንገብር እንዘ ንብል ይትወለድ በበ ዓመት አላ ከመ ኢይትረሳዕ ተዝካረ ልደቱ ለእግዚእነ ኢየሱስ ክርስቶስ እም እግዝእትነ ቅድስት ድንግል ማርያም በሥጋ ለመድኃኒተ አዳም ወዘርኡ በፍጻሜ ፶፻ ወ፭፻ ዓመት እም ፍጥረተ ዓለም አመ ምግበ አውግስጦስ ቄሣር ንጉሠ ሮም ዘፍካሬ ስሙ ጸዳል ወአመ መዋዕሊሁ ለሄሮድስ ዘነግሠ በኢየሩሳሌም እንዘ ውእቱ ኤዶማዊ።" ገድለ አቡነ ፊልጶስ ፪፻፭*

?እም ኀበ መጋቤ ምሥጢር ያሬድ ዘርአ-ቡሩክ
?ታኅሣሥ ፳፱/፳፻፲፮ ዓ.ም