أيها الغائب الحاضر ...
لك مني سلام الله أبدا 🙏❤️

والله ماغبتَ عنا هُنيهة لكننا الغائبون عن معرفتك😔❤️

الحمد لله على تمام النعم🙏

هــو العِمة مو بالنــظر ...!
عباس ضامي بس نـهر

لٌـــبابة آلــ ياســين

كلمات
#لبابة_آل_ياسين
ألرادود
أبو عادل الركابي

?

عطشانة الجرب عباس
تِنــطر منــَّك الـــجيــَّة
تـــريدك ماتريد الـماي
جـــفك الهــا اللٌــمَّيــة

لٌــبابة مــهـدي آلــ ياســين

https://t.me/Lobabaallyassin313

تحت قلمي دعاؤكم بالتوفيق

الى مولاي صاحب النعمة وواسع الرحمة المذبوح المشافي الضمآن الذي يروي العطاشى بجود كرمهِ وطيب أحسانهِ

أهدي ثواب القصيدة لروح والدي

**شِجرة أنتَ واجيتك طير
رايــد عــشي بأغــصـانك
باب أهلي وعلي مسـدود
بـــَس مـفتوحـة بـيـبانك

جــيتك آنـه كِلي ذنــوب
وجايب بيدي تقـصـيري
خلي أيدك عَلي يَحسين
كون أطـّـلعــة الــخـيري
أجيت بـلهفة المــشتـاك
وكــلـّة ويــاك تــفكيـري
ماريدن أضـل تـــعبـــان
تــروح عــيونك الـغيري

كِلـها الكاع هـيمة اتصير
لــومـا بيــها عــنـــوانــك
باب أهلي وعلي مسدود
بــَس مـفتوحـة بـيـبـانك

مــِلحة زادي مـِـن زادك
وخــير الــدنيه بـعيونك
أيــدي مـِن تِدك صـدري
تــسأل سيّدي شـلونـك؟
ثــِكيله هــمومـها الدنيا
بـَس تـشــيلها امــتونك
آنــه الأنــحسب عايـِش
وتـدري ميــِّت بــدونـك

ســاتر ذنــبـــي وعـيــوبي
رايــد آنــه غـــفــــرانـــك
باب أهلي وعَلّي مسـدود!
بـــَس مــفتوحـة بـيـبانك

فِــطرس مــن نِــزل كَدره
أخــذ جــبريل واســطتـه
يــدري بــالـعــرش نـورك
لايــذ بــيــك بـــس أنــته
هَــنَّــه بــجيتك الــوالـــي
وفـرحــت حــيل فاطمته
الله لــــو طــفــت نــــاره
فتـح بـحسين بـس جَنته

أجــيك بــكل وكت أنــحب
واصــيحـن آه يـــحــزانــك
باب أهـلي وعلي مـســدود
بـــَس مــفـتوحـة بــيــبانك

أعيش ابـغربـتي ومكسور
اذا أحـسَّــك عَلي زعــلان
هو الــمايـِعــرفه أحســين
هذا شلون أحسبه أنسان؟
كِلّ الخير أجه أبــطاريـك
بذرة وحِــضنت الكـيعـان
هو الـشــوف مــو بالـعين
الماشـافك صدك خسـران

كـَــطــرة مـــاي يامــولاي
تـرَّوي وآنــه عــطشــانـك
باب أهلي وعَلّي مسـدود!
بـــَس مــفتوحـة بـيـبـانك

ما مــرتــاح يــَحـســـينــي
كَلي شـلـون أنه أوفيــلك؟
تــِلجع جـمـــرة أفــراكــك
بــيا جــلـمــات أشكـيـلك ؟
كـَدري لـو عٌــــرَف كــدرك
عـمري ســـنـينه يـــِهديـلك
أنه الجايـك على أسـرافي
وجــيت بدمعـتي أوميـلك

اجـــيتـك يـانــبـع صـافــي
خـِذني بـــجفـة أحـسانـك
باب أهلي وعلي مســدود
بـــَس مـفـتوحـة بــيـبانك

خــذني ويــاك يَحــسينــي
بَس يــمك صــدك أرتــاح
إنــت لـــو أحــس أغـــرك
تـِجيـني ابلهــفة الــسبَّاح
كــِلها الــدنيا مــاتــِســوة
لو مــن يـَمي حــِسَّك راح
شــفته كَليبي مِن مقـفول
بس اسـمك يِصـح مفتاح

تــردهــا حكــوكنا أمــربـع
يـــِهــل بــالـخـير مـيـزانك
باب اهــلي وعلي مـسدود
بـَــس مــفـتوحـة بيـــبانك

تــمت بــقلم ...
لٌبــابة آلـــ يـــاســين
٢٩ نوفمبر ٢٠٢٤**

#لبابة_آل_ياسين
#الحسين
#قصائد_حسينية

https://t.me/Lobabaallyassin313

راح تنزل قصيدة بعد شوية أفتخر بكتابتها

لبابة ال ياسين