▫️یاخشی دینله‌ییجی اولانلار اؤنملی‌دیرلر و چوخ آز تاپیلارلار.

? عشقین سئیری
#آلن_دو_باتن
#شعر_اوجاغی
@SheirOcagi

*▫️وورهاوور*

«ایندی رئوولوئردی¹، دؤنوم باشینا!
ناگاه اولور گوللـه‌فشان، پارتاپارت.»
میرزه‌علی‌اکبر صابر

▫️یئنه دونیا گورولداییر گورهاگور،
قیرهاقیرلا باشا چاتیر وورهاوور.

بعضاً بئله آچیق-آشکار قووهاقوو،
یاغلی اووو خارت‌ها‌خارت‌لا اووهااوو!

بعضاً قوزو قوردو گؤرور خاپ‌ها‌خاپ،
آسان اولور قاپ‌هاقاپ‌لا چاپ‌هاچاپ.

بعضاً اؤنجه دوست دونوندا قۏن‌هاقۏن،
سونرا بیردن زورهازورلا یۏن‌هایۏن!

هاردا وارسا شارت‌هاشارت‌لا پارت‌هاپارت،
اوردا دوشور های-هارای‌لا دارت‌ها‌دارت.

هاردا یئرلی یاتیب قالیر خورهاخور،
اوردا گلمه² یاتیر ییغیر سورهاسور.

هاردا خالقی سوی‌هاسوی‌لا قاچ‌هاقاچ،
اوردا یالتاق یادی اؤپور مارچ‌هامارچ.

هر اؤلکه‌ده بیر گۏرواگۏر، زؽروازؽر،
کۆیه باسیر، قان تؤکدورور شیرهاشیر.

نئجه‌دیرسه شیطان شرلی سال‌هاسال،
سونا یئتمیر چکیشمه‌لی چال‌هاچال.

#آغا_لاچینلی
¹- تاپانچا
²- اؤزگه- یئرلی اولمایان
#شعر_اوجاغی
@SheirOcagi

▫️ان غملی آنلار،
اونلارا داریخدیغین
آما تاپمادیغین آنلاردیر.

#نزار_قبانی
#شعر_اوجاغی
@SheirOcagi

▫️بو نه وطن‌دیر؟!
کنار قویور
قادین گؤزلری
و عشقین سیرّینی،
اوخول درسلریندن.

بو نه وطن‌دیر؟!
ساواشیر بولودلا، یاغیش‌لا.
سورغویا چکیر قیزیل گولو.

#نزار_قبانی
#شعر_اوجاغی
@SheirOcagi

▫️بیر گئرچک وارسا، او دا بودور: سنین منی نئجه اینجیتدیگینی اونوتموشام.

? بیاض گئجه‌لر
#فئودور_داستایئوسکی
#شعر_اوجاغی
@SheirOcagi

▫️سئوگی برابرلیک آختارمیر، سئوگی برابرلیگین اؤزودور.

? قیرمیزی و قارا
#استندال
#شعر_اوجاغی
@SheirOcagi

▫️اینسان هر نه قدر یالنیز و کیمسه‌سیز اولسا دا، همیشه اونو بو یالنیزلیقدان قورتاراجاق بیر نفر وار؛ ساده‌جه اونو تاپماق لازیم‌دیر. بیر چوخ حاللاردا دا اونو لازیم اولان یئرده تانری اؤزو گؤندریر.

? بو شهرده کیمسه یوخدور.
#رؤوشن_عبدالله‌اوغلو
#شعر_اوجاغی
@SheirOcagi

▫️...گؤرن نئیلیرسن ایندی،
پاپاق‌می توخویورسان،
یئمک‌می بیشیریرسن،
کیتاب‌می اوخویورسان،
گؤزلرینی قاپاییب-
آرزولارمی توتورسان؟
بیلمیرم دوشونورسن
یوخسا کی اونودورسان.

#قسمت_رستم‌اوو
#شعر_اوجاغی
@SheirOcagi

*▫️مندن سلام دئیین گؤزل تبریزه!*شفق‌لرده اوچان آخشام قوشلاری!
مندن سلام دئیین گؤزل تبریزه!
قاطار ایله گئد‌ن وطنه ساری،
آرخاداشلار، بیر باش وورون‌ دا بیزه!

آچین منیم تاختا، سینیق قاپیمی!
گؤرون عزیز آنام یولدان گلدی‌می؟!
اوشاقلاریم گؤرون اونوتموش غمی،
یوخسا اؤلوم، آجلیق وئریب دیز-دیزه؟!

بوراخمایین ائویم نمدن چوروسون،
قویون صبا توزلارینی سوپورسون!
قیزیل گونون نورو اونو بوروسون.
توخونمایین بنؤوشه‌یه، نرگیزه!

دومان چؤکوب اوفوق‌لری قارالتدی،
منه غوربت بیر جهنّم یاراتدی.
خزان یئلی باغچامیزی سارالتدی،
داها نه‌لر دئییم دوستلار من سیزه؟!

#حبیب_ساهر
@SheirOcagi

▫️گؤزلرین توتالیتر،
توتور
آلیر
ایتیریر آدامی!

#رسول_کریمزاده (عوصیان)
@SheirOcagi