▫️موتلو اولماغین یولونو، قارشیداکینی موتلو ائتمک سانیردیق.
یانیلدیق!
چونکی نه قدر موتلو ائتدیک‌سه،
او قدر یالنیز قالدیق.

#جمال_ثریا
#شعر_اوجاغی
@SheirOcagi

▫️شکیل‌لر

سن دَییشدین، شکیل‌لرین هئچ دَییشمه‌دی.
نئجه سئویرم بو آلبومو، بیلمزسن!

شکیل‌لر یالانچی دئییل،
شکیل‌لر اؤلمور،
اصلینده آجی اولان شئی، سئوگی‌لرین اؤلومودور.

ساختا رنگلر یئرینی کؤلگه‌لره بوراخمیش،
شکیل‌لرده سیاه-بیاض‌دیر گؤزلرین، دوداقلارین.
ایشده باخ! اللرین اللریمی گزیر شکیل‌لرده،
بس‌بللی‌دیر آنلادا بیلمه‌دیکلرین.

ایندی بیر چرچئوه‌دن گولومسه‌ییرسن منه،
خاطیرلاییرسان‌می بو شکیل چکیلدیگی گونو؟
باخیشلارین نه قدر دویغولو، نه قدر سیجاق!
آنلاییرام نه‌لر دوشوندویونو.

بیر باشقا شکیلده بیر آز کدرلیسن،
حوزونلو بیر ماهنی تؤکولور دوداغیندان.

ایندی سندن چوخ اوزاق بیر شهرده،
سنی سئیر ائدیرم بیر آلبوم یارپاغیندا.
بو قارانلیق یوخ ایدی، بیر زامان سن وار ایدین،
یاشاماق جؤمَردجه سۇندۇغۇن بیر ایشیق ایدی.

سن دَییشدین، اونلار هئچ دَییشمه‌دی،
شکیل‌لرین سندن وفالی چیخدی.

#اومید_یاشار_اوغوزجان
#شعر_اوجاغی
@SheirOcagi

*▫️من بیر چینارام*.

من بیر چینارام، اوجا بیر چینار،
تورپاقدان سو ایچیر قولوم، بوداغیم.
دوستلاریم سولمایان یارپاقلاریم‌دیر،
قوینوم قوشلار اوچون یاشیل اوتاغیم.

من بیر چمنم... گولوم، چیچه‌ییم-
نه خزان تانیییر، نه پاییز بیلیر.
چیچک‌لر گؤزوم‌دور، اوتلار کؤینه‌ییم،
باشیمدان دومانلار، چنلر چکیلیر.

من بیر بولاغام... دوم‌دورو سویوم-
سونسوز آرزولارتک چاغلاییب آخیر.
گئجه‌لر گوزگویَم آی ایشیغینا،
اولدوزلار، شکلینه گؤزومده باخیر.

من بیر آخار چایام... شیلتاق داغ چایی،
داشلاردان-داشلارا دَییب آخیرام.
اوجا ذیروه‌لردن ائنیب آشاغی،
باشیمی تورپاغا اَییب آخیرام.

من بیر جیغیرام داغ یاماجیندا،
دره‌نی ذیروه‌یه چاتماق ایسته‌رم.
بوتون جیغیرلاری ییغیب دؤوره‌مه،
حودودسوز یوللارا قاتماق ایسته‌رم.

من بیر اینسانام... عشقیم، دیله‌ییم،
شعیرله، نغمه‌یله آچیلیب دیلیم.
اینساندان آلدیغیم یاخشیلیق‌لاری،
واخت وئرین، اینسانا قایتارا بیلیم!

#طالع_حمید
#شعر_اوجاغی
@SheirOcagi

▫️عاصی‌لریم ائله هئی منی دفن ائله‌ییرلر،
«توکَنیب‌دیر» دئییرلر.
آما من ده بئله‌یم:
«باسدیریلاندان» سونرا
«توکَنَندن» سونرا دا،
اون جیلد کیتاب یازمیشام.
بیر گون اگر دوغرودان
اجل قاپیمی دؤیسه،
اؤلومه ده حاضیرام.
آمّا هله کی، ساغام
یازماقچون یاشاییرام،
یاشاماقچون یازیرام.

#آنار_رضایئو
#شعر_اوجاغی
@SheiOcagi

*▫️تانرینین اۆزۆ کیمی*

دوم‌دورویام، دوم‌دورو،
بولاغین گؤزو کیمی.
اریتمیشم حسرتی،
داغلارین بوزو کیمی.
دویغولار اوره‌ییمده
بسله‌نیر قوزو کیمی.
دادلی‌یام، بو دونیانین
چؤره‌یی، دوزو کیمی.
دوغولدوم یئرین عشقی،
گؤیون اولدوزو کیمی.
اۆز-گؤزوم ایشیقلانیب
تانرینین اۆزۆ کیمی.

#زلیمخان_یعقوب
#شعر_اوجاغی
@SheirOcagi

▫️دائیم عئیبه‌جرلیگی گؤرمه‌یه مجبور اولماق، گؤزللیک دویغولاری اولان اینسان اوچون ایشگنجه‌دیر.

? تنها
#آگوست_استریندبرگ
#شعر_اوجاغی
@SheirOcagi

▫️یئتکین‌لیگه چاتمایان ذهن، منطیقلی سبب تاپمایاندا خورافه‌لره ال آتیر.

? شرلوک هولمز دراکولایا قارشی
#آرتور_کانن_دویل
#شعر_اوجاغی
@SheirOcagi

*▫️ائششک اولماق ایسته‌ییرم.*

کاروان یولو ایتین ایمیش،
باشدا مئیدان بیتین ایمیش،
آدام اولماق چتین ایمیش،
ائششک اولماق ایسته‌ییرم.

فورصت یوخدو قاچامسا دا،
کیمه‌سه مؤحتاجامسا دا،
ضیالی‌یام، آجامسا دا،
ائششک اولماق ایسته‌ییرم.

دوشونمه‌یین کئفیم خوشدور!
یوخ اشیاسی، ائویم بوشدور،
کلّه‌م دولو، جیبیم بوشدور،
ائششک اولماق ایسته‌ییرم.

بو قدر دؤزموشم، یئتر!
اؤزومو اوزموشم، یئتر!
قانماقدان بئزمیشم، یئتر!
ائششک اولماق ایسته‌ییرم.

نه آغایام، نه ده بَی‌ام،
باخ، گؤزونون اؤنونده‌یم!
مادام کی ایت گونونده‌یم،
ائششک اولماق ایسته‌ییرم.

ایسته‌رم باغیریم، دئییم،
آللاهی چاغیریم، دئییم،
لاپ ائله آنقیریم دئییم:
ائششک اولماق ایسته‌ییرم.

#منصور_حسن‌زاده
#شعر_اوجاغی
@SheirOcagi

▫️آداملار بلکه تکراری اولالار، آما گئتدیکلرینده بیر داها تکرار اولمایاجاقلار. بس وار ایکن قدرلرینی بیلین!

#پرویز_پرستویی
#شعر_اوجاغی
@SheirOcagi

*▫️ائل'ه باغلی‌یام.*
آرخامدا دایانیب ساوالان داغی،
او داغلاردان آخان سئله باغلی‌یام.
ووقارلی خالقیما باتانماز یاغی،
ائلین بالاسی‌یام، ائل'ه باغلی‌یام.

اوددان یارانمیشام، دلی وولکانام،
وطنین دردینه آلیشام، یانام.
ایگیدلر اویلاغی، آذربایجانام،
وطنه باغلی‌یام، یولا باغلی‌یام.

پارلاق بیر گونشم، اولدوزام، آیام،
قوپوزدا دیل‌لنن هارایام، هایام.
اوچماسین تمَلیم، اوچماسین قایام،
چیسگینلی داغلاردا یئله باغلی‌یام.

ساوالان ووقارلی، آراز ائللی‌یم،
کوراوغلو نعره‌لی، چنلی بئللی‌یم،
آذربایجانلی‌یام، تورکو دیللی‌یم،
ایندی یاساق اولان دیله باغلی‌یام.

#آراز_آوانسر
@SheirOcagi