قال رسول الله ﷺ:
“ إنَّ أولى النَّاسِ بي يَومَ القيامةِ أَكْثرُهُم عليَّ صلاةً”

أكثِروا من الصَّلاة على النبي ﷺ

اللهم صل وسلم على نبينا محمد وآله وصحبه أجمعين

የጁመአ ቀን ሱናዎች

~ገላን መታጠብ
~ ጥሩ ልብስ መልበስ
~ሽቶ መቀባት ለወንዶች
~ ሲዋክ
~ ማልዶ በግዜ ወደ መስጅድ መሄድ
~ ሱረቱል ካህፍን መቅራት
~ዱአ ማብዛት
~ በረሱል (ﷺ) ላይ ሰለዋት ማብዛት

‌

አንድ አሊም ተጠየቁ አንድ ሰው ተውበት ሲያደርግ ተውበቱ ተቀባይነት ያግኝ አያግኝ ይታወቃልን?

" ይህ እንኳን በእርግጠኝነት ሚታወቅ ነገር አይደለም። ነገር ግን ምልክቶች አሉት። ተውበቱ ተቀባይነት ሲኖረው ነፍሱ ከሰራው ሀጥያት መላቀቁ፣ ደጋጎችን መቀማመጡና ከመጥፎ ሰዎች መነጠሉ አንዱ ምልክት ነው። ለዱንያ ሚሰራት ትንሽ ስራ ስትበዛበት። ለአኼራ ሚሰራው ብዙ ስራው ሲያንስበት። ቀልቡ አላህ በደነገጋቸው ነገራቶች ላይ ሲተሳሰር። ሰዐቲቱን ከሚጠባበቁት ሲሆን። ሁሌም በሰራው ጥፋት ሲብሰለሰልና ፀፀት ሲሰማው ቅቡልነቱን ማወቅ ይቻለናል። "  በማለት መለሱ።

የአንዳንድ ወንዶችና ሴቶች ልብ → ልክ እንደ bluetooth ነው፤ ያገኘውን ኮኔክት ያደርጋል። የጀግና ወንድና የጥብቅ ሴት ልጅ ልብ ግን → በምንም መልኩ ሐክ የማይደረግና እንደ WiFi password የሚጠይቅ ነው። ፓስወርዱም ትክክለኛ ኒካሕ ነው!

ልጄ ሆይ ዱንያ እንደ ጥልቅ ባህር ነች።በሷም ውስጥ ከሰዎች ብዙዎች ሰጥመዋል። ስለዚህ በሷ ላይ ለመንሳፈፍ ከፈለግክ ጀልባህን የአላህ ፍራቻ፤ መቅዘፊያህን ኢማን፤ መንገድህን ደግሞ በአላህ ላይ መመካት አድርግ።

➯ጥበበኛው ሉቅማን ለልጃቸው ከመከሩት

@newewiy

«ዝምድና በአርሽ ላይ ተንጠልጥላለች። እኔን የቀጠለ አላህ ይቀጥለው እኔን የቆረጠኝን አላህ ይቁረጠው ትላለች።»

ረሱል (ﷺ)

መውሊድን ከማላከብርበት ምክንያቶች፦

1) ረሱል ﷺ የተወለዱት አመል ፊል በተባለው አመት ነበር ፤ አብረሃ ካዕባን ለማፍረስ የሞከረበት አመት ማለት ነው። እንዲሁም የተወለዱት ሰኞ ቀን እንደሆነና ቀኑን እንደሚፆሙት ነግረውናል፤ ሆኖም የቱኛው ሰኞ እንደሆነ ግን የተገለፀ ነገር የለም። እርግጠኛ ሆኖ መናገር የሚቻለው የተወለዱት በዓመል ፊል ሰኞ ቀን መሆኑን ብቻ ነው። ከዚህ ውጭ ያለው ሁሉ ስምምነት የለበትም።

2) ነብዩ ﷺ በዱንያ ላይ 63 አመታትን ቆይተዋል ፤ በዚህ ረጅም ቆይታቸው በፍፁም አንድም ቀን አመት ጠብቀው ይህ የተወለድኩበት ቀን ነው ብለው አላከበሩም አልተናገሩምም። ሰኞ ቀን መወለዳቸውን ከመግለፅ ውጭ።

3) ከዚህ ውጭ የረሱል ﷺ ባልደረቦች ፤ ታቢኢዮችም ይሁኑ አራቱ አኢማዎች ማለትም ኢማሙ አቡ ሀኒፋ ፣ ኢማሙ ማሊክ ፣ ኢማሙ ሻፊዕይ ኢማሙ አህመድና እንደ እነ ኢማሙ ዙህሪ ሱፍያኑ ሰውሪ ኢማሙል አውዛኢይ እና ሌሎችም ይህንን ቀን ነብዩ የተወለዱበት ቀን ብለው አላከበሩም። ቀን ቆርጦ ማክበሩ መልካም ቢሆን በቀደሙን ነበር።

4) እንዲሁም ረሱል ﷺ ኸይር ነገር የተባለን ነገር ሁሉ እንደጠቆሙንና እንዳመላከቱን መጥፎን ነገር ደግሞ እንደከለከሉንና እንዳስጠነቀቁን ግልፅ አድርገው ነግረውናል። ሆኖም መውሊድን አክብሩልኝ ብለው የተናገሩት ነገር ግን በፍፁም የለም።

5) ረሱል ﷺ ተወለዱበት ተብሎ የሚከበረው ረቢዐል አወል 12 ኡለሞች ዘንድ ያለ ልዩነት አሽረፈል ኸልቅ የሞቱበት ቀን እንደሆነ ተስማምተዋል። የተወለዱበት ቀን መች እንደሆነ እርግጠኛ ሳይሆኑ የሞቱበት ቀን መሆኑን ግን ስምምነት እያለ በምን መልኩ ይህን ቀን አቅል ያለው ሰው በዓል አድርጎ ያከብረዋል።

አነስ ኢብኑ ማሊክ እንዲህ ይላሉ፦ 『ረሱል ﷺ የሞቱበት የመሰለ አስከፊና ጨለማ ቀን አልገጠመኝም።』ሚሽካቱል መሳቢህ

6) ነብዪ ﷺ ሰኞ ቀን የተወለዱበት ቀን መሆኑን ሲናገሩ ቀኑን በፆም እንደሚያሳልፉት ተናግረዋል። ቀኑ እንደ ዒድ በአል ተደርጎ ቢቆጠር ኖሮ አይፆሙትም ነበር ምክንያቱም በኢድ ቀን መፆም የተከለከለ ነውና። እርሳቸው የተወለዱበትን ሰኞ ቀን በመፆማቸው ውስጥ ለአዕምሮ ባለቤቶች ጥቆማ አለ። ይህም የተወዱበትን ቀን ኢድ አድርጎ መያዝ አለመቻሉን ነው።

ጌታዬ ሆይ! ያንተንም የመልዕክተኛህንና የናንተን ወዳጆች የሚወድ ልብ ለግሰኝ! አቡ ቁዳማ