Павел Баркоўскі, в.а. прадстаўніка па нацыянальным адраджэнні Кабінета, – пра вынікі Стратдыялогу «Беларусь – ЗША»

«У часе сесіі па тэме нацыянальнай ідэнтычнасці ўздымаліся пытанні, звязаныя з узроўнем падтрымкі намаганняў прадстаўнікоў беларускага грамадства супраціўляцца выклікам з боку «рускага свету» і яго праваднікоў у Беларусі. Абмяркоўваліся і магчымыя кірункі ўзмацнення дапамогі і ўзроўню ўзаемадзеяння паміж беларускім і амерыканскім бокам.

Па словах вядучага спікера панэлі, намесніка дырэктара USAID Эндру Хола, амерыканскі бок выдатна разумее важнасць падтрымкі беларускай нацыянальнай ідэнтычнасці і яе каштоўнасцей і выразна акцэнтуе яе адрозненні ад расійскай.

На праграмы падтрымкі праектаў, скіраваных на дапамогу беларускай ідэнтычнасці і культуры, а таксама праекты вывучэння англійскай мовы для беларускіх спецыялістаў і падтрымку жаночага прадпрымальніцтва ўрадам ЗША ўжо было выдаткавана крыху больш за 1 мільён долараў, а таксама каля 1,5 мільёна долараў на падтрымку інфраструктурных праектаў і праектаў падвышэння ўстойлівасці беларускіх арганізацый і ініцыятыў.

118 беларусаў змаглі скарыстацца амерыканскімі праграмамі адукацыйнага і прафесійнага абмену, каб ажыццявіць візіты ў ЗША ў межах праграмы падтрымкі грамадзянскай супольнасці і дэмакратыі.

У выступленнях іншых прадстаўнікоў з амерыканскага боку, у тым ліку дырэктаркі нядаўна адкрытай беларускай праграмы офіса USAID у Вільні спадарыні Колін Сміт падкрэслівалася гатоўнасць і далей працаваць з цікавымі і важнымі беларускімі праектамі і аказваць ім сістэматычную падтрымку. Перадусім у кірунку пашырэння стыпендыяльных праграм і праграм абмену для беларускіх студэнтаў (у тым ліку рэзідэнтаў Беларусі) у ЗША.

Асноўным пасланнем для амерыканскіх калег, якое я агучыў, стаўся запыт на прызнанне культурнай суб’ектнасці, ці суверэннасці беларускай нацыі, якая імкнецца мець права самастойна вызначаць свой вектар развіцця ў рэгіёне і свеце, а таксама ўспрымацца асобна ад цывілізацыі «рускага свету» ў сваёй шчыльнай гістарычнай сувязі з народамі былых ВКЛ і Рэчы Паспалітай».

@CabinetBelarus

Дзмітрый Лукомскі вызвалены з-пад варты ў Славакіі

Прадстаўніца па сацыяльнай палітыцы Кабінета Вольга Зазулінская, яе намеснік Віталь Малчанаў і дарадца па прававых пытаннях Офіса Святланы Ціханоўскай Леанід Марозаў застаюцца на сувязі з Дзмітрыем і будуць далей аказваць дапамогу і падтрымку па яго пытаннях у Славакіі.

Вольга Зазулінская: «*Мы рухаемся наперад у працы па справе Дзмітрыя Лукомскага. Я ўдзячная ўсім калегам за дапамогу.

Дзмітрый напісаў мне, што ўчора яго вызвалілі, прывезлі назад у лагер, у якім ён быў да затрымання, дзе ён, нарэшце, сустрэўся з жонкай Віялетай.

Жыхары лагера, якім Дзмітрый нібыта пагражаў і з якімі нібыта агрэсіўна сябе паводзіў са слоў адміністрацыі, абдымалі Дзмітрыя і віншавалі яго з вызваленнем, напярэдадні збіралі подпісы ў яго падтрымку.

Дзмітрый адзначыў таксама, што ў лагеры дзякуючы пратэстам і скаргам крыху палепшыліся ўмовы.

Ён плануе падаць у суд на кампенсацыю за тое, што адседзеў у турме, а пасля збіраецца пераехаць з лагера ў арэнднае жыллё і разам з жонкай чакаць статусу бежанцаў, прайсці лячэнне, зрабіць патрэбную яму аперацыю*»

@CabinetBelarus

О выдаче гуманитарных польских виз беларусам в Грузии

«После событий 2020 года в Беларуси, которые сопровождаются массовыми репрессиями и преследованиями со стороны режима Лукашенко, значительное число граждан Беларуси были вынуждены покинуть страну. Грузия стала одним из основных направлений для беларусов благодаря безвизовому режиму и прямому авиасообщению. До недавнего времени Грузия воспринималась как относительно безопасное убежище, однако изменившаяся социально-политическая ситуация в Грузии вызывает опасения», — 18 ноября заместитель руководительницы Объединенного Переходного кабинета, руководитель Народного антикризисного управления Павел Латушко обратился с официальным письмом в МИД Польши с просьбой о содействии при обращении в выдаче гуманитарных польских виз беларусам в Грузии.

27 ноября Павел Латушко получил ответ от заместительницы Министра иностранных дел Польши Хенрыки Мошчицкой-Дендыс на отправленное 18 ноября письмо, в котором указано, что МИД Польши и польские консулы уделяют особое внимание вопросам поддержки граждан Беларуси, преследуемых режимом Лукашенко и спасающихся от репрессий.

«... граждане Беларуси, находящиеся в Грузии, имеют право подать заявку на польскую визу только на основании самого факта пребывания на территории Грузии (в течении не менее 6 месяцев) без необходимости легализации своего нахождения», — говорится в ответе заместительницы Министра иностранных дел в адрес Павла Латушко

В письме МИД Польши сообщает: «...принимая во внимание положения Визового кодекса ЕС, хочу заверить, что мы внедрили особые меры для оперативной выдачи гуманитарных виз членам беларуской оппозиции в связи с ситуацией в Грузии, а также для текущего обслуживания граждан Беларуси, вовлеченных в продемократическую деятельность и стремящихся въехать в ЕС».

«Мы признательны польским властям за оказываемое содействие гражданам Беларуси, преследуемым режимом Лукашенко. Важно, чтобы беларусы могли рассчитывать на получение польской визы, особенно в случаях, когда они подвергаются политическим преследованиям со стороны режима Лукашенко, и их жизни угрожает реальная опасность», — отметил Павел Латушко.

Беларускія добраахвотнікі ва Украіне змогуць атрымліваць лячэнне і праходзіць рэабілітацыю ў медустановах Чэхіі па лініі Мінабароны

Прадстаўнік па абароне і нацыянальнай бяспецы Кабінета Вадзім Кабанчук сустрэўся з намеснікам міністра, кіраўніком напрамку абарончай палітыкі і стратэгіі Міністэрства абароны Чэхіі Янам Юрашам. Арганізаваў і суправаджаў сустрэчу Офіс дэмакратычных сіл Беларусі ў Чэшскай Рэспубліцы.

Кабанчук і Юраш абмеркавалі супрацоўніцтва паміж Прадстаўніцтвам па абароне і нацыянальнай бяспецы Кабінета і Міністэрствам абароны Чэхіі, праблемы рэгіянальнай бяспекі, у тым ліку ў сувязі з расійскай агрэсіяй супраць Украіны, а таксама пытанне нелегальных мігрантаў, з дапамогай якіх рэжым Лукашэнкі разам з Расіяй атакуюць межы Еўрасаюза.

Прадстаўнік Кабінета звярнуўся да намесніка міністра з просьбай аб прадастаўленні магчымасці лячэння і рэабілітацыі ў медычных установах Чэхіі для беларускіх добраахвотнікаў, якія абараняюць тэрытарыяльную цэласнасць Украіны ў складзе УСУ. Намеснік міністра адзначыў, што чэшскі бок не супраць аказання такой дапамогі для беларусаў.

@CabinetBelarus

«Мы заклікаем паскорыць распрацоўку сумесных дзеянняў, накіраваных на спыненне рэпрэсій, забеспячэнне вызвалення і рэабілітацыі беларускіх палітвязняў»

– У рэзалюцыю Форуму грамадзянскай супольнасцi Усходняга партнёрства ўключаны раздзел, прысвечаны сітуацыі ў Беларусі.

У Вене адбыўся першы самiт Форуму грамадзянскай супольнасцi Усходняга партнёрства, да ўдзельнікаў якога з вiтальным словам звярнуліся Высокі прадстаўнiк ЕС па пытаннях знешняй палiтыкi Жазэп Барэль, чалец Еўракамiсii Олівер Варгеi і кіраўніца Аб’яднанага Пераходнага Кабінета Святлана Цiханоўская.

Падчас двух дзён працы, з 19 па 21 лістапада, удзельнiкi саміта правялi дыскусii аб праграмах ЕС па Усходнім партнёрстве, якія садзейнiчаюць развiццю рэгiёна, спрыяюць забяспячэнню высокага ўзроўню абароны правоў чалавека, выкананню адпаведных абавязкаў з боку органаў дзяржаўнага кiравання і працэсам еўрапейскай iнтэграцыi.

На саміце выступiў прадстаўнiк па мiжнародным i еўрапейскім супрацоўнiцтве Кабінета Уладзімір Астапенка, якi падкрэсліў значнасць Усходняга партнёрства для беларускiх дэмакратычных сiл, зацiкаўленых у актыўным удзеле нацыянальных экспертаў у разнастайных праектах.

Уладзімір Астапенка адзначыў неабходнасць i надалей адрознiваць беларускi народ ад нелегiтымнай улады ў Беларусі, падтрымлiваць палiтычныя iнстытуты, створаныя дэмакратычнымi сiламi, cпрыяць узмацненню кантактаў беларусаў з еўрапейскiмi партнёрамi.

Вынiкам працы форуму ў Вене стала рэзалюцыя Генасамблеi форуму грамадзянскай супольнасці Усходняга партнёрства, у якой асобны раздзел прысвечаны падтрымцы беларускай грамадзянскай супольнасцi i дэмакратычных сiл.

На фоне наступстваў iзаляцыi рэжыму Лукашэнкі ад механiзмаў мiжнароднага супрацоўнiцтва, у тым лiку выхаду з праграмы Усходняга партнёрства, рэзалюцыя заклiкае краіны ЕС працягваць падтрымку беларускiх дэмакратычных структур, змагацца за вызваленне палiтзняволеных.

Мiжнародным партнёрам, сярод іншага, прапануецца засноўваць новыя фарматы супрацоўніцтва, улiчваючы дасягненні дэмсiл у межах Кансультатыўнай групы «Беларусь – ЕС», Кантактнай групы Рады Еўропы, а таксама Стратэгiчнага дыялогу «Беларусь – ЗША». Таксама рэзалюцыя заклiкае заахвочваць мабiльнасць беларускiх студэнтаў i навукоўцаў, а таксама рэалiзацыю культурніцкіх i адукацыйных праграм.

«Мы заклікаем паскорыць распрацоўку сумесных дзеянняў, накіраваных на спыненне рэпрэсій, забеспячэнне вызвалення і рэабілітацыі беларускіх палітвязняў і падтрымку руху краіны да дэмакратычнай цэласнасці, распрацаваных у супрацоўніцтве з беларускай грамадзянскай супольнасцю і дэмакратычнымі суб’ектамі. Больш за 1300 чалавек, у тым ліку прадстаўнікі грамадзянскай супольнасці і журналісты, застаюцца за кратамі па палітычна матываваных прычынах; гэты спіс увесь час папаўняецца новымі палітычнымі зняволенымі. Мы заклікаем ЕС і яго дзяржавы-члены прыкласці ўсе намаганні для іх вызвалення», – адзначаецца ў рэзалюцыі.

@CabinetBelarus

Аліна Коўшык стане кіраўніцай «Белсата»

Аліна Коўшык прызначана галоўнай рэдактаркай тэлеканала «Белсат» і пакідае Аб'яднаны Пераходны Кабінет. Прадстаўніцтва па нацыянальным адраджэнні Кабінета працягне працу.

Кіраўніца Аб’яднанага Пераходнага Кабінета Святлана Ціханоўская прывітала прызначэнне Аліны Коўшык на новую пасаду:

«Я шчыра віншую Аліну Коўшык з новым прызначэннем. Упэўнена, што яе праца на новай пасадзе ўзмоцніць «Белсат» і прынясе карысць нашай агульнай справе. «Белсат» мае вялізнае значэнне для Беларусі і дэмакратычнага руху, дае беларусам не толькі аб’ектыўную інфармацыю і пляцоўку для дыскусій, але і ўмацоўвае нашу нацыянальную ідэнтычнасць. З грамадскім і палітычным досведам, атрыманым у апошнія гады, Аліна вяртаецца да каманды, якую трэба захаваць і ўзмацніць у няпросты перыяд трансфармацыі тэлеканала.

Я ўдзячная Аліне за яе працу: міжнародныя сустрэчы высокага ўзроўню і гучны голас у абарону нацыянальнай ідэнтычнасці, арганізацыю канферэнцый, круглых сталоў па культурніцкай, адукацыйнай і гістарычнай праблематыцы, за стварэнне сеткі беларускіх школак у эміграцыі, за развіццё такіх праектаў, як Інстытут беларускай кнігі, Беларускі інстытут публічнай гісторыі і інш. Веру, што працу, распачатую Алінай, чакае дастойны працяг».

Аліна Коўшык: «Быць прадстаўніцай Аб’яднанага Пераходнага Кабінета – вялікі гонар. Працуючы ў гэтай камандзе, я многаму навучылася, пазнаёмілася са многімі замежнымі палітыкамі і кожную хвіліну імкнулася абараняць беларушчыну ўсімі дасяжнымі мне інструментамі. Я пакідаю каманду з распрацаванай Стратэгіяй, з шэрагам паспяховых кейсаў і канкрэтным планам на найбліжэйшую будучыню. Мы не развітваемся, я ўпэўненая, што беларускі дэмакратычны рух і «Белсат» непадзельныя. Нас чакае шмат выклікаў на ніве антыпрапаганды, стратэгічных камунікацый і папулярызацыі нацыянальнай культуры».

Нагадаем, Аліна Коўшык далучылася да Аб’яднанага Пераходнага Кабінета Беларусі ў верасні 2022 года. Да гэтага яна на працягу 15 гадоў працавала на «Белсаце», у тым ліку ў якасці галоўнай вядучай, рэдактаркі і прадзюсаркі тэлепраграм. Акрамя таго, Аліна Коўшык была сузаснавальніцай Цэнтра Беларускай Салідарнасці ў Варшаве і ІнБелКульт 2.0, а таксама клуба «Беларускі Варшавы». Па адукацыі Аліна Коўшык – гісторык. Выпускніца Гродзенскага дзяржаўнага ўніверсітэта імя Янкі Купалы, Цэнтра Усходняй Еўропы Варшаўскага ўніверсітэта і праграмы MBA ў сферы медыяменеджменту ў Стакгольмскай школе эканомікі ў Рызе.

@CabinetBelarus